Д
ар толори Сарраёсати ҳифзи муҳити зист дар вилояти Суғд бо иштироки роҳбарону мутахассисони ҷавони зерсохторҳо семинари бозомўзӣ гузаронида шуд. Дар рафти семинар аз ҷониби сармутахассисони пуртаҷрибаи сарраёсат дар мавзўъҳои «Татбиқи «Лоиҳаҳои сабз» ва масоили обу иқлим дар маркази таваҷҷуҳ (аз Паёми Президенти Ҷумҳурии Тоҷикистон муҳтарам Эмомалӣ Раҳмон, санаи 23.12.2022)», дар бораи рафти иҷрои Конуни Ҷумҳурии Тоҷикистон «Дар бораи одоби хизматчии давлатӣ» ва татбиқ намудани «Стратегияи давлатии муқовимат бо коррупсия дар Ҷумҳурии Тоҷикистон барои давраи то соли 2030», «Тарзи дуруст ҳисоб намудани пардохтҳои экологӣ, зарарҳои ба табиат расонидашуда дар самти ҳифзи замин ва КФМУ», «Тарзи дуруст кабул намудани ҳисоботи 2-ТП (ҳаво) ва ҳисоби дурусти зарар ба ҳавои атмосфера», «Тарзи дуруст қабул намудани ҳисоботи 2-ТП (об) ва ҳисоби дурусти зарари об», «Тарзи дуруст гирифтани намунаҳои об, хок, ҳавои атмосфера барои гузаронидани ташхис, муайян намудани вазъи экологӣ», «Риояи талаботи конунгузорӣ ва дигар санадҳои меъёрӣ ҳангоми додани санади аз назаргузаронӣ барои ҷудо ё вобаста намудани қитъаи замин», «Тартиби дуруст пешниҳод намудани ҳисоботи рӯзона, ҳафтаина ва моҳона», «Тартиби додани иҷозат ва иҷозатнома тибқи талаботи қонунгузорӣ» ва дигар масъалаҳои ба пешрафти фаъолият мусоидаткунанда баромаду маърўзаҳо пешниҳод карда шуд, ки дар фаъолияти ҳаррўзаи кормандони мақомоти ҳифзи муҳити зист яке аз самтҳои асосии корбарӣ ба ҳисоб меравад.
Семинари мазкур барои баланд бардоштани савияи дониши кормандони соҳа, хоса мутахассисони ҷавон судманд буда, онҳо ба саволҳои хеш ҷавобҳои мушаххас гирифтанд. Сарраёсат минбаъд низ баҳри таъмини иҷрои нақшаи корӣ масъалаҳои баланд бардоштани дониш ва маърифати экологиро зери назорати доимӣ қарор дода, чорабиниҳои заруриро дар доираи ваколатҳои худ амалӣ менамояд.