November 2021
27 November 2021
Таҷлили Рӯзи Парчам дар бахши ҳифзи муҳити зисти шаҳри Панҷакент
- Подробности статьи
- Автор
- Категория News
Ҷиҳати дар сатҳи баланд гузаронидани таҷлили Рӯзи Парчам дар Маркази бозомӯзии бахши ҳифзи муҳити зисти шаҳри Панҷакент маҷлиси тантанавӣ доир гардид. Мудири бахши ҳифзи муҳити зисти шаҳри Панҷакент Истамзода А. ба кормандон доир ба саҳифаи таърихӣ - 24-ноябри соли 1992 дар Иҷлосияи 16 Шӯрои Олӣ расман соҳиби аввалин рамзи истиқлол ва соҳибихтиёрии худ - Парчами давлатӣ гардидани ҷумҳуриамон суханронӣ намуд. Қайд карда шуд, ки соли 2009 бо иқдоми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ин санаи таърихӣ Рӯзи Парчами давлатӣ эълон шуд ва ҳар сол бошукӯҳу тантана ҷашн гирифта шуда, бигзор ин рамзи давлати соҳибистиқлоли тоҷикон чун нишони ифтихори ҷовидонаи миллат то абад парафшон бошад.
Таҷлили Рӯзи Парчам дар шаҳри Истаравшан
- Подробности статьи
- Автор
- Категория News
Санаи 23 ноябри соли 2021 мутахассисони бахши ҳифзи муҳити зисти шаҳри Истаравшан дар муассисаи таҳсилоти миёнаи умумии №22 деҳаи Куҳандиж дар чорабинӣ бахшида ба Рӯзи Парчами давлатии Ҷумҳурии Тоҷикистон иштирок намуданд. Кормандони бахш ба толибилмон мӯҳтавои ин санаи таърихиро фаҳмонида дода, гиромӣ доштани ин муқаддасоти миллиро қайд намуданд. Хонандагон бахшида ба ин санаи муқаддас дар васфи Парчами давлатӣ, дастовардҳои Тоҷикистони соҳибистиқлол ва ватандӯстиву ҳувияти миллӣ баромадҳо намуданд.
Таҷлили Рӯзи Парчами давлатии Ҷумҳурии Тоҷикистон дар шаҳри Хуҷанд
- Подробности статьи
- Автор
- Категория News
Бо мақсади дар сатҳи баланд истиқбол намудани Рӯзи Парчами давлатии Ҷумҳурии Тоҷикистон, иҷрои барқияҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва сарраёсати ҳифзи муҳити зисти вилояти Суғд дар муассисаи таълимии миёнаи умумии № 23 ба номи Абулқосими Фирдавсии шаҳри Хуҷанд бо иштироки хонандагону омӯзгорон чорабинӣ гузаронида шуд. Рафти чорабинӣ корманди шуъбаи ҳифзи муҳити зисти шаҳри Хуҷанд роҷеъ ба таърихи Парчам ва тавсифи он, ки барои баланд бардоштани эҳсоси ватандӯстии хонандагон ва ифтихор аз Ҷумҳурии соҳибистиқлоламон мусоидат менамояд, баромад намуд. Дар қисмати адабии чорабинӣ хонандагон оиди муқаддасоти ватан ва гиромидошти он, дар васфи Тоҷикистони соҳибистиқлол шеъру сурудҳо қироат намуданд.
Баланд бардоштани маърифати экологии аҳолӣ оид ба огоҳии мардум дар бораи тағйирёбии иқлим ва рушди устувор
- Подробности статьи
- Автор
- Категория News
Дар толори меҳмонхонаи «Парламент»-и шаҳри Хуҷанд бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон дар солҳои 2021-2025» ва дастгирии Агентии ҳамкориҳои байналмилалии Ҷопон (Jica), семинари машваратӣ дар мавзӯи «Баланд бардоштани маърифати экологии аҳолӣ оид ба огоҳии мардум дар бораи тағйирёбии иқлим ва рушди устувор» баргузор гардид. Дар кори семинари омӯзишӣ ғайр аз намояндагони Кумита, Маркази омӯзиши тағйирёбии иқлим ва қабати Озони Агентии обуҳавошиносӣ ва намояндаи «Jica», кормандони сарраёсати ҳифзи муҳити зисти вилояти Суғд ва зерсохторҳо, роҳбарони Маркази обуҳавосанҷии вилоят ва Маркази Орхус дар шаҳри Хуҷанд иштирок ва баромад намуданд. Дар оғози семинар суханҳои ифтитоҳии сардори Маркази ахбори экологии Кумитаи ҳифзи муҳити зисти назди Ҳукумати Ҷумҳурии Тоҷикистон Тиллоева Г., намояндаи «Jica» Узоқов Б. ва муовини сардори сарраёсати ҳифзи муҳити зисти вилояти Суғд Абдумаликзода Б. шунида шуд.
Таҷлили Рӯзи Парчам шаҳри Исфара
- Подробности статьи
- Автор
- Категория News
Бо мақсади дар сатҳи баланд таҷлил намудани Рӯзи Парчами давлатии Ҷумҳурии Тоҷикистон дар толори филиали Донишгоҳи технологии Тоҷикистон дар шаҳри Исфара чорабинии таблиғотӣ гузаронида шуд. Дар рафти чорабинии мазкур аз тарафи омӯзгорон ва донишҷӯён ва корманди бахши ҳифзи муҳити зисти шаҳри Исфара оид ба таърихи қабули Парчами давлатии Ҷумҳурии Тоҷикистон ва ҳар сол ҳамчун ҷашни миллӣ таҷлил карда шудани ин санаи таърихӣ баромадҳо карда шуд. Донишҷуён низ доир ба пос доштани ин муқаддасоти миллӣфикру акидахои худро баён намуданд.
24 November 2021
Табрикоти сардори Сарраёсати ҳифзи муҳити зисти вилояти Суғд ба муносибати Рӯзи Парчами давлатии Ҷумҳурии Тоҷикистон
- Подробности статьи
- Автор
- Категория News
Сарраёсати ҳифзи муҳити зисти вилоят бо таманниёту фараҳмандии афзун бо фарорасии санаи фархундаву таърихии Рӯзи Парчами давлатии Ҷумҳурии Тоҷикистон табрику таҳният гуфта, таманно дорад, ки то абад Парчами давлатӣ парфишон бошаду ҳамаи мо зери он ба суи дастоварду муваффақиятҳои беназир баҳри тараққиёту пешрафти Ватани азизамон равона бошем. Эҳтиром ва арҷгузорӣ ба арзишҳои миллӣ, аз ҷумла ба парчами давлатӣ эҳтиром ба кулли арзишҳои гузаштаву имрӯза ва ояндаи миллат мебошад. Дар ин бора, Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон таъкид намудаанд: “Парчами давлатӣ барои мо – тоҷикон нишонаи бақои миллат, ваҳдату ягонагӣ, ҳуввияти миллӣ ва беҳтарин василаи тарбияи наврасону ҷавонон дар рӯҳияи ифтихор аз давлатдории миллӣ ва ҳифзи арзишҳои таъриху фарҳанги халқамон мебошад”. Таҷлили ин санаи фархунда дар замири ҳар фарди ватандӯст эҳсоси дӯст доштани ин марзу бумро бамаротиб зиёд менамояд, зеро парчами давлатӣ рамзи воқеии эътиқоду имон ба миллат, давлат, сарзамин, тамаддуну фарҳанг ва дар маҷмӯъ, ба тамоми арзишҳои ахлоқию маънавии кишвар мебошад. Бори дигар Рӯзи парчами давлатиро ба хамаи шумоён табрику муборакбод гуфта, итминони комил дорам, ки муҳаббат ва садоқати мардуми шарифи Тоҷикистон ба парчами давлати соҳибистиқлоламон дар замири ҳар шаҳрванди диёр эҳсоси ватандорию худшиносии миллиро дучанд намуда, онҳоро ба фатҳи қуллаҳои нав ба нави меҳнатӣ раҳнамун месозад. Рӯзи Парчами давлатии Ҷумҳурии Тоҷикистон муборак!
Маҷлиси тантанавӣ бахшида ба Рӯзи Парчами давлатии Ҷумҳурии Тоҷикистон
- Подробности статьи
- Автор
- Категория News
Дар толори маҷлисгоҳи Сарраёсати ҳифзи муҳити зисти вилояти Суғд бахшида ба Рӯзи Парчами давлатии Ҷумҳурии Тоҷикистон бо иштироки сардорони шуъбаҳо, сармутахассисон ва кормандони сарраёсат маҷлиси тантанавӣ доир гардид. Муовини сардори сарраёсат Абдумаликзода Б. бо суханони ифтитоҳӣ маҷлисро ҳусни оғоз бахшида, мақсади аз рӯзи ид муайян гардидани рӯзи 24 ноябр, дар тақвими иду ҷашнвораҳои миллии кишварамон бо пешниҳоди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва қарори Маҷлиси Олии Ҷумҳурии Тоҷикистон боз як санаи таърихӣ - Рӯзи Парчами давлатии Ҷумҳурии Тоҷикистон, ки аз санаи 24 ноябри соли 2009 бо хатти заррин сабт гашт ва ҳар сол ҳамчун ҷашни миллӣ таҷлил карда мешавад, ёдоварӣ намуд. Дар навбати худ сармутахассис оид ба ҳуқуқи сарраёсат Юсупов Т. бобати моҳият ва тартиби истифодаи расмии парљами давлатӣ дар асоси Қонуни Ҷумҳурии Тоҷикистон “Дар бораи рамзҳои давлатӣ”ибрози ақида намуд. Дар интиҳои маҷлиси тантанавӣ муовини сардори сарраёсат бори дигар Рӯзи парчами давлатиро ба хамаи иштирокдорон табрику муборакбод гуфта, итминони комил изҳор намуд, ки муҳаббат ва садоқати мардуми шарифи Тоҷикистон ба парчами давлати соҳибистиқлоламон дар замири ҳар шаҳрванди диёр эҳсоси ватандорию худшиносии миллиро дучанд намуда, онҳоро ба фатҳи қуллаҳои нав ба нави меҳнатӣ раҳнамун месозад.
22 November 2021
Семинари омӯзишӣ оид ба таҳкими механизмҳои татбиқи муқаррароти Конвенсияи Орхус
- Подробности статьи
- Автор
- Категория News
Санаҳои 19 - 20 ноябри соли 2021 дар толори меҳмонхонаи Сиренаи шаҳри Душанбе семинари омӯзишӣоидбатаҳкимимеханизмҳоитатбиқи муқарраротиКонвенсияиОрхус баргузор гардид, ки дар кори он намояндагони ҳамаи панҷ Марказҳои Орхус аз шаҳрҳои Душанбе, Хуҷанд, Бохтар, Хорог ва Ғарм, намояндагони дигар ташкилоти ҷамъиятӣ мақомоти ҳифзи муҳити зист, инчунин аз вилояти Суғд сармутахассиси сарраёсати ҳифзи муҳити зист ва сармуҳаррири рўзномаи вилоятии «Согдийская правда» ҳамчун шарики доимии Маркази Орхус дар шаҳри Хуҷанд иштирок дошта, чорабинӣ бо дастгирии Дафтари барномаҳои САҲА дар шаҳри Душанбе амалӣ гардид. Дар рафти семинардар бораи қоидаҳо ва принсипҳоиКонвенсияи Орхус, ҳуқуқ ба иттилооти экологӣ ва механизмҳои татбиқи он дар қонунгузории Ҷумҳурии Тоҷикистон, шаклҳои асосии иштироки аҳолӣ дар қабули қарорҳои назарраси экологӣ, асосҳо барои ҷустуҷӯи адолати судӣ тибқи Конвенсияи Орхус, тартиби роҳҳои муҳофизати ғайрисудӣ (маъмурӣ) ва хусусиятҳои усули ҳимояи судӣинъикос шуда, ҳамзамон презентатсияҳоиМарказҳои Орхус дар бораи фаъолияти худ пешкаши иштирокдорон гардид. Дар қисми муҳокимаи маърўзаҳо саволу ҷавоб ба амал омада, ҳамчунин дар гурӯҳҳоихурд корбарӣ карда шуд.
18 November 2021
Маҷлиси тантанавӣ ба муносибати Рӯзи Президенти Ҷумҳурии Тоҷикистон дар шуъбаи ҳифзи муҳити зисти ноҳияи Бобоҷон Ғафуров
- Подробности статьи
- Автор
- Категория News
Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади дар сатҳи баланд таҷлил намудани Рӯзи Президенти Ҷумҳурии Тоҷикистон дар шуъбаи ҳифзи муҳити зисти ноҳияи Бобоҷон Ғафуров маҷлиси тантанавӣ гузаронида шуд. Зимни суханронӣ сардори шуъбаи ҳифзи муҳити зисти ноҳияи Бобоҷон Ғафуров Ғаффоров Ҷ. аҳамияти баргузории «Рӯзи Президенти Ҷумҳурии Тоҷикистон» васаҳми бузурги Пешвои маҳбуби миллат, Президенти Ҷумҳурии Тоҷикистон муҳтарам Эмомалӣ Раҳмонро дар эъмори давлати навини тоҷикон қайд намуд. Ҳамчунин таъкид гардид, ки Иҷлосияи 16-уми Шӯрои Олии Ҷумҳурии Тоҷикистон дар таърихи миллати тоҷик саҳифаи наверо боз намуда, пешрафту нумӯи давлати тоҷикон аз файзу баракати ин Иҷлосияи тақдирсоз сарчашма гирифт. Кормандони бахш низ оид ба сиёсати пешгирифтаи хирадмандона ва бо шарофати Сарвари давлат хубу беҳтар гардидани сатҳи некуаҳволии аҳолӣ баромадҳо намуданд.
Маҷлиси тантанавӣ ба муносибати Рӯзи Президенти Ҷумҳурии Тоҷикистон дар бахши ҳифзи муҳити зисти шаҳри Панҷакент
- Подробности статьи
- Автор
- Категория News
Ба муносибати Рӯзи Президенти Ҷумҳурии Тоҷикистон дар Маркази бозомӯзии бахши ҳифзи муҳити зисти шаҳри Панҷакент бо иштироки кормандони бахш маҷлиситантанавӣ баргузор гардид. Дар суханронии табрикӣ мудири бахши ҳифзи муҳити зисти шаҳри Панҷакент Истамзода А.И. зикр намуд, ки хизматҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар роҳи таҳкими давлатдории миллӣ ва беҳбудии сатҳи зиндагии мардуми Тоҷикистон хеле бузург аст. Дар рафти маҷлис кормандони бахш баромадҳо намуда, аз ташаббусҳои беназири Тоҷикистон дар масоили об, ки маҳз бо ибтикори Сарвари давлат дастгирӣ ёфт, суханронӣ намуданд.