Март 2020
17 Март 2020
Корҳои сабзкориву ободонӣ дар қадди роҳҳо
- Подробности статьи
- Автор
- Категория Новости
Бо мақсади ободу зебо гардонидани қадди роҳҳо, вусъат бахшидан ба корҳои ободониву созандагӣ, бахшида ба Иди Наврузи байнал-милалӣ дар қадди роҳҳои протоколӣ дар шоҳроҳи Душанбе - Чаноқ, ҷамоати шаҳраки Бӯстони ноҳияи Масчоҳ ва маркази шаҳрак маъракаи ниҳолшинонӣ доир гардид. Бино ба маълумоти бахши ҳифзи муҳити зисти ноҳияи Масчоҳ дар он намояндагони ташкилоту муассисаҳо, аҳолии ҷамоатҳо қадди роҳҳоро аз партовҳо тоза намуда, 580 – адад дарахтони сояафкан ва 1,5 ҳазор адад гули садбарг шинониданд.
Бахшида ба Рузи умумиҷаҳонии об – аксияи «Тозагии соҳил» дар ш.Исфара
- Подробности статьи
- Автор
- Категория Новости
Бахшида ба Иди байналмилалии Наврӯз ва Рӯзи умумиҷаҳонии об бо мақсади аз партовҳо тоза намудани соҳили дарё бо икдоми бахши ҳифзи муҳити зисти шаҳр дар шаҳри Исфара аксияи «Тозагии соҳил» гузаронида шуд. Дар аксия хонандагони муассисаҳои таълимӣ, намояндагони соҳаи маориф ва бахши кор бо ҷавонони шаҳр фаъолона иштирок намуда, соҳили дарёи Исфара аз партову алафҳои бегона тоза карда шуд.
Аксияи «Тозагии маҳал» дар ш.Хуҷанд
- Подробности статьи
- Автор
- Категория Новости
Ба истиқболи Иди байналмилалии Наврӯз, баҳри ҷалби оммаи васеи аҳолӣ ба корҳои ободониву тозагии муҳити атроф дар шаҳри Хуҷанд аксияи «Тозагии маҳал» доир гардид. Дар аксия намояндагони корхона ва ташкилоту муассисаҳо, сокинони маҳалаҳо, муҳасилини муассисаҳои таълимӣ 2310 нафар иштирок доштанд. Дар рафти аксия 2 км ҷӯйборҳо ва майдонҳо аз алафҳои бегона тоза карда шуданд. Ҳамчунин 6 м3 партовҳо ба партовгоҳи шаҳр бароварда шуд.
12 Март 2020
Семинари илмӣ – назариявӣ дар донишгоҳ
- Подробности статьи
- Автор
- Категория Новости
Раёсати ҳифзи муҳити зисти вилоят дар ҳамкорӣ бо кафедраи экология ва ҳифзи табиати факултети геоэкологияи МДТ «Донишгоҳи давлатии Хуҷанд ба номи академик Б.Ғафуров», санаи 12.03.2020 дар толори хурди Раёсати Донишгоҳи мазкур бахшида ба 22 март - Рӯзи байналмилалии об ва ҷиҳати татбиқи ҳадафҳои Даҳсолаи байналмиллалии амал «Об барои рушди устувор», солҳои 2018-2028, семинари илмӣ - назариявӣ таҳти унвони «Тоҷикистон -пешоҳанги масоили ҳифзи об дар ҷаҳон» баргузор намуд. Дар кори семинар устодону донишҷӯён иштирок карда, аз ҷониби сармутахассисони Раёсати ҳифзи муҳити зисти вилоят, мудири кафедраи экология ва ҳифзи табиат, магистранти соли аввали ихтисоси «Экологияи умумӣ» барои иштирокдорон баромадҳо дар мавзӯҳои «Пешвои миллат – асосгузори дипломатияи об дар ҷаҳон», «Ҳолати кунунии истифодаи захираҳои об дар вилояти Суғд» ва «Мавқеи тозанамоии партовобҳо дар беҳдошти муҳити зист» пешниҳод гардид.
Машварати кории назди сардори Раёсат
- Подробности статьи
- Автор
- Категория Новости
Санаи 11 марти соли равон дар Маркази бозомӯзии ш.Гулистон машварати корӣ бо иштироки сардори Раёсат Ҳакимзода А.Қ. доир гардид. Дар маҷлис муовини сардори Раёсат, сардорони шуъбаҳои Раёсат ва сармутахассисон, сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо иштирок доштанд. Дар маҷлис натиҷаҳои фаъолияти мақомоти ҳифзи муҳити зисти вилоят дар 2 моҳи соли равон ва вазифаҳо барои бо нишондиҳандаҳои назаррас ҷамъбаст намудани фаъолияти семоҳаи 1-ум мавриди баррасиву таҳлил қарор гирифт.
07 Март 2020
Аёдати собиқадорони соҳаи мақомоти ҳифзи муҳити дар рӯзи иди модарон
- Подробности статьи
- Автор
- Категория Новости
Санаи 7 март бахшида ба ҷашни Рӯзи Модар се нафар бонувони собиқадори соҳа, ки дар нафақа мебошанд аз ҷониби сардори Раёсат ҳифзи муҳити зисти вилоят Ҳакимзода А.К. аёдат карда шудаанд. Табрикоти сардори Раёсат ва кӯмаки моддию молиявӣ ба собиқ сармуҳосиб Турсунова М., собиқ сардори шубаи назорати таҳлили Ҳакимхуҷаева Ф. ва собиқ сармутахассис оид ба кадрҳо Нурматова М. расонида шуд.
Табрикоти бонувон ба рӯзи иди модарон
- Подробности статьи
- Автор
- Категория Новости
Санаи 6 марти соли равон дар толори маҷлисгоҳи Раёсат бахшида ба Рӯзи модар маҷлиси тантанавӣ баргузор гардид. Бо сухани ифтитоҳи муовини сардор табрикоти сардори Раёсат Ҳакимзода А.К. -ро ба бонувон расонида, саҳми арзандаи бонувонро дар фаолияти мақомот зикр намуд. Сардори шубаи раёсат Садриддинова С. барои чунин арҷгузори нисбати занон изҳори миннатдори баён намуд.
06 Март 2020
Кабудизоркунӣ ва ниҳолшинонӣ
- Подробности статьи
- Автор
- Категория Новости
Бо баробари фарорасии фасли баҳор, дар доираи нақшаи чорабиниҳо бахшида ба 30 солагии ҷашни Истиқлолияти давлатии Ҷумҳурии Тоҷикистон дар шаҳри Исфара корҳои ободонию сабзкорӣ вусъати тоза мегиранд. Чун анъана исфарагиён бо мақсади ба диёри ҳамешасабз табдил додани шаҳр рӯзҳои истироҳати гузашта бо иқдоми мақомоти иҷроияи ҳокимияти давлатии шаҳр ба ҳашари ободонӣ баромада, дар анҷоми умури тозакуниву ободонӣ ва гулу ниҳолшинонӣ ширкат намуда, саҳми худро барои сабзу хуррам гардони шаҳр гузоштанд. Иҷрокунандаи вазифаи раиси шаҳри Исфара Сулаймонзода Акрам Раҳим бо рафти корҳои тозаю ободсозӣ ва ниҳолшинонӣ дар ҳудуди варзишгоҳи марказии шаҳр шинос шуда, дар маъракаи ниҳолшинонӣ ширкат намуд.
04 Март 2020
Ниҳолшинонӣ дар н.Ашт
- Подробности статьи
- Автор
- Категория Новости
Ҷиҳати сазовор истиқбол гирифтани ҷашнҳои миллии дар пешистода, иҷрои нақшаи чорабиниҳо бахшида ба 30 солагии Истиқлолияти давлатии Ҷумҳурии Тоҷикистон, такон бахшидан ба корҳои ободониву хуррамгардонӣ дар хоҷагии деҳқонии "Ботуршоҳ"-и ноҳияи Ашт аз ҷониби кормандони бахши ҳифзи муҳити зисти ноҳияи Ашт дар канори роҳи асосии Ашт - Хуҷанд 100 бех дарахтони ҳамешасабз шинонида шуд.
02 Март 2020
Аксияи «Тозагии маҳал» дар шаҳри Гулистон
- Подробности статьи
- Автор
- Категория Новости
Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон доир ба тақвият ва густариши корҳои ободонӣ, хуррамгардонӣ ва сабзкорӣ дар қаламрави кишвар, аз ҷумла дар ҳудуди шаҳри Гулистон ва ҷамоати шаҳракҳои тобеи он корҳои бунёдкорӣ ва созандагӣ бо маром идома дорад. Дар минтақаи шаҳр бо иштироки Раиси шаҳри Гулистон боғи нави дарахти сӯзанбарг ифтитоҳ гардид. Боғи мазкур дар масоҳати 900 метри мураббаъ ташкил гардида дар он 200 бех дарахти сӯзанбарг шинонида шуданд.
Ҳамзамон, дар соҳили “Баҳри тоҷик”, як ҳазор дарахтони ороишӣ ва ҳамешасабз шинонида шуданд. Тибқи иттилои сардори КВД ХМК-и шаҳр Фирӯз Шарифӣ тибқи нақшаи чорабиниҳои марҳилаи аввали ниҳолшинонӣ ва кабудизоркунӣ шинондани беш аз 260 ҳазор бех гулҳои мавсимӣ ва ҳолландӣ дар маркази шаҳр пешбинӣ гардидааст.