Май 2016
30 Май 2016
Ифтитоҳи бинои нави маъмурии бахши н.Айнӣ
- Подробности статьи
- Автор
- Категория Навидҳо
Дар арафаи Рӯзи умумиҷаҳонии муҳити зист, ифтитоҳи бинои нави маъмурии бахши ҳифзи муҳити зисти н.Айнӣ, ки ҳамчун объекти ҷашнӣ ба истиқболи 25-солагии Истиқлолияти давлатии Ҷумҳурии Тоҷикистон маҳсуб меёбад, доир гардид. Дар он Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, раиси ноҳияи Айнӣ Неъматулло Раҳматуллозода, кормандони зерсохторҳои Раёсат дар шаҳру ноҳияҳо ва намояндагони мақомоти иҷроияи ҳокимияти давлатии маҳаллӣ иштирок доштанд.
Зимни суханронӣ Раиси Кумита Хайрулло Ибодзода ва раиси ноҳияи Айнӣ Неъматулло Раҳматуллозода иброз доштанд, ки дар тамоми гӯшаю канори кишвари маҳбубамон айни замон раванди ободониву созандагӣ вусъати тоза гирифта, ҳар як фарди тоҷику тоҷикистонӣ мехоҳад бо дастовези арзанда ҷашни 25-умин солгарди Истиқлолияти давлатии Ҷумҳурии Тоҷикистонро истиқбол гирад. Ифтитоҳи бинои наву хуштарҳ дар ноҳияи Айнӣ дар остонаи Иди Ваҳдат бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон, Раёсати ҳифзи муҳити зисти вилояти Суғд, мақомоти иҷроияи ҳокимияти давлатии ноҳияи Айнӣ, ки аз тарафи ЧДММ «Идораи байнихоҷагии ноҳияи Айнӣ», дар муддати кӯтоҳ сохта мавриди баҳрабардорӣ қарор гирифт.
27 Май 2016
Вохӯрӣ дар мактабҳои ш.Истиқлол
- Подробности статьи
- Автор
- Категория Навидҳо
Дар доираи нақшаи чорабиниҳо бахшида ба Рӯзи умумиҷаҳонии муҳити зист санаи 24 май дар толори маҷлисгоҳи муассисаи таҳсилоти миёнаи умумии № 2 бо иштироки муаллимон, хонандагони синфҳои болоии мактабҳои №№ 1, 2 ва 5-и ш.Истиқлол вохӯрӣ гузаронида шуд. Дар он мудири бахши ҳифзи муҳити зисти шаҳри Истиқлол оиди мақсадҳои асосии қабули Барнома ва татбиқи он, таърихи баргузории Рӯзи умумиҷаҳонии муҳити зист, саҳми насли наврас дар беҳдошти муҳити зист ва самаранок истифодабарии захираҳои табиӣ баромад намуд. Хонандагон ва муаллимон ба саволҳои худ оиди мавзӯъҳои зикргардида ҷавобҳои мушаххас гирифтанд ва барои гузаронидани чунин вохӯрӣ изҳори қаноатмандӣ намуданд.
Чорабиниҳо бахшида ба Рӯзи умумиҷаҳонии муҳити зист
- Подробности статьи
- Автор
- Категория Навидҳо
Бахшида ба Рӯзи умумиҷаҳонии муҳити зист, баҳри иҷроиши бандҳои талаботҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва санаҳои 18, 19, 23 майи соли равон дар байни муассисаҳои таҳсилоти миёнаи умумии шаҳри Конибодом озмун аз рӯи номинатсияҳои «Реферати беҳтарин» ва «Расми беҳтарин», ҳамчунин байни хонандагони синфҳои 9 КВН гузаронида шуд. Дар озмунҳои мазкур мактабҳои таҳсилоти ҳамагонаи №№ 1, 16 ва 33 ғолиб дониста, аз тарафи бахши ҳифзи муҳити зисти ш.Конибодом бо диплом ва тӯҳфаҳои хотиравӣ қадрдонӣ гардиданд.
20 Май 2016
Эълон
- Подробности статьи
- Автор
- Категория Навидҳо
Раёсати ҳифзи муҳити зисти вилояти Суғд барои ишғоли мансабҳои холии маъмурии хизмати давлатӣ озмун эълон менамояд:
- Сардори Шӯъбаи назорати давлатии истифорда ва ҳифзи ҳавои атмосфераи Раёсати ҳифзи муҳити зисти вилояти Суғд маоши мансаби 1093,50 сомонӣ ; (категорияи сеюм)
- Сармутахассиси Шӯъбаи экспертизаи экологии Раёсати ҳифзи муҳити зисти вилояти Суғд маоши мансаби 814,50 сомонӣ; (категорияи панҷум)
- Мутахассиси Шӯъбаи экспертизаи экологии Раёсати ҳифзи муҳити зисти вилояти Суғд маоши мансаби 522,00 сомонӣ; (категорияи ҳафтум)
Талаботҳои тахассуси барои мансабҳои маъмурии категорияи сеюм;
– таҳсилоти олии касбӣ, ихтисоси ба мансаби ишғолшаванда мувофиқ, ки иҷрои самараноки вазифаҳои мансаби мазкури маъмурии хизмати давлатиро таъмин карда метавонад;
– 4 сол собиқаи хизмати давлатӣ ё 5 сол собиқаи умумии меҳнатӣ;
– дониш ва малакаи роҳбарӣ, идоракунӣ, банақшагирии раванди кор ва кор бо тобеон;
– малакаи хуби муошират бо аҳли ҷомеа, аз ҷумла маҳорати ба роҳ мондани ҳамкорӣ ҳангоми татбиқи манфиатҳои давлатӣ.
19 Май 2016
Рӯзи ахбори сиёсӣ зери унвони «Дар ҷавонӣ саъй кун»
- Подробности статьи
- Автор
- Категория Навидҳо
Дар толори маҷлисгоҳи Раёсати ҳифзи муҳити зисти вилоят бо иштироки муовини сардори Раёсат ва кормандони Раёсат рӯзи ахбори сиёсӣ дар мавзӯи «Дар ҷавонӣ саъй кун» баргузор гардид.
Дар маҷлис сармутахассис оид ба сиёсати экологӣ баромад намуда, зикр кард, ки ҷавонон дар ҳама давру замон нерӯи пешбарандаи ҷомеа ба ҳисоб мераванд. Дар мақомоти ҳифзи муҳити зисти вилоят 50 фоизи кормандонро ҷавонон ташкил дода, сол аз сол ҷалби мутахассисони ҷавони лаёқатманд ба пешбарии онҳо ба вазифаҳои роҳбарикунанда афзуда истодааст, ки ҳамаи ин иқдомот ҳамчун далели ғамхориҳои пайвастаи давлат ва Хукумати мамлакат арзёбӣ мегарданд. Зеро ҷавонони боистеъдоду лаёқатманд мояи ифтихор ва сарбаландии миллат буда, маҳз онҳо қудрат доранд, ки пешбарандаи илму фарҳанги миллати хеш бошанд ва ҳамчун посдорони мероси аҷдодӣ ба наслҳои оянда хизмат намоянд.
Семинари бозомӯзӣ
- Подробности статьи
- Автор
- Категория Навидҳо
Санаи 13 май дар Маркази бозомӯзии Раёсат дар ш.Гулистон мувофиқи фармоиши сардори Раёсат, бо мақсади баланд бардоштани савияи дониши кормандони мақомоти ҳифзи муҳити зист, баҳри иҷроиши зербанди 5-уми қарори ҷаласаи Раёсат аз 05.04.2016, татбиқи дурусти қонунгузории соҳавӣ ва тарбияи кадрҳо, семинари бозомӯзӣ бо иштироки мутахассисони соҳа, аз ҷумла мутахассисони ҷавон гузаронида шуд. Мувофиқи барнома дар семинари мазкур мавзӯҳои тартиби ташкил намудану гузаронидани санҷишҳо дар корхонаву ташкилотҳо, тартибҳои гузаронидани санҷиши хоҷагиҳои деҳқонӣ ва гирифтани намунаҳои хок, тарзи нигаҳдорӣ, истифодабарӣ ва фурӯши нуриҳои минералӣ ва заҳрдоруҳо, тарзи ҳисоби пардохт ва зарари ба манбаҳои обӣ расонидашуда,
Маҷлиси машваратӣ
- Подробности статьи
- Автор
- Категория Навидҳо
Санаи 13 май дар Маркази бозомӯзии Раёсат дар ш.Гулистон маҷлиси машваратии назди сардори Раёсат бо иштироки сардорони шӯъбаҳо ва сармутахассисони Раёсат, сардорони шӯъбаҳо ва мудирони бахшҳои ҳифзи муҳити зисти шаҳру ноҳияҳо баргузор гардид. Дар маҷлиси мазкур 4 масъала мавриди баррасӣ ва муҳокима қарор гирифт, аз он ҷумла баррасии натиҷаҳои санҷиши фаъолияти як шӯъба ва ду бахши ҳифзи муҳити зисти шаҳру ноҳияҳо, таҳлили натиҷаҳои фаъолияти чормоҳаи мақомот ва ҳолати ҳиссаҷудокунии 20% ба Кумита ва Раёсат, баррасии пешниҳоди прокурори вилоят «Дар бораи бартараф кардани қонунвайронкуниҳо ҳангоми иҷрои қонунгузории ҷорӣ дар самти ҳифзи муҳити зист» аз 27 апрели соли равон, ҳолати иҷрои талаботи Қонуни Ҷумҳурии Тоҷикистон «Дар бораи мубориза бар зидди коррупсия, пешгирӣ ва муқовимат бо коррупсия».
07 Май 2016
Вохӯрӣ бо донишҷӯён дар ДДҲБС Тоҷикистон
- Подробности статьи
- Автор
- Категория Навидҳо
Бахшида ба 25 солагии Истиқлолияти Ҷумҳурии Тоҷикистон, «Соли 2016 – Соли фарди солим» ва баҳри татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар Донишгоҳи давлатии ҳуқуқ, бизнес ва сиёсати Тоҷикистон вохӯрии мутахассисони Раёсати ҳифзи муҳити зисти вилоят бо донишҷӯён ва устодон баргузор гардид. Дар вохӯрӣ бобати масъалаҳои ҳифзи муҳити зист дар раванди рушди иқтисодии Ҷумҳурии Тоҷикистон, зарурияти тарбия ва маърифати экологии аҳолӣ, мавқеи экологияи тиббӣ дар ҷомеа, татбиқи барномаи «Барномаи давлатии комплексии рушди тарбия
Маълумот оиди чорабиниҳои ҳифзи моҳӣ дар моҳи апрел
- Подробности статьи
- Автор
- Категория Навидҳо
Бо мақсади муҳофизат ва нигаҳдории захираҳои моҳиҳои обанборҳои вилоят аз 5 апрел то 20 июни соли ҷорӣ дар обанборҳои вилоят сайди моҳӣ аз тарафи шахсони ҳуқуқӣ ва воқеӣ манъ шудааст. Барои амалӣ намудани нақшаи чорабиниҳои якҷоя оид ба ҳифзи захираҳои моҳӣ дар обанборҳои вилоят дар давоми як моҳи гузашта корҳои муайян ба анҷом расид. Ба гурӯҳҳои фаврии ташкил намудаи ситод намояндагони ҷамъияти шикорчиён ва моҳидорони вилоят, ҶСК «Моҳипарвари Қайроққум» ва нозирони ҷамъиятӣ дохил карда шуда, дар ҳудуди обанборҳои ҳавзаи Сирдарё аз қисми болооби «Баҳри Тоҷик» то НБО -и Фарҳод, истгоҳҳои нақлиёти мусофиркашон ва роҳи оҳан, бозорҳо, нуқтаҳои пухтупази маҳсулоти моҳигии шаҳру ноҳияҳои Хуҷанд, Гулистон, Бӯстон, Ашт, Конибодом, Б.Ғафуров, Ҷ.Расулов, Спитамен, Исфара зери назорат гирифта шуд.