Декабрь 2020

10 Декабрь 2020

Аксияи “Тозагии маҳал” дар шаҳри Гулистон

Подробности статьи: Автор; Категория Навидҳо

Бо мақсади тоза намудани қадди роҳи асосии шаҳр аз партовҳо ва хусусан баргҳои хушк ва хазон, бо ташаббуси бахши ҳифзи муҳити зисти шаҳри Гулистон аксияи “Тозагии маҳал” гузаронида шуд. Дар рафти аксия зиёда аз 120 нафар намояндагони корхонаю ташкилот ва шаҳрвандон фаъолона иштирок намуданд. Дар рафти чорабинӣ 3 км ду тарафи роҳи асосии шаҳр тоза гардида, 4,2 метри мукааб партовҳо бо воситаи техникаҳои махсус бароварда, ба партовгоҳи шаҳри ҷойгиронида шуд.

Вохӯрии судманд бо намояндагони коргоҳи шаҳри Панҷакент

Подробности статьи: Автор; Категория Навидҳо

Бо мақсади назорати риояи талаботи Қонуни Ҷумҳурии Тоҷикистон «Дар бораи дигар пардохтҳои ҳатмӣ ба буҷет» ва дар асоси моддаи 19, 20 Қонуни Ҷумҳурии Тоҷикистон «Дар бораи ҳифзи муҳити зист» дар ҶДММ КМ «Зарафшон»-и шаҳри Панҷакент вохўрии намояндагони Раёсати ҳифзи муҳити зисти вилояти Суғд бо намояндагони коргоҳи мазкур баргузор гардид. Бо иштироки шахсони масъул корҳои фаҳмонидадиҳӣ, аз он ҷумла оид ба сари вақт пардохт намудани пардохтҳои ҳатмии экологӣ гузаронида шуд. Чунин вохўриҳо, хусусан дар корхонаҳои саноатӣ барои баланд бардоштани маърифати экологии масъулини корхонаҳо ва умуман коргарон мусоидат менамояд.

Вохӯрӣ бахшида ба Рўзи байналмилалии кўҳҳо

Подробности статьи: Автор; Категория Навидҳо

Бо иқдоми шуъбаи ҳифзи муҳити зисти шаҳри Хуҷанд бо мақсади гузаронидани корҳои ташвиқотӣ, баланд бардоштани маърифат ва дониши экологии насли наврас, бахшида ба санаи муҳим 11 декабр – Рўзи байналмилалии кўҳҳо дар муассисаи таҳсилоти миёнаи умумии №15-и шаҳр вохӯрӣ бо хонандагони синфҳои болоӣ доир гардид. Мутахассиси шуъба дар бораи санаи экологӣ - Рӯзи байналмилалии кӯҳҳо, ҳадафи эълон гардидани ин сана аз тарафи СММ, ҳамчунин вобаста ба соҳаи ҳифзи муҳити зист, истифодабарии оқилона ва ҳифзи захираҳои табиӣ баромад намуд.

Маъракаи ниҳолшинонӣ дар шаҳри Панҷакент

Подробности статьи: Автор; Категория Навидҳо

Бо ташаббуси бахши ҳифзи муҳити зисти шаҳри Панҷакент маъракаи ниҳолшинонӣ аз мавзеи Саразми шаҳр оғоз гардид. Дар маъракаи кабудизоркунӣ роҳбарият ва кормандони сохторҳои мақомоти иҷроияи ҳокимияти давлатии шаҳр, фаъолони ҷамоати деҳоти Саразм ва Чинор, ҳамагӣ беш аз 200 нафар иштирок карда, дар натиҷа 600 бех ниҳоли дарахтони ҳамешасабзи санавбар шинонида шуд. Боиси қайд аст, ки амалҳои ободонию кабудизоркунӣ аз сарҳади ҷумҳурии ҳамсоя, мавзеи Саразм, то ноҳияи Айнӣ, мавзеи Киштўдак, қадди шоҳроҳи байналмилалӣ идома меёбад. Ҳамчунин, дар дигар минтақаҳои шаҳр баргузории чорабиниҳои мазкур то таҷлили ҷашни 30-солагии Истиқлолияти Ҷумҳурии Точикистон пешбинӣ гардидааст.

09 Декабрь 2020

Корҳои ободонию кабудизоркунӣ дар шаҳри Истаравшан

Подробности статьи: Автор; Категория Навидҳо

Баҳри сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ва бо мақсади гузаронидани корҳои ободоню кабудизоркунии дар иншоотҳои ҷашнӣ, дар шаҳри Истаравшан бо ташаббуси бахши ҳифзи муҳити зист шанбегӣ ташкил ва баргузор гардид. Шахсан аз ҷониби кормандони бахш, талабагон ва сокинони кўчаи Истаравшани шаҳр, дар маҷмӯъ беш аз 100 нафар, дар назди бинои нави «Коллеҷи ҳунарҳои мардумии шаҳри Истаравшан» корҳои тоза намудани атроф аз партовҳо ва шинонидани ниҳол амалӣ гардид. Дар натиҷа 6 метри мукааб партовҳо бароварда, 70 бех ниҳолҳои дарахтони ҳамешасабз шинонида шуд.

07 Декабрь 2020

Ниҳолшинонӣ дар ноҳияи Б.Ғафуров

Подробности статьи: Автор; Категория Навидҳо

Дар қаламрави ноҳияи Б.Ғафуров дар доираи шанбегӣ маъракаи ниҳолшинонӣ гузаронида шуд. Дар чорабинӣ, ҳамагӣ 2,8 ҳазор нафар иштирок намуда, корҳои тоза кардани ҳудуд, баровардани партов, тоза кардани қадди роҳ ва ҷўйборҳо ба иҷро расонида шуд. Инчунин, ҳамин рўз маъракаи ниҳолшинонӣ амалӣ гардид, ки дар ҷамоати деҳоти Д.Холматови ноҳия бо иштироки 800 нафар кормандони корхонаю ташкилот ва аҳолӣ 3 ҳазор бех сафедор, 750 бех дарахтҳои ороишӣ ва ҳамешасабз шинонида шуд. Боиси қайд аст, ки маъракаи ниҳолшинонӣ дар дигар ҷамоати шаҳраку деҳоти ноҳияи Б.Ғафуров бо тариқи ҳашар гузаронида шуд, ки мувофиқи ноҳия дар як рўз шинонидани ниҳолҳои дарахтони намудаш гуногун ҳамагӣ 4,4 ҳазор бехро ташкил намуд.

Аксияҳои экологӣ дар шаҳри Исфара

Подробности статьи: Автор; Категория Навидҳо

Бахши ҳифзи муҳити зисти шаҳри Исфара ҷиҳати вусъат бахшидан ба корҳои ободонию кабудизркунӣ, тозаю озода нигоҳ доштани муҳити зист, безарагардонии кучаву маҳалла, деҳа, ҷамоати шаҳраку деҳот аксияҳои “Тозагии маҳал” ва “Тозагии соҳил” баргузор намуд. Дар рафти чорабинии мазкур оммаи васеъи мардум, инчунин кормандони соҳаҳои маориф, тандурустӣ, саноат ва сокинони ҷамоати шаҳраку деҳот фаъолона иштирок намуданд. Дар натиҷа, ҳамагӣ 5,6 ҳазор нафар шаҳрвандон иштирок карда, дар миқёси шаҳри Исфара як қатор корҳо, аз ҷумла рубучини майдон - 2,9 ҳазор метри мураббаъ, 4,1 ҳазор метри мураббаъ рангубори девор ва бино, шинонидани гулҳои ороишӣ - 500 бех, побел кардани замин – 6,4 ҳазор метри мураббаъ, тоза кардани соҳили каналҳо ва дарёи Исфара аз партовҳо – 6,8 км ва зиёда аз 15 метри мукааб партовҳо ба партовгоҳи шаҳрӣ бароварда шуд. Ҳамчунин, дар рафти чорабинӣ дар саҳни бинои МТМУ №68 ва кўчаи Саёидони шаҳр 50 бех ниҳоли дарахтони ороишӣ шинонида шуд.

05 Декабрь 2020

Аксияи “Тозагии соҳил”

Подробности статьи: Автор; Категория Навидҳо

Бо ташаббуси Раёсати ҳифзи муҳити зисти вилояти Суғд ва бо иштироки омўзгорону донишҷўёни МТД “Донишгоҳи давлатии Хуҷанд ба номи академик Б.Ғафуров”, муассисаҳои литсейи касби политехникӣ, литсейи касбии техникӣ ва коледҷи тибби шаҳри Хуҷанд санаи 5 декабри соли ҷорӣ дар соҳили дарёи Сир аксияи “Тозагии соҳил” гузаронида шуд. Дар ин чорабинӣ 450 нафар иштирок намуда, 2,0 км соҳили дарёи Сирро аз ҳаргуна партовҳо тоза намуданд. Дар натиља 5,5 м³ партовҳо бо воситаи 3 адад техникаҳои махсус бароварда, ба партовгоҳи шаҳри ҷойгиронида шуд.

04 Декабрь 2020

Вохӯрӣ бо хонандагон дар шаҳри Панҷакент

Подробности статьи: Автор; Категория Навидҳо

Бо мақсади гузаронидани корҳои ташвиқотӣ, бахшида ба эълон гардидани солҳои 2020-2040 "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф", баланд бардоштани маърифати экологии хонандагон, дар муассисаи таҳсилоти миёнаи умумии №15-и шаҳри Панҷакент вохӯрӣ бо хонандагон доир гардид. Мутахассисони бахши ҳифзи муҳити зисти шаҳри Панҷакент доир ба ҳифзи муҳити зист, самаранок истифода бурдани сарватҳои табиӣ, саҳми хонандагон дар беҳдошти муҳити атроф баромад карданд. Дар рафти вохӯрӣ аз тарафи хонандагон музокира сурат гирифт.

Вохӯрӣ дар муассисаҳои таълимӣ

Подробности статьи: Автор; Категория Навидҳо

Бо иқдоми бахши ҳифзи муҳити зисти ноҳияи Ашт бо мақсади гузаронидани корҳои ташвиқотӣ, баланд бардоштани маърифат ва дониши экологии насли наврас, бахшида ба эълон гардидани солҳои 2020-2040 "Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф" дар муассисаи таҳсилоти миёнаи умумии №44-и деҳаи Даҳана, ҷамоати Шайдон вохӯрӣ бо хонандагони синфҳои болоӣ доир гардид. Мутахассисони бахш дар бораи санаи экологӣ -рӯзи байналмилалии кӯҳсор, ҳадафи эълон гардидани ин сана аз тарафи СММ, ҳамчунин вобаста ба соҳаи ҳифзи муҳити зист, истифодабарии оқилона ва ҳифзи захираҳои об, муомилот бо партовҳо, иштироки фаъолонаи хонандагон дар аксияҳои экологӣ баромад намуданд.