Август 2020
06 Август 2020
Вусъати корҳои созандагиву бунёдкорӣ ва ободонӣ дар Филиали Маркази таҳсилоти иловагии вилояти Суғд
- Подробности статьи
- Автор
- Категория Новости
Дар шуъбаи «Табиатдӯстони ҷавон, экология ва ҳифзи муҳити зист»-и Маркази таҳсилоти иловагии вилоят бо кӯмаки соҳибкорони саховатпеша дар оғози соли ҷорӣ гармхона бунёд карда шуда, саҳни ҳавлӣ ба масоҳати 150 метри мураббаъ сафолакпӯш карда шуд. Имрӯз гулҳои хонагӣ ва ороишӣ ба ин муассиса зеби хоса бахшидааст. Лозим ба таъкид аст, ки дар гармхонаи мазкур аъзоёни маҳфили «Табиатдӯстони ҷавон»- Маркази таҳсилоти иловагии вилоят беш аз 2 ҳазор гулҳои ороишӣ ва беш аз 500 намуд гулҳои хонагиро парвариш мекунанд.
Аксияи “Тозагии соҳил” бо иштироки ҷавонону варзишгарон дар шаҳри Хуҷанд
- Подробности статьи
- Автор
- Категория Новости
Ба истиқболи сазовори ҷашни 29-солагии Истиқлолияти давлатии Ҷумҳурии Тоҷикистон, инчунин амалигардонии нақшаи чорабиниҳо бахшида ба Даҳсолаи байналмиллалии амал «Об барои рушди устувор», 2018-2028 ва «Солҳои рушди деҳот, сайёҳӣ ва ҳунарҳои мардумӣ», ободу зебо гардонидани муҳити атроф, корҳои ободониву хуррамгардонӣ дар маркази вилоят - шаҳри Хуҷанд вусъати тоза гирифта истодааст. Дирӯз дар ду тарафи соҳили дарёи Сир бо иштироки кормандону мураббиёни мактабҳои варзишии вилояти Суғд ва шаҳри Хуҷанд, ҷавонону варзишгарон аксияи “Тозагии соҳил” баргузор гардид. Дар доираи аксия соҳили Сирдарё аз партовҳо ва алафҳои худрӯй ва хушкшуда тоза карда шуданд.
Корҳои фаҳмонидадиҳӣ дар ноҳияи Кӯҳистони Масчоҳ
- Подробности статьи
- Автор
- Категория Новости
Бо мақсади баланд бардоштани маърифат ва дониши экологии ҷавонон аз ҷониби бахши ҳифзи муҳити зисти ноҳияи Кӯҳистони Масчоҳ дар деҳаҳои Оббурдон, Дашт, Пастигав ва Виткон вохӯрӣ бо ҷавонон доир гардид. Зимни вохӯрӣ бо ҷавонон доир ба масъалаҳои ҳифзи муҳити зист, иштироки фаъолонаи онҳо дар аксияҳои экологӣ, масъалаи партов, ки имрӯз яке аз масъалаҳои актуалӣ ба ҳисоб меравад, ҳифз ва истифодаи сарфакоронаи неъматҳои нотакрори табиати диёр қайд карда шуд.