Ҳифзи захираҳои моҳӣ дар обанбори «Баҳри Тоҷик»

Дараҷа: Навидҳо Муаллиф: Администратор Дида шуд: 2304

  Тибқи нақшаи корӣ ва дар асоси фармоиши сардори Раёсати ҳифзи муҳити зисти вилояти Суғд оид ба гузаронидани амалиётҳои фаврии шабонарўзӣ дар самти ҳифзи захираҳои моҳӣ дар обанбори «Баҳри Тоҷик» аз ҷониби нозирони шуъбаи назорати давлатии истифода ва ҳифзи олами набототу ҳайвонот ва захираҳои моҳӣ чунин амалиётҳо мунтазам гузаронида шуда истодааст. Санаи 3.03.2021, ҳангоми чунин амалиёт ду нафар сокини шаҳри Конибодом – Содиқов Ҷ.Л., истиқоматкунандаи ҷамоати деҳоти Лоҳутӣ ва Худойбердиев Ҳ., истиқоматкунандаи ҷамоати деҳоти Ҷаҳонзеб барои вайрон кардани қоидаҳои моҳидорӣ ва истифодаи лавозимотҳои моҳидории ғайриқонунӣ боздошт карда шуданд. Дар натиҷа, бо дастрасии моддаи 208 Кодекси Ҷумҳурии Тоҷикистон «Дар бораи ҳуқуқвайронкунии маъмурӣ» протоколҳо тартиб дода, қаиқҳои резинӣ ва тўрҳои хархела муваққатан ба анбори раёсат супорида шуд.