Февраль 2018

23 Февраль 2018

Семинари бозомӯзӣ

Подробности статьи: Автор; Категория Навидҳо

Тибқи нақшаи кории Раёсат ва нақшаи кории мақомоти иҷроияи ҳокимияти давлатии вилоят бо мақсади баланд бардоштани савияи дониши кормандон санаи 22 феврали соли равон дар толори Раёсат семинари бозомӯзӣ бо иштироки мудирон ва мутахассисони шӯъбаю бахшҳои ҳифзи муҳити зисти шаҳру ноҳияҳо доир гардид. Дар рафти семинар мутахассисони соҳа доир ба тартиби ба расмиятдарории парванда аз рӯи муроҷиати шахсони воқеӣ ва ҳуқуқӣ, фаҳмонида додани шаклҳои нави ҳисобот, тартиби ҳисоби дурусти ҷуброни зарари ба олами наботот расонидашуда ҳангоми буриши ғайриқонунии дарахт, тартиби дурусти пешниҳоди маълумот оид ба рафти иҷроиши «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», Дастурамали коргузорӣ ва дигар масъалаҳои ба пешрафти фаъолият мусоидаткунанда баромад намуданд, ки дар фаъолияти кормандони мақомоти ҳифзи муҳити зист яке аз масъалаҳои муҳимтарин мебошад.

22 Февраль 2018

Вохурӣ дар Донишкадаи куҳӣ-металлургии Тоҷикистон дар шаҳри Бўстон

Подробности статьи: Автор; Категория Навидҳо

Баҳри иҷрои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар Донишкадаи кӯҳӣ-металлургии Тоҷикистони шаҳри Бустон вохӯрии намояндаи Раёсати ҳифзи муҳити зисти вилояти Суғд бо донишҷӯён ва устодон доир гардид. Дар рафти чорабинӣ оид ба мақсад ва ҳадафҳои қабул гардидани Барномаи мазкур, рафти иҷрои талаботҳои он, масъалаҳои ҳифзи муҳити зист дар раванди рушди иқтисодии ҷумҳурӣ, эълон гардидани “Даҳсолаи байналмилалии амал “Об барои рушди устувор, 2018-2028”, зарурати рушди маърифати экологӣ бо мақсади ноил шудан ба рушди устувор баромад шунида шуд.

13 Февраль 2018

Амалиёти “Ҳифзи ҳайвоноту паррандагони ваҳшӣ” дар вилояти Суғд

Подробности статьи: Автор; Категория Навидҳо

Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноту паррандагони ваҳшӣ аз фасли зимистон, аз ҷумла дар ҳудуди парваришгоҳи «Дараи сабз»-и Муассисаи давлатии хоҷагии ҷангали н.Шаҳристон ва дар ҳудуди парваришгоҳи «Зарафшон»-и Муассисаи давлатии хоҷагии ҷангали ш.Панҷакент бо иштироки сардори Раёсат, бахши шаҳри Исфара дар якҷоягӣ бо намояндагони «Ҷамъияти шикорчиён ва моҳидорони шаҳри Исфара» дар минтақаи «Кӯҳи сиёҳ»-и ш.Исфара, намояндагони Муассисаи давлатии хоҷагии ҷангали ш.Истаравшан дар ҳудуди ҷамоати деҳоти «Нофароҷ», минтақаҳои кӯҳии деҳаҳои Навобод ва Кунчок, бахши ҳифзи муҳити зисти шаҳру ноҳия, намояндагони хоҷагии ҷангал санаҳои 8 ва 9 феврали соли ҷорӣ корҳои биотехникӣ гузаронида шуд.

09 Февраль 2018

Нашри дуюми Китоби Сурхи Ҷумҳурии Тоҷикистон бо се забон аз чоп баромад

Подробности статьи: Автор; Категория Навидҳо

Нашри дуюми Китоби Сурхи Ҷумҳурии Тоҷикистон бо теъдоди 4 ҳазор нусха (иборат аз ду ҷилд) бо се забон – тоҷикӣ, русӣ ва англисӣ аз чоп баромад.

Тибқи Қарори Ҳукумати Ҷумҳурии Тоҷикистон аз 26 феврали соли 2015 № 65, Кумитаи ҳифзи муҳити зисти назди Ҳукумати Ҷумҳурии Тоҷикистон, мақоми ваколатдори махсуси давлатӣ оид ба ҳифз ва истифодаи намудҳои олами набототу ҳайвоноте, ки ба Китоби Сурхи Ҷумҳурии Тоҷикистон ворид шудаанд, муайян карда шудааст.

Соли 2016 барои бо забонҳои русӣ англисӣ баргардондани Китоби Сурхи Ҷумҳурии Тоҷикистон фармоиши Раиси Кумита ба имзо расид.

Нишасти матбуотӣ

Подробности статьи: Автор; Категория Навидҳо

Санаи 8 феврали соли равон дар бинои Сарраёсати кишоварзӣ тибқи ҷадвали тасдиқгардидаи МИҲД вилоят нишасти матбуотии якҷояи Сарраёсати кишоварзӣ, Кумитаи заминсозӣ ва Раёсати ҳифзи муҳити зисти вилоят доир гардид.

Дар он рӯзноманигорони воситаҳои ахбори омма, мухбирони рӯзномаҳои «Ҳақиқати Суғд» - Худойбердиев У., «Ризқофарин» - Бобоҷонова М., рӯзномаи «Ҷумҳурият» - Ҷ.Аштӣ, «Тирози ҷаҳон» - Ваҳҳобова М., «Садои мардум» - Мақсудов М., ҳафтаномаи «Тоҷикистон» - Муродӣ Ф., оҷонсии иттилоотии «Азия-плюс» - Рофиева М., радиои «Озодӣ» - Имомов М., ШТР СМ-1 – Ҳ.Ҷӯраев ва Шамсиева Ф., ШТР «Азия» - Атаева М., ТВ «Диёр» Мирҷумаева Ф., рӯзномаи «Фараж» - А.Охунов, ТВ «7 ситора» - Мӯминзода М., рӯзномаи «Суғд ҳақиқати» - Деҳқонова М., мухбири радиои «Тоҷикистон» - Мақсудова С., Б.Пӯлодӣ – радиои «Шаҳри ман», ТВ «Танин» - П.Аҳророва, радиои «Пайванд» - Марупов Ҷ. ҳамагӣ 19 нафар намояндагони ВАО иштирок доштанд. Ба рӯзноманигорон варақаҳои иттилоотӣ (пресс-релиз) оид ба натиҷаҳои фаъолияти Раёсати ҳифзи муҳити зист дар соли 2017 дастрас гардид.

Барномаи телевизионии «Муҳит»

Подробности статьи: Автор; Категория Навидҳо

Бо мақсади татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», иҷроиши бандҳои нақшаи чорабиниҳои Барномаи мазкур якҷоя бо идораи телевизион ва радиои вилояти Суғд аввалин барномаи телевизионии «Муҳит» таҳия ва пахш гардид. Дар он масъулини вобастагардида - намояндагони Раёсати маориф, Раёсати кор ба ҷавонон ва варзиш ва Раёсати ҳифзи муҳити зисти вилоят иштирок доштанд. Намоиш ба муаррифии «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» бахшида шуда, мақсад ва ҳадафҳои қабул шудани он арзёбӣ гардид. Барномаи мазкур давоми сол таҳия гардида, пурра ба масъалаҳои экологӣ бахшида мешавад.

01 Февраль 2018

Шонасарак – паррандаи соли 2018

Подробности статьи: Автор; Категория Навидҳо

Шонасарак дар саросари олам чун паррандаи афсонавӣ машҳур мебошад. Дар тамоми мамлакатҳои Шарқу Ғарб ва Осиё шонасаракро дидан мумкин аст. Соли гузашта дар Федератсияи Русия соли ҳудҳуд эълон гардида буд. Ба ақидаи паррандашиносони ҷаҳон шонарасак паррандаи ғайриоддӣ низ мебошад. Зеро рафтору хусусиятҳои биологии шонасарак хеле аҷибанд. Шонасарак лонаашро ба таври алоҳида сохта, ба чуҷаҳояш аз хурдӣ тариқи ёфтани туъмаро меомӯзад. Аз ҷониби дигар, шонасарак санитари табиат низ мебошад. Онҳо кирму дигар ҳашаротҳои зарарнокро нест карда, ба муҳити зист фоида меоранд. Дар бораи тоҷи шонасарак ва ҳаёти он дар миёни мардуми дунё ва фолклори халқҳои гуногун нақлу ривоятҳои зиёде ҷой доранд. Ба қавли мардуми соҳили Волга замоне гӯё ҳудҳуд шоҳи паррандагон будааст. Аммо ӯ хостааст, ки худои тамоми паррандагон бошад. Аз ин рафтори ҳудҳуд худо ба ғазаб омадааст ва оқибат лонаи вай ба манзили буйнок табдил ёфтааст. Дар миёни халқҳои Кафкоз низ ривоятҳои зиёде то ҳол боқӣ мондаанд, ки зиракиву доноии шонасаракро ситоиш намудаанд.