Февраль 2021

26 Февраль 2021

Ниҳолшинонӣ дар ноҳияи Айнӣ

Подробности статьи: Автор; Категория Навидҳо

Баҳри дар сатҳи баланд пешвоз гирифтани ҷашни Наврӯзи байналмилалӣ ва 30-солагии Истиқлолияти давлатии Ҷумҳурии Тоҷикистон дар миқёси вилоят маъракаи кабудизоркуниву ободонӣ муташаккилона идома дорад. Аз рӯи маълумоти бахши ҳифзи муҳити зисти ноҳияи Айнӣ дар қади шоҳроҳи Душанбе -Айнӣ бо иштироки намояндагони корхонаву муассисаҳо 1200 адад ниҳоли арча шинонида шуда, то айни замон дар ноҳия ҳамагӣ 1470 бех ниҳолҳои сояафкан, ҳамешасабзу ороишӣ шинонида шудааст.

Ташвиқи муҳтавои Паём

Подробности статьи: Автор; Категория Навидҳо

Ташвиқу тарғиби муҳтавои Паём аз ҷониби кормандони мақомоти ҳифзи муҳити зист дар шаҳру ноҳияҳои вилояти Суғд идома дорад. Бо ин мақсад дар муассисаи таҳсилоти миёнаи умумии № 39 ҷамоати деҳаи Ошобаи ноҳияи Ашт вохӯрии мудири бахши ҳифзи муҳити зист бо омӯзгорон ва кормандони муассиса доир гардид. Дар вохӯрӣ нуктаҳои асосии Паёми навбатии Пешвои миллат, Президенти Ҷумҳурии Тоҷикистон Эмомалӣ Раҳмон оид ба дастовардҳои соли сипаришуда, нишондиҳандаи асосӣ – буҷаи давлатӣ дар муқоиса бо солҳои аввали соҳибистиқлолии кишвар, омодагӣ ба пайомадҳои тағйирёбии иқлим ва гузариш ба иқтисоди «сабз» баён гардид. Ҳамчунин барои ҷалб ва иштироки фаъолонаи хонандагон дар беҳбудии муҳити зист ва баланд бардоштани маърифати экологии онҳо ибрози ақида карда шуд.

25 Февраль 2021

Иштироки Раиси Кумитаи ҳифзи муҳити зисти Шерализода Б.А. дар ҳашари ниҳолшинонӣ дар шаҳри Панҷакент

Подробности статьи: Автор; Категория Навидҳо

Баҳри дар сатҳи зарурӣ пешвоз гирифтани 30-солагии Истиқлолияти давлатии Ҷумҳурии Тоҷикистон ва дастгирии ташаббуси Асосгузори ваҳдати миллӣ – Пешвои миллат, Президенти Ҷумҳурии Тоҷикистон, мӯҳтарам Эмомалӣ Раҳмон маъракаи кабудизоркуниву ободонӣ вусъати тоза пайдо карда истодааст. Баҳри кабудизоркунӣ ва ободонии диёр дар ҷамоати деҳоти Чинори шаҳри Панҷакент маъракаи кабудизоркунӣ баргузор гардид, ки дар он Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Баҳодур Аҳмадҷон иштирок дошт. Инчунин дар маъракаи мазкур зиёда аз 180 нафар сокинони ҷамоату деҳот ва кормандони бахш фаъолона иштирок намуда, ба миқдори 150 бех ниҳолҳои ороишӣ шинонида шуданд.

Омӯзиши Паём байни хонандагон дар ноҳияи Шаҳристон

Подробности статьи: Автор; Категория Навидҳо

Бо мақсади тарғибу ташвиқи Паёми Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, тибқи нақшаи корӣ дар муассисаҳои тахсилоти миёнаи умумии № 13 ба номи У.Холбоев ва № 16-и ба номи И.Холмуродов- и ноҳия вохурии кормандони бахши ҳифзи муҳити зист бо хонандагон ташкил ва гузаронида шуд. Рафти вохӯрӣ ба хонандагон самтҳои асосии Паёми навбатии Пешвои миллат, бахусус дар соҳаи маориф ба хотири боз ҳам бештар ба омӯзиши илмҳои риёзиву дақиқ ва табиӣ ҷалб кардани наврасону чавонон, олимону муҳаққиқон ва устодону омӯзгорон оид ба ҳамасола гузаронидани озмуни ҷумҳуриявӣ зери унвони «Илм – фурӯғи маърифат»,тарбияи ҷавонон дар руҳияи меҳанпарастӣ ва саҳмгузории онҳо дар рушди босуботи кишварамон корҳои фаҳмонидадиҳӣ гузаронида шуд.

Тарғиби нуктаҳои Паём дар муассисаҳои таълимии н.Б.Ғафуров

Подробности статьи: Автор; Категория Навидҳо

Баҳри таъмини иҷрои нақшаи корӣ ва нақшаи чорабиниҳои раёсат оид ба иҷрои дастуру супоришҳое, ки дар Паёми Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон аз 26 январи соли 2021 «Дар бораи самтҳои асосии сиёсати дохилӣ ва хориҷии Ҷумҳурии Тоҷикистон» дарҷ гардидаанд, аз тарафи кормандони шуъбаи ҳифзи муҳити зист дар муассисаи таълимии миёнаи умумии № 17-и ноҳияи Б.Ғафуров бо хонандагон вохӯрӣ гузаронида шуд. Зимни вохӯрӣ доир ба самтҳои Паёми навбатии Пешвои миллат ва нуктаҳои муҳимтарини он, сиёсати дохилию хориҷии мамлакат ва талаботҳои асосӣ, таъмини пешрафти соҳаҳои иқтисоду саноат, илму маориф, тарбияи ҷавонон дар рӯҳияи ватандӯстӣ шарҳу эзоҳ дода шуд.

Амалиёти “Ҳавои тоза” дар шаҳри Гулистон

Подробности статьи: Автор; Категория Навидҳо

Дар асоси нақшаи кории шуъбаи назорати давлатии истифода ва ҳифзи ҳавои атмосфера ва бахши ҳифзи муҳити зист бо ҳамкории шуъбачаи милитсияи экологӣ ва сайёҳии ВКД ҶТ дар вилояти Суғд, бо мақсади кам намудани ихроҷи моддаҳои зараровар ба ҳавои атмосфера дар кӯчаи марказии Истиқлоли шаҳри Гулистон амалиёти «Ҳавои тоза» гузаронида шуд. Рафти амалиёт 23 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 2 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳру ноҳияҳои вилоят ирсол гардид.

Амалиёти “Ҳавои тоза” дар шаҳри Бӯстон

Подробности статьи: Автор; Категория Навидҳо

Дар асоси нақшаи кории шуъбаи назорати давлатии истифода ва ҳифзи ҳавои атмосфера ва бахши ҳифзи муҳити зист бо ҳамкории шуъбачаи милитсияи экологӣ ва сайёҳии ВКД ҶТ дар вилояти Суғд, бо мақсади кам намудани ихроҷи моддаҳои зараровар ба ҳавои атмосфера дар шаҳри Бӯстон амалиёти «Ҳавои тоза» гузаронида шуд. Дар рафти амалиёт 31 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳру ноҳияҳои вилоят ирсол гардид.

Шиносоӣ аз рафти сохтмони хоҷагии моҳипарварӣ

Подробности статьи: Автор; Категория Навидҳо

Бо мақсади шиносоӣ аз рафти сохтмони хоҷагии моҳипарварӣ кормандони Раёсати ҳифзи муҳити зисти вилоят ба ноҳияи Ҷаббор Расулов ташриф оварда, аз рафти сохтмони ҳавзҳои гулмоҳипарварӣ дидан намуданд. Боиси қайд аст, ки сохтмони объекти ҷашнӣ бо ҷалби техникаҳои муосир идома дорад. Бинои сехи инкубатсияи сунъӣ сохта шуда, дар он беш аз 90 ҳазор адад кирминамоҳичаҳои гулмоҳӣ дар шароити хуб афзоиш ва тибқи талаботҳои биотехнологияи ҷавобгӯ парвариш ёфта истодаанд.

22 Февраль 2021

Баргузории ярмарка - фурўши ниҳол ва кўчату тухмии гулу зироатҳо дар маркази вилояти Суғд

Подробности статьи: Автор; Категория Навидҳо

Санаи 20 феврал баҳри муташаккилона гузаронидани маъракаи кабудизоркунӣ ва ободонӣ, расонидани ёрии амалӣ ба хоҷагиҳои кишоварзӣ, аҳолии вилоят, ташкилоту идораҳо дар корҳои ободонӣ, кабудизоркунӣ ва бунёди боғу токзорҳои нав ярмарка - фурўши ниҳол ва кўчату тухмии гулу зироатҳо дар майдони назди Театри давлатии мазҳака ва мусиқии ба номи Камоли Хуҷандии шаҳри Хуҷанд баргузор гардид. Дар он аз тарафи сохторҳои шаҳру ноҳияҳои вилоят, ташкилоту идораҳои соҳаи кишоварзӣ ва аҳолӣ беш аз 1,2 миллион бех ниҳолҳои гуногун ва гулу гулбуттаҳо ба боғпарварону сокинони вилоят пешниҳод карда шуд. Дар ярмаркаи мазкур Раёсати ҳифзи муҳити зисти вилоят ва зерсохторҳои он аз шаҳру ноҳияҳо фаъолона иштирок намуда, ба аҳолӣ ниҳолҳои дарахтони ороишию ҳамешасабз ва сояафкан пешниҳод намуданд.

20 Февраль 2021

Семинари бозомӯзӣ барои баланд бардоштани дониши кормандон

Подробности статьи: Автор; Категория Навидҳо

Бо мақсади баланд бардоштани дониши кормандон дар толори раёсат семинари бозомӯзӣ баргузор гардид. Мувофиқи барномаи семинари мазкур доир ба масъалаҳои муҳим – оид ба муҳтавои Паёми Пешвои миллат, Президенти кишвар муҳтарам Эмомалӣ Раҳмон ба Маҷлиси Олии Ҷумҳурии Тоҷикистон, «Дар бораи истифодаи дурусти фарҳанги имлои забони тоҷикӣ дар асоси талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», «Корбарӣ тибқи талаботи Дастурамали коргузории тасдиқгардида», «Санҷиши фаъолияти субъекти хоҷагидор ва баррасии парвандаи ҳуқуқвайронкунии маъмурӣ», «Дар бораи иҷозати буриши дарахт ва тарзи ҳисоби дурусти маблағи зарар дар самти ҳифзи наботот, ҳайвонот ва захираҳои моҳӣ», «Тарзи ҳисоби дурусти пардохт ва зарар дар самти ҳифзи ҳавои атмосфера», «Тарзи ҳисоби дурусти пардохти партовобҳо ва истифодаи пурраи моддаҳои Кодекси ҳуқуқвайронкунии маъмурии Ҷумҳурии Тоҷикистон, ки ба ваколати мақомоти ҳифзи муҳити зист дода шудааст» ва дигар масъалаҳои ба пешрафти фаъолият мусоидаткунанда баромаду маърӯзаҳо шунида шуд, ки дар фаъолияти ҳаррӯзаи кормандони мақомоти ҳифзи муҳити зист яке аз самтҳои асосии корбарӣ ба ҳисоб меравад.