07 October 2016

Иштироки Раиси Кумита дар ифтитоҳи бинои нав дар шаҳри Панҷакент

Баъд аз қисми расмии ифтитоҳи бинои нави маъмурии бахши ҳифзи муҳити зисти шаҳри Панҷакент Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, раиси шаҳри Панҷакент Ислом Зиёзода, сардори Раёсати ҳифзи муҳити зисти вилоят Темурҷон Нӯмонзода дар назди бино бо мақсади сарсабзии ҳамешагии ин мавзеъ ниҳолҳои дарахтони  ҳамешасабз шинониданд.

Читать далее

Қадрдонӣ бо мукофотҳои соҳавӣ

Дар  қисми ифтитоҳи бинои нави бахши  ш.Панҷакент аз ҷониби Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ба собиқ мудири бахш  Иноятов У., ки ба нафақа баромад нишони сарисинагии “Корманди фахрии ҳифзи муҳити зист” супорида шуд.

Бахшида ба ҷашни 25-солагии Истиқлолияти Ҷумҳурии Тоҷикистон  мукофотҳои соҳавӣ - нишони сарисинагии «Корманди фахрии ҳифзи муҳити зист» ба мудирони бахшҳои ноҳияҳои Мастчоҳ  Шохоҷаев  Ҳасанхоҷа ва Айнӣ Халилов Шараф, мутахассиси пешбари бахши н.Ч.Расулов Ҳасанов Улуғбек супорида шуд. Ғайр аз он, сардори Раёсат Темурҷон Нӯмонзода, сардорони шӯъбаҳои Раёсат Раупов Даврон ва Самадов Алишер бо ифтихорномаи Раиси Кумита сарфароз гардонида шуданд.

Читать далее

Ҷаласаи Раёсат оид ба ҷамъбасти фаъолияти 9 моҳа

Дар маҷлисгоҳи бахши ш.Панҷакент бо иштироки Раиси Кумита Хайрулло Ибодзода ҷаласаи Раёсат оид ба ҷамъбасти натиҷаҳои фаъолият дар нӯҳ моҳи соли равон ва вазифаҳои минбаъда баргузор гардид. Дар давоми ҷаласа баъд аз ҳисоботи сардори Раёсат  ва баромадҳои сардорони шӯъбаҳою мудирони бахшҳои шаҳру ноҳияҳо аз тарафи Раиси Кумита пурсиш ба амал оварда шуда, барои боз ҳам беҳтар намудани фаъолият дастуру супоришҳо дода шуд.  Дар ҷаласа фаъолияти хуби бахшҳои шаҳру ноҳияҳои Ашт, Панҷакент, Айнӣ, Конибодом ва Спитамен қайд  гардид.

Читать далее

Ифтитоҳи бинои нави бахши ш.Панҷакент

Санаи 5 октябри соли равон  ифтитоҳи бинои нави бахши ҳифзи муҳити зисти ш.Панҷакент бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, раиси шаҳри Панҷакент Ислом Зиёзода, кормандони зерсохторҳои Раёсат дар шаҳру ноҳияҳо ва намояндагони мақомоти иҷроияи ҳокимияти давлатии маҳаллӣ  баргузор гардид.

Бинои мазкур дар муддати нуҳ моҳ дар  майдони 800 м2  сохта шуда, мавриди баҳрабардорӣ қарор гирифт. Он аз се ошёна, 8 ҳуҷраҳои корӣ, толори маҷлисгоҳ, ки минбаъд ҳамчун маркази бозомӯзӣ фаъолият мебарад ва меҳмонхона дар ошёнаи сеюм иборат мебошад.

Читать далее

Скачано с веб-сайта JooMix.org.