Июнь 2016

29 Июнь 2016

Чорабиниҳои ҳифзи моҳӣ дар давраи тухмигузории соли 2016

Подробности статьи: Автор; Категория Навидҳо

Дар асоси моддаҳои 6, 9 Қонуни Ҷумҳурии Тоҷикистон «Дар бораи ҳифзи муҳити зист», моддаҳои 8, 32 қонуни Ҷумҳурии Тоҷикистон «Дар бораи олами ҳайвонот» ва моддаҳои 4, 17 «Қоидаҳои моҳидорӣ дар обанборҳои хоҷагиҳои моҳидории Ҷумҳурии Тоҷикистон», бо мақсади муҳофизат ва нигаҳдории захираҳои моҳиҳои обанборҳои вилоят, фароҳам овардани шароит ба рафти афзоиши табиии моҳиҳо ва роҳ надодан ба қонуншиканиҳо дар давраи тухмгузории моҳиҳо, фармоиши сардори Раёсат аз 01.04.2016, №32 «Оид ба гузаронидани чорабиниҳои ҳифзи моҳӣ дар давраи тухмигузории соли 2016» ба тавсиб расида буд. Дар асоси фармоиши мазкур бо назардошти обу ҳавои сол аз 5 апрел то 20 июни соли ҷорӣ дар обанборҳои вилоят сайди моҳӣ аз тарафи шахсони ҳуқуқӣ ва воқеӣ манъ карда шуд.

20 Июнь 2016

Ҷамъбасти озмуни вилоятии «Тағйирёбии иқлим дар кураи Замин»

Подробности статьи: Автор; Категория Навидҳо

Санаи 20 июни соли равон дар Раёсати ҳифзи муҳити зисти вилоят ҷамъбасти озмуни вилоятии «Тағйирёбии иқлим дар кураи Замин» бо иштироки хонандагони мактабҳои таҳсилоти умумии шаҳру ноҳияҳои вилоят, намояндагони Маркази таҳсилоти иловагии вилоят доир гардид. Имсол озмун бо ибтикори Кумитаи ҳифзи муҳити зисти назди Ҳукумати Ҷумҳурии Тоҷикистон бо мақсади татбиқи сиёсати давлатӣ дар самти баланд бардоштани маърифати экологии хонандагони мактабҳои таҳсилоти ҳамагонӣ доир ба ҳифзи муҳити зист ва бахшида ба 25 солагии Истиқлолияти давлатии Ҷумҳурии Тоҷикистон дар мавзӯи ««Тағйирёбии иқлим дар кураи Замин» аз рӯи 9 номинатсия гузаронида шуд.

09 Июнь 2016

Ҷамъбасти викторина дар мавзӯи «Амнияти радиатсионӣ: Инро бояд ҳар як шахс донад» дар шаҳри Истиқлол

Подробности статьи: Автор; Категория Навидҳо

Бо ибтикори ташкилоти ҷамъиятии «Гурӯҳи ҷавонон оид ба ҳифзи муҳити атроф» ва Раёсати ҳифзи муҳити зисти вилоят бахшида ба Рӯзи умумиҷаҳонии муҳити зист, баланд бардоштани маърифати экологии насли наврас дар вилояти Суғд викторина байни хонандагони синфҳои болоии ш.Истиқлол ва ҷамоати Ғозиёни н.Б.Ғафуров дар мавзӯи бехатарии радиатсионӣ ва таркиби хӯрок чамъбаст гардид.

Дар даври пешакии тадбир хонандагон ба маҳалаҳои аз ҷиҳати радиатсия осебпазир ва атрофи он рафта таҳлилҳо гузаронида буданд. Ҳар як даста натиҷаҳо ва хулосаҳои худро ба комиссияи мутахассисон пешниҳод намудаанд.

06 Июнь 2016

Ҷамъбасти аксияи «Тозагии соҳил» дар вилоят

Подробности статьи: Автор; Категория Навидҳо

Раёсати ҳифзи муҳити зист баҳри иҷрои қарори Раиси вилоят аз 11.04.2015, № 178 «Дар бораи эълон намудани 500 рӯзи меҳнати зарбдор» ба истиқболи 25-солагии Истиқлолияти давлатии Ҷумҳурии Тоҷикистон, бахшида ба эълон гардидани соли 2016 – Соли фарди солим ва бо мақсади беҳтар намудани ҳолати экологӣ, тозаву обод нигоҳ доштани муҳити зист аксияи «Ободонии маҳали зист»-ро гузаронида истодааст.

Мувофиқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз санаи 14.04.2016 сол таҳти №43 оид ба гузаронидани аксияи «Тозагии соҳил-2016» ва дар асоси фармоиши сардори Раёсати ҳифзи муҳити зисти вилояти Суғд аз санаи 19.04.2016 сол таҳти №42 санаҳои аз 23 - апрел то 31 - майи соли ҷорӣ дар ҳудуди вилоят аксияи мазкур гузаронида шуд.

Консерти идона бахшида ба Рӯзи умумиҷаҳонии муҳити зист

Подробности статьи: Автор; Категория Навидҳо

Бахшида ба Рӯзи умумиҷаҳонии муҳити зист санаи 3 июн дар Муассисаи давлатии «Маҷмааи фарҳангию таърихии Қалъаи Хуҷанд» бо иштироки ситораҳои санъати вилоят консерти идона баргузор гардид.

Бо суханони табрикӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, мудири бахши кишоварзии мақомоти иҷроияи ҳокимияти давлатии вилояти Суғд Фирдавс Абдуллозода, Раиси шаҳри Хуҷанд Шариф Шарифзода ва сардори Раёсати ҳифзи муҳити зисти вилоят Темур Нӯмонзода баромад намуданд.

03 Июнь 2016

Табрикоти сардори Раёсати ҳифзи муҳити зисти вилоят Т.Нӯмонзода бахшида ба Рӯзи умумиҷаҳонии муҳити зист

Подробности статьи: Автор; Категория Навидҳо

Рӯзи умумиҷаҳонии муҳити зист, санаи хоса барои ҳар кадоми мост, зеро дар оғӯши табиат зиста, нисбати масъалаҳои мубрами он бефарқ будан нашояд. Айни замон масъалаҳои глобалии ҳифзи муҳити зисти сайёра дар мадди назари ҳамагон қарор дорад. Боиси ифтихори мост, ки Асосгузори сулҳу ваҳдати миллӣ - Пешвои миллат, Президенти кишвар мӯҳтарам Эмомалӣ Раҳмон «ташаккули «иқтисоди сабз», ҳифзи муҳити зист, пешгирии офатҳои табиии вобаста ба тағйирёбии иқлимро омили муҳими таъмин намудани тараққиёти босуботи иқтисодиву иҷтимоӣ» мешуморанд. Дар миқёси вилоят низ бо ибтикори Раиси вилоят, мӯҳтарам Абдураҳмон Қодирӣ эълон гардидани «Соли фарди солим» ва тасдиқи Барномаи вилоятии «Соли 2016 - Соли маҳалла, деҳа ва шаҳраки обод» аз тарафи сокинон ҳамовозии зиёд пайдо намудаву дар ин самт ҳамзамон ҷиҳати беҳтар кардани вазъи экологӣ чораҳо андешида мешаванд.

Маҷлиси тантанавӣ бахшида ба Рӯзи умумиҷаҳонии муҳити зист

Подробности статьи: Автор; Категория Навидҳо

Бахшида ба Рӯзи умумиҷаҳонии муҳити зист санаи 2 июни соли равон дар толори маҷлисгоҳи ДДХ ба номи академик Б.Ғафуров маҷлиси тантанавӣ доир гардид. Дар он мудири бахши кишоварзии мақомоти иҷроияи ҳокимияти давлатии вилояти Суғд Фирдавс Абдуллозода, ректори Донишгоҳи давлатии Хуҷанд ба номи академик Б.Ғафуров Анвар Мақсудов, раиси Кумитаи иҷроияи Ҳизби халқӣ - демократии Тоҷикистон дар ш.Хуҷанд Наим Маликисломов, намояндагони ташкилотҳои ғайридавлатӣ ва байналхалқӣ, устодон ва донишҷӯёни муассисаҳои олӣ, кормандони воситаҳои ахбори омма, собиқдорони соҳа ва кормандони мақомоти ҳифзи муҳити зисти шаҳру ноҳияҳои вилоят иштирок доштанд.

Семинари омӯзишӣ оиди нигаҳдории қабати озон

Подробности статьи: Автор; Категория Навидҳо

Бо мақсади иҷрои Қарори Ҳукумати Ҷумҳурии Тоҷикистон “Оид ба тадбирҳои иҷрои Конвенсияи Вена дар бораи нигаҳдории қабати озон ва Протоколи Монреал оид ба моддаҳои вайронкунандаи қабати озон” аз 2 ноябри соли 2015, № 643, санаи 1 июни соли равон дар маҷлисгоҳи Раёсати ҳифзи муҳити зисти вилоят бо иштироки роҳбари Маркази миллии озони Кумитаи ҳифзи муҳити зисти назди Ҳукумати Ҷумҳурии Тоҷикистон Қурбонов А. ва кормандони мақомоти ҳифзи муҳити зисти вилоят семинари омӯзишӣ баргузор гардид. Дар семинар роҳбари Марказ оиди вайроншавии қабати озон ва озони стратосферӣ, ба танзимдарории газҳои озонвайронкунанда, оқибатҳои вайроншавии қабати озон баромадҳо намуда, иштирокчиёнро бо Созишномаҳои байналмилалӣ оид ба нигаҳдории қабати озони замин, ҳуҷҷатҳои қонунгузорӣ ва меъёрӣ ҳуқуқии Ҷумҳурии Тоҷикистон дар самти нигаҳдории қабати озони замин шинос намуд.