Бо мақсади тозаву обод нигоҳ доштани муҳити зист, баланд бардоштани маърифати экологӣ дар шаҳри Гулистон аксияи «Тозагии маҳал» баргузор гардид. Дар чорабинӣ намояндагони муассисаҳои маориф, фарҳанг, тандурустӣ, мактаби варзишӣ, коллеҷи тиббӣ, шабакаҳои барқии Суғд, ҶСК "Қолинҳои Қайроққум" ва дигар соҳаҳои хоҷагии халқи шаҳр зиёда аз 500 нафар фаъолона иштирок доштанд. Рафти аксия гирду атрофи корхонаву муассисаҳо ва мавзеъҳои истироҳатӣ пурра тоза карда шуда, 8,2 м 3 партов бароварда шуд.