Аксияҳои экологӣ дар ноҳияи Ҷ.Расулов

  Дар ноҳияи Ҷ.Расулов бо мақсади пешбурди сиёсати экологӣ аксияҳои «Тозагии соҳил» ва «Тозагии маҳал» бо ҷалби оммаи васеи аҳолии ноҳия баргузор гардид. Дар рафти аксияи «Тозагии соҳил» 170 нафар сокинони ҷамоати деҳоти Сомониёни ноҳия иштирок намуда, беш аз 1 км ҳудуди Томчи – сой аз партовҳо тоза карда шуд. Аз ҷониби бахши ҳифзи муҳити зист ба иштирокдорони аксия 50 адад халтаҳои полиэтиленӣ барои ҷамъоварии партовҳо дастрас гардид. Дар баробари ин, дар ноҳия аксияи «Тозагии маҳал» бо иштироки аҳолии ҷамоати шаҳраку деҳот гузаронида шуд. Марказҳои ҷамоат ва худи ноҳия аз партовҳо, аз чумла партовҳои пластикӣ тоза гардида, корҳои рўбучини қади роҳ ва маҳали зист ба сомон расид.  Ҳамзамон, зиёда аз 2 км ҷўйбор тоза карда шуд. Дар корҳои ободонӣ 340 нафар сокинони ноҳия иштирок намуданд. Партовҳо дар ҳаҷми 15,4 метри мукааб ба партовгоҳи ноҳия бароварда шуданд.

 

Посмотрите вложенную галерею изображения онлайн в:
https://ecosugd.tj/en/news/700-aksiyatmjrasulov112020.html#sigProGalleria71f0b0e835
joomlamodniyportal.ru

Скачано с веб-сайта JooMix.org.