January 2020

20 January 2020

Аксияи «Тозагии соҳил» дар ноҳияи Ҷ.Расулов

     Ҷиҳати тозаву обод намудани муҳити зист, ба истиқболи 30  солагии Истиқлолияти давлатии Ҷумҳурии Тоҷикистон бо иқдоми бахши ҳифзи муҳити зисти н.Ҷ.Расулов дар селроҳаҳои "Исфанасой"-и ҷамоати деҳоти Ғулакандоз селроҳаи "Томчисой"-и ҷамоати деҳоти Сомониёни ноҳия  аксияи "Тозагии соҳил" гузаронида шуд. Дар аксия  4 адад техника истифода бурда шуда, зиёда аз 500 нафар ҳашарчиён аз ҷумла,  намояндагони соҳаи маориф, аҳолии деҳаҳоиГулакандоз, ҷамоати Сомониён иштирок намуда, 28 м3 партовҳо бароварда шуд.

Читать далее

17 January 2020

Вохӯрӣ бо донишҷӯён дар ДДҲБС Тоҷикистон

Бахшида ба эълон гаштани солҳои 2019-2021 “Солҳои рушди деҳот, сайёҳӣ ва ҳунарҳои мардумӣ” ва баҳри  омӯзиши Паёми Асосгузори сулҳу ваҳдати миллӣ, Пешвои миллат, Президенти мамлакат Эмомалӣ Раҳмон дар Донишгоҳи давлатии ҳуқуқ, бизнес ва сиёсати Тоҷикистон  вохӯрии мутахассиси  Раёсати ҳифзи муҳити зисти вилоят бо донишҷӯён ва устодон баргузор гардид. Дар вохӯрӣ бобати Паёми навбатии Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон Эмомалӣ Раҳмон оид ба дастовардҳои соли сипаришуда, нишондиҳандаи асосӣ - буҷаи давлатӣ дар муқоиса бо солҳои аввали соҳибистиқлолии кишвар, кам гардидани сатҳи камбизоатӣ, лоиҳа ва грантҳои амалкунанда, тағйирёбии иқлим ва пиряхҳо, ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин, барои тавсеаи тафаккури техникии насли наврас эълон намудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баромад карда шуд.

Читать далее

15 January 2020

Паём – қутбнамои ҷомеа

Тибқи нақшаи тасдиқгардида, бо мақсади  омӯзиши матни Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар толори маҷлисгоҳи ҷамоати Чорухдайрони ш.Гулистон  санаи 13 январи соли равон вохӯрӣ доир гардид. Дар он вакилон, намояндагони сохторҳои  маҳаллӣ, раисони ҷамоатҳо  иштирок доштанд. Мудири бахши ҳифзи муҳити зисти ш.Гулистон  оид ба самтҳои асосии Паёми имсола, дастовардҳои соли сипаришуда, тағйирёбии иқлим ва пиряхҳо, ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин дар бораи эълон шудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” сухан кард.

Читать далее

Маъракаи ниҳолшинонӣ дар ноҳияи Спитамен

    Ҷиҳати сазовор истиқбол гирифтани  30 солагии Истиқлолияти давлатии Ҷумҳурии Тоҷикистон ва беҳтар намудани вазъи муҳити зист дар ноҳияи Спитамен як қатор корҳои ободонию созандагӣ  идома дорад. Дирӯз бо иштироки раиси ноҳия А.Сулаймонзода ва намояндагони дигар сохторҳои мақомоти махаллии ноҳия дар шоҳроҳи Хуҷанд – Душанбе чамоати деҳоти Т.Улҷабоев дарахтони ороишию ҳамешасабз, арча, 8 ҳазор дона гули лола шинонида шуд. Тибқи маълумоти бахши ҳифзи муҳити зисти ноҳияи Спитамен аз ҳисоби бахш 1,5 ҳазор адад дарахтони сада харидорӣ карда шуда, ба  ҷамоати деҳоти Хаштяк, деҳаи навбунёди Навандарсой тақсим карда шудааст.

Читать далее

Шанбегӣ дар ноҳияи Ашти вилояти Суғд

    Бо мақсади тозаву обод нигоҳ доштани муҳити зист, бахшида ба сазовор пешвоз гирифтани 30 солагии Истиқлолияти давлатии Ҷумҳурии Точикистон рузи шанбе санаи 11 январ дар боғи фарҳангӣ фароғатии шаҳраки Шайдони ноҳияи Ашт шанбегӣ гузаронида шуд. Дар он беш аз 400 нафар намояндагони ташкилоту муассисаҳо ва корхонаҳо  иштирок намуда, 5 тонна партов бароварда шуд ва 40 бех дарахтони санавбар шинонида шуд.

Читать далее

Амалиёти фаврӣ дар н.Б.Ғафуров

    Аз тарафи кормандони шуъбаи назорати давлатии истифода ва ҳифзи захираҳои оби Раёсат ҳангоми гузаронидани амалиёти фаврӣ дар н.Б.Ғафуров ошкор гардид, ки Ҷамъияти дорои масъулияташ маҳдуди «Чаҳондор» партовобхои хосилшударо  (канализация ) ба сойи Хоҷабақирғон партофта,  манбаи обро ифлос мекард. Нисбати директори ҶДММ «Ҷаҳондор» протоколи ҳуқуқвайронкунии маъ-мурӣ бо моддаи 177 тартиб дода шуда,  барои ҳисоб кардани зарар намунаи об гирифта шуд.

Читать далее

10 January 2020

Корҳои биотехникӣ дар ноҳияи Шаҳристон

    Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон  №2/12-05-2279 аз 26 декабри соли 2019, иҷрои нақшаи корӣ, оид ба пешгирӣ намудани фавти ҳайвоноту паррандагони ваҳшӣ ва талаф наёфтани онҳо аз сардиҳои зимистони соли 2020 дар ҳудуди Муассисаи давлатии хоҷагии ҷангали Шаҳристон, гардишгоҳи №8-и мавзеъи Кемқул-сой аз тарафи кормандони Муассисаи давлатии хоҷагии ҷангали ноҳияи Шаҳристон бо иштироки кормандони бахши ҳифзи муҳити зисти ноҳия ҳафтаи охир корҳои биотехникӣ гузаронида шуд. Дар ин минтақа ба миқдори 100 кг ҷуворимакка, 100 кг резаи гандум, 50 кг лаблабу, 50 кг себ, 150 кг меваи дарахти булут, 340 кг хошоки дағал паҳн карда шуд.  Гузаронидани корҳои биотехникӣ дар дигар минтақаҳои баландкӯҳ пешбинӣ гардидааст.

Читать далее

Фароштурук (парасту) - парандаи соли 2020

Фароштурук парандаи хурди тезпарвоз буда, болҳои тез ва думи дарози қайчимонанд дорад. Дарозии бадани фароштурук 14-19 см, паҳноии болҳояш то 30 сантиметрро ташкил дода, 17-20 грамм вазн дорад. Парандаи васеъ паҳншуда буда, ба ҷуз аз Австралия ва Антарктида, дар ҳамаи қитъаҳои кураи замин вомехӯрад. Ба оилаи фароштурукҳо, қатори гунҷишкон ва гуруҳи парандагони кӯчанда мансуб аст. Зимистонро дар Африқо, Осиёи Ҷанубӣ ва Индонезия паси сар мекунад. Ба Тоҷикистон аввали моҳи март парида меояд. Фароштурук ба муҳити зист мутобиқати зиёд дошта, аз давраҳои қадим дар маҳалҳои аҳолинишин зери бом ва шифти биноҳои истиқоматӣ ва иншооти сохтмонӣ лона мегузорад. Ин паранда байни мардум чун парандаи муқаддас маҳбубияти зиёд дорад. Бо инсон дар ҳамшафат зиста, аз ӯ хайрхоҳӣ меҷӯяд. Аз замонҳои қадим дар байни мардум ақидае ҳаст, ки дар хонае, ки фароштурук лона мегузорад, меҳру муҳаббат, самимият ва хушбахтӣ пойдор аст.

Читать далее

Паём – дастури раҳнамо

Бо мақсади омӯзиши матни Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар толори маҷлисгоҳи Раёсати  ҳифзи муҳити зисти вилояти Суғд санаи 10 январи соли равон вохӯрии кормандони мақомот бо  намояндаи Кумитаи иҷроияи Ҳизби Халқии Демократии Тоҷикистон дар ш.Хуҷанд Азимов А. доир гардид. Зимни вохӯрӣ  намояндаи КИ ХҲДТ дар ш.Хуҷанд  оид ба самтҳои асосии Паёми имсола, дастовардҳои соли сипаришуда, нишондиҳандаи асосӣ - буҷаи давлатӣ дар муқоиса бо солҳои аввали соҳибистиқлолии кишвар, кам гардидани сатҳи камбизоатӣ, лоиҳа ва грантҳои амалкунанда, тағйирёбии иқлим ва пиряхҳо, ба хотири боз ҳам беҳтар ба роҳ мондани омӯзиши илмҳои табиатшиносӣ, дақиқ ва риёзӣ, инчунин, барои тавсеаи тафаккури техникии насли наврас эълон намудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” сухан кард.

Читать далее

07 January 2020

Ифтитоҳи бинои шуъбаи милитсияи экологӣ

Санаи 4 январи соли 2020 бо иштироки кормандони Раёсати ҳифзи муҳити зисти вилояти Суғд ва шуъбаи милитсияи экологӣ ва сайёҳии Вазорати корҳоии дохилии Ҷумҳурии Тоҷикистон ифтитоҳи бинои нав барои шуъбаи мазкур баргузор гардид. Боиси қайд аст, ки дар давоми семоҳаи чоруми соли 2019 бо дастгирии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон бинои бекорхобида дар ҳудуди Раёсати ҳифзи муҳити зисти вилоят аз таъмири капиталӣ бароварда шуда, дар маҷмуъ 6 утоқи кории бо лавозимотҳои зарурӣ таҷҳизонида омода карда шуд. Ҳамчунин, ҳангоми ба амал омадани ҳолати муайяни хизматӣ ҷиҳати корбарии шабонарўзӣ барои ҳайати шахсии шуъбаи милитсияи экологӣ ва сайёҳӣ ҷойи алоҳидаи таҷҳизонидашуда ташкил гардидааст.

    Дар чорабинии кушодашавии бино сардори РВКД Ҷумҳурии Тоҷикистон дар вилояти Суғд, генерал-майор Назарзода Қ. ва сардори ШВКД дар шаҳри Хучанд иштирок намуда, баъд аз дидан кардани утоқҳои корӣ ва ҳудуди бино оид ба ҳамкории минбаъдаи якҷояи мақомоти ҳифзи муҳити зист ва шуъбаи милитсияи экологӣ сухан карда шуд.

Читать далее

Скачано с веб-сайта JooMix.org.