April 2020
16 April 2020
Вохӯрӣ дар муассисаи таълимии ноҳияи Б.Ғафуров
- Подробности статьи
- Автор
- Категория News
Дар асоси барқияи Раёсати ҳифзи муҳити зисти вилоят, бо мақсади гузаронидани корҳои ташвиқоти дар самти баланд бардоштани маърифати экологӣ дар Рӯзи умумиҷаҳонии донишҳои экологӣ дар муассисаи таҳсилоти миёнаи умумии № 33, ҷамоати деҳоти Ёваи ноҳияи Б.Ғафуров вохӯрӣ бо омӯзгорон ва толибилмон доир гардид. Намояндаи шуъбаи ҳифзи муҳити зисти н.Б.Ғафуров ва омӯзгори фанни экологияи муассиса ба хонандагон доир ба тарбия ва донишҳои экологӣ, аз ҷониби Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон эълон гардидани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, муносибати эҳтиёткорона ба муҳити зист ва ҳифзи захираҳои табиӣ суханронӣ намуданд.
Рӯзи дониши экологӣ дар муассисаҳои таълимии шаҳри Истиқлол
- Подробности статьи
- Автор
- Категория News
Бо мақсади пешбурди донишҳои экологӣ, ташаккули маърифати экологии аҳолӣ, бохабар намудани ҷомеа оид ба муаммоҳо, амният ва ҳолати экологӣ, ҳамчунин тарбия намудани ҳар фарде, ки барояш беҳдошти муҳити зист бетавофут нест - ҳадафи асосии баргузории рузи дониши экологӣ мебошад. Дар баробари дигар бахшҳои хифзи мухити зисти вилоят бо иқдоми бахши шаҳри Истиқлол низ бахшида ба Рузи умумичахонии дониши экологи ва Рузи Замин дар муасиссаи таҳсилоти миёнаи умумии № 6 бо иштироки намояндаи шуъбаи маориф ва сармутахассиси бахш семинар бо хонандагон баргузор гардид.
Вохӯрӣ дар муассисаҳои таълимии ноҳияи Масчоҳ
- Подробности статьи
- Автор
- Категория News
Бо мақсади гузаронидани корҳои ташвиқотиву тарғиботӣ, дар муассисаҳои таҳсилоти миёнаи умумии №1 ва № 9 ҷамоати ш.Бӯстони ноҳияи Масчоҳ низ вохурии кормандони бахши ҳифзи муҳити зисти нохия бахшида ба Рӯзи умумиҷаҳонии донишҳои экологӣ доир гардид. Омӯзгорони фанни экология ва намояндагони бахш дар мавзӯи роҳҳои баланд бардоштани дониши экологӣ байни насли наврас ва ҷавонон, корҳои иҷро гардида аз ҷониби муассисаҳо доир ба ҳифзи муҳити зист ва саҳми хонандагон дар беҳбудии муҳити атроф баромад намуда, баргузории чунин вохӯриву суҳбатҳоро саривақтӣ арзёбӣ намуданд.
Рӯзи дониши экологӣ дар нохияи Айнӣ
- Подробности статьи
- Автор
- Категория News
Бахшида ба санаҳои экологӣ гузаронидани вохӯриҳо дар муассисаҳои таълимӣ ба ҳукми анъана даромадааст. Бо ин мақсад 15 апрели соли равон рӯзи умумиҷаҳонии маърифати экологӣ дар муассисаи таҳсилоти миёнаи умумии № 12-и деҳаи Искодари ҷамоати Дар-Дари ноҳияи Айнӣ ба номи А.Азимов ва муассисаи таҳсилоти миёнаи умумии № 1 ба номи М.Шукурови ноҳияи Айнӣ, инчунин дар байни аҳолии деҳаи Такфони ноҳия бо иштироки кормандони бахши ҳифзи муҳити зисти ноҳия бо хонандагон ва аҳолӣ сӯҳбату вохӯриҳо гузаронида шуд. Намояндагони бахш дар баромади худ оид ба иштироки фаъолонаи хонандагони муассисаҳо ва аҳолӣ дар чорабиниҳои экологӣ баҳри беҳбудии муҳити зист, истифодабарии оқилонаи об, ҳифзи ҳавои атмосфера суханронӣ намуданд.
Рӯзи маърифати экологӣ дар муассисаҳои таълимии шаҳри Гулистон
- Подробности статьи
- Автор
- Категория News
Бо иқдоми бахши ҳифзи муҳити зисти ш.Гулистон 15 апрели соли равон бахшида ба Рӯзи умумиҷаҳонии донишҳои экологӣ дар гимназияи-1 ва муассисаи таҳсилоти миёнаи умумии №14-и шаҳри Гулистон бо иштироки 60 нафар хонандагон вохӯрӣ гузаронида шуд. Кормандони бахш аз хонандагон даъват ба амал оварданд, ки барои беҳбудии муҳити атроф , тозаву обод нигоҳ доштани маҳали зист ва баланд бардоштани дониши экологӣ саҳми арзандаи худро гузоранд. Аз тарафи бахши ҳифзи муҳити зист ба омӯзгорони фанни экология ва хонандагони фаъол ифтихорномаву сипосномаҳо супорида шуд.
Вохӯрӣ дар гимназияи ноҳияи Зафаробод
- Подробности статьи
- Автор
- Категория News
Бахшида ба Рӯзи умумиҷаҳонии дониши экологӣ ва Рӯзи Замин санаи 15 апрели соли равон дар гимназияи №1 ҷамоати шаҳраки Зафаробод бо иқдоми бахши ҳифзи муҳити зисти ноҳия чорабинии маърифатӣ гузаронида шуд. Дар чорабинӣ зиёда аз 50 нафар муҳассилини гимназия ва омӯзгорон иштирок намуданд. Корманди бахши ҳифзи муҳити зисти ноҳия Сафаров Ф. ба хонандагон ҷиҳати баланд бардоштани маърифати экологӣ, ҳифзи захираҳои об ва замин, масъалаи партов баромад намуда, барои иштироки фаъолона дар аксияхои экологӣ ба хонандагон тӯҳфаҳои хотиравӣ тақдим намуд.
Маданияти экологӣ– таъмини ҳаёти солими насли оянда
- Подробности статьи
- Автор
- Категория News
Ҳамасола санаи 15 – апрелро дӯстдорони табиат чун Рӯзи умумиҷаҳонии дониши экологӣ таҷлил менамоянд. Муҳим будани дониши экологӣ дар замони муосир яке аз ҷабҳаҳои муҳим дар таълим ва тарбия маҳсуб меёбад. Зеро фаъолият дар пеш бурдани маърифати экологии аҳолӣ ва муносибати эҳтиёткорона нисбати муҳити зист – ин кафолати ояндаи солим барои инсон мебошад. Бахшида ба Рӯзи дониши экологӣ санаи 15 апрел дар муассисаи таҳсилоти миёнаи умумии № 6 ба номи А.Рудакии ш.Хуҷанд дарси экология таҳти роҳбарии омӯзгор Зиёбоева С. дар синфи 9 ба ин мавзуъ бахшида шуд. Дар он сармутахассиси Раёсати ҳифзи муҳити зисти вилоят Меликбоева Ш., сардори шуъбаи ҳифзи муҳити зисти ш.Хуҷанд Дӯсматов А. ва сармутахассиси бахши кор бо ҷавонон ва варзиши ш.Хуҷанд Сангинова М. иштирок доштанд.
Вохӯрӣ бо директорони мактабҳо дар ноҳияи Ҷ.Расулов
- Подробности статьи
- Автор
- Категория News
Тибқи нақшаи корӣ, дар самти баланд бардоштани маърифати экологӣ бахшида ба 15-уми апрель - Рӯзи умумиҷаҳонии донишҳои экологӣ дар Гимназияи-1 ба номи Камоли Хуҷандӣ ноҳияи Ҷ.Расулов бо иштироки кормандони бахши ҳифзи муҳити зисти ноҳия вохурӣ - машварат баргузор гардид. Дар он 37 нафар сарварони муассисаҳои таҳсилоти миёнаи умумӣ ва намояндагони шуъбаи маорифи ноҳия иштирок намуданд. Рафти вохӯрӣ аз тарафи кормандони бахш ва дигар иштирокчиён доир ба масъалаҳои ҳифзи муҳити зист, баланд бардоштани дониши экологии хонандагон ва ҷалби онҳо ба ҳифзи муҳити атроф,оид ба нуктаҳои Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, ки санаи 26.12.2019 баён гардидаанд, вобаста ба соҳаи ҳифзи муҳити зист, эълон намудани солҳои 2020-2040 “Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф” баромадҳо карда шуд.
13 April 2020
Аксияҳои "Тозагии маҳал", "Тозагии соҳил" ва "Тозагии роҳ" дар миқёси вилояти Суғд
- Подробности статьи
- Автор
- Категория News
Баҳри иҷроиши нақша чорабиниҳо бахшида ба 30 солагии Истиқлолияти давлатии Ҷумҳурии Тоҷикистон бо ташаббуси Раёсати ҳифзи муҳити зисти вилоят бо мақсади густариши корҳои ободонию кабудизоркунӣ санаи 11.04.2020 дар тамоми шаҳру ноҳияхои вилояти Суғд аксияҳои "Тозагии маҳал", "Тозагии соҳил" ва "Тозагии роҳ" баргузор гардид. Дар аксияҳои мазкур беш аз 11567 нафар иштирок намуда, 19636 метр ҷўйбор, заҳбуру заҳкаш, 23673 метр қадди роҳҳо аз партовҳо тоза ва беш аз 121,6 м3 партовҳо ба партовгоҳҳои расмӣ ҷойгиронида шуданд. Ҳамчунин дар доираи чорабинии мазкур тоза намудани маҳалҳои аҳолинишин – 24867 м2, тоза намудани майдонҳо аз алафҳои бегона ва бартараф намудани нуқтаҳои ҷойгиронии ғайрирасмии партовҳои бесоҳиб бо ёрии техникаҳои зарурӣ, тоза намудани сохилҳои манбаъҳои обӣ – 10830 метр, шинонидани дарахтони ороишию сояафкан – 2180 бех, ва сафед намудани роҳгаштҳо-2100 метр ба иҷро расонида шуд.
11 April 2020
Саҳми ихтиёриён дар беҳбудии муҳити зист
- Подробности статьи
- Автор
- Категория News
Бо мақсади баланд бардоштани маърифати экологии ҷавонон ва гузаронидани корҳои фаҳмонидадиҳӣ дар самти ҳифзи муҳити зист аз ҷониби бахши кор бо ҷавонони шаҳри Исфара вохӯрӣ бо ҷавонон – ихтиёриёни бахш доир гардид. Зимни вохӯрӣ мудири бахш ба ҷавонон –ихтиёриён доир ба масъалаҳои ҳифзи муҳити зист, иштироки фаъолонаи онҳо дар аксияҳои экологӣ, саҳми чавонон дар ҳифз ва беҳбудии муҳити атроф қайд карда шуд.