Сентябрь 2020

11 Сентябрь 2020

Шиносоӣ бо фаъолияти ҶДММ КМ «Зарафшон» дар ш.Панҷакент

Подробности статьи: Автор; Категория Новости

Тибқи супориши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон сардори Раёсати ҳифзи мухити зисти вилояти Суғд Ҳакимзода А.Қ. бо мақсади шиносоӣ аз фаъолияти ҶДММ КМ «Зарафшон» ва таъсири он ба муҳити зист дидан намуд. Зимни шиносоӣ бо роҳбарияти корхона пешниҳод дода шуд, ки баҳри бехатарии аҳолӣ ва солим нигоҳ доштани муҳити зист гирду атрофи партовгоҳ бо симтӯр иҳота карда шуда, дар ҳудуди корхона барои ташкили минтақаи муътадил ба шинонидани дарахтони сояафкан ва кабудизор намудани он диққати бештар дода шавад. Ҳамчунин барои паст кардани чанг аз сехҳои майдакунӣ ва ҳаракати нақлиётҳо дар роҳҳо мунтазам обпошӣ карда шуда, сатҳи болоии полоишгоҳ дар ҳолати намӣ нигоҳ дошта шавад.

08 Сентябрь 2020

Табрикоти сардори Раёсати ҳифзи муҳити зисти вилояти Суғд Ҳакимзода Абдуаҳад Қурбон ба муносибати ҷашни Истиқлолияти давлатӣ

Подробности статьи: Автор; Категория Новости

Фарорасии ҷашни сарнавиштсози миллӣ 29–умин солгарди Истиқлолияти давлатии Ҷумҳурии Тоҷикистонро ба ҳамаи кормандони мақомоти ҳифзи муҳити зист, дӯстдорони табиати нотакрори кишвари азизамон самимона табрику муборакбод мегӯям. Дастоварди бузургтарини Тоҷикистони соҳибистиқлол таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тӯли 29 соли соҳибистиқлолӣ ин барқарор намудани суботи комил ва ваҳдати миллӣ, таъмини рушди устувори иқтисодиву иҷтимоӣ, таҳкими худшиносиву худогоҳӣ, болоравии ҳисси ватандӯстиву ватандорӣ дар миёни тамоми табақаҳои ҷомеаи Тоҷикистон мебошад.

05 Сентябрь 2020

Маҷлиси назоратии Раёсат

Подробности статьи: Автор; Категория Новости

Ҷиҳати бо нишондиҳандаҳои назаррас ҷамъбаст намудани фаъолияти 9 моҳаи мақомоти ҳифзи муҳити зисти вилоят санаи 4 сентябри соли равон бо иштироки муовини сардори Раёсат Абдумаликзода Б.А. бо сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо маҷлиси назоратӣ баргузор гардид. Рафти маҷлис оид ба корбарӣ “Дар бораи низоми иҷозатдиҳӣ”, пешгирии ифлосшавии манбаҳои обӣ, пешгирӣ намудан аз ҷамъоварии худсаронаи гиёҳҳои шифобахш, хӯрданибоб ва фурӯши ғайриқонунии он, ба ҳисоб гирифтани шумораи аслии табиатистифодабарандагон, тартиб додани феҳристи умумии субъектҳои хоҷагидор, назорати давлатӣ дар самти истифода ва ҳифзи замин, сарватҳои маъмули умум ва муомилот бо партовҳо, мунтазам гузаронидани аксияҳои “Тозагии маҳал”, “Тозагии соҳил” ва “Ҳавои тоза”, таъмини қарзи 20% ба суратҳисоби маблағҳои махсуси ҷумҳуриявию вилоятӣ ва дигар масъалаҳо вобаста ба фаъолият баррасӣ гардид.

01 Сентябрь 2020

Тозаву обод намудани соҳили Сирдарё

Подробности статьи: Автор; Категория Новости

Ба истиқболи ҷашни муқаддаси Истиқлолияти давлатии Ҷумҳурии Тоҷикистон дар маркази вилояти Суғд шаҳри Хуҷанд корҳои ободонию созандагӣ мунтазам идома дорад. Тибқи маълумоти шуъбаи ҳифзи муҳити зисти шаҳри Хуҷанд бо мақсади тозаву обод намудани соҳили дарё дар асоси нақшаи чорабиниҳои Раёсат соҳили дарёи Сир бо иштироки кормандони Сарраёсати ободонӣ аз алафхои бегонаи гуногун ва партовҳо тоза карда шуда, дар натиҷа ба партовгоҳ 8,2м3 партов бароварда шуд.

Ҳашари дастаҷамъона дар шаҳри Истиқлол

Подробности статьи: Автор; Категория Новости

Бо мақсади дар сатҳи баланд пешвоз гирифтани ҷашнҳои миллӣ, иҷрои нақшаи чорабиниҳои Раёсат ва бахши ҳифзи муҳити зисти ш.Истиқлол дар махаллаи Меҳнатободи шаҳри Истиқлол шанбегии дастаҷамъона бо иштироки беш аз 200 нафар сокинони маҳалла доир гардид. Ҳашарчиён гирду атрофи маҳалла ва қабристонро пурра аз алафҳои худруйи гуногун ва партовҳои ҳархела тоза намуда, тақрибан 4 м3 партов бароварда шуд. Ҳамчунин бо мақсади барқарор кардани қабати фарсудашудаи роҳ кӯчаи асосии маҳалла ба масофаи 1 км таъмир карда шуд.

Аксияи «Тозагии маҳал» дар шаҳри Истаравшан

Подробности статьи: Автор; Категория Новости

Баҳри иҷрои нақшаи чорабиниҳои Раёсат бахшида ба 30 солагии Истиқлолияти давлатии Ҷумҳурии Тоҷикистон, ба истиқболи ҷашнҳои миллӣ дар кӯчаҳои марказии шаҳри Истаравшан шанбегии умумишаҳрӣ бо иштироки аҳолӣ, кормандони муассисаҳои таълимӣ, маориф ва дигар сохторҳо гузаронида шуд. Назди муассисаҳои давлатӣ, кучаву хиёбонҳо аз алафу партовҳои гуногун пурра тоза карда шуданд.

Аксияи «Тозагии маҳал» дар шаҳри Гулистон

Подробности статьи: Автор; Категория Новости

Ба истиқболи ҷашнҳои миллии дар пешистода дар шаҳру ноҳияҳои вилояти Суғд корҳои ободонӣ ва тозагии муҳити зист мунтазам идома дорад. Бино ба маълумоти бахши ҳифзи муҳити зисти шаҳри Гулистон дар ҳудуди шаҳр ва шаҳракҳои он бо иштироки кормандони ташкилоту муассисаҳо, хонандагони муассисаҳои таълимӣ, сокинон аксияи «Тозагии маҳал» доир гардид. Кӯчаҳои протоколии шаҳр аз партовҳо пурра тоза карда шуда, дарахтони бисёрсола ба тартиб дароварда шуданд. Дар дигар шаҳраку ҷамоатҳо низ баргузории чунин шанбегиҳо идома доранд.

Аксияи «Тозагии роҳ» дар ноҳияи Б.Ғафуров

Подробности статьи: Автор; Категория Новости

Бо мақсади дар сатҳи баланд истиқбол гирифтани ҷашнҳои давлатии дар пешистода, дар асоси нақшаи чорабиниҳои Раёсат, ҷиҳати тозаву обод намудани қадди роҳҳо бо иқдоми бахши ҳифзи муҳити зисти н.Б.Ғафуров дар қадди роҳи минтақаи Рухак аксияи "Тозагии роҳ" ташкил ва гузаронида шуд. Дар аксияи мазкур зиёда аз 100 нафар ҳашарчиён – сокинони ҷамоати деҳоти Ғозиёни ноҳия ва ҷавонон иштирок доштанд, ки дар натиҷа қадди роҳҳои асосӣ аз алафхои бегона ва партовҳои гуногун тоза карда шуд.