December 2019
10 December 2019
Корҳои тарғиботӣ дар муассисаҳои таълимии н.Ашт
- Подробности статьи
- Автор
- Категория News
Кормандони бахши ҳифзи муҳити зисти н.Ашт дар асоси нақшаи корӣ, гузаронидани корҳои фаҳмонидадиҳӣ дар Литсейи № 2-и ҷамоати шаҳраки Шайдон бо хонандагони синфҳои болоӣ оид ба қарори Ҳукумати Ҷумҳурии Тоҷикистон аз 3.03.2011, №97 «Дар бораи тадбирҳо оид ба ташкил намудани системаи безараргардонии ҷамъоварӣ, нигоҳдорӣ, интиқол ва коркарди лампаҳои симобдор» машғулияти омӯзишӣ доир намуд. Мутахассиси бахш ба хонандагон дар бораи тартиби истифодабарӣ, ҷамъоварӣ ва супоридани он ба нуқтаҳои қабул, ҳолати таъсиррасонии лампаҳои каммасрафи симобдори корношоям ба муҳити зист ва саломатии инсон дар ҳолати шикастан, хамчунин дар бораи қоидаҳои нигоҳдорӣ ва интиқоли лампаҳо, ҳамчунин ба партовҳои истеҳсолӣ ва истеъмолӣ ҳамроҳ накардани чунин лампаҳои корношоям маълумот дод.
06 December 2019
Бахшида ба 5 декабр – Рӯзи умумиҷаҳонии волонтерон. Саҳми волонтерон дар беҳбудии муҳити зист
- Подробности статьи
- Автор
- Категория News
Санаи 5 декабр бахшида ба Рузи байналмилалии волонтерон бо ташаббуси Ҷамъияти ҲилолиАҳмари Тоҷикистон дар вилояти Суғд дар муассисаи таълимии миёнаи умумии № 23 ш.Хуҷанд вохӯрӣ бо хонандагони синфҳои болоӣ доир гардид. Дар вохӯрӣ намояндагони ҷамъият, волонтерон, сардори шӯъбаи ҳифзи муҳити зисти ш.Хуҷанд, сармутахассиси Раёсати ҳифзи муҳити зисти вилоят, омӯзгорон ва хонандагон иштирок доштанд. Шукурова Дилрабо ҳамоҳангсози лоиҳаи “Ташаббусҳо барои рушди ҷавонон”, ки аз тарафи Салиби Сурхи Итолиё дастгирӣ карда мешавад, бо призентатсия оиди таърихи ташкилёбии ин ҷамъият ва самтҳои фаъолияти волонтерон, махсусан саҳми онҳо дар ташкил ва гузаронидани аксияҳои экологӣ, аз партов тоза намудани соҳили дарё ва гузаронидани корҳои фаҳмонидадиҳӣ доир ба тозаву озода нигоҳ доштани муҳити зист баромад намуд. Рафти вохӯрӣ волонтерон ба хонандагон варақаҳои иттилоотӣ тақсим намуданд.
Семинари бозомӯзӣ
- Подробности статьи
- Автор
- Категория News
Тибқи нақшаи кории Раёсат ва нақшаи кории мақомоти иҷроияи ҳокимияти давлатии вилоят бо мақсади баланд бардоштани савияи дониши кормандон санаи 6 декабри соли равон дар толори Раёсат семинари бозомӯзӣ бо иштироки сардорони шӯъбаҳо ва мудирони бахшҳои ҳифзи муҳити зисти шаҳру ноҳияҳо доир гардид. Дар рафти семинарсардорони шуъбаҳо ва мутахассисони соҳа оид ба самтҳои фаъолият, тарзи дуруст таҳия ва пешниҳод намудани ҳисоботи солона, натиҷаи санҷиши Палатаи ҳисоб ва ислоҳи камбудиҳои ҷойдошта, пардохт намудани маблағ-ҳои қарздорӣ ва дигар масъалаҳои ба пешрафти фаъолият мусоидаткунанда баромад намуданд.
«Тарбияи экологӣ - омили муҳим»
- Подробности статьи
- Автор
- Категория News
Дар муассисаҳои таълимии шаҳру ноҳияҳои вилоят тибқи нақшаи кории бахшҳои ҳифзи муҳити зисти шаҳру ноҳияҳо вохуриву корҳои фаҳмонидадиҳӣ, баҳри баланд бардоштани маърифати экологии насли наврас идома дорад. Санаи 3 декабри соли равон бо иштироки мутахассиси бахши ҳифзи муҳити зисти ноҳияи Деваштич дар муассисаи таълимии миёнаи умумии № 1 соати экологӣ таҳти унвони “Тарбияи экологӣ - омили муҳим” гузаронида шуд. Ба хонандагон дар самти омӯзиши табиати нотакрори диёр, бахшида ба Даҳсолаи байналмилалии амал «Об барои рушди устувор, 2018-2028», ҳифз ва самаранок исти- фодабарии захираҳои обӣ, фаъолона иштирок намудан дар аксияҳои экологӣ ва саҳм гузоштан дар беҳбудии муҳити зист баромад пешкаш гардид.
Татбиқи Барномаи маърифати экологӣ дар муассисаҳои таълимӣ
- Подробности статьи
- Автор
- Категория News
Дар асоси нақшаи кории бахши ҳифзи муҳити зисти ш.Истиқлол, баҳри татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар муассисаи таълимии миёнаи умумии № 1 ш.Истиқлол вохурӣ бо муҳассилини синфҳои болоӣ баргузор гардид. Мудири бахши ҳифзи муҳити зисти шаҳр Ғозиев А. доир ба тарбия ва маърифати экологии наврасон, саҳми хонандагон дар тозаву обод нигоҳ доштани муҳити зист ва иштироки фаъолонаи онҳо дар аксияҳои экологӣ, дар мавзуҳои актуалии имрӯза - тағйирёбии иқлим, нигаҳдорӣ ва ҳифзи пиряхҳо ва дигар масъалаҳое, ки ба муҳити зист вобастагии зич доранд, баромад намуд. Ҳамзамон омӯзгори фанни экологияи муассисаи таълимӣ барои ташкил ва гузаронидани вохӯрӣ изҳори қаноатмандӣ намуда, баҳри бештар ҷалб намудани насли наврас ба масъалаҳои экологӣ барои ташкили ҳаракати “Патрули сабз” пешниҳод дод.
04 December 2019
Натиҷагирии Комиссияи байниидоравии вилоятӣ оид ба маърифати экологӣ
- Подробности статьи
- Автор
- Категория News
Санаи 3 декабри соли равон ҷиҳати натиҷагирӣ аз фаъолият дар соли 2019, дар маҷлисгоҳи мақомоти иҷроияи ҳокимияти давлатии вилоят ҷаласаи навбатии Комиссияи байниидоравии вилоятӣ оид ба маърифати экологӣ баргузор гардид. Дар ҷаласа аъзоёни комиссияи вилоятӣ, муовинони раисони шаҳру ноҳияҳо – раисони комиссия дар маҳал, сардорони шуъба ва мудирони бахшҳои ҳифзи муҳити зисти шаҳру ноҳияҳо – котибони комиссияҳои маҳаллӣ ва шахсони масъул аз Раёсати ҳифзи муҳити зисти вилоят иштирок доштанд. Дар ҷаласа фаъолияти комиссияи байниидоравии вилоятӣ оид ба маърифати экологӣ бобати иҷрои қарори Ҳукумати Ҷумҳурии Тоҷикистон аз 2.04.2015, №178 «Дар бораи Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва вазифаҳо барои фаъолияти минбаъда баррасӣ гардид.
Аксияи «Тозагии муҳити зист» дар ноҳияи Масчоҳ
- Подробности статьи
- Автор
- Категория News
Бо мақсади тозаву обод намудани муҳити атроф аз партовҳо ва хазонреза, бо ҳамин васила баланд бардоштани маърифати экологӣ ва ҷалб намудани аҳолӣ ба корҳои ободонию хуррамгардонӣ бо ташаббуси бахши ҳифзи муҳити зисти ноҳияи Масчоҳ аксияи «Тозагии муҳити зист» баргузор гардид. Дар аксия кормандони ташкилоту муассисаҳо, сокинони ҷамоат ва хонандагони муассисаҳои таълимӣ иштирок намуда, латоку ҷуйборҳо 1200 м тоза карда шуда, 24 м3 партов ва хазонҳо ба партовгоҳи ноҳия бароварда шуданд. Баргузории чунин шанбегиҳо баҳри сазовор истиқбол намудани 30 солагии Истиқлолияти давлатии Ҷумҳурии Тоҷикистон дар дигар шаҳру ноҳияҳои вилоят низ идома дорад.