Февраль 2022
26 Февраль 2022
Амалиёти назоратӣ дар самти ҳифзи ҳавои атмосфера дар шаҳри Хуҷанд
- Подробности статьи
- Автор
- Категория Новости
Дар даҳсоли охир миқдори умумии нақлиёт хеле афзудааст, ки ин хусусан дар кўчаҳои марказии шаҳри Хуҷанд ҳис карда мешавад. Бо мақсади назорат, кам намудани ихроҷи моддаҳои зараровар ба ҳавои атмосфера ва паст намудани таъсири он ба саломатии шаҳрвандон, дар маркази шаҳри Хуҷанд амалиёти «Ҳавои тоза» ташкил ва баргузор гардидааст. Дар давоми амалиёти мазкур дар кўчаи Исмоили Сомонии шаҳр, аз ҷониби мутахассисони шуъбаи назорати таҳлилии Сарраёсати ҳифзи муҳити зист дар вилоят ва нозирони шуъбаи ҳифзи муҳити зист дар шаҳри Хуҷанд дар ҳамкорӣ бо кормандони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд дар маҷмӯъ, 35 адад нақлиёти гуногунтамға аз санҷиши аналитикӣ гузаронида шудааст. Дар натиҷа нисбати 4 нафар ронандаи воситаи нақлиёт, ки миқдори ихроҷи моддаҳои ифлоскунандааш ба ҳавои атмосфера аз меъёр зиёд ба қайд расид, протоколи ҳуқуқвайронкунии маъмурӣ тартиб дода шудааст. Ҳамзамон, ҳангоми гузаронидани амалиёти «Ҳавои тоза» байни ронандагони нақлиёти шахсӣ, аз ҷумла нақлиёти боркашонӣ ҷиҳати бархуддор шудани онҳо аз донишҳои экологӣ корҳои фаҳмонидадиҳӣ ба амал омад.
Амалиёти “Ҳавои тоза” дар кўчаи марказии нақлиётгарди шаҳри Истаравшан
- Подробности статьи
- Автор
- Категория Новости
Бо истифода аз мусоид омадани обу ҳаво ва тибқи нақшаи пешбинигардида дар шоҳроҳу кўчаҳои марказии шаҳру ноҳияҳо, бо мақсади кам намудани ихроҷи моддаҳои зараровар ба ҳавои атмосфера амалиёти «Ҳавои тоза» гузаронида шуда истодааст. Аз тарафи мутахассисони шуъбаи назорати таҳлилии Сарраёсати ҳифзи муҳити зист дар вилояти Суғд ва нозирони бахши ҳифзи муҳити зист дар шаҳри Истаравшан дар ҳамкорӣ бо кормандони шуъбаи шуъбаи Бозрасии давлатии автомобилӣ дар кўчаи марказии шаҳр чунин амалиёт доир гардида, дар рафти он 25 адад нақлиёти автомобилии тамғааш гуногун аз санҷиши аналитикӣ гузаронида шудааст. Барои муайян намудани миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ таҷҳизоти махсуси шуъбаи назорати таҳлилии сарраёсат истифода шуда, дар натиҷаи гузаронидани санҷиш ихроҷи партови моддаҳои ифлоскунандаи аз меъёри стандарти давлатӣ барзиёд ба ҳавои атмосфера дар чор ҳолат ошкор гардид. Нисбати ронандаи ин 4 адад воситаи нақлиёт протоколи ҳуқуқвайронкунии маъмурӣ тартиб дода шудааст.
24 Февраль 2022
Аксияи «Тозагии маҳал» дар ноҳияи Бобоҷон Ғафуров
- Подробности статьи
- Автор
- Категория Новости
Дар доираи нақшаи чорабиниҳо оид ба омодагӣ ва таҷлили ҷашнҳои дар пешистода, бо мақсади ҷалб намудани оммаи васеи аҳолӣ ба корҳои ободониву созандагӣ дар ҳамаи ҷамоати шаҳрак ва деҳоти ноҳияи Бобоҷон Ғафуров аксияи «Тозагии маҳал» бо иштироки 1815 нафар кормандони ташкилот, омӯзгорон ва хонандагони муассисаҳои таълимӣ ва сокинон доир гардид. Дар рафти аксия 3,9 км ҷӯйбор, 29,7 ҳазор метри мураббаъ ҳудуд, 17 км қади роҳҳо тоза ва 230 бех дарахтон сафед карда шуда, ба партовгоҳи ноҳия ба миқдори 11,8 метри мукааб партовҳо бароварда шудааст.
Чорабинии кам намудани ихроҷи моддаҳои зараровар ба ҳавои атмосфера дар ноҳияи Спитамен
- Подробности статьи
- Автор
- Категория Новости
Масъалаи назорат ва кам намудани ихроҷи моддаҳои зараровар ба ҳавои атмосфера яке аз самтҳои асосӣ дар фаъолияти Сарраёсати ҳифзи муҳити зист дар вилояти Суғд ба шумор рафта, бо мақсади ҳифзи ҳавои атмосфера дар роҳҳои нақлиётгарди миқёси шаҳру ноҳияҳо мунтазам амалиёти «Ҳавои тоза» гузаронида мешавад. Дар асоси нақшаи кории шуъбаи назорати таҳлилии сарраёсат дар ҳамкорӣ бо шуъбаи милитсияи экологӣ васайёҳии ВКД Ҷумҳурии ТоҷикистондарвилоятиСуғд чунин амалиёт дар роҳи асосии нақлиётгарди ҷамоати деҳоти Тағояки ноҳияи Спитамен баргузор гардидааст. Дар рафти амалиёт нозирони бахши ҳифзи муҳити зист дар ноҳия низ иштирок дошта, дар маҷмўъ 25 адад нақлиётитамғааш гуногун аз санҷиши аналитикӣ гузаронида шудааст. Ҳангоми гузаронидани санҷиши нақлиёт миқдори партови моддаҳои ифлоскунанда ба ҳавоиатмосферадарнатиҷаисӯхтани сӯзишворӣ (дизелӣ, бензин ва гази моеъ) муайян гардида, се ҳолати вайрон кардани меъёри стандартҳои давлатӣ ва ихроҷи барзиёди партови моддаҳои ифлоскунанда (гази СО) ба фазои атмосфера ба қайд расидааст.
17 Февраль 2022
Вохӯрии намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд бо кормандони мақомоти ҳифзи муҳити зисти вилоят
- Подробности статьи
- Автор
- Категория Новости
Санаи 16 феврали соли равон бо мақсади фаҳмонидани моҳият ва таъмини иҷрои талаботи бандҳои нақшаи чора-биниҳои «Стратегияи давлатии муқовимат бо коррупсияи Ҷумҳурии Тоҷикистон барои давраи то соли 2030» дар толори маҷлисгоҳи Сарраёсат вохӯрии намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Қодирҷонзода А.Қ. бо кормандони мақомоти ҳифзи муҳити зист баргузор гардид. Намояндаи Раёсати Агентӣ зимни баромади худ оиди моҳият, самтҳои асосӣ ва амалисозии нақшаи чорабиниҳои стратегия, пешгирии амалҳои характери коррупсионидошта дар фаъолияти хизматчиёни давлатӣ, таъсири он ба раванди рушди иҷтимоию иқтисодӣ, баланд бардоштани сатҳи маърифати зиддикорупсионии аҳолӣ сухан намуда, қайд кард, ки хизматчиёни давлатӣ бояд дар чорчӯбаи қонун-гузорӣ фаъолият намуда, таъмини иҷрои стратегияи мазкур тибқи талаботҳои қонунҳои амалкунанда ҷиддӣ ба роҳ монда шавад. Дар интиҳои вохӯрӣ кормандони Сарраёсат оид ба масъалаҳои гуногуни вобаста ба масъалаи баррасишаванда саволҳо дода, ҷавобҳои мушаххас гирифтанд.
16 Февраль 2022
Нишасти матбуотии Сарраёсати ҳифзи муҳити зист дар вилояти Суғд
- Подробности статьи
- Автор
- Категория Новости
Тибқи ҷадвали тасдиқгардидаи мақомоти иҷроияи ҳокимияти давлатии вилоят 14 феврали соли равон нишасти матбуотии якҷояи Сарраёсати ҳифзи муҳити зист дар вилоят, Сарраёсати кишоварзӣ, Кумитаи идораи замин, Раёсати беҳдошти замин ва обёрӣ ва оид ба натиҷаҳои фаъолият дар соли сипаригашта доир гардид. Дар он рӯзноманигорони воситаҳои ахбори омма, мухбирони рӯзномаҳои «Ҷумҳурият»,«Садои мардум», «Ҳақиқати Суғд», «Согдийская правда», «Суғд ҳақикатӣ», «Ризқофарин», «Паёми Суғд», «Нилуфар», «Саломат бошед», «Кайҳон», «Меҳри замин»,«Пайк», «Озод», «Набзи диёр», Оҷонсиҳои иттилоотии «Азия-плюс», «Озодӣ», «Сугднюс»,«Спутник», «Фараж», телевизионҳои ШТР «Азия», СМ -1, ТВ Суғд, 7 Ситора дар маҷмӯъ 33 нафар намояндагон иштирок доштанд. Ба рӯзноманигорон варақаҳои иттилоотӣ оид ба натиҷаҳои фаъолияти Сарраёсати ҳифзи муҳити зист дар вилоят дар соли 2021 дастрас гардид. Дар рафти нишасти матбуотӣ рӯзноманигорон оид ба ҳолати партовгоҳҳои радиофаъол ва ба меъёр мутобиқ будани онҳо, дар амал татбиқ намудани «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», таъсири фермаҳои хукпарварӣ ба муҳити зист ва чораҳои андешидашуда нисбати онҳо, сабабу омилҳои хушкшавии дарахтони магнолия дар шаҳри Хуҷанд ва дигар масъалаҳо вобаста ба ҳифзи муҳити зист ҷавобҳои мушаххас гирифтанд.
04 Февраль 2022
Пешбурди сиёсати ягонаи давлатии экологӣ дар баланд бардоштани маърифати экологии аҳолӣ
- Подробности статьи
- Автор
- Категория Новости
Дар ҳамкорӣ бо Идораи телевизион ва радиои вилояти Суғд санаи 2.02.2022 дар барномаи иттилоотии «Гуфтугӯи мустақим» 4 нафар сармутахассисони сарраёсат иштирок намуданд. Мавзӯи барнома ба оғозшавии маъракаи муташаккилонаи ниҳолшинонӣ, ободонӣ, риояи талаботи қонунгузорӣ оид ба ҳифзи муҳити зист ва дар маҷмуъ баланд бардоштани маърифати экологии шаҳрвандон бахшида шуд. Дар давоми як соати барномаи мустақим ба тамошобинон дар бораи вазифаҳои хизматии сарраёсат, қонунҳои амалкунандаи ҷумҳурӣ дар соҳаи ҳифзи муҳити зист ва чораҳои маъмурии пешбинишуда, тибқи қарори Раиси вилояти Суғд қоидаҳои маъракаи ниҳолшинонӣ ва кабудизоркунӣ, муомилот бо партовҳо, аз ҷумла нуқтаҳои муваққатан ҷойгиронии партовҳои истеъмолӣ, «Барномаи давлатии маҷмуии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025», намудҳои ҳайвоноту растаниҳои ба Китоби Сурхи Ҷумҳурии Тоҷикистон дохилгардида маълумоти мухтасар ва ба як қатор саволҳои додашудаи бинандагон ҷавобҳои мушаххас пеш-ниҳод гардид.
Аксияи «Тозагии маҳал» дар шаҳри Истаравшан
- Подробности статьи
- Автор
- Категория Новости
Бо мақсади баланд бардоштани маърифати экологӣ, тозаву обод намудани маҳалли зист, таъмини беҳдошти солимии ҷомеа дар шаҳри Истаравшан бо ҷалби васеи кормандони корхонаву ташкилот, хонандагони муассисаҳои таълимӣ ва аҳолӣ аксияи «Тозагии маҳал» гузаронида шуд. Аксия дар хиёбони Исмоили Сомонӣ бо иштироки 1630 нафар гузаронида шуда, партовҳои гуногун дар ҳаҷми 8,4 метри мукааб ба партовгоҳи шаҳр интиқол дода шуд. Чорабинӣ аз тарафи бахши ҳифзи муҳити зисти шаҳр ташкил карда шуда, ба иштирокчиён 220 адад борҷомаҳои полиэтиленӣ тақсим карда шуд.
03 Февраль 2022
Аксияи «Тозагии маҳал» ва маъракаи дарахтшинонӣ дар ноҳияи Ҷаббор Расулов
- Подробности статьи
- Автор
- Категория Новости
Бо мақсади тозаву обод намудани муҳити атроф ва беҳтар намудани вазъи экологӣ дар ҷамоати деҳоти Ғӯлакандози ноҳияи Ҷаббор Расулов бо ташаббуси бахши ҳифзи муҳити зист аксияи «Тозагии маҳал» ташкил ва гузаронида шуд. Дар аксия беш аз 80 нафар омӯзгорон ва хонандагони муассисаи таълимии миёнаи умумии № 5 фаъолона иштирок намуда, як қатор корҳои ободонӣ ба анҷом расонида шуд. Дар маҷмўъ ҳудуд ва минтақаи аҳолинишин аз партовҳои гуногун тоза гардида, ба партовгоҳ 2 тонна партовҳо бароварда шуд. Ҳамчунин дар ҷамоати шаҳраки Меҳробод, кӯчаи протоколии ба номи Абӯали ибни Сино бо иштироки кормандони бахши ҳифзи муҳити зист бо мақсади обод ва кабудизоркунӣ дар қадди роҳи нақлиётгард 150 бех ниҳолҳои дарахтони ҳамешасабзи санавбар шинонида шуд.
Корҳои биотехникӣ дар шаҳри Панҷакент
- Подробности статьи
- Автор
- Категория Новости
Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноти ваҳшӣ аз фасли зимистон, дар асоси нақшаи корӣ бо иқдоми бахши ҳифзи муҳити зисти шаҳри Панҷакент дар минтақаи осебпазири ҷангал корҳои биотехникӣ гузаронида шуд.Рафти чорабинӣ барои бо хӯрок таъмин намудани ҳайвоноти ваҳшӣ дар ин мавзеъ ба миқдори450 кг гандум, 400 кг ҷав, 200 кг намак, 550 кг сабус, 250 кг окшок, 45 дона бастаи алаф, 30 дона бастаи алафи беда, 350 нарма, 250 кг орди навъи сеюм, 550 кг сабус, 200 кг намак, 50 кг намаки санг истифода бурда шуд. Тибқи маълумоти мутахассисон дар ин мавзеъ намудҳои олами ҳайвоноти ваҳшӣ ба монанди хуки ваҳшӣ, хирс, гург, рӯбоҳ, ҷайра ва дигар намуди парандаҳои ваҳшӣ сукунат доранд.