April 2022
26 April 2022
Таҷлили Рӯзи умумиҷаҳонии замин дар Литсейи касбӣ политехникии ш.Хуҷанд
- Подробности статьи
- Автор
- Категория News
Дар асоси барқияи мақомоти ҳифзи муҳити зист оид ба гузаронидани чорабиниҳо бахшида ба Рӯзи умумиҷаҳонии замин, дар асоси нақшаи корӣ дар Литсейи касбӣ политехникии ш.Хуҷанд вохӯрӣ гузаронида шуд. Дар он мутахассисони шуъбаи ҳифзи муҳити зист дар ш.Хуҷанд, омӯзгорону донишҷӯёни Литсей иштирок доштанд. Баромадкунан-дагон доир ба муаммоҳо, ҳифз ва самаранок истифодабарии захираҳои замин дар замони муосир, ташаккули мавқеи фаъоли донишҷуён дар соҳаи ҳифзи муҳити зист, роҳҳои татбиқи Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 – 2025 суханронӣ намуданд.
Семинар - машварат дар Маркази бозомӯзии шуъбаи ҳифзи муҳити зист дар ш. Панҷакент
- Подробности статьи
- Автор
- Категория News
Бо ибтикори шуъбаи ҳифзи муҳити зист дар ш.Панҷакент дар Маркази бозомӯзӣ бо иштироки хонандагони муассисаи таълимии миёнаи умумии № 15 бахшида ба Рӯзи дониши экологӣ ва Рӯзи умумиҷаҳонии Замин семинар машварат доир гардид. Дар кори семинар мутахассисони шуъба дар бораи таърих ва ҳадафи таҷлили рӯзи донишҳои экологӣ ва Рӯзи байналмилалии замин, истифодаи оқилонаи замин, сабабҳои тағйирёбии иқлим ва амалигардонии нақшаи чорабиниҳои “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» баромад намуданд.Рафти чорабинӣ тариқи телевизиони Ҷаҳоннамо инъикос карда шуд.
Соати экологӣ дар Маркази бозомӯзии бахши ҳифзи муҳити зист дар ш.Гулистон
- Подробности статьи
- Автор
- Категория News
Баҳри таъмини иҷрои бандҳои нақшаи чорабиниҳои “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025” ва барқияи Сарраё-сати ҳифзи муҳити зист дар вилояти Суғд дар Маркази бозомӯзии ш.Гулистон соати экологӣ бо хонандагони Муассисаи таълимии миёнаи умумии №1 гузаронида шуд. Корманди бахши ҳифзи муҳити зист дар ш.Гулистон ба хонандагон доир ба мақсади асосии таҷлили Рӯзи Замин, саҳми хонандагон дар аксияҳои экологӣ, баланд бардоштани маърифати экологии онҳо баромад намуд. Омӯзгори фанни экологияи муассиса баргузории чунин соати омӯзиширо саривақтӣ арзёбӣ намуда, хонандагон низ ба саволҳои худ оид ба муаммоҳои ҷойдоштаи экологӣ ҷавобҳои мушаххас гирифтанд.
Таҷлили Рӯзи умумиҷаҳонии замин дар ноҳияи Бобоҷон Ғафуров
- Подробности статьи
- Автор
- Категория News
Дар асоси барқияҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Сарраёсати ҳифзи муҳити зист дар вилояти Суғд дар бораи гузаронидани чорабиниҳо ва аксияи экологии «Тозагии замин» бахшида ба Рӯзи умумиҷаҳонии замин дар муассисаи таълимии миёнаи умумии № 1 ҷамоати деҳоти Ёва-и н.Б.Ғафуров конференсия гузаронида шуд. Дар он намояндагони шуъбаи маорифи ноҳия ва ҷамоати деҳоти Ёва, омӯзгорони факултети геоэкология ва туризми Муассисаи давлатии таълимии Донишгоҳи давлатии Хуҷанд ба номи академик Б.Ғафуров, хонандагон ва омӯзгорони муассисаи таълимӣ иштирок доштанд. Тибқи барномаи чорабинӣ аз ҷониби иштирокчиён доир ба таърихи ин санаи экологӣ, муносибати эҳтиёткорона доштан нисбати муҳити зист, иштироки фаъолонаи насли наврас дар беҳбудии муҳити атроф баромадҳо намуданд. Рафти конференсия дар байни хонандагони синфҳои болоӣ озмун дар мавзӯи “Ҳифзи Замин ” гузаронида шуд. Дар интиҳои чорабинӣ ба ғолибони озмун ва фаъолони чорабинӣ сипосномаву туҳфаҳо тақдим гардид. Конференсияи мазкур аз тарафи шуъбаи ҳифзи муҳити зист дар ноҳия ташкил карда шуда, баҳри иҷрои бандњои нақшаи чорабиниҳои “Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» равона гардидааст.
Баргузории чорабиниҳо бахшида ба Рўзи умумиҷаҳонии Замин
- Подробности статьи
- Автор
- Категория News
Бо мақсади таъмини иҷрои талаботи Қонуни Ҷумҳурии Тоҷикистон «Дар бораи маърифати экологии аҳолӣ», дар амал татбиқ намудани нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», баланд бардоштани дониши экологӣ ва ба муносибати Рӯзи умумиҷаҳонии Замин фармоиши сардори Сарраёсати ҳифзи муҳити зист дар вилояти Суғд аз 14.04.2022, №24 «Дар бораи гузаронидани семинар ва аксияи экологии «Тозагии замин» бахшида ба санаи 22 апрел – Рӯзи умумиҷаҳонии Замин» ба имзо расида, санаҳои 22 ва 23 апрели соли ҷорӣ дар миқёси вилоят бо ташаббуси мақомоти ҳифзи муҳити зист як қатор чорабиниҳо баргузор гардид. Санаи 22 апрел дар шаҳру ноҳияҳои Панҷакент, Хуҷанд, Гулистон, Б.Ғафуров, Зафаробод ва Ҷ.Расулов бо иштироки хонандагону омўзгорони муассисаҳои таълимӣ, аз он ҷумла Литсейҳои касбӣ семинар бахшида ба Рўзи умумиҷаҳонии Замин аз ҷониби кормандони зерсохторҳои сарраёсат гузаронида шудааст. Ҳамчунин, санаи 23 апрел дар ҳамаи шаҳру ноҳияҳо аксияи «Тозагии замин» бо иштироки оммаи васеъ ташкил ва баргузор гардидааст, ки дар маҷмўъ беш аз 16,6 ҳазор нафар ширкат варзида, дар натиҷа 11,2 км ҷуйбор, 14,6 ҳазор метри мураббаъ ҳудуд, 23 км соҳилҳои обӣ, 9,5 км заҳбуру канал ва 12,2 ҳазор метри мураббаъ майдонҳо аз партовҳо, аз ҷумла пластикӣ, алафҳои бегона ва хушк тоза гардиданд.
22 April 2022
22 апрел - Рӯзи умумиҷаҳонии Замин
- Подробности статьи
- Автор
- Категория News
«Рӯзи Замин – ин рӯзи ҷавобгарии мо дар назди сайёра, аҳли башар, ки дар он маскунанд, назди худи табиат, ки худ ҷузъи он мебошем» (С.Капитса)
Соли 2009 Маҷмаи Умумии СММ қарор қабул намуд, ки ҳамасола санаи 22 апрел чун Рӯзи байналмилалии Замин таҷлил карда шавад. Ҳадаф аз чунин иқдом – ҷалби оммаи васеъ ба масоили мубрами ҳифзи муҳити зист мебошад. Дар ин қарордоди таъсиси Рӯзи байналмилалии Модар – Замин таъкид шудааст, ки Замин хонаи умумии мо буда, барои ноил гаштан ба мувозинаи одилона миёни талаботи мавҷудаи иқтисодӣ, иҷтимоӣ ва экологӣ ва наслҳои минбаъда баҳри муназзамии табиати сайёра чораҳо андешидан зарур аст. Бори нахуст соли 1970 бо ин ният гурӯҳи ҷавонони Донишгоҳи Гарварди Иёлоти Муттаҳидаи Амрико ҳамоиш барпо намуданд. Ин гурӯҳро сиёсатмадори маъруф Гейлорд Нелсон дастгирӣ мекард. Ташаббуси мазкурро дар тамоми гӯшаю канори сайёра миллионҳо нафар ҳамовозӣ намуданд. Зери таъсири ин ҳаракат як қатор қонунҳои ба ҳифзи муҳити зист равонагардида қабул карда шуданд.
20 April 2022
Амалиётҳои фаврӣ дар минтақаи Шӯркул
- Подробности статьи
- Автор
- Категория News
Баҳри иҷрои фармоиши сардори Сарраёсат оид ба ҳифзи захираҳои моҳӣ дар давраи манъи сайди моҳӣ аз тарафи кормандони бахши ҳифзи муҳити зисти ш.Гулистон амалиёти фаврӣ гузаронида шуд. Ҳангоми амалиёти фаврӣ шаҳрванд Муборакқадамов Рустам, ки дар минтақаи Шӯркӯли н.Б.Ғафуров ба воситаи қаиқи алюминӣ бо муҳаррики SUZUKI-15 бо истифодаи 5 адад тӯрҳои моҳидории лескагӣ - 91 сар зағорамоҳӣ, 9 сар суфмоҳӣ ва 1 сар мормоҳӣ сайд намудааст, ошкор карда шуд. Ба қонуншикан мувофиқи моддаи 77-и Қонуни Ҷумҳурии Тоҷикистон «Дар бораи ҳифзи муҳити зист» зарар ба маблағи 6464,0 сомонӣ муайян гардида, мавод барои чораандешӣ ба Прокуратураи вилоятӣ ирсол гардид.
19 April 2022
Ифтитоҳи хоҷагии ёрирасони намунавии «Ҳифзи табиат» дар шаҳри Панҷакент
- Подробности статьи
- Автор
- Категория News
14 апрели соли 2022 дар доираи сафари кории Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон ба вилояти Суғд, бо иштироки раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А., раиси шаҳри Панҷакент Холиқзода А.С., Вазири маориф ва илми Ҷумҳурии Тоҷикистон Саидзода Р., Вазири кишоварзии Ҷумҳурии Тоҷикистон Каримзода С.Ғ., муовини раиси вилояти Суғд Мирдадо З., сардори Сарраёсати ҳифзи муҳити зист дар вилоят Ҳакимзода А.Қ. ва дигар шахсони масъул дар деҳаи Чимқалъаи ҷамоати деҳоти Саразм Хоҷагии ёрирасони намунавии (ниҳолпарварӣ) “Ҳифзи табиат”-и шуъбаи ҳифзи муҳити зист дар шаҳри Панҷакент ифтитоҳ гардид. Дар кушодашавии расмии он, ки дар доираи омодагӣ ба 35-солагии Истиқлолияти давлатии Ҷумҳурии Тоҷикистон роҳандозӣ карда шуд, иттилоъ дода шуд, ки бунёди хоҷагии ёрирасони намунавии “Ҳифзи табиат” - и назди шуъбаи ҳифзи муҳити зист дар шаҳри Панҷакент бо мақсади парвариши ниҳолҳои дарахтони ороишию сояафкан моҳи январи соли 2022 оғоз гардид. Масоҳати умумии замини хоҷагӣ 7 гектар буда, бинои якошёна барои фароҳам овардани шароити кории кормандон, дигар корҳои ободонию кабудизоркунӣ дар сатҳи зарурӣ иҷро гашта, барои кабудизоркунӣ 24 намуди дарахтон бо миқдори 63000 адад гулҳои мавсимӣ ва дарахтони ороишӣ шинонида шуданд.
14 April 2022
15 апрел – Рўзи умумиҷаҳонии дониши экологӣ
- Подробности статьи
- Автор
- Категория News
Ҳамасола санаи 15 – апрелро дўстдорони табиат чун Рўзи умумиҷаҳонии дониши экологӣ таҷлил менамоянд. Ин иқдом соли 1992, зимни баргузории Конфронси СММ дар шаҳри Рио-де-Жанейро, ки масъалаҳои доғи рушди устувори аҳли башар муҳокима мегардид, ба ҳукми анъана даромад. Тарбия ва маърифати экологӣ – фаъолият доир ба ташаккули маданияти экологӣ, муносибати эҳтиёткорона ба муҳити зист ва таъмини донишҳои экологӣ мебошад. Ҳадафи асосии таҷлили ин рӯз - пешбурди донишҳои экологӣ, ташаккули маърифати экологии аҳолӣ, бохабар намудани ҷомеа оид ба муаммоҳо, амният ва ҳолати экологӣ, ҳамчунин тарбия намудани ҳар фарде, ки барояш беҳдошти муҳити зист бетавофут нест. Муҳим будани дониши экологӣ дар замони муосир яке аз ҷабҳаҳои муҳим дар таълим ва тарбия маҳсуб меёбад. Зеро фаъолият дар пеш бурдани маърифати экологии аҳолӣ ва муносибати эҳтиёткорона нисбати муҳити зист – ин кафолати ояндаи солим барои инсон мебошад. Яке аз вазифаҳои муҳими амалисозии сиёсати давлатӣ ин тарбияи маърифати экологӣ ба ҳисоб меравад.
Амалиёти назоратӣ дар давраи тухмгузории моҳӣ дар шаҳри Гулистон
- Подробности статьи
- Автор
- Категория News
Тибқи банди 1 фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 30 марти соли 2022, № 38 «Дар бораи ҳифзи захираҳои моҳӣ дар давраи тухмгузории соли 2022» дар тамоми дарёҳо, обанборҳои Ҷумҳурии Тоҷикистон аз 1 апрел то 1 июни соли 2022 дар давраи тухмгузории моҳиҳо тамоми намудҳои моҳидорӣ манъ карда шудааст. Бо мақсади фароҳам овардани шароити мусоид ба афзоиши табиии захираҳои моҳӣ дар давраи тухмгузории соли ҷорӣ аз ҷониби нозирони бахши ҳифзи муҳити зист дар шаҳри Гулистон, соҳили обанбори Баҳри Тоҷик амалиёти фаврии шабонарӯзӣ гузаронида шуда, ду ҳолати вайрон кардани талаботи қонунгузорӣ ошкор гардидааст. Барои роҳ додан ба қонунвайронкунӣ нисбати ду нафар сокинони ҷамоати деҳоти Исфисори ноҳияи Б.Ғафуров Ҳалимов Абдуҷамил ва Одилов Абдурашид бо дастрасии моддаи 223-и Кодекси ҳуқуқвайронкунии маъмурии Ҷумҳурии Тоҷикистон протокол тартиб дода шуда, пас аз баррасӣ ҷаримабандӣ амалӣ мегардад. Дар рафти амалиёти фаврӣ ҳамчунин, як адад шасти моҳидории бесоҳиб дарёфт ва ба анбори бахш оварда шудааст. Дар баробари ин, ҷиҳати минбаъд пешгирӣ намудани қонунвайронкунӣ дар давраи тухмгузории моҳиҳо корҳои фаҳмонидадиҳӣ байни моҳидорони ҳаваскор доир гардидааст.