December 2019
28 December 2019
Мониторинги экологӣ дар вилояти Суғд
- Подробности статьи
- Автор
- Категория News
Раёсати ҳифзи муҳити зисти вилояти Суғд моҳи декабр, тибқи иҷрои нақшаи корӣ оид ба гузаронидани мониторинги сифати ҳавои атмосфера, об, хок ва ченкунии гамма-афканишоти ноҳияҳои наздисарҳадиро доир намуд. Санҷиши вазъи ҳаво дар нуқтаҳои мухталифи ҳудуди санитарӣ - муҳофизатӣ то хати сарҳад амалӣ ва ҳолати ҳавои атмосфера, инчунин дараҷаи радиатсия дар ҳудуди ноҳияҳо санҷида шуд. Дар ҷамоати дењоти Ҳ.Усмонови ноҳияи Б.Ғафуров, мавзеъи Янги – Қўрғон, ки бо ҷумҳурии ҳамсоя ҳамсарҳад мебошад, дар масофаи аз 500 м то 2 км дур намунаҳои таркиби ҳавои атмосфера, об ва хок гирифта, ташхис гузаронида шуд. Зимни мушоҳида ва ченкуниҳои инструменталӣ дар 2 мавзеъ бо гирифтани 10 намунаҳои партовҳои моддаҳои зарарнок ба ҳавои атмосфера амалӣ гардида, натиҷаҳои ченкунии ҳавои атмосфера нишон дод, ки нишондиҳандаҳо мутобиқи меъёр аст. Мониторинги ҳавзаи дарёи Сир аз рўи 24 ҷузъиёт бо гирифтани 12 намунаҳои об аз ҳудуди шаҳру ноҳияҳои Ашт, Хуҷанд, Спитамен ва Гулистон ташхис гузаронида, нишондоди ташхиси фулузоти вазнин аз меъёр зиёд мушоҳида карда нашуд.
26 December 2019
Тамошои Паёми Асосгузори сулҳу ваҳдати миллӣ, Пешвои миллат Президенти Ҷумҳурии Тоҷикистон Эмомалӣ Раҳмон дар Раёсати ҳифзи муҳити зисти вилоят
- Подробности статьи
- Автор
- Категория News
Дар Раёсати ҳифзи муҳити зисти вилояти Суғд тамошои дастаҷамъонаи Паёми навбатии Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон Эмомалӣ Раҳмон ба Маҷлиси Олии Ҷумҳурии Тоҷикистон муташаккилона роҳандозӣ гардид. Кормандони мақомоти ҳифзи муҳити зисти вилоят Паёми имсоларо, ки тамоми ҷабҳаҳои ҳаёти кишварро бо асноду мисолҳои мушаххас мавриди таҳлилу баррасӣ ва натиҷабардорӣ қарор гирифт, якдилона ҷонибдорӣ намуданд. Паёми Пешвои миллат дар назди ҳар як шаҳрванди кишвар, ки нисбати тақдири миллат бетараф нест, масъулияти бузургеро мегузорад ва барои дар амал татбиқ намудани он барои таъмини зиндагии босаодати мардуми кишвар мусоидат хоҳад намуд.
Таъсис ёфтани комиссияи вилоятӣ доир ба татбиқи қарори Ҳукумати Ҷумҳурии Тоҷикистон
- Подробности статьи
- Автор
- Категория News
Бо мақсади татбиқи қарори Ҳукумати Ҷумҳурии Тоҷикистон аз 3 марти соли 2011, № 97 «Дар бораи тадбирҳо оид ба ташкил намудани системаи безараргардонии ҷамъ-оварӣ, нигоҳдорӣ, интиқол ва коркарди лампаҳои симобдор» ва иҷрои банди 6-и протоколи ҷаласаи кории назди муовини Сарвазири Ҷумҳурии Тоҷикистон аз 13 ноябри соли 2019 қарори Раиси вилоят таҳти №472, аз 16.12.2019 «Оид ба таъсис додани комиссияи вилоятӣ» доир ба татбиқи қарори мазкур ба имзо расид. Ба ҳайати комиссия намояндагии Корхонаи воҳиди давлатии «Хоҷагии манзилию коммуналӣ» дар вилоят,маркази назорати давлатии санитарии эпидемиологӣ, раёсатҳои сармоягузорӣ ва идораи амволи давлатӣ, шуъбаи энергетика ва саноати МИҲД вилоят, маркази стан-дартизатсия, метрология, сертификатсия ва нозироти савдои вилоят, раёсати минтақавии рушди иқтисод ва савдо, намояндагии ширкати саҳомию холдинги кушодаи «Барқи тоҷик» дар вилоят, ҶСК «Чароғ»-и ш.Исфара, ҶДММ «Сомон-энержӣ»-и ш.Хуҷанд, Ташкилоти ҷамъиятии «Гурӯҳи ҷавонон оид ба ҳифзи муҳити зист»-и вилоят, идораи телевизион ва радио, рӯзномаҳои вилоят шомил гаштаанд.
Аксияи «Тозагии муҳити зист» дар н.Зафаробод
- Подробности статьи
- Автор
- Категория News
Бо мақсади тозаву обод намудани муҳити зист, иҷрои нақшаи чорабиниҳо ба истиқболи 30 солагии Истиқлолияти давлатии Ҷумҳурии Тоҷикистон ҳафтаи гузашта дар боғи фарҳангӣ ва фароғати ноҳияи Зафаробод шанбегии дастҷамъона доир гардид. Бино ба маълумоти бахши ҳифзи муҳити зисти ноҳияи Зафаробод дар он кормандони корхонаю муассисаҳо, ташкилотҳо бо иштироки беш аз 300 нафар иштирок намуда, зиёда аз 3,7 тонна партовҳо, 340 метр ҷуйборҳо ва 850 м2 замин барои шинондани ниҳолҳо ва гулҳои ороишӣ омода карда шуд. Баргузории чунин аксияҳо бахшида ба идҳои давлатӣ дар дигар маҳаллу ҷамоату деҳотҳо низ дар назар аст.
24 December 2019
Муаррифии ҳифзи ёдгориҳои таърихӣ - меъморӣ
- Подробности статьи
- Автор
- Категория News
Дар «Солҳои рушди деҳот, сайёҳӣ ва ҳунарҳои мардумӣ» ҳар як тоҷику тоҷикистонӣ бори дигар дарк намуд, ки халқи тоҷик гузаштаи бою таърихӣ дошта, ҳар як арзиши миллии мо, ҷавононро дар рӯҳияи худогоҳиву худшиносӣ, миллатдӯстиву меҳанпарастӣ ва худшиносӣ тарбия менамояд. Зеро маҳз дар ин солҳо барои ҳифзи асолати миллӣ, забон, фарҳанг, аз ҷумла ёдгориҳои таърихӣ Ҳукумати Ҷумҳурӣ кӯшиши зиёд ба харҷ медиҳад ва маблағҳои зиёде ҷудо мегарданд, ки мероси гаронбаҳову таърихии мо аз нав таъмиру тармим ва манзури меҳмонону сайёҳони хориҷӣ гардонида шавад. Конибодом дар сарчашмаҳои таърихӣ ва маъхазҳои боэътимоди илмӣ ба ҳайси яке аз шаҳрҳои қадимаи Осиёи Марказӣ зикр шудааст. Яке аз шохаҳои роҳи бузурги Абрешим 3700 сол муқаддам аз ин шаҳр мегузашт ва тавассути Хуҷанду Истаравшан, Самар-қанду Бухоро то ба Марв мерасид. Конибодом дар гузашта яке аз шаҳрҳои маъмуру ободи Осиёи Миёна буд ва бо номи «Канд» шӯҳрат дошт.
21 December 2019
Такрористеҳсолкунии захираҳои моҳӣ дар Баҳри Тоҷик
- Подробности статьи
- Автор
- Категория News
Раёсати ҳифзи муҳити зисти вилоят иттилоъ медиҳад, ки истифодабарандагони захираҳои табиӣ моҳиҳои обанбори Баҳри Тоҷик ЧСК «Моҳипарвари Гулистон» ва «Моҳии тоҷик» вазифадоранд, ки чорабиниҳои такрористеҳсолкунии захираҳои моҳиро дар обанбор амалӣ намоянд. Хоҷагиҳои номбурда тибқи талаботи моддаи 27 Қонуни Ҷумҳурии Тоҷикистон ва нақша чорабинии мувофиқа намудаи худ бо мақомоти ваколатдори ҳифзи муҳити зист дар сори ҷорӣ кӯшиш ба харҷ дода, то имрӯз бештар аз як миллион моҳичаҳои хушсифатро ба обанбор сар доданд. Бештари моҳичаҳоро намудани растанихур аз қабили амури сафед, пешонағафси сафеду алоча ва капур ташкил медиҳанд. Бояд қайд намуд, ки сифати моҳичаҳои паҳнкарда ба меъёри стандартӣ ҷавобгӯ буда, ҳамзамон ба талаботҳои санитарию ветеринарӣ қаноатбахш мебошад.
Бахшида ба солҳои 2019-2021 «Солҳои рушди деҳот, сайёҳӣ ва ҳунарҳои мардумӣ» Айнӣ - дар оинаи сайру саёҳат
- Подробности статьи
- Автор
- Категория News
Ноҳияи Айнӣ таърихи зиёда аз 1300 сола дошта, маъхазҳо гувоҳӣ медиҳанд, ки муаррихи араб Алистархӣ ва адиби барҷаста Захириддин Бобур онро кашф намудаанд. Шуғли асосии аҳолӣ кишоварзӣ ва боғдорию чорводорӣ мебошад. Ҳар як деҳаи хурду калони ноҳия манзараҳои нотакрор дошта, сайёҳонро мафтун намудааст ва онҳо аз тамошои он манзараҳо лаззат мебаранд. Ноҳия дорои якчанд ширкатҳои туристӣ буда, Искандаркӯл, кӯлҳои Аловиддин, дараи Яғноб, маҷмааи таърихию фарҳангии Нақибхон Туғрал, осорхонаи таърихӣ-кишваршиносиро дарбар мегирад. Инчунин қадамҷои орифи бузург Шамси Табрезӣ дар деҳаи Вешаб, мулло Абдуллои Валӣ дар деҳаи Ревад, масҷиди гузари Лангар, қадамҷо ва зиёратгоҳи шайх Абулқосим Гургонӣ дар деҳаи Урметан буда, имрӯзҳо ба маркази фароғату истироҳати сайёҳони ватанию хориҷӣ табдил ёфтааст. Ноҳия дар самти сайёҳӣ, экологӣ, таърихӣ-фарҳангӣ, тиҷорат, табобатию этнографӣ ва туризми кӯҳнавардӣ хеле қулай мебошад. Инчунин дар ноҳия шумораи масҷидҳо, кушкҳо, ғорҳо, мавзеъҳои таърихӣ, калъаҳо зиёд буда, таърихи қадимаю бой доранд.
19 December 2019
Муомилот бо партовҳо дар шаҳри Хуҷанд таҳти назорати доимӣ қарор дорад.
- Подробности статьи
- Автор
- Категория News
Тибқи маълумоти шуъбаи ҳифзи муҳити зисти шаҳри Хуҷанд бо мақсади ба низомдарории реҷаи баровардани партовҳо мавриди амал қарор дода шудааст. Ҷойгир намудани партов ба нуқтаҳои партовҷамъкунӣ мувофиқи ҷадвали корӣ аз тарафи КВДК “Хизматрасонии нақлиёти санитарӣ”-и шаҳри Хуҷанд бо 31 адад техникаҳо дар 3 баст фаъолият мебарад.
-Басти 1-ум аз соати 5.00 то 13.00
-Басти 2-юм аз соати 8.00 то 16.00
-Басти 3-юм аз соати 17.00 то 24.00 хизматрасонц менамояд.
Ҳамарӯза аз тарафи КВДК “Хизматрасонии нақлиёти санитарӣ”-и шаҳри Хуҷанд аз ҳисоби корхонаҳои партовкашони шаҳр мувофиқи маълумот аз шаҳр 500-600 м2партов ба партовгоҳи умимишаҳрӣ бароварда мешавад.
17 December 2019
Вохӯрӣ бо донишҷӯён
- Подробности статьи
- Автор
- Категория News
Бо мақсади баланд бардоштани маърифати экологии ҷавонон, баҳри татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва бахшида ба эълон гардидани солҳои 2019-2021 – «Солҳои рушди деҳот, сайёҳӣ ва ҳунарҳои мардумӣ» дар коллеҷи ғайридавлатии тиббӣ дар ш.Гулистон вохӯрии мутахассисони бахши ҳифзи муҳити зисти шаҳр бо донишҷӯёни курси 3-юм доир гардид. Дар вохӯрӣ бобати тағъирёбии иқлим, обшавии пирьяхҳо ва ҳифзи онҳо, самаранок истифодабарии захираҳои обӣ, муомилот бо партовҳо, муаррифии минтақаҳои сайёҳии маҳали зист ва бо ин васила баланд бардоштани маърифати экологии аҳолӣ баромадҳо шунида шуд. Аз ҷониби донишҷӯён низ фикру ақидаҳо нисбати беҳдошти муҳити зист, вобастагӣ ва таъсири муҳити зист ба саломатии инсон, масъалаҳои ҳалталаби экологӣ баён гардиданд. Баргузории чунин вохӯриҳо бо донишҷӯёни дигар муассисаҳои таълимӣ дар миқёси вилоят ба нақша гирифта шудааст.
12 December 2019
Баргузории ҳашари умумӣ дар ноҳияи Зафаробод
- Подробности статьи
- Автор
- Категория News
Бо ташаббуси бахши ҳифзи муҳити зисти ноҳияи Зафаробод, бахшида ба 28 солагии Истиқлолияти давлатии Ҷумҳурии Тоҷикистон, бо мақсади тозаву обод намудани муҳити зист, санаи 7 декабр амалиёти «Тозагии маҳал» гузаронида шуд. Дар аксия сокинони ҷамоатҳои шаҳраку деҳот, ташкилоту идораҳо, мактабу омӯзишгоҳҳо фаъолона иштирок намуда, гирду атрофи ташкилот, идора, мактаб ва ҳудудҳое, ки ба онҳо вобаста карда шуда буданд тоза намуданд. Дар аксияи мазкур 1410 нафар иштирок намуда, ба миқдори 13,6 тн. партовҳо бароварда шуд, 2140 м ҷуйбор ва 10080 метр каналҳо тоза карда шуданд. Ҷойҳои партовҷамъкунии муввақатӣ аз партовҳо тозава таъмир гузаронида шуд.