September 2022

29 September 2022

Ҷаласаи Комиссияи байниидоравӣ оид ба маърифати экологӣ дар шаҳри Хуҷанд

   Дар доираи  амалӣ гардидани «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ҷаласаи аввалини Комиссияи байниидоравии давлатӣ оид ба маърифати экологии аҳолӣ дар мақомоти иҷроияи ҳокимияти давлатии шаҳри Хуҷанд доир гардид. Дар он муовини аввали Раиси ш.Хуҷанд Ғайбуллозода Х. - раиси комиссия, сардори шуъбаи ҳифзи муҳити зист дар ш.Хуҷанд Дӯсматов А. - котиби комиссия, аъзоёни комиссия  - намояндагони шуъбаи маориф, бахши кор бо занон ва оила, бахши кор бо ҷавонон ва варзиш, бахши фарҳанг, бахши саноат ва энергетика, шуъбаи иқтисод ва савдо, шуъбаи ҳифзи иҷтимоии аҳолӣ, бахши энергетика ва саноат, маркази  назорати давлатии  санитарӣ эпидемиологии шаҳр, шуъбаи агентии меҳнат ва шуғли аҳолӣ, шуъбаи хадамоти муҳоҷират ва шуғли аҳолӣ, раёсати кумитаи ҳолатҳои фавқулодда ва мудофиаи граждании вилоятии Суғд дар ш.Хуҷанд, котиби матбуоти раиси шаҳр иштирок доштанд.

Читать далее

Ҷамъбасти озмуни «Пиряхҳои Тоҷикистон - сарчашмаи обҳои тозаи минтақаи Осиёи Марказӣ ва омили мутобиқшавӣ ба тағйирёбии иқлим» дар байни кормандони воситаҳои ахбори омма

  Санаи 27 сентябри соли равон дар толори маҷлисгоҳи Сарраёсат бахшида ба 31 солагии Истиқлолияти давлатии Ҷумҳурии Тоҷикистон ва 30 солагии Иҷлосияи ХУ1-и Шӯрои Олии Ҷумҳурии Тоҷикистон ҷамъбасти озмуни ҷумҳуриявии «Пиряхҳои Тоҷикистон - сарчашмаи обҳои тозаи минтақаи Осиёи Марказӣ ва омили мутобиқшавӣ ба тағйирёбии иқлим» байни кормандони воситаҳои ахбори омма баргузор гардид. Зимни баромад сардори Сарраёсати ҳифзи муҳити зист дар вилояти Суғд Ҳакимзода Абдуаҳад   нақши матбуот ва воситаҳои ахбори оммаро дар замони муосир қайд намуда, саҳми назарраси онҳоро дар самти баланд бардоштани маърифати экологии аҳолӣ арзёбӣ намуд.  Сипас ба ғолибони озмун аз рӯи номинатсияҳои «Бахши телевизион» кормандони телевизиони «Синамо» Каримов О. ва “7 Ситора” Раҷабова Ӯ., номинатсияи «Бахши маводи матбуот» - корманди рӯзномаи “Тирози ҷаҳон” Ваҳҳобова М. ва аълочии матбуоти Тоҷикистон  - Юсупов М. ва номинатсияи «Бахши радио» муҳаррири радиои вилояти Суғд Абдуллозода Н. ифтихорнома ва мукофотҳои пулии Раиси Кумитаи ҳифзи муҳити зисти назди Ҳукумати Ҷумҳурии Тоҷикистон  супорида шуд.  Озмуни мазкур бо мақсади татбиқи сиёсати Ҳукумати Ҷумҳурии Тоҷикистон дар самти баланд бардоштани маърифати экологии аҳолӣ ва ҳавасманд намудани рӯзноманигорон ҷиҳати ташвиқу тарғиби ҳифзи муҳити зист ва мусоидат ба ҳалли мушкилоти экологӣ  роҳандозӣ гардидааст.

Читать далее

Амалиёти “Ҳавои тоза” дар ноҳияи Масчоҳ

  Дар асоси нақшаи кории мақомоти ҳифзи муҳити зист бо мақсади кам намудани ихроҷи моддаҳои зараровар ба ҳавои атмосфера аз тарафи кормандони шуъбаи мониторинги экологӣ, таҳлил ва ахбороту иттилоот ва бахши ҳифзи муҳити зисти ноҳия дар шоҳроҳи Хуҷанд - Чаноқ амалиёти «Ҳавои тоза» гузарониданд. Рафти амалиёт 32 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 6 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.

Читать далее

Аксияи «Тозагии маҳал» дар ноҳияи Ашт

  Бо иқдоми бахши ҳифзи муҳити зист дар ноҳияи Ашт баҳри  тозаву обод нигоҳ доштани муҳити зист, бахшида ба 30-солагии Иҷлосияи ХУ1-и Шӯрои Олии Ҷумҳурии Тоҷикистон дар мавзеи Кумбел, деҳаи Бободархони ҷамоати Понғоз бо иштироки кормандони беморхона ва маркази таълими ронандагӣ, аҳолии ҷамоатҳо, хонандагони муассисаҳои таълимии №№ 2, 28  ба миқдори умумии 500  нафар аксияи «Тозагии маҳал» гузаронида шуд. Мавзеи мазкур аз алафҳои хушку бегона ва партовҳои  пластикӣ ва мухталифи бесоҳиб пурра тоза карда шуда, 4,5 тн партовҳо ба партовгоҳи расмӣ бароварда шуд.

Читать далее

19 September 2022

Татбиқи «Моҳи амал барои иқлими сабз» дар н.Айнӣ

  Бахшида  ба «Моҳи  амал барои иқлими  сабз», ки бо иқдоми Кумитаи ҳифзи муҳити зисти назди Ҳукумати Ҷумҳурии Тоҷикистон эълон гардидааст, дар ноҳияи Айнӣ аксияи тозагӣ баргузор гардид. Дар аксия кормандони ташкилоту муассисаҳои давлативу ҷамъиятӣ ва сокинони ноҳия ширкат варзида, назди биноҳои идораву ташкилотҳо аз партовҳои мухталиф тоза карда шуданд. Аз ҷониби Лоиҳаи Фонди Тоҷикистонии Оғохон ба ишти-рокчиёни аксия халта барои партов  - 200 адад, дастпӯшак  ба миқдори  300  адад харидорӣ ва тақсим карда шуд. Аксия дар ҳамҷоягии бахши ҳифзи мухити зист дар н.Айнӣ ва Лоиҳаи Фонди Тоҷикистонии Оғохон «Идораи ҳамгироишудаи захираҳои табиӣ дар водии Зарафшон барои рушди одилона ва устувор», ки аз тарафи Иттиҳоди Аврупо маблағгузорӣ шуда аз тарафи Консорциуми шарикон AKAH, AKHS, MSDSP ва Сароб иҷро шуда истодааст, роҳандозӣ гардид.

Читать далее

Баргузории аксияи «Тозагии соҳил» дар ш.Бӯстон

  Дар шаҳри Бӯстон бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор», солҳои 2018 – 2028 аксияи «Тозагии соҳил» гузаронида шуд. Дар рафти аксия кормандони бахши ҳифзи муҳити зист дар якҷоягӣ бо донишҷӯён ва хонандагони муассисаҳои таълимии миёнаи умумии шаҳр  фаъолона иштирок намуда, кӯли  шаҳрӣ   аз партовҳои истеъмолию пластикӣ ва алафҳои хушк тоза карда шуд. Чунин шанбегиву аксияҳо то ҷашни 30-солагии Иҷлосияи ХУ1- Шӯрои Олии Ҷумҳурии Тоҷикистон   дар миқёси шаҳр  идома меёбад.

Читать далее

Аксияи «Тозагии маҳал» дар ноҳияи Зафаробод

  Бо мақсади тозаву обод нигоҳ доштани муҳити атроф, баланд бардоштани маърифати экологӣ ва истиқболи 30-солагии Иҷлосияи ХУ1-уми Шӯрои Олии Ҷумҳурии Тоҷикистон дар ноҳияи Зафаробод  аксияи «Тозагии маҳал» гузаронида шуд. Дар аксия кормандони идораву ташкилот, хонандагони муассисаҳои таҳсилоти миёнаи умумии ноҳия  фаъолона иштирок намуда, 2530 метр ҷуйбору каналҳо  тоза  ва 240 адад дарахтон сафед карда шуданд. Дар аксия  зиёда аз 8,3 м3  партовҳои гуногун бароварда шуд. Гузаронидани чунин аксияҳои экологӣ дар дигар  ҷамоату шаҳракҳо пешбинӣ гардидааст.

Читать далее

16 сентябр – Рӯзи байналмилалии ҳифзи қабати озон

  16 сентябр бо қарори Ассамблеяи Генералии Созмони Милали Муттаҳид ба ифтихори ба имзо расидани Протоколи Монреал (1987) Рӯзи байналмилалии ҳифзи қабати озон эълон гашт. Ин санаро ҷомеаи ҷаҳонӣ аз соли 1995 инҷониб таҷлил мекунанд. Нақши қабати озон дар ҳаёт хеле муҳим буда, барои мавҷудияти ҳаёт дар рӯи замин нақши муҳимро мебозад. Он ҳамчун сипар инсон ва дигар мавҷудоти зиндаро аз таъсири хатаровари нуриҳои зарарноки ультрабунафши офтоб муҳофизат менамояд. Камшавии миқдори озон дар қабати он ба пастшавии қобилияти муҳофизавии он оварда мерасонад ва дар натиҷа таъсири радиатсияи ультрабунафш ба муҳити зист ва саломатии инсон зарар мерасонад, бахусус ба суст шудани масъунияти бадани одам аз сабаби вайроншави ДНК, пайдошавии бемориҳои саратони пӯст, катарактаи чашм, диққи  нафас, харобшавии асаб, шуш ва дигар бемориҳо  оварда мерасонад. Ҳамчунин дар натиҷаи афканишоти нурҳои ултрабунафш таъсири манфӣ ба зироатҳои хоҷагии қишлоқ мерасад, бахусус онҳо боиси тағйиротҳои ҷиддии таркиби химиявии растаниҳо мегарданд. Баландшавии радиатсия ба сифати маҳсулотҳо ба монанди помидор, картошка, лаблабуи қанд, карам, лӯбиё таъсир расонида, сифати онҳоро паст менамояд. Ба олами набототу ҳайвонот, аз қабили обсабзҳои гуногун, моҳичаҳои навзод, харчангҳои хурд, ки ғизои ҷонварони калони баҳрию дарё ба шумор мераванд, таъсири манфӣ мерасонад.

Читать далее

Ифтитоҳи бинои нави маъмурии бахши ҳифзи муҳити зист дар ноҳияи Шаҳристон

  Дар доираи нақшаи чорабиниҳо бахшида ба 31-солагии Истиқлолияти давлатии Ҷумҳурии Тоҷикистон ва таҷлили сазовори ҷашни 30-солагии Иҷлосияи 16 – уми Шӯрои Олии Ҷумҳурии Тоҷикистон бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А, сардори Хадамоти зиддиинҳисории назди Ҳукумати Ҷумҳурии Тоҷикистон Мӯминзода А.М ва раиси ноҳияи Шаҳристон Акрамзода Баходур бинои нави маъмурии бахши ҳифзи муҳити зист ифтитоҳ гардид. Сохтмони бино дар муддати як сол ба анҷом расонида шуда, майдони умумии ҷудо гардида 688 метри мураббаъро ташкил медихад. Дар ошёнаи якум – маҷлисгоҳ, китобхона ва утоқҳои корӣ ҷойгир карда шуданд. Маҷлисгоҳ 20 ҷойи нишаст дошта, дар китобхона 1000 адад китобҳои адабиёти гуногун мавҷуд аст. Дар ошёнаи дуюм - қабулгоҳ ва 3 адад утоқҳои корӣ барои кормандон ҷойгир буда, ҳамаи онҳо бо лавозимотҳои зарурӣ барои фаъолияти мутахассисон таҷҳизонида шудааст. Ҳамчунин, пеш аз даромади бинои бахш саҳни ҳавлӣ кабудизору гулзор карда шудааст. Корҳои сохтмонӣ аз тарафи ҶДММ “Нисо» ба иҷро расонида шудааст.

Читать далее

Амалиёти “Ҳавои тоза” дар шаҳри Истиқлол

   Дар асоси нақшаи корӣ бо мақсади кам намудани ихроҷи моддаҳои зараровар ба ҳавои атмосфера, аз тарафи кормандони шуъбаи мониторинги экологӣ, таҳлил ва ахбороту иттилоот ва бахши ҳифзи муҳити зист дар ш.Истиқлол дар кӯчаи марказӣ амалиёти «Ҳавои тоза» гузаронида шуд. Рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлос-кунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода, барои чораандешӣ ба БДА-и шаҳр ирсол гардид. 

Читать далее

Скачано с веб-сайта JooMix.org.