July 2023

29 July 2023

Вохӯрӣ зери унвони «Ҷавонон - пайравони Пешвои миллат» дар Сарраёсати ҳифзи муҳити зисти вилояти Суғд

Ба ифтихори таҷлили сазовори ҷашни 32-солагии Истиқлоли давлатии Ҷумҳурии Тоҷикистон, тибқи ҷадвали тасдиқгардидаи  мақомоти иҷрояи ҳокимияти давлатии вилоят дар Сарраёсати ҳифзи муҳити зисти вилояти Суғд вохӯрии муовини раиси филиали Иттифоқи ҷавонони Тоҷикистон дар вилояти Суғд Фахриддинзода Фирдавс бо ҷавонони мақомот доир гардид. Бо суханони ифтитоҳӣ сардори Сарраёсати ҳифзи муҳити зист дар вилояти Суғд Ғуфронзода Азиз вохӯриро оғоз бахшида, доир ба руйдоди таърихӣ - 32-солагии Истиқлоли давлатии Ҷумҳурии Тоҷикистон, дастовардҳои бузурги кишвари соҳибистиқлол, дар давраи начандон  тӯлонии таърихи навини кишвар, ба вуқуъ пайвастани навгониҳои беназир дар ҳаёти сиёсӣ, иқтисодӣ ва иҷтимоӣ, фарҳангиву маънавӣ ва инчунин дастоварҳои  мақомот дар ин давра суханронӣ намуд. Дар баромади худ сармутахассиси Сарраёсат оид ба нақши назарраси ҷавонон дар фаъолияти мақомоти ҳифзи муҳити зист, иштироки фаъолонаи онҳо дар чорабиниҳои экологӣ, давлативу сиёсӣ, қайд намуда, зикр карда шуд, ки аз ҳисоби умумии кормандони Сарраёсат 74%-ро ҷавонон ташкил дода, ҳамаи онҳо дорои маълумоти олӣ мебошанд.

Читать далее

Аксияи «Тозагии маҳал» дар ноҳияи Бобоҷон Ғафуров

 Дар асоси нақшаи кории шуьбаи ҳифзи муҳити зисти н.Б.Ғафуров ва нақшаи тасдиқгаштаи Сарраёсат дар ҳудуди ҷамоатҳои деҳоти Унҷӣ ва ҷамоати шаҳраки  Б.Ғафуров  бо иштироки васеи аҳолии ҷамоатҳо зиёда аз 200 нафар аксияи «Тозагии маҳал ва шоҳроҳ»  гузаронида шуд.  Рафти аксияаз ҳудудҳои аҳолинишин ва қадди  роҳҳо 6 тн партовҳои гуногун бароварда шуд. Баргузории аксия  тибқи нақша тариқи телевизиони ҷумҳуриявии Синамо ба навор гирифта ва намоиш дода шуд.

Читать далее

Паст кардани хатари тағйирёбии иқлим тавассути баланд бардоштани маърифати экологӣ ва ҷалби ҷонибҳои манфиатдор

 Тағйирёбии иқлим аз ҷумлаи масоили муҳими замон буда, тамоми ҷомеаи ҷаҳониро ба ташвиш овардааст. Барои мутобиқшавӣ ба тағйирёбии иқлим ва пешгирии таъсири манфии оқибатҳои он бояд чораҳои саривақтӣ андешида шаванд. Сарраёсати ҳифзи муҳити зист дар вилояти Суғд бароибеҳбудии ҳолати экологӣ ва баланд бардоштани дониши экологии ҷавонон бо Ташкилоти ҷамъиятии«Гурӯҳи ҷавононоидба ҳифзи муҳити атроф» ҳамкории судманди бисёрсола дошта, дар соли равон низ якҷоя чорабиниҳои гуногун гузаронида мешаванд. Дар идомаи чорабиниҳое, ки рў ба бехатарӣ ва амнияти экологии инсон нигаронида шудааст, дар толори меҳмонхонаи Суғдиёни шаҳри Хуҷанд мизи мудаввар дар мавзўи «Паст кардани хатари тағйирёбии иқлим тавассути баланд бардоштани маърифати экологӣ ва ҷалби ҷонибҳои манфиатдор»  баргузор гардид.

Читать далее

Семинари омӯзишӣ Сарраёсати ҳифзи муҳити зисти вилоят

  Санаи  22  июли соли равон  дар Сарраёсати ҳифзи муҳити зист дар вилояти Сугд семинари омӯзишӣ бо иштироки сардори Раёсати мониторинг, сиёсати экологӣ, обуҳавошиносӣ ва кадастри Кумита Шукуров И. доир гардид. Дар семинар сардорони шуъбаҳо, мудирон ва сармутахассисони бахшҳои ҳифзи муҳити зист дар шаҳру ноҳияҳои вилоят ва кормандони Сарраёсат иштирок доштанд. Сардори Раёсати мониторинг, сиёсати экологӣ, обуҳавошиносӣ ва кадастри Кумита Шукуров И. тибқи барнома талаботи қонунгузории санҷиши субъектҳои хоҷагидор, инчунин тавакалнокии субъектони хоҷагидорӣ, дуруст таҳия намудани нақшаҳои корӣ, мушаххас намудани самти санҷиш, дақиқ нишон додани мӯҳлат ва натиҷаи санҷишро мавриди омӯзиш қарор  дода, намунаҳои ҳуҷҷатҳое, ки барои оғоз, рафти санҷиш ва натиҷаи он таҳия мегарданд, пешкаши иштирокчиён  намуд. Иштирокчиёни семинар доир ба мавзӯҳои болозикр, муаммоҳои ҷойдошта ба суолҳои худ ҷавобҳои мушаххас гирифтанд.

Читать далее

Баррасии татбиқи Барномаи давлатӣ дар Маҷлиси вакилони халқи ноҳияи Зафаробод

 Тибқи ҷадвали тасдиқгардида, Маҷлиси вакилони халқи ноҳияи Зафаробод (Иҷлосияи понздаҳум, даъвати шашум) баргузор гардид, ки дар аввал ҳамчун масъалаи асосӣ - рафти иҷрои қарори Ҳукумати Ҷумҳурии Тоҷикистон аз 3 апрели соли 2021, №116 «Дар бораи Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021 – 2025» дар ноҳия баррасӣ карда шуд.Бо маърўза муовини якуми раиси ноҳия Ҷумъазода Н.Р. баромад карда, оид ба тадбирҳои андешида ва корҳои ба анҷом расонида, аз он ҷумла дар бораи фаъолияти Комиссияи байниидоравии давлатӣ оид ба маърифати экологии аҳолӣ дар ноҳия ба вакилони халқ маълумот пешниҳод намуд.Ҳамзамон, дар маърўза қайд гардид, ки масъалаи мавриди муҳокима гардида хеле муҳим ва саривақтӣ буда, надонистани қонуну қоидаҳои амалкунанда ва  набудани  дониши экологӣ ба вайроншавии муҳити зист оварда мерасонад.

Читать далее

Аксияи «Тозагии маҳал ва соҳил» дар шаҳри Хуҷанд

 Бахшида ба истиқболи сазовори ҷашни 32-солагии Истиқлоли давлатии Ҷумҳурии Тоҷикистон, нақшаи тасдиқгаштаи мақомоти ҳифзи муҳити зист дар шаҳру ноҳияҳои вилоят аксияҳои «Тозагии соҳил ва маҳал» мунтазам доир гардида истодааст. Бо иқдоми шуъбаи ҳифзи муҳити зисти шаҳр дар маҳаллаи 34-уми шаҳри Хуҷанд бо иштироки кормандони беморхонаи "Микроҷарроҳии чашм", кӯдакистони № 27 ва соҳибкорони ҳудуди мавзеъ аксияи "Тозагии маҳал" гузаронида шуд. Дар аксия 200 метр селроҳа ва 350 метр ҷуйборхо аз партовҳо ва алафҳои бегона тоза карда шуд. Умуман тибқи маълумоти шуъбаи ҳифзи муҳити зист дар шаҳри Хуҷанд давоми нимсола қариб 30 маротиба аксияҳо бо иштироки васеи аҳолӣ, кормандони соҳаҳои тиб ва маориф, ташкилоту муассисаҳо ва соҳибкорони маҳаллӣ гузаронида шуд. Ҷараёни гузаронидани аксияҳо тариқи телевизионҳои маҳаллӣ ва ҷумҳурияви  ба навор гирифта ва пахш карда шуд.

Читать далее

Амалиётҳои назоратӣ дар ноҳияи Зафаробод

 Тибқи нақшаи тасдиқгаштаи Сарраёсати ҳифзи муҳити зистивилоят дар ноҳияи Зафаробод амалиётҳоиназоратӣ гузаронида шуд. Ҳангоми гузаронидани  чунин амалиёт аз ҷониби кормандони шуъбаи назорати давлатии истифода ва ҳифзи ҳавои атмосфераи Сарраёсат оташ задани партовҳо дар ҳавои кушод аз ҷониби шаҳрванди ноҳия Ҳайдаркулов С. ошкор гардид. Нисбати қонуншикан тибқи талаботи моддаҳои  44  ва 59  Қонуни Ҷумҳурии Тоҷикистон «Дар бораи ҳифзи муҳити зист»  протоколи ҳуқуқвайрокунии маъмурӣ тартиб дода шуд.

Читать далее

Амалиётҳои назоратӣ дар ноҳияи Зафаробод

 Ҳангоми гузаронидани амалиётҳои назоратӣ аз ҷониби мутахассиони шуъбаи назорати давлатии истифода ва ҳифзи захираҳои оби  Сарраёсат  дар ноҳияи Зафаробод ҳолати ифлосшавии манбаъҳои обӣ аз партовҳо ошкор карда шуд. Чунин ҳолат аз сабаби наандешидани чораҳои зарурӣ ва бемасъулиятӣ аз тарафи сардори канали ТМ-1-и Идораи давлатии беҳдошти замин ва обёрии н.Зафаробод ба миён омадааст. Нисбати сардори канали ТМ-1 протоколи ҳуқуқвайронкунии маъмурӣ бо моддаи 177 Кодекси ҳуқуқвайронкунии маъмурии Ҷумҳурии Тоҷикистон ва санад  тартиб дода шуда, барои бартараф намудани камбудиҳо пешниҳодҳои иҷроишашон ҳатмӣ дода шуд.

Читать далее

Амалиётҳои назоратӣ дар ноҳияи Бобоҷон Ғафуров

  Дар натиҷаи гузаронидани амалиётҳои назоратӣ аз тарафи мутахассисони шуъбаи назорати давлатии истифода ва ҳифзи захираҳои  оби Сарраёсат  дар ноҳияи Бобоҷон Ғафуров  назди соҳили обанбори Баҳри тоҷик ғайрирасмӣ ҷойгир намудани турҳои моҳидорӣ аз тарафи ёрдамчии моҳидори ҶСК  «Таъминоти моҳӣ»  Мусоев Абдусамад ошкор карда шуд. Кирдори мазкур сабаби ифлосшавии манбаъҳои обӣ гардида, нисбати қонуншикан протоколи ҳуқуқвайронкунии маъмурӣ бо моддаи 177 Кодекси ҳуқуқвайронкунии маъмурии Ҷумҳурии Тоҷикистон тартиб дода шуд. Инчунин санад тартиб дода шуда,  барои дар оянда такрор нашудани чунин қонуншиканиҳо пешниҳодҳои иҷроишашон хатмӣ дода шуд.

Читать далее

12 July 2023

Натиҷагирӣ аз фаъолияти нимсолаи якуми Сарраёсати ҳифзи муҳити зист дар вилояти Суғд

 Дар Маркази бозомӯзии Сарраёсат дар шаҳри Гулистон  санаи 6 июли ҷаласаи мақомоти ҳифзи муҳити зист оид ба ҷамъбасти фаъолияти нимсолаи якум ва вазифаҳои минбаъда бо иштироки сардори Раёсати корҳои Кумитаи ҳифзи муҳити зисти назди Ҳукумати Ҷумҳурии  Тоҷикистон Салимзода Ш., сардори Сарраёсат Ғуфронзода А.Ғ., сардорони шуъбаҳои назоратӣ, роҳбарони зерсохторҳо дар шаҳру ноҳияҳо баргузор гардид. Сардори Сарраёсати ҳифзи муҳити зист дар вилояти Суғд Ғуфронзода А.Ғ. пас аз шунидани маърӯзаи ҳисоботӣ аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо пурсиш намуда, барои ислоҳи камбудиҳои ҷойдошта баҳри пешрафти фаъолияти минбаъда дастуру супоришҳо дод. Дар навбати худ сардори  Раёсати  корҳои Кумитаи ҳифзи муҳити зисти назди Ҳукумати Ҷумҳурии  Тоҷикистон Салимзода Ш. оид ба беҳтар намудани фаъолияти нозирӣ, иҷроиши босифат ва саривақтии нақшаи чорабиниҳо, барномаҳои соҳавию давлатӣ ва дигар аснодҳои  назоратӣ супоришҳо дод.

Читать далее

Скачано с веб-сайта JooMix.org.