March 2021

29 March 2021

Боздиди Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур аз КДК «Кабудизоркунӣ ва гулпарварӣ» - шаҳри Хуҷанд

  Зимни сафари корӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур ва раиси шаҳри Хуҷанд Шарифзода Фирдавс бо мақсади шиносоӣ аз фаъолияти Корхонаи давлатии коммуналии «Кабудизоркунӣ ва гулпарварӣ»-и шаҳри Хуҷанд дидан намуданд. Дар Муассисаи мазкур, ки ҳудуди он беш аз 8 гектарро ташкил медиҳад, як қатор корҳо ба иҷро расонида шуданд. Дар майдонҳои ҳудуди коргоҳ ниҳолҳои ҳамешасабз ва ороишӣ шинонида шуда, парвариш ва нигоҳубин карда мешаванд. 4 адад гармхонаҳо бо парвариши гулҳои мавсимӣ фаъол мебошанд. Ҳамзамон дар ин муассиса бунёди боз гармхонаҳои нав, мағозаи фурўши гулу кўчат ва нуқтаи маслиҳатдиҳӣ низ ба нақша гирифта шудааст.

Читать далее

Шиносоии Раиси Кумита аз ҷараёни сохтмони бинои маъмурии бахши ҳифзи муҳити зисти ш.Бӯстон

   Баҳри таъмини иҷрои нақшаи чорабиниҳо бахшида ба 30-солагии Истиқлолияти давлатӣ, дар ҷараёни сафари корӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. ва сардори Раёсати ҳифзи муҳити зисти вилояти Суғд Ҳакимзода А.Қ. аз ҷараёни корҳои сохтмони бинои маъмурии бахши ҳифзи муҳити зисти шаҳри Бӯстон дидан намуданд. Бинои мазкур аз се ошёна, 5 ҳуҷраи корӣ, китобхона, толори маҷлисгоҳ ва меҳмонхона иборат аст. Айни ҳол дар гирду атрофи бино корҳои ободонӣ ва васлу насби таҷҳизотҳо идома дорад. Раиси Кумита Шерализода Б.А. ба масъулон ва сохтмончиён барои босифат анҷом додани корҳои боқимонда дастуру супоришҳо доданд.

Читать далее

Шиносоии Раиси Кумита бо коргохи коркарди партовҳои маишӣ ва коммуналӣ дар шаҳри Конибодом

   Зимни сафари кории Раиси Кумитаи ҳифзи мухити зисти назди Ҳукумати Ҷумҳурии Тоҷикистон Шерализода Б.А. ба вилояти Суғд аз коргоҳи коркарди партовҳои маишӣ ва коммуналӣ дар шаҳри Конибодом шиносоӣ пайдо намуданд. Коргоҳи мазкур аз ҷониби соҳибкори инфиродӣ Кодиров И. дар назди партовгоҳи шаҳрӣ дар майдони 2 га сохта ба истифода дода шудааст. Самти асосии фаъолият ҷамъ ва ба хелҳо ҷудо намудани партовҳо буда, дар як рӯз ба ҳисоби миёна 23-30 тн. партовҳо ба намудҳо ҷудо карда мешавад. Роҳбарияти коргоҳ тасмим гирифтааст, ки фаъолияти худро дар оянда васеъ намуда, шумораи коргаронро зиёд ва як сехи нав барои коркарди хоку пасмондаҳои партов бо мақсади истифодаи онҳо дар соҳаи кишоварзӣ сохта ба истифода диҳад.

Читать далее

19 March 2021

Табрикоти сардори Раёсати ҳифзи муҳити зисти вилояти Суғд Ҳакимзода А.Қ. бахшида ба иди Наврӯзи байналмилалӣ

Фарорасии иди Наврӯзи байналмилалии фархундапайро, ки баёнгари ҷаҳони маънавӣ, дурахши азалии донишу хирад, эҳсоси ватандорӣ ва сарчашмаи созандагии ниёгон ва аҳли диёр аст, ба Шумо самимона табрику таҳният гуфта, бароятон сарфарозию омади кор ва рўзгори бобарорро таманно дорам. Ҳарчанд тоҷикон таҷлили ин ҷашнро аз даври бостон ҳамеша дар рӯҳия ва омодагии бузург қарор додаанд, аммо расидан ба Истиқлолияти давлатӣ, сиёсати оқилона ва талоши пайгиронаи Пешвои муаззами миллат, Президенти Ҷумҳурии Тоҷикистон муҳтарам Эмомалӣ Раҳмон имконият дод, ки мардуми тоҷик ба арзишҳои суннатии хеш аз нав руҷӯъ намояд ва таомули аз дастдодаи худро бо талабу манфиатҳои имрӯзаи ҷомеа эҳё намояд.

Читать далее

Вохӯрӣ бахшида ба Рўзи байналмилалии об дар муассисаҳои таълимӣ

  Бо иқдоми мутахассисони мақомоти ҳифзи муҳити зист фаҳмонидан ва ҳадафи эълон гардидани санаҳои экологӣ аз тарафи СММ дар муассисаҳои таълимӣ ба ҳукми анъана даромадааст. Бахшида ба Рӯзи байналмилалии об, таъмини иҷрои бандҳои нақшаи чорабиниҳои Даҳсолаи байналмилалии амал «Об барои рушди устувор, 2018-2028» дар муассисаи таълимии миёнаи умумии № 15-и шаҳри Хуҷанд вохӯрии мутахассисони шуъбаи ҳифзи муҳити зист бо хонандагон доир гардид. Рафти вохӯрӣ ба мактаббачагон оид ба мақсади эълон намудани ин санаи экологӣ аз ҷониби СММ, ба масъалаҳои об дар сатҳи байналмилалӣ ҳамчун кишвари ташаббускор шинохта шудани Ҷумҳурии Тоҷикистон, ҳифз ва нигаҳдории захираҳои обӣ баромад карда шуд.Баргузории чунин вохуриву сухбатхо, тарғиби санаҳои экологӣ  барои баланд бардоштани донишу маърифати экологӣ мусоидат менамояд.

Читать далее

Аксияи «Тозагии соҳил» дар ноҳияи Шаҳристон

   Бо мақсади амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018 - 2028» ва 22 март - Рӯзи байналмилалии об, истиқболи Наврӯзи байналмилалӣ, иҷрои фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва раёсати ҳифзи муҳити зисти вилояти Суғд, дар ҷамоати деҳоти Шаҳристон аксияи «Тозагии соҳил» гузаронида шуд. Бино ба маълумоти бахши ҳифзи муҳити зист дар ин чорабинӣ асосан аҳолии ҷамоати деҳотҳо қариб 600 нафар иштирок дошта, ҷӯйборҳо, соҳили сой ба масофаи 2 км аз партовҳо тоза ва 12,6 метри мукааб партов бароварда шуд.

Читать далее

Аксияи «Тозагии соҳил» дар ноҳияи Ҷаббор Расулов

  Ҷиҳати иҷроиши фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зисти вилояти Суғд, бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028» ва 22 март - Рӯзи байналмилалии об -дар Томчисой, воқеъ дар ҷамоати деҳоти Сомониёни ноҳияи Ҷаббор Расулов аксияи «Тозагии соҳил» гузаронида шуд. Аксия бо ҷалби техника, аҳолии ҷамоати деҳот, намояндагони бахши ҳифзи муҳити зист ва идораи давлатии беҳдошти замин ва обёрӣ дар ноҳия бо иштироки 20 нафар гузаронида шуда, ду тарафи сой ба масофаи 5 км аз партовҳои ҳархела тоза ва 14 метри мукааб партов бароварда шуд.

Читать далее

22-март –Рузи умумиҷаҳонии об

 Рӯзи умумиҷаҳонии захираҳои об аз тарафи Ассамблеяи генералии СММ бори аввал санаи 22 марти соли 1993 ҷашн гирифта шуда буд. Ҳадафи асосии ин ид - баланд бардоштани маърифати аҳолӣ дар бораи муҳимияти манбаъҳои обӣ, зарурати истифодаи сарфакоронаи он, инчунин раҳнамун сохтани ҷомеа ва ҳар фарди дурандеш ҷиҳати андешидани чораҳои фаъолона барои ҳифз ва барқарор намудани  захираҳои об  мебошад. Имсол мавзӯи асосии Рӯзи умумиҷаҳонии обро «Қадри обро дониста…» пазируфтанд.  Барҳақ, дар замони муосир, ки тараққиёти иқтисодӣ ва зиёдшавии аҳолӣ ва инчунин талабот  рӯз аз рӯз ба об меафзояд, ин мавзуъ саривақтӣ мебошад. Қимати об аз нархи он гаронтар мебошад. Об яке аз сарватҳои бебаҳои табиат маҳсуб ёфта, сарсабзиву шукуфоӣ ва пайдоиши олам ба он марбут аст.

Читать далее

Чорабиниҳо бахшида ба санаи 22 март - Рӯзи байналмилалии об

 Тибқи фармоиши сардори Раёсати ҳифзи муҳити зисти вилоят аз 10.03.2021, №14, бахшида ба санаи 22 март - Рӯзи байналмилалии об ва ҷиҳати татбиқи ҳадафҳои Даҳсолаи байналмиллалии амал «Об барои рушди устувор», 2018-2028 дар миқёси вилояти Суғд як қатор чорабиниҳои экологӣ баргузор гардид. Дар шаҳру ноҳияҳо аз ҷониби зерсохторҳои раёсат аксияи «Тозагии соҳил» ва семинару вохўриҳо, аз он ҷумла дар муассисаҳои таълимӣ доир ба мавзӯъҳои бахшида ба ҳифзи захираҳои об гузаронида шуд. Мувофиқи маълумот дар рафти аксияи «Тозагии соҳил», ки дар 12 шаҳру ноҳияҳои вилоят вобаста аз обуҳаво дар маҷмӯъ, беш аз 95,8 ҳазор нафар аҳолии шаҳру ноҳияҳо иштирок намуда, 43,8 км соҳили манбаҳои обӣ тоза гардид ва 52,5 метри мукааб партовҳо бароварда шуд.

Читать далее

16 March 2021

Аксияи “Дарахти ман” дар шаҳри Хуҷанд

 Бо мақсади саҳми арзанда гузоштан дар ободӣ ва сабзу хуррамгардонии маҳалли зист, ташкилоти ҷамъиятии “Гуруҳи ҷавонон оид ба ҳифзи муҳити зист” дар ҳамкорӣ  бо Раёсати ҳифзи муҳити зисти вилояти Суғд дар даромади купруки хиёбони Исмоили Сомонӣ ва кӯчаи Гагарини шањри Хуҷанд аксияи шинондани ниҳолҳоро баргузор намуд. Дар он ихтиёриён, дӯстдорони табиат, экофаъолон,  аз ҷумла ихтиёриёни бахши Ҷамъияти Ҳилоли Ахмари Тоҷикистон дар вилояти Суғд, дигар сокинони шаҳр ва намояндагони ташкилоту идораҳои мухталиф, дар маљмуъ беш аз 130 нафар иштирок намуданд. Дар рафти аксия 300 бех ниҳолҳои ороишии ҳамешасабзи санавбар шинонида шуд. Боиси зикр аст, ки аксияи мазкур тахти шиори “Дарахти ман” дар тамоми гӯшаву канори кишвар роҳандозӣ гардида истодааст.

Читать далее

Скачано с веб-сайта JooMix.org.