November 2019
15 November 2019
Вохӯрӣ бахшида ба Рӯзи Президенти Ҷумҳурии Тоҷикистон
- Подробности статьи
- Автор
- Категория News
Дар Раёсати ҳифзи муҳити зисти вилояти Суғд тибқи нақшаи пешбинигардида, санаи 15.11.2019 бахшида ба "Рӯзи Президенти Ҷумҳурии Тоҷикистон" вохӯрии кормандони мақомоти ҳифзи муҳити зист бо намояндаи КИ ҲХДТ дар шаҳри Хуҷанд Умаралиева Ӯ. баргузор гардид. Дар рафти вохӯрӣ аз ҷониби сардори раёсат ҷиҳати мувофиқи моддаи 2-и Қонуни Ҷумхурии Тоҷикистон «Дар бораи рӯзхои ид», ки 14 майи соли 2016 қабул шудааст, дар Тоҷикистон ҷашн гирифтани рўзи 16-уми ноябр, ҳамчун «Рӯзи Президенти Ҷумҳурии Тоҷикистон» ва сабаби ба ин рӯз рост омадани чунин ҷашни муборак сухан карда шуд. Дар навбати худ муаллима Умаралиева Ў. қайд намуд, ки ватани мо пеш аз ҳама, ба сулҳу суббот ва ваҳдату сарҷамъӣ ниёз дошт, низоми идоракунии Президентӣ маҳз бо мақсади пурзўр намудани ҳокимияти иҷроия, баланд бардоштани самаранокии он, такмили механизми иҷрои қонунҳо, таҳкими қонуният ва тартиботи ҳуқуқӣ ҷорӣ карда шуд. Мувофиқи муқаррароти Конститутсия, Президенти Ҷумҳурии Тоҷикистон Сарвари давлат ва Раиси ҳокимияти иҷроия хисоб шуда, ҳомии ҳуқуқу озодиҳои инсон ва шаҳрванд, кафили истиқлолияти миллӣ, ягонагӣ ва тамомияти арзӣ, пойдорию бардавомии давлат, мураттабии фаъолияти мақомоти давлатӣ ва ҳамкорони онҳо, риояи қарордодҳои байналмилалии Тоҷикистон мебошад.
Президенти мо ифтихори мо!
- Подробности статьи
- Автор
- Категория News
Баргузории соатҳои сиёсӣ бахшида ба ҷашнҳои давлатӣ дар зерсохторҳои мақомоти ҳифзи муҳити зисти вилоят ба ҳукми анъана даромадааст. Бо ин мақсад санаи 15 ноябр дар шуъбаи ҳифзи муҳити зисти ш.Хуҷанд бахшида ба 27 солагии Иҷлосияи таърихии 16-уми Шӯрои Олии Ҷумҳурии Тоҷикистон ва Рӯзи Президент соати сиёсӣ доир гардид. Сардори шуъба Дусматов А. оид ба таърихи ин санаи муҳим, ки ба Қонуни Ҷумҳурии Тоҷикистон «Дар бораи рӯзҳои ид» ворид гардидааст маълумот дод. Хамчунин ёдовар шуд, ки 16 ноябри соли 1992 дар шаҳри Хуҷанд иҷлосияи 16-уми Шӯрои Олии Ҷумҳурии Тоҷикистон дар шароити барои миллати тоҷик ниҳоят ҳассосу мушкил ва сарнавиштсоз доир гардида, Эмомалӣ Раҳмон аз ҷониби вакилон ба ҳайси раиси Шӯрои Олии Ҷумҳурии Тоҷикистон ва дар соли 1994 дар асоси интихоботи президентӣ Президенти Ҷумҳурии Тоҷикистон интихоб гардид.
14 November 2019
Вохӯрӣ бо мактаббачагон дар ноҳияи Б.Ғафуров
- Подробности статьи
- Автор
- Категория News
Дар асоси нақшаи кории шуъбаи ҳифзи муҳити зисти н.Б.Ғафуров, баҳри татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» вохўрӣ бо муҳассилини синфҳои 9-10 муассисаи таълимии миёнаи умумии № 84, ҷамоати деҳоти Хистеварзи н.Б.Ғафуров баргузор гардид. Корманди шуъбаи ҳифзи муҳити зисти ноҳия доир ба тарбия ва маърифати экологии наврасон, саҳми хонандагон дар тозаву обод нигоҳ доштани муҳити зист ва иштироки фаъолонаи онҳо дар аксияҳои экологӣ, муомилот бо партовҳо ва дигар масъалаҳое, ки ба муҳити зист вобастагии зич доранд, баромад намуд. Дар навбати худ хонандагон ба суолҳои худ оиди ҳифзи пиряхҳо, тағйирёбии иқлим ва таъсири он ба муҳити зист, ҳифз ва самаранок истифодабарии захираҳои обӣ ҷавобҳои муфассал гирифтанд. Дар рафти вохӯрӣ муовини директори муассиса ва омӯзгори фанни экология барои гузаронидани чунин вохӯрӣ изҳори қаноатмандӣ намуда, баргузории чунин мулоқотҳоро саривақтӣ арзёбӣ намуданд.
13 November 2019
Корҳои фаҳмондадиҳӣ дар Кӯҳистони Масчоҳ
- Подробности статьи
- Автор
- Категория News
Ба истиқболи сазовори ҷашнҳои миллии дар пешистода, дар ноҳияи Кӯҳистони Масчоҳ аз ҷониби бахши ҳифзи муҳити зисти ноҳия бо баробари гузаронидани аксияи «Тозагии маҳал» дар ҷамоатҳои деҳоти Лангар ва Иван Тоҷик ва муассисаҳои таълимӣ бо аҳолӣ гузаронидани корҳои фаҳмонидадиҳӣ ба ҳукми анъана даромадааст. Дар ҷамъомади навбатие, ки бо намояндагони сохторҳои мақомоти иҷроияи ҳокимияти давлатии ноҳия, фаъолон, аҳолии ҷамоатҳо гузаронида шуд, оид ба сазовор пешвоз гирифтани идҳои давлатии дар пешистода, роҳ надодан ба буриши ғайриқонунии дарахтон дар фасли зимистон ва баланд бардоштани маърифати экологии аҳолӣ мавриди баррасӣ қарор гирифт.
12 November 2019
Саҳми табиатдӯстон дар тозагиву ободии муҳити атроф
- Подробности статьи
- Автор
- Категория News
Дирӯз бо мақсади тозаву обод намудани муҳити атроф, бахшида ба идҳои миллии дар пеш истода, бо ибтикори ризокорони (волонтерони) ҷамъияти Ҳилоли Аҳмари Тоҷикистон дар вилояти Суғд ва дастгирии шуъбаи ҳифзи муҳити зисти ш.Хуҷанд соҳили рости дарёи Сир шафати каҳвахонаи ҳавопаймои Ил-18, ки яке аз мавзеъҳои тамошобоби шаҳри Хуҷанд маҳсуб меёбад, аксияи “Тозагии соҳил” доир гардид. Дар рафти аксия дустдорони табиат ба масофаи 500 метр аз купруки ҷашнӣ ва гирду атрофи ҳавопайморо пурра аз партовҳо тоза намуда, 2 метри мукааб партовҳо ба партовгоҳи шаҳр бароварда шуд. Лозим ба ёдоварист, ки ин гуна иқдомҳо аз тарафи ҷамъияти мазкур мунтазам роҳандозӣ мегарданд, ки ин барои баланд бардоштани ҳисси табиатдӯстӣ ва маърифати экологӣ мусоидат менамояд.
11 November 2019
Аксияи ниҳолшинонӣ дар шаҳри Хуҷанд
- Подробности статьи
- Автор
- Категория News
Раёсати ҳифзи муҳити зисти вилояти Суғд санаи 9.11.2019 якҷоя бо Ташкилоти ҷамъиятии «Гурӯҳи ҷавонон оид ба ҳифзи муҳити атроф» -Маркази Орхус дар шаҳри Хуҷанд бахшида ба 25-умин солгарди Конститутсияи Ҷумҳурии Тоҷикистон ва бобати иҷрои бандҳои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» аксияи шинонидани ниҳолҳои дарахтони ҳамешасабз гузаронида шуд. Чорабинии мазкур дар доираи «Лоиҳаи баланд бардоштани маърифати экологӣ» дар соли равон охирон буда, дар аксия ба ғайр аз кормандони Раёсати ҳифзи муҳити зисти вилояти Суғд ва Маркази Орхус, инчунин кормандони шуъбаи ҳифзи муҳити зисти шаҳри Хуҷанд, хонандагони се мактаби ба лоиҳа ҷалб гардида ва намояндагони васоити ахбори омма иштирок намуданд. Дар маҷмуъ, дар хиёбони Истиқлоли шаҳри Хуҷанд зиёда аз 100 бех дарахти ҳамешасабзи ардач шинонида шуд.
Ҳамкории судманд дар сохаи моҳипарварӣ дар вилояти Суғд
- Подробности статьи
- Автор
- Категория News
Рушди соҳаи моҳипарварӣ ва коркарди маҳсулоти моҳигӣ дар вилояти Суғд руз то руз рушд ёфта истодааст. Чанде пеш, дар рӯзҳои баргузории намоишгоҳи байналмилалии универсалии «Тоҷикистон – 2019» дар шаҳри Душанбе намояндагон аз вилояти худмухтори Ханты – Мансийски Федератсияи Россия ба Тоҷикистон ташриф оварда, аз рафти сайди моҳӣ ва коркарди маҳсулоти моҳигии хоҷагиҳои моҳидории ҶСК «Мохипарвари Гулистон» ва ҶСК «Моҳии тоҷик» шинос шудаанд. Дар рафти шиносоӣ сарвари маркази маъмурии лоихаи байниминтақавии вилояти худмухтори Ханты-Мансийск ва Ҷумҳурии Тоҷикистон Кулдашев Т.Б. ва директори генералии истеҳсоли заводи коркарди масолеҳи нимтайёри маҳсулоти моҳигӣ Соколова Т.В. аз коркарди моҳии баландсифати обанбори Баҳри тоҷик изҳори қаноатмандӣ зоҳир намуданд.
08 November 2019
Амалиёти назоратӣ дар ноҳияи Б.Ғафуров
- Подробности статьи
- Автор
- Категория News
Дар натиҷаи гузаронидани амалиёти назоратӣ аз тарафи шуъбаи назорати давлатии истифода ва ҳифзи замин ва муомилот бо партовҳои Раёсати ҳифзи муҳити зисти вилояти Суғд, дар ҳудуди ҷамоати деҳоти Исмоили ноҳияи Б.Ғафуров ҳолати истихроҷи ғайриқонунии канданиҳои фоиданоки маъмули умум - шағал ошкор гардид. Аз ҷониби сокини деҳаи Қипчоқи ҷамоати мазкур Ирисқулов Баҳодур Абдулҳаевич ғайрирасмӣ ва худсарона, бе иҷозати мақомоти дахлдор аз селроҳаи дашти Сомғори ноҳияи Б.Ғафуров шағали табиӣ барои истифодабарӣ истихроҷ карда шуд. Шағали ғайриқонунӣ истихроҷгардидаро Ирисқулов Б.А. бо воситаи нақлиёти худ тамғаи «Ҳундай-Портер», рақами давлатӣ «9085 НО 02», кашонидан мақсад дошт. Дар натиҷа нисбати Ирисқулов Б.А. бо дастрасии моддаи 238-и «Кодекси ҳуқуқвайронкунии маъмурии Ҷумҳурии Тоҷикистон» протоколи ҳуқуқвайронкунии маъмурӣ тартиб дода, барои татбиқи ҷазои маъмурии ҷаримабандӣ ва пешниҳоди ҷуброни маблағи зарар мавод ба шуъбаи ҳифзи муҳити зисти ноҳияи Б.Ғафуров ирсол карда шуд.
Аксияи «Тозагии маҳал» дар ноҳияи Ҷ.Расулов
- Подробности статьи
- Автор
- Категория News
Дар ҷамоати деҳоти Ғўлакандози ноҳияи Ҷ.Расулов, дар доираи нақшаи чорабиниҳои бахшида ба эълон гардидани «1300 рўзи меҳнати зарбдор ба истиқболи 30-солагии Истиқлолияти давлатии Ҷумҳурии Точикистон» аксияи «Тозагии маҳал» гузаронида шуд. Дар аксия беш аз 100 нафар сокинони ҷамоат ва омўзгорони муассисаҳои таълимӣ иштирок доштанд. Дар натиҷаи баргузории аксияи мазкур кўчаҳои марказии шаҳраки Меҳробод ва ҳамчунин 3 километр ҷўйбор аз партовҳо тоза гардид. Дар маҷмуъ, 11 метри мукааб партовҳо ба партовгоҳ бароварда шуд. Чунин аксияи ҳар ҳафта дар дигар ҷамоати шаҳраку деҳот низ бо ташаббуси бахши ҳифзи муҳити зисти ноҳияи Ҷ.Расулов гузаронида мешавад.
05 November 2019
«Конститутсия – таҷассумгари истиқлолияти давлат ва соҳибихтиёрии миллат аст»
- Подробности статьи
- Автор
- Категория News
Санаи 4 ноябри соли ҷорӣ дар маҷлисгоҳи Раёсати ҳифзи муҳити зисти вилояти Суғд бахшида ба Рӯзи Конститутсияи Ҷумҳурии Тоҷикистон маҷлис бо иштироки мутахассисону кормандон доир гардид. Дар оғози маҷлис муовини сардори раёсат ба сухан баромада, иброз намуд, ки дар зарфи 25 сол Конститутсияи Ҷумҳурии Точикистон ҳамчун таҷҷасумгари арзишҳои инсондўстиву сулҳпарварӣ, ҳуқуқу озодиҳои инсон ва шаҳрванд рушду тавсеаи кишварро таъмин намуда, раванди давлатдории миллиро таҳким бахшид. Боиси ифтихору сарфарозист, ки ин санади олии ҳуқуқӣ аз ҷониби коршиносони сатҳи байналмилалӣ ва институтҳои ҳуқуқӣ яке аз панҷ конститутсияи беҳтарини ҷаҳон эътироф гардидааст. Дигар баромадкунандагон низ оид ба арзиши баланди Қонуни асосии кишвар дар моҳияти сиёсиву фарҳангӣ, иқтисодию иҷтимоӣ, давлатию ҳуқуқӣ, таърихию анъанавӣ вамиллӣ зоҳир гардидани он суханронӣ намуданд. Дар рафти маҷлис ҳамчунин гуфта шуд, ки дардавоми 25 соли қабули Конститутсия, Ҷумҳурии Тоҷикистон худро дар арсаи ҷаҳонӣ ҳамчун кишвари рӯ ба сӯи тараққӣ ниҳода нишондода, аз тарафи созмонҳои байналхалқӣ баҳои баландро сазовор шуд. Ҳар як моддаи он танҳо ба хотири беҳбудии шаҳрвандон равона шудааст.