November 2019
29 November 2019
Мониторинги экологӣ
- Подробности статьи
- Автор
- Категория News
Шуъбаи назорати таҳлилии Раёсати ҳифзи муҳити зисти вилояти Суғд моҳи ноябри соли равон, тибқи нақшаи корӣ оид ба гузаронидани мониторинги экологии ҳолати минтақаҳои наздисарҳадии ноҳияҳои вилоятро гузаронида, тағирёбии тамоюли таъсир ба ҳолати фазои атмосфераю манбаҳои обӣ ва дараҷаи радиатсия муайян карда шуд. Дар мавзеҳои Надок-сой ва Навгарзан-сойи ноҳияи Ашт, дар масофаи 150 – 500 метр дур аз сарҳад намунаҳои таркиби ҳавои атмосфера, об ва хок гирифта, ташхис гузаронида шуд. Ҳамзамон мушоҳида ва ченкуниҳои инструменталӣ дар 2 мавзеъ бо гирифтани 10 намунаҳои партовҳои моддаҳои зарарнок ба ҳавои атмосфера амалӣ гардид. Натиҷаҳои ченкунӣ нишон дод, ки нишондодҳо аз консентратсияи ҳадди ҷоиз зиёд нест. Ғайр аз он, дар ноҳияи мазкур фулузоти вазнин дар об ва таркиби намунаҳои хок муайян гардид ва аз меъёр зиёд будани мис (Cu), оҳан (Fe), фтор (F), кадмий (Cd) ва руҳ (Zn) ба қайд гирифта нашуд.
Аксияи «Тозагии маҳал» дар доираи 1300 рузи меҳнати зарбор ба истиқболи 30-солагии Истиқлолияти давлатии Ҷумҳурии Тоҷикистон
- Подробности статьи
- Автор
- Категория News
Дар доираи нақшаи чорабиниҳои пешбинигардида дар давоми моҳи ноябри соли равон бахшида ба 1300 рузи меҳнати зарбор ба истиқболи 30-солагии Истиқлолияти давлатии Ҷумҳурии Тоҷикистон дар миқёси шаҳру ноҳияҳои Хуҷанд, Конибодом, Панҷакент, Гулистон, Бўстон, Истиқлол, Истаравшан, Б.Ғафуров, Зафаробод, Деваштич, Мастчоҳ, Ҷ.Расулов ва Шаҳристон, дар маҷмуъ 3 маротиба аксияи «Тозагии маҳал» баргузор гардид. Дар рафти аксия ҳамагӣ 54,4 ҳазор нафар иштирок намуда, дар натиҷа як қатор корҳо ба сомон расонида шуд. Аз ҷониби иштироккунандагон корҳои тоза кардани ҷўйбор – 85,8 км, тоза намудани ҳудуд – 24,7 ҳазор метри мураббаъ, тоза намудани қадди роҳҳо – 24,4 км, тоза намудани соҳилҳои обӣ – 500 метр, тоза намудани заҳбур ва канал – 1,9 км, тоза намудани майдонҳо аз алафҳои бегона – 3,2 ҳазор метри мураббаъ, сафед намудани роҳгашт – 550 метр иҷро гардида, ба партовгоҳҳо 276,3 метри мукааб партов бароварда шуд.
Амалиёти «Ҳавои тоза» дар шаҳру ноҳияҳои вилояти Суғд
- Подробности статьи
- Автор
- Категория News
Мувофиқи нақшаи кории раёсат дар якҷоягӣ бо БДА РВКД-и Ҷумҳурии Тоҷикистон дар вилояти Суғд, бо мақсади назорати давлатӣ ва кам намудани партови моддаҳои зараровар ба ҳавои атмосфера, дар давоми моҳи ноябри соли равон 2 маротиба амалиёти «Ҳавои тоза» дар шаҳри Бўстон ва шоҳроҳи Хуҷанд - Ғафуров гузаронида шуд. Ҳангоми баргузории амалиёти мазкур санҷиши партовҳои моддаҳои зарарнок аз 55 адад воситаи нақлиёти тамғаашон гуногун гузаронида, дар натиҷа нисбати ронандагони 6 адад воситаҳои нақлиётӣ, ки ихроҷи моддаҳои ифлоскунандаро (гази СО) ба фазои атмосфера барзиёд ихроҷ намуда, меъёри стандартҳои давлатиро вайрон кардаанд, протоколи ҳуқуқвайронкунии маъмурӣ тартиб дода шуд.
Бахшида ба солҳои рушди деҳот, сайёҳӣ ва ҳунарҳои мардумӣ
- Подробности статьи
- Автор
- Категория News
Сайёҳӣ тайи солҳои охир дар кишвар бамаротиб рушд ёфта, маҳз бо ташаббус ва роҳандозии барномаҳои мушаххаси Ҳукумати кишвар сайёҳӣ аз соҳаҳои афзалиятнок ба шумор меравад. Бино ба иттилооти бахши ҳифзи муҳити зисти ноҳияи Ҷ.Расулов яке аз мавзеҳои куҳану таърихӣ қалъаи «Хитойреза», воқеъ дар ҳудуди ҷамоати деҳоти Сомониёни ноҳияи Ҷ.Расулов воқеъ буда, асрҳои 18-19 сохта шудааст. Қалъа аз даҳ манора иборат буда, диаметри он аз 4,8 то 6,5 метр ва баландиаш то 5 метр буда майдони умумии он 4 гектарро ташкил медиҳад. Масофаи байни манораҳо 9,5 метрро буда, деворҳои қалъа аз 7 қабат похса (лой) бардошта шудааст. Аз сарчашмаҳои таърихӣ бармеояд, ки дар дохили қалъа ҷои махсус барои мудофиа, машқгоҳ, манзилҳо, масҷид, устохонаҳо ва дӯконҳои тиҷоратӣ мавҷуд будаанд.
27 November 2019
Бахшида ба солҳои рушди деҳот, сайёҳӣ ва ҳунарҳои мардумӣ (иҷрои бандҳои нақша чорабиниҳо бахшида ба соли сайёҳӣ )
- Подробности статьи
- Автор
- Категория News
Қалъаи Муғ яке аз ҷойҳои тамошобоби ш.Истаравшан буда, таҷдиду барқарорсозии Калъаи Муғ дар солҳои рушди деҳот, сайёҳӣ ва ҳунарҳои мардумӣ имкон фароҳам меоварад, ки сайёҳону меҳмонони дохиливу хориҷӣ ба тамошои ин намунаи барҷастаи меъморӣ ва ёдгории таърихӣ бештар ҷалб гарданд. Ин аст, ки соли гузашта 16360 сайёҳӣ дохилӣ аз ин макон дидан намуд. Ќалъа дар баландии 1040 метр аз сатҳи баҳр бунёд гардида, масофаи деворҳои он беш аз 600 метр ва майдони умумиаш 6 гектар аст. Ба гуфтаи бостоншиносон Қалъаи Муғ маконест, ки дар он Деваштич ба хотири озодии Ватан ҷангида, он ҷо паноҳ бурдааст. Ҳанӯз тобистони соли 1933 таҳти раҳнамоии шарқшиноси маъруф А.Фрейман дар ин қалъаи қадима ҳафриёти бостоншиносӣ гузаронида шуд, ки дар натиҷа он зиёда аз аз сад бозёфти нодири таърихи мансуб ба асрҳои сеюму дуюми то милод пайдо гардид.
Амалиётҳои фаврӣ дар н.Б.Ғафуров
- Подробности статьи
- Автор
- Категория News
Ҳангоми гузаронидани амалиёти фаврӣ аз тарафи мутахас-сисони шуъбаи назорати давлатии ҳифзи захираҳои оби Раёсат дар ноҳияи Б.Ғафуров, ҷамоати деҳоти Ғозиён партофтани обҳои ифлоси тоза ва безараргардониданашуда ба манбаи обии сойи Хоҷабоқирғон аз тарафи ҶДММ «Азизӣ» ошкор гардид. Намунаи партовоб гирифта шуда, корхонаи мазкур тибқи моддаҳои 44,43-и Қонуни Ҷумҳурии Тоҷикистон «Дар бораи ҳифзи муҳити зист» ва моддаҳои 98, 99, 100, 124-и Кодекси оби Ҷумҳурии Тоҷикистон бо моддаи 177 Кодекси ҳуқуқвайронкунии маъмурӣ ҷаримабандӣ карда шуд.
“Парчамат партавафшон бод Тоҷикистонам”
- Подробности статьи
- Автор
- Категория News
Бахшида ба Рӯзи Парчами давлатии Ҷумҳурии Тоҷикистон дар маҷлисгоҳи Раёсат бо иштироки намояндаи Кумиҷроияи ҳизби халқӣ демократии Тоҷикистон дар шаҳри Хуҷанд Азимов А.Ҷ. ва кормандони Раёсати ҳифзи муҳити зисти вилоят соати сиёсӣ доир гардид. Пас аз суханони ифтитоҳӣ корманди раёсат қайд намуд, ки дар тақвими иду ҷашнвораҳои миллии кишвари азизамон бо пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон ва Қарори Маҷлиси Олии Ҷумҳурии Тоҷикистон боз як санаи таърихӣ- Рӯзи Парчами давлатии Ҷумҳурии Тоҷикистон, ки санаи 24 ноябр аст бо хатти заррин сабт гашт ва ҳар сол ҳамчун ҷашни миллӣ таҷлил карда мешавад. Дар баробари Суруди миллӣ, Нишони давлатӣ ва забони модарӣ Парчами давлатӣ низ барои мардуми мо муқаддас ҳисобида мешавад. Ҳар яки мо ифтихор аз он дорем, ки зери парчами пурифтихори Тоҷикистони азиз кору зиндагӣ дорем ва ба он ватандӯстона эҳтиром зоҳир менамоем.
21 November 2019
Вохӯрӣ бо донишҷӯён таҳти унвони “Парчамат поянда бод”
- Подробности статьи
- Автор
- Категория News
Бахшида ба Рӯзи Парчами давлатии Ҷумҳурии Тоҷикистон, иҷрои нақшаи корӣ ва баланд бардоштани маърифати экологии ҷавонон дар Донишкадаи иқтисод ва савдои Донишгоҳи давлатии тиҷорати Тоҷикистон вохӯрӣ бо намояндаи Раёсати ҳифзи муҳити зисти вилоят ва мудири кафедраи экология ва ҳифзи табиати факултети геоэкологияи МДТ “ДДХ ба номи Б.Ғафуров” дотсент Собиров М.С. бо донишҷӯён ва устодон ҳамагӣ 100 нафар доир гардид. Устодони Донишкадаи мазкур зимни суханронӣ қайд карданд, ки Парчами миллӣ нахустнишони муқаддаси ҳар як кишвару халқ аст, он симои миллии давлатро дар сатҳи ҷаҳонӣ таҷассум мекунад. Нақши Парчам дар таърихи ҳар як давлат ба таври хоса арҷгузорӣ карда шуда, маҳз зери Парчами худ кишварҳо ба ҷаҳониён фарҳангу таърих, бурдбориҳову пешравиҳои худро муаррифӣ менамоянд. Таърих гувоҳи он аст, ки миллатҳои гуногун давлатдории худро зери Парчам ҳифз ва поягузорӣ намуда, орзуву мароми худро дар ин рамзи давлатӣ нақшгузорӣ намудаанд.
20 November 2019
1300 рӯзи меҳнати зарбдор дар шаҳри Панҷакент
- Подробности статьи
- Автор
- Категория News
Дар миқёси вилояти Суғд бо мақсади тозаву обод намудани муҳити атроф, бахшида ба 30 солагии Истиқлолияти давлатии Ҷумҳурии Тоҷикистон ва 1300 рӯзи меҳнати зарбдор мунтазам тадбирҳои зарурӣ андешида мешавад. Бино ба иттилои бахши ҳифзи муҳити зисти ш.Панҷакент бо иштироки муҳасиллини мактабҳои миёна, кормандони ташкилоту муассисаҳо аксияи «Тозагии маҳал» гузаронида шуд. Дар ҳашари умумишаҳрӣ зиёда аз 2870 нафар иштирок намуда, 1200 метр ҷуйбор, 500 метр соҳилҳо, 2400 метр роҳравҳо аз партовҳо тоза карда шуда, 35 тонна партов ба партовгоҳи шаҳр бароварда шуд.
19 November 2019
Ҷаласаи комиссия оид ба ҳолатҳои фавқулодда дар ҳудудии мақомоти иҷроияи ҳокимияти давлатии шаҳрии Гулистон
- Подробности статьи
- Автор
- Категория News
Дар маҷлисгоҳи Маркази бозомӯзии Раёсати ҳифзи муҳити зисти вилояти Суғд дар ш.Гулистон бо иштироки аъзоёни комиссияи ҳолатҳои фавқулодда, сохторҳои мақомоти иҷроияи ҳокимияти давлатии шаҳр, намояндагони соҳаҳои ҳифзи муҳити зист ва тандурустӣ, раисони ҷамоати шаҳракҳо ва дигар шахсони масъул ҷаласаи комиссияи ҳудудии мақомоти иҷроияи ҳокимияти давлатии шаҳрии Гулистон оид ба ҳолатҳои фавқулодда тибқи нақшаи тасдиқгардида баргузор гардид. Ҷаласа таҳти сарварии муовини якуми раиси шаҳри Гулистон Комилзода Н. оғоз гардида, фаъолияти комиссия мавриди таҳлил қарор гирифт. Дар маъруза оид ба корҳои иҷрошуда дар самти пешгирии ҳолатҳои фавқулодда, ҳолатҳои фавқулоддаи хусусияти табиӣ ва техногенӣ дошта, ҷараёни омодагӣ ба рафти давраи зимистонгузаронӣ барои солҳои 2019-2020, самтҳои асосии Стратегияи миллии паст кардани офатҳои табиӣ қайд карда шуд.