March 2021

06 March 2021

Гузаронидани мониторинги экологӣ дар ноҳияҳои наздисарҳадии вилояти Суғд дар моҳи феврали соли ҷорӣ

  Раёсати ҳифзи муҳити зисти вилоят тибқи нақшаи корӣ дар моҳи феврали соли равон мониторинги экологии ҳолати минтақаҳои ноҳияҳои наздисарҳадиро доир намуд. Дар рафти гузаронидани мониторинги экологӣ тағйирёбии тамоюли таъсир ба ҳавои атмосфера ва манбаҳои обии минтақаҳо, ҳамчунин ҳолати таркиби хок ва дараҷаи радиатсия муайян карда шуд. Қайд кардан ба маврид аст, ки ченкунии вазъи ҳаво дар нуқтаҳои мухталифи ҳудудисанитарӣ - муҳофизатӣтохатисарҳаддармасофаиаз 500 метр то 2 километр дур амалӣ гардид.  Дар мавзеъи Янги – Қӯрғони ҷамоати деҳоти Ҳ.Усмонови ноҳияи Б.Ғафуров, ки бо ҷумҳурии ҳамсоя ҳамсарҳад мебошад, намунаҳои њавои атмосфера, об ва хок гирифта, ташхис гузаронида шуд. Ҳамзамон, зимни мушохида ва ченкунихои инструментал дар 2 мавзеъ бо гирифтани 10 намунахои партовхои моддахои зарарнок ба хавои атмосфера амал гардид. Натиҷаи ченкуниҳо ва ташхис нишон доданд, ки нишондиҳандаҳо ба монанди оксиди карбон, дуоксиди нитроген, фенол, гидроген сулфид, оксиди нитроген, аммиак, чанг, хлор ва гидрогенхлорид мутобиқи меъёр мебошанд.

Читать далее

Бартараф намудани партовҳои бесоҳиб дар шоҳроҳи Хуҷанд - Ашт

  Бахшида ба ҷашни Наврўзи байналмилалӣ, дар доираи нақшаи чорабиниҳо ба истиқболи 30-солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019 - 2021 дар ноҳияи Ашт баргузории аксияи «Тозагии роҳ» ташкил ва амалӣ карда шуд. Аксия мазкур дар давоми 3 рўз идома ёфта, мақсади асосӣ - ин тоза  намудани ду тарафи шоҳроҳи Хуҷанд – Ашт аз партовҳои бесоҳиб буд. Дар чорабинӣ ба ғайр аз намояндагони бахши ҳифзи муҳити зист ва Муассисаи давлатии хоҷагии чангали ба номи Н.Ҳувайдуллоев, кормандони Муассисаи давлатии назорати роҳи автомобилгарди ноҳия, дар маҷмуъ беш аз 50 нафар иштирок намуданд. Дар натиҷа 90 километр ду тарафи шоҳроҳ тоза гардида, зиёда аз 15 метри мукааб партовҳои бесоҳиб бароварда шуд.

Читать далее

05 March 2021

Табрикоти сардори Раёсат

 Иди бонувон - Рўзи Модар дар оғози эҳёи табиат, фасли баҳори фаррухқадам фаро мерасад, ки мардуми шарафманди мо онро ҳамчун яке аз арзишмандтарин идҳои умумихалқӣ ҷашн мегиранд. Бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи муқаддас, саодатмандиву сарбаландии занону модарони тоҷик ва аҳли хонадони онҳо, дар маҷмӯъ омили муҳими пешрафту ободии Ватани маҳбубамон – Тоҷикистони соҳибистиқлол мебошад. Тамоми ҷомеаи мо дарк менамояд, ки ҳар як модар шоистаи таҳсин, сазовори ситоиш, арзандаи эҳтиром ва арҷ гузоштан аст. Ба ифтихори бузургдошти ин иди фархунда Шуморо самимона табрик гуфта, бароятон тансиҳативу бахту иқболи нек, рӯзгори обод ва сулҳу осоиш орзу менамоям.

Читать далее

Ҳифзи захираҳои моҳӣ дар обанбори «Баҳри Тоҷик»

  Тибқи нақшаи корӣ ва дар асоси фармоиши сардори Раёсати ҳифзи муҳити зисти вилояти Суғд оид ба гузаронидани амалиётҳои фаврии шабонарўзӣ дар самти ҳифзи захираҳои моҳӣ дар обанбори «Баҳри Тоҷик» аз ҷониби нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳӣ чунин амалиётҳо мунтазам гузаронида шуда истодааст. Санаи 3.03.2021, ҳангоми чунин амалиёт ду нафар сокини шаҳри Конибодом – Содиқов Ҷ.Л., истиқоматкунандаи ҷамоати деҳоти Лоҳутӣ ва Худойбердиев Ҳ., истиқоматкунандаи ҷамоати деҳоти Ҷаҳонзеб барои вайрон кардани қоидаҳои моҳидорӣ ва истифодаи лавозимотҳои моҳидории ғайриқонунӣ боздошт карда шуданд. Дар натиҷа, бо дастрасии моддаи 208 Кодекси Ҷумҳурии Тоҷикистон «Дар бораи ҳуқуқвайронкунии маъмурӣ» протоколҳо тартиб дода, қаиқҳои резинӣ ва тўрҳои хархела муваққатан ба анбори раёсат супорида шуд.

Читать далее

Маъракаи ниҳолшинонӣ дар ноҳияи Зафаробод

  Бо мақсади сазовор таҷлил намудани ҷашни Наврӯзи байналмилалӣ,  ободу зебо гардонидани  боғҳову ҷойҳои ҷамъиятӣ  дар ҳудуди боғи фарҳангӣ фароғатии ба номи С.Айнии ноҳияи Зафаробод ҳашари ниҳолшинонӣ гузаронида шуд. Дар ҳашар кормандони бахши ҳифзи муҳитизист якҷоя бо кормандони боғзиёдааз 300 адад дарахтони ҳамешасабзи сановбар шинониданд. Тибқи маълумоти бахши ҳифзи муҳити зист дар ноҳия то имрӯз  6800 бех ниҳолҳои сояафкану ҳамешасабз, ороишӣ ва мевадиҳанда шинонида шудаанд.

Читать далее

Амалиёти “Ҳавои тоза” дар шаҳри Панҷакент

  Бо мақсади сазовор пешвоз гирифтани Иди байналмилалии Наврӯз, кам намудани ихроҷи моддаҳои зараровар ба ҳавои атмосфера, тибқи нақшаи корӣ бо иштироки кормандони бахши ҳифзи муҳити зист якҷоя бо кормандони БДА дар шоҳроҳи Панҷакент - Айнӣ амалиёти «Ҳавои тоза» гузаронида шуд. Рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, нисбати ронандаи 1 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.

Читать далее

04 March 2021

Ошкори ҷойи пинҳонии қонунвайронкунандагон

   Нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд ҳангоми гузаронидани амалиёти шабонарӯзии навбатӣ дар болооби обанбори «Баҳри Тоҷик», минтақаи Қӯқуроқи ноҳияи Ашт ҷойи пинҳонии қонунвайронкунандагон – қӯрӯқшиканоне, ки бо сайди ғайриқонунии моҳӣ машғуланд ошкор намуданд. Лавозимотҳои дар он ҷо дарёфтгардида далели моҳидории ғайриқонунӣ буда, аз мушоҳидаҳо аён гардид, ки дар давоми 1 - 2 моҳи зимистони соли ҷорӣ шахсони номаълум ин ҷойро сохтаанд. Аз ҷониби нозирони мақомоти ҳифзи муҳити зист дар давоми 2 шабонарўз навбатдорӣ ташкил гардида, ин ҷойи пинҳонӣ зери назорати доимӣ қарор дода шуд, аммо ягон нафар қӯруқшикан ҳозир нашуд. Баъд аз навбатдорӣ, дар рўзи сеюм ҳамаи лавозимотҳои сайди ғайриқонунии моҳӣ ва ба он мусоидаткунанда, худи ҷойи пинҳонӣ несту нобуд карда шуд.

Читать далее

Шанбегии умумишаҳри дар шаҳри Истаравшан

   Тибқи супориши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади тоза намудани Каттасой дар шаҳри Истаравшан бо ҷалби васеи аҳолӣ, хонандагони муассисаҳои таълимии шаҳр, муҳасилини коллеҷҳои тиббӣ ва ҳунарҳои мардумӣ, кормандони ташкилоту корхонаҳо шанбегии умумишаҳрӣ   гузаронида шуд. Шанбегӣ бо иштироки 1500 нафар  ва ҷалби 2 адад техника гузаронида шуда, 20 тн.партов ба партовгоҳи шаҳр интиқол дода шуд. Ҳамчунин  барои  огоҳӣ  намудани  аҳолӣ огоҳинома  ба микдори 2 ҳазор адад тақсим карда шуда, дар ин мавзеъ 10 адад овезаҳо насб карда шуд. Ҷараёни шанбегӣ тариқи телевизиони маҳаллӣ ба навор гирифта шуд.

Читать далее

02 March 2021

Тарғиби Паём дар муассисаи таълимии шаҳри Панҷакент

  Бо мақсади ташвиқи Паёминавбатии Пешвои миллат Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, таъмини иҷрои нақшаи кории мақомоти ҳифзи муҳити зист дар муассисаи таҳсилоти миёнаи умумии № 15 шаҳри Панҷакент вохӯрӣ бо хонандагон доир гардид. Мутахассиси бахши ҳифзи муҳити зист сараввал оиди нуктаҳои асосии дар Паём омада суханронӣ намуда, сипас ба хонандагон вобаста ба масъалаҳои ҳифзи муҳити зист, ҳифз ва самаранок истифода бурдани захираҳои обӣ, иштироки ҷавонон дар шанбегиҳо, ки барои баланд бардоштани маърифати экологии насли наврас мусоидат менамояд, корҳои фаҳмонидадиҳӣ гузаронида шуд.

Читать далее

Вохӯрӣ дар муассисаҳои таълимии миёнаи умумии №3, 9 ва 17 шаҳри Конибодом

  Кормандони мақомоти ҳифзи муҳити зист тибқи нақшаи корӣ корҳои ташвиқотиву тарғиботиро бо муассисаҳои таълимӣ зич ба роҳ мондааст. Бо ин мақсад бо иқдоми кормандони бахши ҳифзи муҳити зисти ш.Конибодом дар муассисаҳои таълимии миёнаи умумии №№ 3,9 ва 17 шаҳр вохӯрӣ бо мактаббачагон доир гардид. Кормандони бахш зимни вохӯрӣ самтҳои асосии Паёми навбатии Пешвои миллат Президенти ҶумҳурииТоҷикистонмуҳтарам Эмомалӣ Раҳмонро ба Маҷлиси Олии Ҷумҳурии Тоҷикистон фаҳмонида, оид ба баланд бардоштани тарбияи экологии насли наврас, муаммоҳои ҷойдошта дар самти ҳифзи муҳити зист, ташвиқу тарғиби моҳияти Даҳсолаи байналмилалии амал «Об барои рушди устувор, 2018-2028» ва гузоштани саҳми арзанда дар беҳбудӣ ва ободии кишварамон ибрози ақида намуданд. Дар навбати худ хонандагон аз баргузории чунин сӯҳбату вохӯриҳо изҳори қаноатмандӣ баён намуданд.

Читать далее

Скачано с веб-сайта JooMix.org.