February 2019

28 February 2019

Аксияи «Тозагии маҳал» дар вилояти Суғд

Подробности статьи: Автор; Категория News

Раёсати ҳифзи муҳити зисти вилоят бахшида ба эълон гардидани солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» бо мақсади беҳтар намудани ҳолати экологӣ, тозаву обод нигоҳ доштани муҳити зист дар шаҳру ноҳияҳои вилоят, бахшида ба пешвози сазовори идҳои давлатии миллӣ, аз ҷумла Иди Наврўзи байналмилалӣ, Рўзи Ваҳдати миллӣ, 28-ум солгарди Истиқлолияти давлатии Ҷумҳурии Тоҷикистон, Рўзи Конститутсияи Ҷумҳурии Тоҷикистон ва баҳри иҷрои фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 24.01.2019, №07 дар бораи гузаронидани аксияи «Тозагии маҳал» як қатор корҳоро ба анҷом расонид.

Мувофиқи ҷадвали баргузории аксияи «Тозагии маҳал» дар ҳудуди ҳар як шаҳру навоҳии вилоят дар як моҳ ду маротиба чунин аксия гузаронида шуда, корҳои кабудизоркунию ободонӣ, таъмири биною иншоотҳо, тоза намудани гирду атрофи идораҳо, иншоотҳои иҷтимоию кўчаю хиёбонҳо, обод намудани гулгашт ва боғҳои истироҳатию фароғатӣ, кашонидани партовҳо аз кӯчаҳои ҷамоат ва тоза намудани ҳудудҳои манбаъҳои обӣ, насби шиору овезаҳо ба иҷро расонида мешаванд.

Ярмарка-фурўши ниҳолҳо дар маркази вилояти Суғд

Подробности статьи: Автор; Категория News

Раёсати ҳифзи муҳити зисти вилоят барои дар сатҳи баланд гузаронидани маъракаи ободонӣ ва кабудизоркунии мавсими баҳори соли 2019 тибқи талаботи Қонунҳои Ҷумҳурии Тоҷикистон "Дар барои ҳифзи муҳити зист", "Дар бораи муҳофизат ва истифодаи олами наботот" ва Кодекси ҷангали Ҷумхурии Тоҷикистон назорати давлатиро дар самти мазкур доир намуда, дар асоси амри Раиси вилояти Суғд аз 08.02.2019, №36 амр "Дар бораи гузаронидани ярмарка - фурўши ниҳол, кўчату тухмии гулу зироатҳо" дар шаҳри Хуҷанд як қатор корҳоро ба анҷом расонид.

Санаи 23 феврали соли ҷорӣ дар майдони назди Театри мазҳака ва мусиқии ба номи Камоли Хуҷандии шаҳри Хуҷанд ярмаркаи умумивилоятӣ баргузор гардид. Аз тарафи хоҷагиҳои давлатии ниҳолпарварӣ, муассисаҳои давлатии хоҷагии ҷангали вилоят, хоҷагиҳои ниҳолпарварии шахсӣ, соҳибкорони шаҳру ноҳияҳои вилоят ниҳолҳои дарахтони мевадиҳанда, ороишию сояафкан, ҳамешасабз ва гулу гулбуттаҳо пешниҳод карда шуд.

21 February 2019

Нишасти матбуотӣ

Подробности статьи: Автор; Категория News

Санаи 15.02.2019 дар бинои Кумитаи идораи замин нишасти матбуотии якҷояи Сарраёсати кишоварзӣ, Кумитаи идораи замин, Раёсати беҳдошти замин ва обёрӣ, Раёсати ҳифзи муҳити зисти вилоят доир гардид.

Дар он рўзноманигорони воситаҳои ахбори омма, мухбирони рўзномаҳои "Ҳақиқати Суғд", "Суғд ҳақиқатӣ", "Ризқофарин", "Ҷумҳурият", "Тирози ҷаҳон", "Садои мардум", "Шўълаи умед", "Халқовозӣ", ҳафтаномаи "Тоҷикистон", оҷонсии иттилоотии "Азия-плюс" ва "Суғднюс", ТВ "Танин" ва дигар намояндагони ВАО, ҳамагӣ беш аз 15 нафар иштирок доштанд.

Дар рафти нишасти матбуотӣ рўзноманигорон оид ба корҳои ба сомон расонида давоми 2-3 соли охир дар партовгоҳҳои радиатсионии вилоят, аз ҷумла партовгоҳи радиофаъоли "Деҳмой", дар кадом ҳолат қарор доштани ҷамъоварӣ ва нигоҳдории лампаҳои каммасрафи корношоями симобдор, таъсири тағийрёбии иқлим ба хоҷагии халқ, ҳифзи захираҳои моҳӣ дар баҳр ва дарё, вобаста будани боло рафтани касалиҳои саратон бо муҳити зист, оид ба харидорӣ намудани 30 сарҳайвони нодири ғизол, оид ба муаммои партовгоҳи шаҳри Бўстон ва таъсири он, дар бораи баргузории аксияҳо дар соли 2018, дар бораи корҳонаҳои, ки ҳолати экологиро вайрон мекунанд, дар бораи муроҷиати шаҳрвандон, телефони боварии раёсат ва ба дигар посухҳои худ ҷавобҳои мушаххас гирифтанд.

15 February 2019

Вохӯрии экологон бо ҷавонон

Подробности статьи: Автор; Категория News

Санаи 8.02.2019 дар факултети геоэкологияи Муассисаи давлатии таълимии ДДХ ба номи академик Б.Ғафуров, кафедраи экология ва ҳифзи табиат вохӯрӣ таҳти унвони «Нақши Паёми Пешвои миллат дар иҷрои талаботи Барномаи давлатии экологӣ ва маърифати экологии Ҷумҳурии Тоҷикистон» баргузор гардид. Дар он намояндаи Раёсати ҳифзи муҳити зисти вилоят, донишҷӯёни курсҳои 2-4 ихтисосҳои экология ва агроэкологияи факултет ва омӯзгорон иштирок доштанд. Дар рафти вохӯрӣ пас аз сухани ифтитоҳии мудири кафедра дотсент Собиров М., намояндаи Раёсат Саидов Х. дар бораи «Таҳлили муҳимияти ҳолати экологии Тоҷикистон дар Паёми Пешвои миллат» ва «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020»баромад намуд. Дар ҷараёни вохӯрӣ иштирокчиён доир ба тариқи телевизион намоиш додани барномаву роликҳо дар мавзӯи экологӣ, ташкили нуқтаҳои расмии муваққатан ҷойгиронии партовҳо дар маҳаллаҳои аҳолинишин ибрози ақида намуданд.

Вохӯрӣ дар шаҳри Гулистон

Подробности статьи: Автор; Категория News

Санаи 13.02.2019 баҳри татбиқи нақшаи чорабиниҳои "Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020" дар маркази бозомўзии раёсат дар шаҳри Гулистон вохӯрии сармутахассиси раёсат бо намояндагони соҳаи маориф, омўзгорони фанни экология ва биологияи муассисаҳои таълимии таҳсилоти миёнаи умумии шаҳр, раисони ҷамоати шаҳрак ва раисони кумитаҳои маҳаллӣ баргузор гардид. Аз тарафи намояндаи раёсат оид ба нуктаҳои Паёми навбатии Пешвои миллат, Президенти мамлакат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон вобаста ба соҳаи ҳифзи муҳити зист, дар бораи маърифати экологӣ ва дигар масъалаҳои самтҳои гуногуни ҳифзи муҳити зист баромад карда шуд. Ҳангоми ба амал омадани саволу ҷавоб аз тарафи омӯзгори мактаби ҷамоати шаҳраки Чоруқдаррон ва худи раиси ҷамоат оид ба набудани китоби дарсӣ аз фанни экология ва умуман норасогии китобҳои дарсӣ аз дигар фанҳо бо забони русӣ, аз ҷониби раисони кумитаҳои маҳаллӣ оид ба насби лавҳаҳои огоҳикунанда ҷиҳати партофтани партовҳо дар ҷойҳои ғайрирасмӣ ва дигар саволҳо дода шуда, ба онҳо ҷавобҳои мушаххас гирифтанд.

09 February 2019

Вохӯрӣ бо маорифчиёни ноҳияи Зафаробод

Подробности статьи: Автор; Категория News

Санаи 5.02.2019 тибқи нақшаи пешбинигардида ва баҳри татбиқи нақшаи чорабиниҳои "Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020" дар МТМУ №22 ноҳияи Зафаробод вохӯрии сармутахассиси раёсати ҳифзи муҳити зисти вилояти Суғд бо намояндагони соҳаи маориф, бахусус омўзгорони фанни экология ва биологияи муассисаҳои таълимии таҳсилоти миёнаи умумии ноҳия баргузор гардид. Аз тарафи намояндаи раёсат оид ба нуктаҳои Паёми навбатии Пешвои миллат, Президенти мамлакат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон вобаста ба соҳаи ҳифзи муҳити зист ва дигар самтҳои гуногуни экологӣ баромад карда шуд.

07 February 2019

Вохӯрии экологон бо маорифчиёни ш.Хуҷанд

Подробности статьи: Автор; Категория News

Дар доираи татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», баҳри баланд бардоштани маърифат ва донишҳои экологии аҳолӣ дар толори шуъбаи маорифи шаҳри Хуҷанд вохўрии намояндаи Раёсати ҳифзи муҳити зисти вилоят ва шуъбаи ҳифзи муҳити зисти шаҳр бо намояндагони соҳаи маориф, бахусус бо омўзгорони фанни экология ва биологияи муассисаҳои таълимии таҳсилоти миёнаи умумии шаҳр баргузор гардид.

Намояндаи Раёсати ҳифзи муҳити зисти вилоят Саидов Х. назди ҳозирин доир ба мазмуну муҳтавои Паёми Асосгузори сулҳу Ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон ба Маҷлиси Олӣ баромад намуда, аз ҷумла таъкид дошт, ки Роҳбари Давлат вобаста ба ташаббусҳои ҷаҳонии Тоҷикистон, соҳаи ҳифзи муҳити зист, масъалаҳои гуногуни экологӣ баромад намуда, аз ҷумла зикр доштанд, ки “Дар шароити тағйирёбии иқлим, ки масъалаи ҳифзи манбаъҳо ва захираҳои оби тозаи ошомиданӣ ба яке аз мушкилоти асосии мардуми сайёра табдил ёфтааст, Тоҷикистон дар ин самт ҳамчун кишвари ташаббускор ва пешсаф дар арсаи ҷаҳонӣ эътироф гардидааст.

Атестатсияи моҳигирон

Подробности статьи: Автор; Категория News

Дар асоси қарори Шӯрои илмӣ-истеҳсолии назди Раёсати ҳифзи муҳити зисти вилоят, бо мақсади баланд бардоштани савияи маърифатнокии моҳигирон дар самти ҳифзу самаранок истифодабарии захираҳои моҳиҳои обанборҳои ҳавзаи Сирдарё санаҳои 29-30 январи соли 2019 дар толори корхонаи воҳиди давлатии ёрирасони моҳипарварии Гулистон ва Ҷамъияти саҳҳомии кушодаи «Моҳии тоҷик» атестатсияи моҳигирони ин ду хоҷагии моҳидории вилоят гузаронида шуд. Ҳайати комиссияи атестатсионӣ аз намояндагони Раёсати ҳифзи муҳити зисти вилоят, Институти зоология ва паразитологияи Академияи илмҳои Ҷумҳурии Тоҷикистон, чамъияти шикорчиён ва моҳигирон, рохбарон ва мутахассисони хочагихои мохипарвари таъсис дода шуд.

Баланд бардоштани дониши кормандон

Подробности статьи: Автор; Категория News

Раёсати ҳифзи муҳити зисти вилоят тибқи нақшаи корӣ ва қарори №1 ҷаласаи Мушовараи Кумитаи ҳифзи муҳити зисти назди Ҳукумати Ҷумҳурии Тоҷикистон оид ба ҷамъбасти фаъолият дар соли 2018 аз 10.01.2019 дар толори раёсат, санаи 01.02.2019 бо иштироки муовини сардор, сардорони шуъбаҳо ва сармутахассисони раёсат, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо семинари бозомўзӣ баргузор гардид. Дар рафти кори семинар мувофиқи барнома ба иштирокдорон баромадҳо дар мавзўҳои: оид ба муҳтавои нуқтаҳои асосии Паёми солонаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, назорати рафти иҷрои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», Қонуни Ҷумҳурии Тоҷикистон «Дар бораи эълон намудани мораторий ба санҷиши фаъолияти субъектҳои хоҷагидор дар соҳаи соҳибкории истеҳсолӣ» ва тартиби гузаронидани санҷишҳои нақшавӣ; тарзи дуруст пешниҳод намудани маълумоти таҳлилӣ оидба рафти иҷрои «Барномаи давлатии экологӣ барои солҳои 2009-2019» ва «Барномаи рушди иқтисод барои солҳои 2016-2020»; пешниҳоди дурусти таблитсаҳои санҷиши нақшавӣ ва дигар шакли ҳисоботҳо; дар бораи фармоиши № 42-и сардори раёсат «Оид ба иҷрои пешниҳоди хулосаи экспертизаи давлатии экологӣ»; тарзи дурусти қабули ҳисоботи 2-ТП (об) аз об истифодабарандагон ва ҳисоби дурусти пардохтҳо, БДЭ (дар самтиоб) пешниҳод гардида, дар интиҳо муҳокимаи маърузаҳо ба амал омад.