Май 2021

31 Май 2021

«Табиат -шоҳасари нодир»

 Бахшида ба Рӯзи умумиҷаҳонии муҳити зист, ҷиҳати татбиқи талаботҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025», дар муассисаи таълимии миёнаи умумии № 6 ба номи Абӯабдуллоҳи Рӯдакии шаҳри Хуҷанд дарси кушод дар мавзӯи «Табиат – шоҳасари нодир» баргузор гардид. Дар он намояндагони Раёсати ҳифзи муҳити зисти вилоят, муовини директор, омӯзгорон ва хонандагон иштирок доштанд. Хонандагони мактаб дар мавзӯҳои мухталифи экологӣ, оид ба олами набототу ҳайвоноти нодире, ки ба Китоби Сурхи Ҷумҳурии Тоҷикистон ворид шудаанд, ҳифз ва самаранок истифода бурдани захираҳои сарватҳои табиӣ , саҳнача дар мавзӯи тозаву озода нигоҳ доштани муҳити атроф, пешгирии ифлосшавии муҳити зист ва захираҳои обӣ баромадҳои пурмазмун пешниҳоди иштирокчиён намуданд. Намояндаи Раёсати ҳифзи муҳити зисти вилоят Каримов Г.Н. баргузории чунин чорабиниро саривақтӣ арзёбӣ намуда, қайд намуд, ки он хусусияти муҳими тарбиявӣ дошта, барои ҳидоят намудани насли наврас ба ҳифз ва дӯст доштани табиати зебои кишварамон мусоидат менамояд.

Читать далее

Ҷамъбасти озмуни ноҳиявии «Сабз бодо кишварам» дар ноҳияи Деваштич

 Озмуни ноҳиявии «Сабз бодо кишварам» дар ноҳияи Деваштич бо иштироки кормандони бахши ҳифзи муҳити зист ва шуъбаи маориф ҷамъбаст карда шуд. Дар озмун хонандагони муассисаҳои таълимии миёнаи умумӣ аз рӯи 6 номинатсия: «Расми беҳтарин», «Шеъри беҳтарин», «Сурати беҳтарин», «Ҳикояи беҳтарин», «Видеоролики беҳтарин», «Кори меъмории беҳтарин» маводҳои худро пешниҳод намуданд. Барои гирифтани ҷойҳои намоён 11 нафар хонандагони муассисаҳои таълимии миёнаи умумии №№ 7, 10, 16, 38, 53, гимназияи № 1 ва маркази таҳсилоти иловагии ноҳия бо ифтихорнома ва тӯҳфаҳои бахши ҳифзи муҳити зисти ноҳия қадрдонӣ карда шуданд.

Читать далее

28 Май 2021

Аксияи «Тозагии соҳил – гарави саломатӣ» дар шаҳри Бӯстон

Баҳри иҷрои нақша чорабиниҳо бахшида ба Рӯзи умумиҷаҳонии муҳити зист, бо мақсади тозаву ободӣ ва беҳбудӣ бахшидан ба вазъи экологӣ дар соҳили кӯли шаҳри Бӯстон аксия зери унвони «Тозагии соҳил – гарави саломатӣ» гузаронида шуд. Дар аксия донишҷуёни Донишкадаи кӯҳӣ – металлургии Тоҷикистон, варзишгарону фаъолон аз мактабҳои варзишӣ ва хонандагони муассисаҳои таълимӣ фаъолона иштирок намуданд. Рафти аксия назди соҳили кӯл ва ҳудуди он аз алафҳои хушкшуда ва партовҳои гуногун тоза карда шуда, қариб 3 метри мукааб партовҳои ҷамъовардашуда ба партовгоҳи шаҳрӣ бароварда шуд. Баргузории чунин аксияву шанбегиҳо ба истиқболи ҷашнҳои Рӯзи Ваҳдати миллӣ ва 30-солагии Истиқлолияти давлатии Ҷумҳурии Тоҷикистон дар шаҳр идома дорад.

Читать далее

Бо табиат ҳамоҳанг зиндагӣ кунед!

 Дар бинои Маркази Орхус дар шаҳри Хуҷанд бо иштироки намояндагони Раёсати ҳифзи муҳити зист дар вилояти Суғд, омўзгорону донишҷӯёни Донишкадаи кӯҳӣ - металлургии Тоҷикистон, васоити ахбори омма, як қатор ташкилоти ҷамъиятӣ, экофаъолон ва кормандони худи марказ нишасти иттилоотӣ баргузор гардид, ки ба Рӯзи байналмилалии гуногунии биологӣ бахшида шуд. Мақсади асосии нишаст ин даъвати якдигар ва ҷомеа барои зиндагии ҳамоҳанг бо табиат мебошад. Дар рафти чорабинӣ аз ҷониби ҷавонони экофаъол маърӯзаҳо оид ба масъалаҳои гуногунии биологӣ, эҳтиром ба он, андешидани чораҳо барои ҳифзи он, рушди туризми экологӣ дар Тоҷикистон, зеҳни сунъӣ дар экология ва баланд бардоштани сатҳи маърифат дар байни аҳолӣ пешниҳод карда шуданд.

Читать далее

27 Май 2021

Амалиёти “Ҳавои тоза” дар ноҳияи Зафаробод

  Бахшида ба ҷашнҳои миллии дар пеш истода, бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи корӣ, шуъбаи назорати таҳлилии Раёсат ва бахши ҳифзи муҳити зисти ноҳия дар ҳамкории Бозрасии давлатии автомобилӣ дар ноҳияи Зафаробод амалиёти «Ҳавои тоза» гузаронида шуд. Рафти амалиёт 25 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 3 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.

Читать далее

25 Май 2021

Корҳои ободонӣ дар бахши ҳифзи муҳити зисти шаҳри Панҷакент

 Бо мақсади дар сатҳи баланд истиқбол гирифтани ҷашни миллии 30-солагии Истиқлолияти давлатии Ҷумҳурии Тоҷикистон ва амалӣ намудани нақшаи чорабиниҳои он, вусъат бахшидан ба корҳои ободонӣ аз тарафи кормандони бахши ҳифзи муҳити зисти шаҳри Панҷакент назди бинои маъмурӣ ба миқдори 1900 адад гули мавсимиву ороишии тагетес шинонида шуд. Ҳамчунин тибқи нақшаи чорабиниҳои Раёсат оид ба омодагӣ ва таҷлили Рӯзи умумиҷаҳонии муҳити зист бинои бахш бо шиори идона бахшида ба ин санаи экологӣ ороиш дода шуда, гузаронидани вохуриву суҳбатҳо низ пешбинӣ гардидааст.

Читать далее

Шиносоии кормандони Раёсат аз рафти марҳилаи наслгирии сунъии моҳиҳо

 Таъмин намудани иҷрои дастуру супоришҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон оид ба ҳифз ва афзун намудани захираҳои моҳӣ зери назорати доимии коршиносону мутахассисони Раёсати ҳифзи муҳити зисти вилояти Суғд қарор дорад. Дар рафти шиносоии навбатӣ аз ҶДММ "Корпоратсияи моҳии тоҷик" маълум гардид, ки хоҷагии моҳипарварии моҳиҳои хушзоти марҳилаи наслгирии сунъии моҳиҳоро оғоз намуданд. Айни ҳол тухми моҳиҳо, кирминаи нав аз тухм баромадаи зағорамоҳӣ ва амури сафед дар марҳилаи афзоиш қарор доранд. Марҳилаи босифати наслгирии моҳиҳо ба барориши бештари кирминамоҳичаҳо мусоидат менамояд. Омилҳои абиотикӣ, ба монанди ҳарорати обу ҳаво ба рафти корҳои наслгирӣ таъсири худро расонида истода бошад ҳам, моҳипарварон тасмим гирифтаанд, ки нақшаи истеҳсоли наслгирии моҳиҳоро бо натиҷаҳои назаррас анҷом диҳанд.

Читать далее

21 Май 2021

22 май - Рӯзи байналмиллалии гуногунии биологӣ

  Дар даҳсолаи охир масъалаҳои нигаҳдории гуногунии биологӣ яке аз муаммоҳои глобалии замони муосир маҳсуб меёбад, ки на танҳо олимон, балки тамоми ҷомеаи ҷаҳониро ба ташвиш овардааст. Вазъи имрӯзаи нигаҳдории гуногунии биологиро ба эътибор гирифта 22 майи соли 1992 дар конфронси СММ доир ба ҳифзи зист ва рушд, ки дар Рио-де–Жанейро баргузор шуда буд, Конвенсия доир ба гуногунии биологӣ қабул карда шуд. Ҷумҳурии Тоҷикистон ҳамчун аъзои соҳибҳуқуқи ҷомеаи ҷаҳонӣ онро соли 1997 тасдиқ намуда  ӯҳдадории худро дар доираи Конвенсия  қабул кард. Муаммоҳои нигаҳдории гуногунии биологӣ ва устуворона истифодабари он яке аз равандҳои баҳсу талош ва оштинопазирӣ дар конфронсҳои байналмиллалӣ, симпозиумҳо ва ҷаласаҳо маҳсуб меёбад. Аз ин лиҳоз, бо ташаббуси Академияи илмҳои Ҷумҳурии Тоҷикистон дар солҳои охир ба ин масъала аҳамияти ҷиддӣ дода, мунтазам конфронсҳои Байналмиллали гузаронида мешавад.

Читать далее

Ҷамъбасти озмуни экологии «Сабз бодо кишварам» дар шаҳри Хуҷанд

 Дар муассисаи таълимии миёнаи умумии № 23 шаҳри Хуҷанд озмуни шаҳрии «Сабз бодо кишварам» бо иштироки кормандони шуъбаи ҳифзи муҳити зист ва шуъбаи маорифи шаҳр ҷамъбаст карда шуд. Озмуни «Сабз бодо кишварам» дар асоси фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ва сардори Раёсати ҳифзи муҳити зисти вилояти Суғд гузаронида шуда, ба 30 солагии Истиқлолияти давлатии Ҷумҳурии Тоҷикистон ва ташвиқи моҳияти Даҳсолаи байналмилалии амал «Об барои рушди устувор ва Рӯзи умумиҷаҳонии муҳити зист – 5 июн роҳандозӣ гардидааст. Дар озмун муассисаҳои таълимии миёнаи умумии шаҳр аз рӯи 6 номинатсия: «Расми беҳтарин», «Шеъри беҳтарин», «Сурати беҳтарин», «Ҳикояи беҳтарин», «Видеоролики беҳтарин», «Кори меъмории беҳтарин» маводҳои худро пешниҳод намуданд.

Читать далее

17 Май 2021

Иштироки кормандони Раёсати ҳифзи муҳити зисти вилояти Суғд дар Дави миллӣ

  Бо мақсади иҷрои Фармони Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон аз 28 марти соли 2007 ҳамасола дар саросари мамлакат Дави миллӣ доир карда мешавад. Санаи 16 май дар маркази вилоят шаҳри Хуҷанд бо иштироки беш аз 12 ҳазор намояндагони касбу кори гуногун Дави миллӣ баргузор гардид, ки дар он кормандони мақомоти ҳифзи муҳити зисти вилоят низ фаъолона ширкат варзиданд. Чорабинии мазкур аз хиёбони Раҳим Ҷалил оғоз гардида, то майдони назди Парчами миллӣ идома ёфт. Ҳадаф аз баргузории ин чорабинии варзишӣ тарғибу ташвиқи тарзи ҳаёти солим ва оммавӣ намудани он байни аҳолӣ маҳсуб меёбад.

Читать далее

Скачано с веб-сайта JooMix.org.