February 2020

25 February 2020

Мақомоти ҳифзи муҳити зисти шаҳри Хучанд бо овезаҳои калонҳаҷм шаҳрвандонро ба беҳдошти муҳит даъват менамояд

     Бо мақсади баланд бардоштани маърифати экологии аҳолӣ  аз ҷониби шуъбаи ҳифзи муҳити зисти шаҳри Хуҷанд дар кӯчаи Гагарини шаҳр ду адад овезаҳои тарғиботии калонҳаҷм насб гардиданд. Мазмуни ин овезаҳо ба самти беҳдошти иқлим, тоза нигоҳ доштани табиат бо тасвири аксҳо таҳия гардида, ҳамзамон суханони Пешвои миллат муҳтарам Эмомалӣ Раҳмон дар васфи табиат, аз ҷумла: “Мо бояд ба масъалаҳои ҳифзи муҳити зист, олами набототу ҳайвонот, вазъи экологӣ ва баланд бардоштани маърифати экологии аҳолӣ муносибати ҷиддӣ зоҳир кунем”, навишта шудааст.

Читать далее

21 February 2020

Аёдати собиқадорони соҳаи мақомоти ҳифзи муҳити зист

    Дар заминаи дастуру супоришҳои Асосгузори сулҳу Ваҳдати миллӣ, Пешвои миллат Президенти мамлакат муҳтарам Эмомалӣ Раҳмон, дар арафаи рузи таъсисёбии кувваҳои мусаллаҳи Ҷумҳурии Тоҷикистон аз ҷониби  сардори Раёсати ҳифзи муҳити зисти вилояти Суғд  Ҳакимзода А.Қ. як қатор собиқадорони соҳа аёдат карда шуданд. Ба собиқадорон кумаки моддиву молиявӣ расонида шуд.

Читать далее

Ниҳолшинонӣ дар хиёбони Истиқлоли ш.Хуҷанд

    Бо мақсади ободу зебо гардонидани муҳити зист, ҷиҳати омодагӣ ба 30 солагии Истиқлолияти давлатии Ҷумҳурии Тоҷикистон, бо иштироки директори пажӯҳишгоҳи ниҳолпарварии Академияи улуми Ҷумҳурии Белорусия Александр Таранов, муовини Раиси вилояти Суғд Рустам Каримзода, сардори Раёсати ҳифзи муҳити зисти вилоят Ҳакимзода А.Қ. ва кормандони мақомоти ҳифзи муҳити зисти шахру вилоят дар ҳамкорӣ бо сохторҳои ободонии шаҳр дар хиёбони Истиқлоли маҳаллаи Мевағули шаҳр маъракаи ниҳолшинонӣ доир гардида, дар қадди роҳ  400 бех ниҳолҳои ардач шинонида шуд. Меҳмонони кишвари Белорусия ин иқдоми сабзкориро истиқболи гарм намуда, онро ба беҳбудбахшии муҳити зисти шаҳр муфид арзёбӣ намуданд.

Читать далее

20 February 2020

Ниҳолшинонӣ дар Раёсати ҳифзи муҳити зисти вилоят

    Дар доираи нақшаи чорабиниҳои «1300  рӯзи меҳнати зарбдор» ба истиқболи 30 солагии Истиқлолияти давлатии Ҷумҳурии Тоҷикистон, бо мақсади ободу зебо гардонидани муҳити атроф имрӯз дар  майдони кабудизори ҳудуди Раёсат бо иштироки сардори Раёсат ва кормандон ниҳолҳои дарахтони ороишии кастона (каштан) 20 адад шинонида шуд.

Читать далее

19 February 2020

Маърифати экологӣ - асоси беҳдошти муҳити зист

Ҷиҳати дар сатҳи баланд истиқбол гирифтани 30 солагии Истиқлолияти давлатии Ҷумҳурии Тоҷикистон ва Даҳсолаи байналмилалии амал "Об барои рушди устувор, солҳои 2018-2028" бо иқдоми бахши ҳифзи муҳити зисти ноҳияи Ҷ.Расулов дар назди сойи Исфанасой, соҳили обгузари ҷамоати деҳоти Гулхона вохӯрӣ гузаронида шуд. Дар он раиси маҳаллаи ҷамоати деҳоти Ғӯлакандоз, намояндагони шуъбаи маориф ва мактаббачагон  иштирок доштанд. Гузаронидани чунин вохӯриро дар назди ин минтақа мудири бахш ба ҷамъомадагон  бо мақсади  тозаву озода нигоҳ доштани сою каналҳо, фаъолона иштирок намудан дар аксияҳои экологӣ, гузоштани  саҳми арзанда дар беҳбудии муҳити зист, баланд бардоштани маърифати экологӣ  ва ҳисси эҳтиром  ба  захираҳои обӣ  маънидод намуд.

Читать далее

18 February 2020

Аксияи «Тозагии маҳал» дар миқёси вилояти Суғд

Дар доираи нақшаи чорабиниҳо оид ба омодагӣ ва таҷлили ҷашнхои дар пешистода, бо мақсади ҷалб намудани оммаи васеи аҳолӣ ба корҳои ободониву тозагии муҳити атроф шанбеи ҳафтаи гузашта дар шаҳрҳои Хуҷанд, Исфара, Истаравшан, Конибодом, Гулистон, Панҷакент ва ноҳияҳои Деваштич, Зафаробод, Б.Ғафуров, Спитамен ва Масчоҳ аксияи «Тозагии маҳал» доир гардид. Дар он кормандони мақомоти ҳифзи муҳити зист, кормандони соҳаи маориф ва тиб, намояндагони сохторҳои мақомоти иҷроияи ҳокимияти маҳаллӣ 44785 нафар иштирок доштанд. Дар рафти  аксия  15,7 км ҷӯйборҳо, ҳудуд 45,1 ва қади роҳҳо 18,3, соҳилҳои обӣ тоза карда шуда, 2810 бех дарахтон шинонида шуд. Ҳамчунин 1,1 км заҳбуру  каналҳо тоза, 388 бех дарахтон  ва роҳгаштҳо 300м сафед карда шуда, ба партовгоҳҳои шаҳру ноҳияҳо ба миқдори 106,6 м3 партовҳо бароварда шуд.

Читать далее

17 February 2020

Ярмарка-фурўши ниҳол дар маркази вилояти Суғд

Санаҳои 15-16 феврали соли 2020 баҳри иҷрои Амри Раиси вилоят Раҷаббой Аҳмадзода аз 11.02.2020, №23 “Дар бораи гузаронидани ярмарка-фурўши ниҳол ва кўчату тухмии гулу зироатҳо”, муташаккилона гузаронидани маъракаи кабудизоркунӣ ва ободонӣ, расонидани ёрии амалӣ ба хоҷагиҳои кишоварзӣ, аҳолии вилоят, ташкилоту идораҳо дар корҳои ободонӣ, кабудизоркунӣ ва бунёди боғу токзорҳои нав гузаронида шуд. Дар ярмаркаи мазкур аз тарафи сохторҳои шаҳру ноҳияҳои вилоят ва ташкилоту идораҳои соҳаи кишоварзӣ беш аз 1 миллиону 500 ҳазор бех ниҳолҳои гуногун ва гулу гулбуттаҳо ба боғпарварону сокинони вилоят пешниҳод карда шуд.

Читать далее

Амалиёти “Ҳавои тоза”

    Мувофиқи нақшаи кории шуъбаи назорати давлатии истифода ва ҳифзи ҳавои атмосфера ва шуъбаи назорати таҳлилии Раёсат бо ҳамкории шуъбачаи милитсияи экологӣ ва сайёҳии ВКД ҶТ дар вилояти Суғд,  бо мақсади кам намудани ихроҷи моддаҳои зараровар ба ҳавои атмосфера дар шоҳроҳи Хуҷанд – Б.Ғафуров амалиёти «Ҳавои тоза» гузаронида шуд. Дар рафти амалиёт 45 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳру ноҳияҳои вилоят  ирсол гардид.

Читать далее

Қонуншиканӣ дар самти захираҳои обӣ

Дар асоси нақшаи корӣ, ҳангоми гузаронидани амалиёти фаврӣ аз ҷониби нозирони шуъбаи назорати давлатии истифода ва ҳифзи захираҳои об дар ноҳияи Б.Ғафуров, ҷамоати деҳоти Унҷӣ партофтани партовобҳо аз тарафи корхонаи ҶДММ «Орди фатир» ошкор гардид. Дар натиҷа нисбати ҷамъияти мазкур бо моддаҳои 177 Кодекси оби Ҷумҳурии Тоҷикистон ва моддаи 219 Кодекси ҳуқуқвайронкунии маъмурӣ протокол тартиб дода шуда, намунаи партовоб барои ташхис ба шуъбаи таҳлилии Раёсати ҳифзи муҳити зист  фиристонида шуд.

Читать далее

14 February 2020

Ҳашари тозагии муҳити зист дар шаҳри Хуҷанд

Бо ташаббуси шуъбаи ҳифзи муҳити зисти шаҳри Хуҷанд бо ҷалби донишҷӯёну устодони муассисаҳои олӣ, миёнаи махсус ва умумии шаҳри Хуҷанд ҳашари тозагии муҳити зист гузаронида шуд. Ҳашарчиён асосан дар хиёбони Истиқлоли шаҳри Хуҷанд иштироки фаъолона намуда, ин шоҳроҳи аҳамияти стратегидоштаро аз ҳамагуна партов ва хасрӯбаю ифлосиҳо тоза намуданд. Дар ин ҳашари дастҷамъона беш аз 1000 нафар иштирок намуда, корхонаву ташкилотҳои қадди ин шоҳроҳ низ ба он саҳмгузорӣ карданд. Бояд қайд намуд, ки шанбегии мазкур баҳри баланд бардоштани маърифати экологии сокинон ҳамчун нишонаи маданияти шаҳрнишинӣ, ободу зебо нигоҳ доштани атрофи минтақаҳои сайёҳгузар ва сабзазоркунӣ амалӣ гардида, дар баробари ин дигар кӯчаву хиёбонҳои шаҳри Хуҷанд дар якҷоягӣ бо сокинони маҳал ва иштирокчиёни шанбегӣ тозаю тамиз гардонида шуда, бехи ниҳолҳои сояафкан нарм карда шуданд.

Читать далее

Скачано с веб-сайта JooMix.org.