November 2016
25 November 2016
Маҷлис бахшида Рӯзи Парчами давлатии Ҷумҳурии Тоҷикистон
- Подробности статьи
- Автор
- Категория News
Санаи 24 ноябри соли равон дар толори маҷлисгоҳи Раёсат бахшида ба Рӯзи Парчами давлатии Ҷумҳурии Тоҷикистон соати ахбори сиёсӣ бо иштироки кормандони Раёсат доир гардид. Дар баромади худ муовини сардор ва сармутахассиси Раёсат дар бораи дар Конститутсияи Ҷумҳурии Тоҷикистон Парчам, Нишон ва Суруди миллӣ эълон шудани нишонаҳои соҳибихтиёрии давлату миллат ҳамчун рамзҳои асосии Тоҷикистон қайд намуданд. Боиси қаноатмандист, ки ҳар сол 24 ноябр ҳамчун Рӯзи иди Парчами давлатӣ бо ифтихору сарбаландӣ аз давлату давлатдории миллати тамаддунсози худ ҷашн гирифта мешавад. Бо эълон доштани истиқлолияти давлатии Тоҷикистон дар баробари зиёда аз 100 давлати кишварҳои дунё дар назди бинои ташкилоти бонуфузи байналмилалӣ - Созмони Милали Муттаҳид Парчами Ватани мо партавафшон гардид, ки давлати моро ба ҷаҳониён муаррифӣ намуд. Дар рафти маҷлис кормандон нисбати ҷашни мазкур ибрози ақида намуданд.
15 November 2016
Вохӯрӣ ба ифтихори Рӯзи Президент
- Подробности статьи
- Автор
- Категория News
Дар Раёсати ҳифзи муҳити зисти вилояти Суғд бахшида ба Рӯзи Президенти Ҷумҳурии Тоҷикистон соати ахбори сиёсӣ бо иштироки Абдураҳим Азимов, дотсенти кафедраи маркетинг ва агробизнеси Донишгоҳи давлатии ҳуқуқ, бизнес ва сиёсати Тоҷикистон, н.и.к. ва кормандони Раёсат доир гардид.
Азимов А. дар мавзӯи “Президенти Тоҷикистон Эмомалӣ Раҳмон ва эъмори давлати соҳибистиқлол” баромад намуда, изҳор дошт, ки маҳз бо талошу заҳматҳои Пешвои миллат мӯҳтарам Эмомалӣ Раҳмон Тоҷикистон дар сатҳи ҷаҳонӣ ҳамчун давлати соҳибистиқлолу ваҳдатофар шинохта шудааст. Ҳамчунин, мавсуф дар бораи аҳамияти Рӯзи Президент ҳарф зада, таъкид намуд, ки барои наслҳои имрӯз ва оянда донистан ва қадр кардани хизматҳои содиқонаи Президенти мамлакат ва Қаҳрамони Тоҷикистон Эмомалӣ Раҳмон ниҳоят зарур аст, зеро Роҳбари хирадманди мо тавонист дар як муддати кӯтоҳ кишварро аз ҷанги шаҳрвандӣ бароварда, миллатро аз нобудшавӣ наҷот бахшад.
Ба сўзиши хазон роҳ надиҳед
- Подробности статьи
- Автор
- Категория News
“Сўзонидани партов ва баргҳои дарахтон дар кўчаву хиёбонҳо, майдону боғҳо ва гулгашту боғҳои фарҳангу фароғатӣ қатъиян манъ аст”
Фасли тирамоҳ дар баробари фасли заррин будан, боз мушкилотҳоеро ба миён меорад, ки кормандони соҳаи коммуналӣ барои халосӣ аз он танҳо як “усул” -ро ба кор мебаранд, ки ин сўзиши хазон мебошад.
Мутобиқ ба таҳлилҳои мутахассисони соҳаи муҳити зист роҳ додан ба сўзонидани партов боиси хурўҷи касалиҳои диққи нафас гардида, нороҳатии шаҳрвандонро ба миён меорад. Таъкид менамоем, ки дар қатори дигар партовҳои аз рўзгор ҳосилшаванда барги хазоншуда низ ба партов табдил меёбад ва дар бисёр ҳолатҳо барои аз партовҳо раҳоӣ ёфтан кормандони соҳаи коммуналӣ ва дигар шахсони вобаста шуда, ба оташ задани барги хазонгашта даст мезананд.
14 November 2016
Семинари бозомӯзӣ
- Подробности статьи
- Автор
- Категория News
Санаи 11 ноябри соли равон дар толори маҷлисгоҳи Раёсат бо мақсади баланд бардоштани савияи дониши кормандони мақомоти ҳифзи муҳити зист, татбиқи дурусти қонунгузории соҳавӣ ва тарбияи кадрҳо семинари бозомӯзӣ бо иштироки сардорони шӯъбаҳо ва мудирони бахшҳои ҳифзи муҳити зисти шаҳру ноҳияҳо ва мутахассисони соҳа баргузор гардид.
Мувофиқи барнома дар семинари мазкур мутахассисон оид ба моҳияти Қонуни Ҷумҳурии Тоҷикистон «Дар бораи таъмини амнияти экологии нақлиёти автомобилӣ» ва татбиқи он дар фаъолияти кории мақомоти ҳифзи муҳити зист, рафти иҷрои қарори Раиси вилоят аз 25.05.2015, №263 «Дар бораи татбиқи Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва амри Раиси вилоят аз 14.12.2015, №228
10 November 2016
Вохӯрӣ бо тарбиятгирандагони кӯдакистон
- Подробности статьи
- Автор
- Категория News
Баҳри дар амал татбиқ намудани «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», нақшаи чорабиниҳои Маркази бозомӯзии Раёсат санаи 3 ноябри соли равон дар Маркази бозомӯзии ш.Гулистон вохӯрӣ бо кӯдакони кӯдакистони №1 «Офтобак»-и шаҳр дар мавзӯи «Ҳифз намудани табиат» доир гардид. Мутахассисони бахши ҳифзи муҳити зисти шаҳри Гулистон ба кӯдакон оиди табиати зебои диёрамон, дӯст доштан ва ҳифз намудани олами наботот ва ҳайвонот сухан намуданд. Дар навбати худ кӯдакон дар васфи табиат ва диёр, тирамоҳи заррин шеърҳо қироат намуданд.
Эълон
- Подробности статьи
- Автор
- Категория News
Раёсати ҳифзи муҳити зисти вилояти Суғд барои ишғоли мансабҳои холии маъмурии хизмати давлатӣ озмун эълон менамояд:
- Сардори Шӯъбаи банақшагирӣ, муҳосибот ва молияиРаёсат маоши мансаби 1207,90 сомонӣ; (категорияи сеюм)
- сардори шӯъбаи назорати давлатии истифода ва ҳифзи захираҳои оби раёсати ҳифзи муҳити зисти вилояти Суғд маоши мансаби 1207,90 сомонӣ; (категорияи сеюм)
- сармутахассиси Шӯъбаи назорати давлатии истифода ва ҳифзи замин ва муомилот бо партовҳои Раёсат маоши мансаби 894,40 сомонӣ; (категорияи панҷум)
- Мутахассиси пешбари Шӯъбаи назорати таҳлилии Раёсати ҳифзимуҳитизистивилояти Суғд; маоши мансаби 769,60 сомонӣ; (категорияи шашум)
Талаботҳои тахассуси барои мансабҳои маъмурии категорияи сеюм;
08 November 2016
Маҷлис бахшида ба Рӯзи Конститутсияи Ҷумҳурии Тоҷикистон
- Подробности статьи
- Автор
- Категория News
Санаи 4 ноябри соли равон дар маҷлисгоҳи Раёсати ҳифзи муҳити зисти вилоят бахшида ба Рӯзи Конститутсияи Чумҳурии Тоҷикистон маҷлис бо иштироки кормандон доир гардид. Дар баромади худ сардори Раёсат Темурҷон Нӯмонзода иброз намуд, ки боиси ифтихор аст, ки Конститутсияи Ҷумҳурии Тоҷикистон аз ҷониби Созмони амнияту ҳамкорӣ дар Аврупо яке аз панҷ конститутсияҳои беҳтарини давлатҳои аъзои ин ташкилоти мӯътабари байналмилалӣ эътироф шудааст. Маҳз сокинони Ватани соҳибистиқлоламон бо қабули Қонуни асосии кишвар барои ташаккули давлати демократӣ, дунявӣ ва ҳуқуқбунёд заминаи боэътимод гузоштаанд. Арзиши баланди Қонуни асосии кишвар дар моҳияти сиёсиву фарҳангӣ, иқтисодию иҷтимоӣ, давлатию ҳуқуқӣ, таърихию анъанавӣ ва миллӣ доштани он зоҳир мешавад.
Семинари бозомӯзӣ таҳти унвони «Ғайриқонунӣ буриши дарахтон дар фасли зимистон»
- Подробности статьи
- Автор
- Категория News
Баҳри сазовор пешвоз гирифтани Рӯзи Конститутсияи Ҷумҳурии Тоҷикистон, дар амал татбиқ намудани «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» санаи 2 ноябри соли равон дар Маркази бозомӯзии ш.Гулистон семинари бозомӯзӣ дар мавзӯи «Ғайриқонунӣ буриши дарахтон дар фасли зимистон» бо намояндагони корхонаву ташкилотҳо доир гардид. Мутахассисони бахши ҳифзи муҳити зисти шаҳри Гулистон оиди роҳ надодан ба қонуншиканиҳо дар самти ҳифзи олами наботот, буриши ғайриқонунии дарахтон дар фасли зимистон, вусъат бахшидан ба корҳои ободонӣ, ки солҳои охир дар тамоми шаҳру деҳоти вилоят дар сатҳи хуби ташкилӣ ба роҳ монда шудааст маърӯзаҳо намуданд.
01 November 2016
Ҷамъбасти озмун байни рӯзноманигорон
- Подробности статьи
- Автор
- Категория News
Дар Раёсати ҳифзи муҳити зисти вилоят ҷамъбасти озмуни вилоятии «Истифодаи энергияҳои барқароршаванда – омили муҳими пешгирии тағйирёбии иқлим» байни намояндагони воситаҳои ахбори омма баргузор гардид. Бо сухани муқаддимавӣ сардори Раёсат Темур Нӯмонзода баромад намуда, қайд кард, ки чун анъана ҳар сол аз тарафи Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи сиёсати Ҳукумати Ҷумҳурии Тоҷикистон дар самти баланд бардоштани маърифати экологии аҳолӣ ва ҳавасманд намудани рӯзноманигорон ҷиҳати ташвиқу тарғиби ҳифзи муҳити зист ва мусоидат ба ҳалли мушкилоти экологӣ озмун гузаронида мешавад. Матбуот ва воситаҳои ахбори омма дар замони ҳозира, дар ҳаёт ва ҷаҳонбинии мардум, нақши бузург дорад. Маҳз тариқи телевизион ва радио, рӯзномаву маҷаллаҳо аҳолӣ аз гузоришу навидҳои муҳимтарини ҷамъият огоҳӣ меёбанд.