Январь 2019

29 Январь 2019

Вохӯрӣ дар МДТ «Литсейи касбии хизмати шаҳри Хуҷанд»

Подробности статьи: Автор; Категория Навидҳо

Раёсат баҳри татбиқ ва иҷрои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» бо муассисаҳои таълимӣ ҳамкории доимӣ дошта, баҳри баланд бардоштани маърифат ва донишҳои экологии аҳолӣ ҳамаҷониба корбарӣ намуда истодааст.

Бо ин мақсад санаи 24 январи соли равон дар муассисаи давлатии таълимии «Литсейи касбии хизмати шаҳри Хуҷанд» вохӯрӣ бо иштироки намояндагони Раёсати ҳифзи муҳити зисти вилоят ва шуъбаи ҳифзи муҳити зисти шаҳри Хуҷанд, донишҷӯёну омӯзгорон баргузор гардид. Пас аз сухани ифтитоҳии директори литсейи мазкур намояндаи раёсат сараввал оид ба муҳтавои Паёми Асосгузори сулҳу ваҳдати миллӣ - Пешвои миллат, Президенти ҶумҳурииТоҷикистон муҳтарам Эмомалӣ Раҳмон суханронӣ намуд.

21 Январь 2019

Амалиёти ҳифзи ҳайвоноту паррандагони ваҳшӣ дар ноҳияи Шаҳристон

Подробности статьи: Автор; Категория Навидҳо

Бо мақсади нигоҳдорӣ ва бехатарии гуногунии биологӣ, беталаф баровардани олами ҳайвоноти ваҳшӣ аз фасли зимистон кормандони шуъбаи хифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд, бахши ҳифзи муҳити зисти н.Шаҳристон ва кормандони муассисаи хоҷагии ҷангали ноҳия дар минтақаи “Дараи сабз”-и н.Шахристон корҳои биотехникиро гузарониданд. Дар мавзеъҳои сукунати ҳайвоноту паррандагони ваҳшӣ дар минтақаҳои мазкур маводи хӯрока: гандум, ҷав, сабӯс, хошоки дағал, картошка ва намак паҳн карда шуд. Бояд қайд кард, ки дар минтақаи мазкур ҳайвонҳои ваҳшӣ ба монанди хирс, гург, хуки ёбоӣ, рӯбоҳ, кабк, мурғи ҳилол, дигар паррандагони ваҳшӣ ва суғур сукунат доранд.

17 Январь 2019

Шоҳин – парандаи соли 2019

Подробности статьи: Автор; Категория Навидҳо

Шоҳин яке аз парандагони нодири соҳибчангол ба ҳисоб меравад, ки дар гузашта ашрофзодагон ҳамчун парандаи шикорӣ истифода мебурданд ва сабаби шоҳин ном гирифтани он низ дар ҳамин аст. Он дар минтақаҳои биёбонии Осиёи Марказӣ, Эрон, Покистон, Афғонистон, Ҳиндустон ва Африкаи Шимолӣ паҳн гардидааст. Дар ҳудуди Тоҷикистон дар қаторкуҳҳои Туркистон, Зарафшон, доманакӯҳҳои қаторкӯҳи Ҳисор, нишебиҳои қаторкуҳҳои Боботоғ, Оқтоғ, Қаротегин, Ҳазратишоҳ ва Дарвоз вомехӯрад.

Муҳити хоси сукунати шоҳинҳо нишебиҳои харсангдор, шахҳо, ҷариҳои гилдори кӯҳӣ ба ҳисоб мераванд. Дар минтақаҳои кӯҳӣ шоҳин дар баландиҳои 1800 метр аз сатҳи баҳр лона мегузорад. Дар фасли зимистон он ба водии дарёҳо кӯчида, баъзан дар атрофи маҳаллаҳои аҳолинишин маскан ихтиёр мекунанд.

08 Январь 2019

Ҷаласаи Раёсат оид ба ҷамъбасти фаъолият дар соли 2018

Подробности статьи: Автор; Категория Навидҳо

Санаи 4 январи соли 2019 дар Маркази бозомўзии Раёсат дар шаҳри Гулистон ҷаласаи Раёсат оид ба ҷамъбасти фаъолият дар соли 2018 ва вазифаҳои минбаъда баргузор гардид. Дар ҷаласа Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Х.Ибодзода, мудири шуъбаи кишоварзии мақомоти иҷроияи ҳокимияти давлатии вилоят А.Латифӣ, сардори Раёсат ва муовин, сардорони шуъбаҳои Раёсат, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо, сармутахассисони Раёсат иштирок намуданд.

Дар оғози ҷаласа аз тарафи Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода бахшида 30 солагии таъсисёбии мақомоти ҳифзи муҳити зисти Ҷумҳурии Тоҷикистон ба аввалин раиси Кумитаи хифзи табиати вилояти Ленинобод Султонов А.А. нишони сарисинагии ҷашнӣ супорида шуд. Дар рафти ҷаласа ҳисобот оид ба фаъолияти Раёсат шунида шуда, аз сардорони шуъбаҳои Раёсат ва роҳбарони зерсохторҳо дар шаҳру ноҳияҳо пурсиш ба амал оварда шуд. Ҳамчунин, аз тарафи Раиси Кумита бобати беҳтар гардидани ҳолати экологии минтақаҳо, ҳифз ва зиёд намудани намудҳои олами ҳайвоноти нодир ва дигар масъалаҳои муҳим супоришҳо дода шуд.

Паёми Президенти Ҷумҳурии Тоҷикистон, Пешвои миллат муҳтарам Эмомалӣ Раҳмон ба Маҷлиси Олии Ҷумҳурии Тоҷикистон

Подробности статьи: Автор; Категория Навидҳо

Бо мақсади омӯзиши матни Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар толори маҷлисгоҳи Раёсати ҳифзи муҳити зисти вилояти Суғд санаи 7 январи соли равон вохӯрии кормандони мақомот бо вакили Маҷлиси намояндагони Маҷлиси Олии Ҷумҳурии Тоҷикистон – Гулбаҳор Назирӣ ва Раиси Кумитаи иҷроияи Ҳизби Халқии Демократии Тоҷикистон дар ш.Хуҷанд Маликисломӣ Наим Мунаввар доир гардид. Зимни вохӯрӣ вакили Маҷлиси намояндагони Маҷлиси Олии Ҷумҳурии Тоҷикистон Гулбаҳор Назирӣ оид ба самтҳои асосии Паёми имсола, дар бораи дастовардҳои соли сипаришуда, ки дар сафҳаҳои таърихи Тоҷикистони соҳибистиқлол бо воқеаҳои фараҳбахш – таҷлили сазовори ҷашнҳои умумимиллӣ, ба истифода додани иншооти бузурги аср - нерӯгохи оби барқии Роғун, мавқеи сазоворашро ишғол намуд, сухан кард. Ҳамзамон ҷиҳати расман оғоз гардидани раванди татбиқи ташаббуси Ҷумҳурии Тоҷикистон - Даҳсолаи байналмилалии амал «Об барои рушди устувор, 2018-2028», сиёсати берунии Тоҷикистон ва ворид шудани он ба марҳалаи нави рушд, эълон гардидани солҳои 2019 –2021 «Солҳои рушди деҳот, сайёҳӣ ва ҳунарҳои мардумӣ» қайд карда шуд.

Маъракаи ниҳолшинонӣ

Подробности статьи: Автор; Категория Навидҳо

Баҳри сазовор истиқбол гирифтани 30-солагии Истиқлолияти давлатии Ҷумҳурии Тоҷикистон дар қаламрави шаҳру ноҳияҳо корҳои бунёдкорӣ ва ободонӣ вусъати тоза мегирад. Он дар асоси қарори Раиси вилояти Суғд «Дар бораи вусъат бахшидан ба корҳои созандагию бунёдкорӣ, ободию кабудизоркунии маҳали зист ва сазовор истиқбол гирифтани ҷашни 30-солагии Истиқлолияти Ҷумҳурии Тоҷикистон» ва қарори Раиси шаҳри Гулистон «Дар бораи эълон намудани 1300 рӯзи ободонию созандагӣ ба истиқболи 30-солагии Истиқлолияти давлатии Ҷумҳурии Тоҷикистон» роҳандозӣ гардида истодааст. Дар ин раванд аз тарафи шаҳру ноҳияҳо дар мувофиқа бо мақомоти иҷроияи ҳокимияти давлатии шаҳру ноҳияҳо оид ба маъракаи кабудизоркунии тирамоҳи соли 2018 ва баҳори соли 2019 нақша чорабиниҳо тасдиқ гардида, дар асоси он дар шаҳру ноҳияҳои Гулистон, Исфара ва Ҷ.Расулов ниҳолҳои ҳамешасабз, ороишӣ ва мевадиҳанда ба миқдори қариб 3 ҳазор адад ва гулҳои ороишиву мавсимӣ қариб 30 ҳазор адад шинонида шуданд. Гузаронидани маъракаи кабудизоркунӣ дар дигар шаҳру ноҳияҳо низ идома дорад.

Насби лавҳаи огоҳкунанда

Подробности статьи: Автор; Категория Навидҳо

Дар соли эълон гардидани «Соли рушди сайёҳӣ ва ҳунарҳои мардумӣ», бо мақсади баланд бардоштани маърифати экологии аҳолӣ, пешгирӣ намудани қонуншиканӣ, баҳри ҳифз намудани ҳайвоноти нодир ва маҳвшудаистодаи вилояти Суғд, ки ба Китоби Сурхи ҶТ дохил карда шудаанд, аз тарафи кормандони Раёсати ҳифзи муҳити зисти вилояти Суғд дар минтақаи соҳили рости обанбори Баҳри Тоҷик дар доманакӯҳи Оқбел лавҳаи огоҳкунанда насб карда шуд. Боиси қайд аст, ки дар минтақаи мазкур намудҳои ҳайвоноти нодир, ба монанди ғизол, сусмори хокистарранг, паррандаҳои дуғдоғ, ҷек, лойхӯраки дашти, тазарви сирдарё, кӯрмор, мори печони шарқӣ, мори гургдандони кундаланграх сукунат доранд.

Раёсати ҳифзи муҳити зисти вилоят ба нақша гирифтааст, ки чунин лавҳаҳоро дар дигар минтақаҳои вилоят низ насб намояд.

Семинар дар маркази бозомӯзии ш.Гулистон

Подробности статьи: Автор; Категория Навидҳо

Бо мақсади баланд бардоштани маърифати экологии аҳолӣ, амалӣ намудани нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар маркази бозомӯзии ш.Гулистон аз тарафи кормандони бахши ҳифзи муҳити зисти ш.Гулистон семинар бо иштироки кормандони хадамоти хоҷагии коммуналии шаҳр, раисони махаллаҳо ва кормандони воситаҳои ахбори омма доир гардид. Дар рафти семинар кормандони бахш оид ба мақсад ва ҳадафҳои қабул гардидани Барномаи мазкур, рафти иҷрои талаботҳои он, масъалаҳои ҳифзи муҳити зист дар раванди рушди иқтисодӣ, эълон гардидани “Даҳсолаи байналмилалии амал “Об барои рушди устувор, 2018-2028”, зарурати рушди маърифати экологӣ бо мақсади ноил шудан ба рушди устувор ва масъалаи партовҳо баромадҳо шунида шуданд.

Аз тарафи иштирокчиёни семинар оиди ҷой доштани муаммоҳои экологӣ дар самти партов ва роҳҳои ҳалли онҳо, масъалаи нигоҳдории лампаҳои аз истифодабаромада, ҳамчунин пешниҳоду дархостҳо нисбати беҳдошти муҳити зист ва баланд бардоштани маърифату дониши экологии аҳолӣ изҳори ақида намуда, ба саволҳои худ ҷавобҳои мушаххас гирифтанд.

Вохӯрӣ дар ҷамоатҳои ноҳияи Ҷ.Расулов

Подробности статьи: Автор; Категория Навидҳо

Баланд бардоштани маърифат ва донишҳои экологӣ, бурдани корҳои фаҳмондадиҳӣ яке аз самтҳои асосии фаъолияти мақомоти ҳифзи муҳити зист маҳсуб ёфта, амалишавии иҷрои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар ҷамоату шаҳракҳои ноҳияҳо мунтазам идома дорад.

Бо ин мақсад моҳи декабр дар ҷамоатҳои Сомониён, Деҳмой, Гулхона, Ҳаёти Нав, Ғулакандоз ва ҷамоати шаҳраки Меҳробод вохӯрии намояндагони бахши ҳифзи муҳити зисти н.Ҷ.Расулов бо раисони ҷамоатҳо ва аҳолӣ доир гардид.

05 Январь 2019

Маълумот оиди шуъбаи экспертизаи экологӣ

Подробности статьи: Автор; Категория Шуъбаи экспертизаи экологӣ

Шуъбаи экспертизаи экологӣ бо мақсади таъмини иҷрои талаботи моддаҳои 35-36 боби 6, 37-43 боби 7 Қонуни Ҷумҳурии Тоҷикистон «Дар бораи ҳифзи муҳити зист» ва Қонуни Ҷумҳурии Тоҷикистон «Дар бораи экспертизаи экологӣ» таъсис ёфтааст.

Шуъба ҷузъи таркибии Раёсати ҳифзи муҳити зисти вилояти Суғд буда, татбиқи қонунгузории Ҷумҳурии Тоҷикистонро дар бахши экспертизаи экологӣ ва ба экспертизаи экологӣ фаро гирифтани объектҳои экспертизаи экологиро дар доираи салоҳияташ таъмин намуда, ҳуҷҷатҳои стандартӣ ва меъёрҳои экологиро танзим ва назорати иҷрои онҳоро таъмин менамояд.

Шуъба фаъолияти худро дар асоси Конститутсияи Ҷумҳурии Тоҷикистон, дигар санадҳои меъёрию ҳуқуқии Ҷумҳурии Тожикистон дар соҳаи истифода ва ҳифзи муҳити зист, санадҳои ҳуқуқии байналмиллалие, ки аз ҷониби Ҷумҳурии Тоҷикистон эътироф шудааст, Низомномаи Кумита, Раёсат ва ҳамин Низомнома амалӣ менамояд.