March 2020
31 March 2020
Сайди моҳӣ манъ аст
- Подробности статьи
- Автор
- Категория News
Бо мақсади муҳофизат ва нигоҳдории захираҳои моҳиҳои обанборҳои вилоят, фароҳам овардани шароити мусоид ба рафти афзоиши табиӣ ва роҳ надодан ба қонуншиканиҳо дар давраи тухмигузории моҳӣ, тибқи фармоиши сардори Раёсати ҳифзи муҳити зисти вилояти Суғд таҳти №18 аз 31.03.2020, дар асоси моддаҳои 6 ва 9-и Қонуни Ҷумҳурии Тоҷикистон «Дар бораи ҳифзи муҳити зист», моддаҳои 8 ва 32-и Қонуни Ҷумҳурии Тоҷикистон «Дар бораи олами ҳайвонот», моддаҳои 6, 10 ва 24-и Қонуни Ҷумҳурии Тоҷикистон «Дар бораи моҳипарварӣ, моҳигирӣ ва ҳифзи захираҳои моҳӣ», моддаҳои 4 ва 17-и «Қоидаҳои моҳидорӣ дар обанборҳои аҳамияти моҳидорӣ доштаи Ҷумҳурии Тоҷикистон» аз санаи 31 март то 15 июни соли 2020 сайди моҳӣ дар обанборҳои вилоят аз тарафи шахсони ҳуқуқӣ ва воқеӣ манъ карда шудааст.
Телефони боварӣ: (83422) 6–59–81, 4–03-59
Аксияи «Тозагии соҳил» дар ш.Хуҷанд
- Подробности статьи
- Автор
- Категория News
Дар асоси барқияи Кумитаи ҳифзи муҳити зисти назди Ҳукумати Ҷумҳурии Тоҷикистон, бо мақсади тоза намудани манбаҳои обӣ аз партовҳо санаи 28 марти соли равон дар соҳили дарёи Сир аксияи «Тозагии сохил» бо иштироки 60 нафар кормандони Маркази дилшиносии вилоят ва беморхонаи физиотерапевтӣ, кӯдакистони президентӣ, ташкилотҳое, ки дар назди соҳил ҷойгиранд, иштирок доштанд. Дар аксияи мазкур соҳили дарё аз партовҳои маишӣ, алафҳои бегона тоза карда шуда, 2,2 м3 партов ба партовгоҳи шаҳр аз тарафи КВДК ХНС -и шаҳри Хуҷанд бароварда шуд.
27 March 2020
Моҳипаҳнкунӣ дар кӯли шаҳри Гулистон
- Подробности статьи
- Автор
- Категория News
Дар рӯзҳои ташрифи меҳмонони олиқадр ба вилояти Суғд, дар доираи чорабиниҳои Наврӯзӣ, бахшида ба «Солҳои рушди деҳот, сайёҳӣ ва ҳунарҳои мардумӣ» ҷиҳати ташкили сайди моҳидории варзишии сайёҳон бо иштироки сардори Раёсати ҳифзи муҳити зисти вилоят Ҳакимзода А.Қ. ва раиси шаҳри Гулистон дар кӯли Маҷмааи қабули меҳмонони олиқадри вилоят дар ш.Гулистон, санаҳои 24 ва 25 март 15 ҳазор адад моҳиҳои намуди амури сафед, капур, пешонапаҳн паҳн карда шуд.
Бояд қайд намуд, ки сифати моҳихои паҳнкарда ба меъёри стандартӣ ҷавобгӯ буда, ҳамзамон ба талаботҳои санитарию ветеринарӣ ҷавобгӯ мебошад.
20 March 2020
Табрикоти сардори Раёсати ҳифзи муҳити зисти вилояти Суғд Ҳакимзода А.Қ. бахшида ба Иди байналмилалии Наврӯз
- Подробности статьи
- Автор
- Категория News
Чӣ хуш аст, ки бо омадани фасли зебои сол – баҳори нозанин ва Наврӯзи ҳуҷастапай Замин аз нав эҳё гашта, ба ҳама мавҷудоти рӯи олам нерӯи тоза мебахшад. Мардуми сарбаланди тоҷик аз қадимулайём дар оғози фасли зебои сол ба шинонидани дарахту ниҳолҳо, бунёди боғҳо шурӯъ мекарданд. Хушбахтона, баъди ба даст овардани соҳибистиқлолии кишвар бо иқдоми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон аз солҳои 90-ум инҷониб бо омадани Наврӯз маъракаи ниҳолшинониву кабудизоркунӣ дар саросари кишвар ранги тоза гирифта, аз ҷониби ҳамватанонамон пуштибонии ҳамаҷониба пайдо намуд.
19 March 2020
Хокпӯш намудани партовгоҳи ш.Бӯстон
- Подробности статьи
- Автор
- Категория News
Бо мақсади сазовор пешвоз гирифтани Иди байналмилалии Наврӯз, татбиқи нақша чорабиниҳо ба истиқболи 30-солагии Истиқлолияти давлатии Ҷумҳурии Тоҷикистон аз ҷониби Муассисаи давлатии Раёсати хоҷагии манзилию коммуналии шаҳри Бӯстон корҳои безараргардонӣ ва хокпӯшкунии партовгоҳ амалӣ гардид. Масоҳати умумии партовгоҳ 24,2 га ро ташкил дода, чорабинии мазкур дар асоси моддаи 53 –и Қонуни Ҷумҳурии Тоҷикистон «Дар бораи ҳифзи муҳити зист» роҳандозӣ гардид.
Партовгоҳи ноҳияи Б.Ғафуров хокпӯш гардид.
- Подробности статьи
- Автор
- Категория News
Тибқи меъёру қоидаҳои амалкунандаи экологӣ, риояи ҳолати санитарӣ-гигиенӣ, бо мақсади пешгирии ифлосшавии муҳити зист ва ба тартиб даровардани партовгоҳҳо аз ҷониби Корхонаи давлатии коммуналии «Сафо» дар ҷамоати деҳоти Ёваи ноҳияи Б.Ғафуров корҳои безараргардонӣ ва хокпӯшкунии партовҳо амалӣ гардид. Масоҳати умумии партовгоҳ 1,5 га-ро ташкил дода, чорабинии мазкур дар асоси моддаи 53 –и Қонуни Ҷумҳурии Тоҷикистон «Дар бораи ҳифзи муҳити зист» роҳандозӣ гардид.
Насби шиору овезаҳо дар шаҳри Хуҷанд бахшида ба Рӯзи байналмилалии об
- Подробности статьи
- Автор
- Категория News
Бахшида ба 22 – март Рӯзи байналмилалииобва ҷиҳати татбиқи ҳадафҳои Даҳсолаи байналмиллалии амал «Об барои рушди устувор», солҳои 2018-2028, дар ҳамкории Раёсати ҳифзи муҳити зисти вилояти Суғд боТашкилоти байналхалқии «Лоиҳаи миллии идоракунии захирахои обӣ» (giz) дар хиёбонҳои Исмоили Сомонӣ ва Раҳим Ҷалили шаҳри Хуҷанд аз ҷониби шуъбаи ҳифзи муҳити зисти шаҳри Хуҷанд шиорҳои иттилоотӣ насб карда шуданд.
17 March 2020
Аксияи «Тозагии маҳал» дар миқёси вилояти Суғд
- Подробности статьи
- Автор
- Категория News
Ба истиқболи Иди байналмилалии Наврӯз, баҳри ҷалби оммаи васеи аҳолӣ ба корҳои ободониву тозагии муҳити атроф шанбеи гузашта дар миқёси вилоят аксияи «Тозагии маҳал» доир гардид. Дар аксия кормандони мақомоти ҳифзи муҳити зист, намояндагони корхона ва ташкилоту муассисаҳо, аҳолии ҷамоату шаҳракҳо, сокинони маҳалаҳо, муҳасилини муассисаҳои таълимӣ 46856 нафар иштирок доштанд. Дар рафти аксия 33,2 км ҷӯйборҳо, ҳудуд 36778 м2 ва қади роҳҳо 25030 м тоза карда шуд. Ҳамчунин 2,2 км заҳбуру каналҳо тоза, 2148 бех дарахтон ва роҳгаштҳо 500м сафед карда шуда, ба партовгоҳҳои шаҳру ноҳияҳо ба миқдори 116,3 м3 партовҳо бароварда шуд.
Аксияи «Тозагии маҳал» дар ш.Конибодом
- Подробности статьи
- Автор
- Категория News
Санаи 14 марти соли 2020 тибқи нақшаи чорабинии бахши ҳифзи муҳити зисти ш.Конибодом бо мувофиқаи мақомоти иҷроияи ҳокимияти давлатии шаҳр назди идораи бахш, кӯчаҳои Камоли Хуҷандӣ, Исмоили Сомонӣ ва назди дармонгоҳи шаҳрӣ аксияи «Тозагии маҳал» муташаккилона доир гардид. Дар он зиёда аз 136 нафар сокинони шаҳр иштирок намуда, қариб 90 м ҷӯйборҳо тоза ва ва ҳудуд ба масоҳати 2698 м2 тоза карда шуд. Ҳамчунин 47 адад дарахтон сафед ва ба миқдори 74 адад ниҳолҳои ороишию ҳамешасабз шинонида шуд.
Маъракаи ниҳолшинонӣ дар ш.Панҷакент
- Подробности статьи
- Автор
- Категория News
Дар шаҳри Панҷакент бо мақсади тозаву обод намудани муҳити зист, ба истиқболи Иди байналмилалии Наврӯз ва 5500 солагии Саразми бостонӣ мунтазам корҳои ободонӣ кабудизоркунӣ гузаронида шуда истодааст. Бо ин мақсад дирӯз дар назди бинои маъмурии бахши ҳифзи муҳити зисти ш.Панҷакент зиёда аз 26 бех дарахтони ҳамешасабз шинонида шуд. Бино ба иттилои бахши ҳифзи муҳити зисти ш.Панҷакент то имрӯз дар миқёси шаҳр шумораи умумии ниҳолҳои шинонидашуда қариб 2 ҳазор бехро ташкил дода, корҳои ободониву созандагӣ то ҷашни Истиқлолияти давлатии Ҷумҳурии Тоҷикистон бомаром идома меёбад.