21 July 2021
Аксияи «Тозагии роҳ» дар ноҳияи Ҷ.Расулов
- Подробности статьи
- Автор
- Категория News
Бо мақсади таъмини иҷрои нақшаи кории мақомоти ҳифзи муҳити зист, истиқболи сазовори ҷашни 30-солагии Истиқлолияти давлатии Ҷумҳурии Тоҷикистон ва омодагӣ барои ташрифи меҳмонони олиқадр ба вилояти Суғд дар ҷамоати деҳоти Деҳмой аксияҳои экологии умуминоҳиявӣ доир гардид. Дар маҷмўъ, рафти аксияҳо беш аз 800 нафар намояндагони ташкилоту муассиса, идора ва сокинони ҷамоат иштирок намуданд. Як қатор корҳо дар доираи аксияи «Тозагии роҳ» ба сомон расонида шуд, ки зиёда аз 6 км қаддӣ шоҳроҳи Ҷ.Расулов – Конибодом аз партовҳо ва алафҳои бегона тоза ва 14 метри мукааб партовҳо дар партовгоҳи ноҳия ҷойгир гардид. Тибқи нақшаи пешбинигардида, рўзҳои наздик аз ҷониби бахши ҳифзи муҳити зисти ноҳияи Ҷ.Расулов дар қаддӣ шоҳроҳи мазкур 200 бех ниҳоли дарахтони ҳмешасабзи санавбар шинонида мешавад.
Насби овезаи экологӣ дар ноҳияи Бобоҷон Ғафуров
- Подробности статьи
- Автор
- Категория News
Шуъбаи ҳифзи муҳити зисти ноҳияи Бобоҷон Ғафуров дар ҳудуди ҷамоати шаҳраки Ғафуров, назди бозори марказии «Фаровон», ки ҳамарўза ҳамчун минтақаи серодам ба ҳисоб меравад овезаи экологиро бо навиштаҷоти «Табиати Тоҷикистон – макони сайёҳии экологӣ» насб намуд. Иқдоми мазкур бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид.
Дар ноҳияи Ашт аксияҳои экологӣ баргузор гардид
- Подробности статьи
- Автор
- Категория News
Дар доираи нақшаи чорабиниҳо оид ба омодагӣ ва таҷлили 30-солагии Истиқлолияти давлатии Ҷумҳурии Тоҷикистон дар ноҳияи Ашт аксияҳои «Тозагии роҳ» ва «Тозагии маҳал» гузаронида шуд. Бо иқдоми бахши ҳифзи муҳити зисти ноҳия зиёда аз 250 нафар сокинони ҷамоати деҳоти Ошобаи ноҳияи Ашт дар аксияҳо фаъолона иштирок карда, корҳои назаррас, аз он ҷумла тоза намудани 4 км ду тарафи канори роҳи нақлиётгард аз ҳар гуна партовҳо амалӣ гардид. Ҳамчунин, дар рафти аксия 2,5 тонна партов ба партовгоҳи ноҳия бароварда шуд.
Дар шаҳри Истаравшан овезаи экологӣ насб гардид
- Подробности статьи
- Автор
- Категория News
Аз ҷониби бахши ҳифзи муҳити зисти шаҳри Истаравшан дар хиёбони Исмоили Сомонии ҷамоати шаҳраки Истаравшан овезаи экологӣ насб гардид. Ин иқдом бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид. Ҳадаф аз насб намудани овезаҳои тарғиботӣ баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ маҳсуб меёбад.
Насби овезаи экологӣ дар шаҳри Панҷакент
- Подробности статьи
- Автор
- Категория News
Тибқи супоришу тақсимоти Кумитаи ҳифзи муҳити зисти назди Ҳукумати Ҷумҳурии Тоҷикистон ва ҷиҳати сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон аз тарафи бахши ҳифзи муҳити зисти шаҳри Панҷакент дар хиёбони Рўдакии шаҳр овезаи таблиғотии экологӣ насб гардид. Овезаи мазкур ба баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ роҳандозӣ карда шудааст.
Баргузории амалиёти санҷиши аналитикии воситаҳои нақлиёт дар ноҳияи Б.Ғафуров
- Подробности статьи
- Автор
- Категория News
Тибқи нақшаи корӣ ва дар доираи нақшаи чорабиниҳои бахшида ба истиқболи 30-солагии Истиқлолияти давлатии Ҷумҳурии Тоҷикистон аз ҷониби нозирони мақомоти ҳифзи муҳити зисти вилояти Суғд ва зерсохтори он дар ноҳияи Бобоҷон Ғафуров бо мақсади кам намудани ихроҷи моддаҳои зараровар ба ҳавои атмосфера ва беҳбудии муҳити зист амалиёти «Ҳавои тоза» гузаронида шудааст. Дар рафти амалиёт якҷоя бо шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд 47 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намуданд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба Бозрасии давлатии автомобилии шаҳру ноҳия ирсол гардид.