Октябрь 2020

21 Октябрь 2020

Корҳои ободонӣ дар ноҳияи Спитамен

Подробности статьи: Автор; Категория Новости

Бо мақсади ободу зебо гардонидани маҳалла ва кўчаҳои ноҳияи Спитамен бо иштироки намояндагони муассисаю ташкилот ва аҳолӣ аксияи «Тозагии маҳал» баргузор гардид. Дар рафти аксия корҳои сефед кадани бордюри қади роҳ – 1,7 км, рўбучини роҳравҳои пиёдагард – 2,4 км, тоза намудани ҷўйбор – 2 км ва дигар корҳои монанди рўбучини атрофи маҳали зист ба сомон расонида шуд. Дар чорабинӣ 110 нафар сокинони ноҳия иштирок карда, беш аз 18 метри мукааб партовҳо ба партовгоҳи ноҳия бароварда шуд.

Идомаи аксияи «Тозагии роҳ» дар шаҳри Хуҷанд

Подробности статьи: Автор; Категория Новости

Дар кўчаҳои марказии шаҳри Хуҷанд санаи 17 октябри соли равон аксияи «Тозагии роҳ» ва омода намудани ҷўйборҳо ба боришоти фасли тирамоҳу зимистон амалӣ гардид. Дар рафти чорабинӣ намояндагони мақомоти ҳифзи муҳити зист якҷоя бо кормандони муассисаи ободонии шаҳр, намояндагони коргоҳҳои қади роҳ дар маҷмўъ, зиёда аз 180 нафар иштирок кардаанд. Дар натиҷа беш аз 7 км қади роҳ аз партовҳо тоза гардида, ҳамчунин бо мақсади тоза намудани ҷўйборҳо ва омода намудани онҳо ба боришотҳои фасли тирамоҳу зимистон корҳои мазкур дар масофаи зиёда аз 6 км ба иҷро расонида шуд. Чунин амалиёт бо истифода аз мусоидии обу ҳаво ҳар ҳафта идома дода мешавад.

Амалиёти фаврӣ дар ҷангал

Подробности статьи: Автор; Категория Новости

Дар давоми як ҳафта аз ҷониби мутахассисони шуъбаи назорати давлатии истифода ва ҳифзи олами набототу ҳайвонот ва захираҳои моҳии Раёсати ҳифзи муҳити зисти вилояти Суғд дар ҳудуди Муассисаи давлатии хоҷагии ҷангали шаҳри Истаравшан амалиётҳои фаврии шабонарўзӣ гузаронида шуд. Мақсади асосии амалиётҳо ба пешгирии буриши ғайриқонунии дарахтон, худсарона чаронидани чорво, шикорӣ ғайриқонунӣ ва дигар амалҳои ғайрирасмии соҳаи ҳифзи муҳити зист равона гардида, дар минтақаи Навобод, мазеъҳои Темур, таги Сурфа ва болои таги Сурфа як қатор қонунвайронкунӣ, аз он ҷумла, буриши дарахтони арча, буттаҳои бисёрсола ва бе чиптаи хоҷагии ҷангал чаронидани чорво ошкор гардид. Дар натиҷа маводи зарурӣ тартиб дода шуда, бо сабаби зиёд будани ҳаҷми зарари ба табиат расонида ва номуайян будани шахсияти қонунвайронкунанда барои баррасӣ ба мақомоти прокуратураи вилоят ирсол гардид.

20 Октябрь 2020

Амалиёти «Ҳавои тоза» дар шаҳри Конибодом

Подробности статьи: Автор; Категория Новости

Нозирони бахши ҳифзи муҳити зисти шаҳри Конибодом бо мақсади пешбурди сиёсати экологӣ дар самти ҳифзи ҳавои атмосфера дар якҷогӣ бо мутахассисони шуъбаи назорати таҳлилии раёсат ва кормандони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд, дар кўчаҳои асосии нақлиётгарди шаҳр амалиёти «Ҳавои тоза» гузарониданд. Дар натиҷаи гузаронидани амалиёти мазкур 25 адад нақлиёти гуногунтамға аз ченкунӣ гузаронида шуда, дараҷаи ифлоскунии ҳавои атмосфера бо партови моддаҳои зараровар муайян гардид. Барои аз меъёр зиёд будани моддаҳои ифлоскунанда, ки аз нақлиёт ба ҳавои атмосфера ихроҷ мегардад, нисбати 4 нафар ронанда протоколи ҳуқуқвайронкунии маъмурӣ тартиб дода шуд. Боиси қайд аст, ки тибқи нақшаи пешбинигардида амалиёти «Ҳавои тоза» дар ҳар як шаҳру ноҳия на кам аз 1 маротиба дар семоҳа баргузор мегардад.

Аксияи «Тозагии маҳал» дар маҳаллаҳои шаҳри Панҷакент

Подробности статьи: Автор; Категория Новости

Бо ташаббуси бахши ҳифзи муҳити зист дар маҳаллаҳоишаҳри Панҷакент аксияи «Тозагии маҳал» баргузор гардид. Мақсади гузаронидани чорабинии мазкур ин тоза намудани маҳалли зист аз партовҳо ва баргҳои хушки дарахтон мебошад, ки ҳамчунин ҷиҳати пешгирӣ аз касалии COVID-19, эмин нигоҳ доштани саломатии шаҳрвандон ва умуман бехатарии экологии минтақа аҳмияти зиёд дорад.

Дар баргузории аксия беш аз 500 нафар сокинони маҳаллаҳои шаҳр иштирок намуда, асосан бо корҳои тоза намудани саҳни ҳавлии биноҳои бисёрошёна ва кўчаю роҳ машғул шуда, аз ҷумла зиёда аз 5,5 км ҷўйборҳои қади роҳ тоза гардид. Ба партовгоҳи шаҳрӣ кормандони хоҷагии манзилию коммуналӣ зиёда аз 30 метри мукааб партов бароварда ҷойгир намудаанд.

15 Октябрь 2020

Семинар-вохўрӣ бо донишҷўён дар шаҳри Хуҷанд

Подробности статьи: Автор; Категория Новости

Бахшида ба санаи 10 октябр - Рўзи ҷаҳонии муҳоҷирати парандаҳо дар факултети геоэкологияи МДТ «Донишгоҳи давлатии Хуҷанд ба номи академик Б.Ғафуров» семинар – вохўрии намояндагони шуъбаи ҳифзи муҳити зисти шаҳри Хуҷанд бо донишҷўён баргузор гардид. Аз чониби мутахассисони мақомоти ҳифзи муҳити зист оид ба аҳмияти ҳифзи муҳоҷирати парандаҳо, дар фасли зимистон гузаронидани корҳои биотехникӣ дар доманаи кўҳҳо ва дигар масъалаҳои вобаста ба ҳифзи олами ҳайвонот суханронӣ карда шуд. Дар охири семинар – вохўрӣ саволу чавоб бо мутахассисон ва ҳам бо донишҷўён ба амал омада, ба саволҳо ҷавобҳои мушаххас дода шуд.

Амалиёти «Кўкнор - 2020» дар ноҳияи Б.Ғафуров

Подробности статьи: Автор; Категория Новости

Санаи 10 октябри соли равон нозирони шуъбаи назорати давлатии истифода ва ҳифзи олами наботот, ҳайвонот ва захираҳои моҳии раёсат якҷоя бо кормандони Кумитаи давлатии амнияти миллии Ҷумҳурии Тоҷикистон дар шаҳри Хуҷанд амалиёти муштараки «Кўкнор - 2020»-ро баргузор намуданд. Дар рафти амалиёт минтақаи «Тиллотеппаи» ноҳияи Б.Ғафуров бо пуррагӣ аз назар гузаронида, дар натиҷа беш аз 8 ҳазор беҳ растании нашъадори намуди бангдонаи худрўй дарёфт ва сўзонида шуд.

Аксияи «Тозагии роҳ» дар шаҳри Хуҷанд

Подробности статьи: Автор; Категория Новости

Дар минтақаи шимолу шарқии шаҳри Хуҷанд, кўчаи Ҷавонӣ, аксияи «Тозагии роҳ» ва шинонидани ниҳолҳои дарахтони ҳамешасабз амалӣ гардид. Дар рафти чорабинӣ кормандони муассисаи ободонии шаҳр, истифода ва таъмири роҳ, мақомоти ҳифзи муҳити зист ва сокинони кўчаи мазкур дар маҷмўъ, зиёда аз 100 нафар иштирок кардаанд. Дар натиҷа беш аз 4 км қади роҳ аз партовҳо тоза гардида, 905 бех ниҳоли дарахти санавбар шинонида шуд. Ҳамчунин, 2 км роҳи нақлиётгард аз нав мумфарш гардид.

12 Октябрь 2020

Тозагии роҳравҳои пиёдагард дар шаҳри Истаравшан

Подробности статьи: Автор; Категория Новости

Дар шаҳри Истаравшан, дар доираи аксияи «Тозагии маҳал» шанбегӣ бо шиори «Тозагии роҳравҳои пиёдагард» баргузор гардид. Дар фасли тирамоҳ аз ҳисоби рехтани баргҳои дарахтони қади роҳ ҷўйбору роҳравҳои пиёдагарди шаҳр бо хазон (барги хушк) ифлос мегардад. Бо ташаббуси бахши ҳифзи муҳити зисти шаҳри Истаравшан якҷоя бо шуъбаи маориф баҳри пешгирии қонунвайронкуниҳо ва ифлос намудани ҳавои атмосфера бо моддаҳои зараровар аз ҳисоби сўзонидани барги хушки дарахтон чунин чорабинӣ ба амал омад. Дар аксия 15 адад муассисаҳои таълимии шуъбаи маорифи шаҳр иштирок намуда, аксарият роҳравҳои пиёдагарди кўчаҳои асосӣ, аз ҷумла зиёда аз 6 км ҷўйборҳои қади роҳи нақлиётгард тоза карда шуд. Минбаъд бахши ҳифзи муҳити зист ният дорад, ки чунин амалиётро бо иштироки шаҳрвандон баргузор намояд ва хазони ҷамъгардидаро онҳо ҳамчун хошок барои хўроки моли худ истифода баранд.

Аксияҳои экологӣ дар ноҳияи Спитамен

Подробности статьи: Автор; Категория Новости

Дар ноҳияи Спитамен бо мақсади пешбурди сиёсати экологӣ ду чорабинӣ – яке амалиёти «Ҳавои тоза» ва аксияи «Тозагии маҳал» бо ҷалби ҷавонони маркази ноҳия гузаронида шуд. Якҷоя бо мутахассисони шуъбаи назорати таҳлилии раёсат ва нозирони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд, кормандони бахши ҳифзи муҳити зисти ноҳияи Спитамен тибқи нақшаи пешбинигардида амалиёти «Ҳавои тоза»-ро гузарониданд. Дар натиҷа, дар давоми амалиёт зиёда аз 40 адад нақлиёти гуногунтамға аз ченкунӣ гузаронида шуда, дараҷаи ифлоскунии ҳавои атмосфера бо партови моддаҳои зараровар муайян гардид. Боиси қайд аст, ки пас аз ислоҳ ченкунии дубораи 7 адад нақлиёт баргузор гардида, нисбати 4 нафар ронанда протоколи ҳуқуқвайронкунии маъмурӣ тартиб дода шуд.