Все статьи
16 Сентябрь 2020
Амалиёти «Ҳавои тоза» дар ш.Истиқлол
- Подробности статьи
- Автор
- Категория Навидҳо
Дар асоси нақшаи корӣ ва бо мақсади беҳтар намудани вазъи ҳавои атмосфера, пурзӯр намудани назорат оиди кам намудани ихроҷи моддаҳои зараровар ба ҳавои атмосфера аз воситаҳои нақлиёт дар шаҳри Истиқлол амалиёти «Ҳавои тоза» гузаронида шуд. Дар рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда шуд. Дар рафти амалиёт нисбати ронандагони 2 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.
Амалиёти “Ҳавои тоза” дар ноҳияи Деваштич
- Подробности статьи
- Автор
- Категория Навидҳо
Дар асоси нақшаи кории бахши ҳифзи муҳити зисти ноҳияи Деваштич, бо мақсади кам намудани ихроҷи моддаҳои зараровар ба ҳавои атмосфера, дар ҳамкорӣ бо шуъбаи милитсияи экологӣ ва сайёҳии ВКД ҶТ дар вилояти Суғд, дар ноҳияи Деваштич амалиёти «Ҳавои тоза» гузаронида шуд. Дар рафти амалиёт 21 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 2 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и ноҳия ирсол гардид.
Амалиёти назоратӣ дар самти канданиҳои фоиданоки маъмули умум
- Подробности статьи
- Автор
- Категория Навидҳо
Тибқи нақшаи корӣ, дар шаҳру ноҳияҳои вилояти Суғд баҳри таъмини иҷрои талаботҳои Қонуни Ҷумҳурии Тоҷикистон «Дар бораи ҳифзи муҳити зист» ва Қонуни Ҷумҳурии Тоҷикистон «Дар бораи сарватҳои зеризаминӣ» мунтазам амалиётҳои назоратӣ гузаронида мешавад. Бино ба иттилои бахши ҳифзи муҳити зисти ноҳияи Деваштич хангоми гузаронидани амалиёт аз тарафи нозирони бахш дар ҳудуди деҳаи Ҳабутак, ҷамоати деҳоти Муҷуни ноҳияи Деваштич ҳангоми бе иҷозат истихроҷ намудани хоки лалмӣ ба шаҳрвандони ноҳияи Спитамен Абдураҳмонов Завқиёр ва Ҳамроқулов Неъматҷон тибқи моддаи 238 Кодекси ҳуқуқвайронкунии маъмурӣ протокол тартиб дода шуда, ҷарима ва зарари ба табиат расонидашуда пешниҳод карда шуд.
16 сентябр – Рӯзи байналмилалии ҳифзи қабати озон
- Подробности статьи
- Автор
- Категория Навидҳо
16 сентябр бо қарори Ассамблеяи Генералии Созмони Милали Муттаҳид ба ифтихори ба имзо расидани Протоколи Монреал (1987) Рӯзи байналмилалии ҳифзи қабати озон эълон гашт. Ин санаро ҷомеаи ҷаҳонӣ аз соли 1995 инҷониб таҷлил мекунанд. Нақши қабати озон дар ҳаёт хеле муҳим буда, барои мавҷудияти ҳаёт дар рӯи замин нақши муҳимро мебозад. Он ҳамчун сипар инсон ва дигар мавҷудоти зиндаро аз таъсири хатаровари нуриҳои зарарноки ультрабунафши офтоб муҳофизат менамояд. Камшавии миқдори озон дар қабати он ба пастшавии қобилияти муҳофизавии он оварда мерасонад ва дар натиҷа таъсири радиатсияи ультрабунафш ба муҳити зист ва саломатии инсон зарар мерасонад, бахусус ба суст шудани масъунияти бадани одам аз сабаби вайроншави ДНК, пайдошавии бемориҳои саратони пӯст, катарактаи чашм, диққи нафас, харобшавии асаб, шуш ва дигар бемориҳо оварда мерасонад.
Амалиёти назоратӣ дар ноҳияи Айнӣ
- Подробности статьи
- Автор
- Категория Навидҳо
Баҳри таъмини иҷрои талаботҳои Қонуни Ҷумҳурии Тоҷикистон «Дар бораи ҳифзи муҳити зист» ва талаботҳои Қонуни Ҷумҳурии Тоҷикистон «Дар бораи сарватҳои зеризаминӣ» тибқи тартиби муқарраргардида дар ҳудуди ноҳияи Айнӣ мунтазам амалиётҳо гузаронида мешавад. Ҳангоми гузаронидани амалиёт дар мавзеи Фон деҳаи Пинён аз ҷониби кормандони бахши муҳити зисти н.Айнӣ ҳангоми ошкор намудани кони ғайрирасмии ангишт ва бе иҷозат кандани он ба шаҳрвандон Маҳмудов А. ва Рузиев Б. тибқи моддаи 238 Кодекси ҳуқуқвайронкунии маъмурӣ протокол тартиб дода шуда, ҷарима ва зарари ба табиат расонидашуда ба маблағи 702 сомонӣ ҳисоб ва пешниҳод карда шуд.
11 Сентябрь 2020
Корҳои омодагӣ ба ҷашни 5500 солагии Саразми бостонӣ
- Подробности статьи
- Автор
- Категория Навидҳо
Ё
дгории Саразм ҳамчун маркази ташаккули тамаддуни кишоварзӣ, ҳунармандӣ ва шаҳрсозии тоҷикон дар асоси қарори Ҳукумати Ҷумҳурии Тоҷикистон, №391, аз 21 сентябри соли 2000-ум мақоми ҳуқуқии «Мамнӯъгоҳи таърихиву бостоншиносӣ»-ро соҳиб гардида, ба яке аз марказҳои муҳими ҳафриётии олами муосир табдил ёфт. Ба наздикӣ дар шаҳри Панҷакент бо тантана 5500 солагии Саразми бостонӣ ҷашн гирифта мешавад. Ҷиҳати дар сатҳи баланд ва сазовор пешвоз гирифтани чашни мазкур дар мамнуъгоҳ корҳои ободониву кабудизоркунӣ бомаром идома дошта, дар ободу зебо намудани мамнуъгоҳ мақомоти ҳифзи муҳити зисти вилоят низ саҳми арзандаи худро гузошта истодааст.
Шиносоӣ бо фаъолияти ҶДММ КМ «Зарафшон» дар ш.Панҷакент
- Подробности статьи
- Автор
- Категория Навидҳо
Тибқи супориши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон сардори Раёсати ҳифзи мухити зисти вилояти Суғд Ҳакимзода А.Қ. бо мақсади шиносоӣ аз фаъолияти ҶДММ КМ «Зарафшон» ва таъсири он ба муҳити зист дидан намуд. Зимни шиносоӣ бо роҳбарияти корхона пешниҳод дода шуд, ки баҳри бехатарии аҳолӣ ва солим нигоҳ доштани муҳити зист гирду атрофи партовгоҳ бо симтӯр иҳота карда шуда, дар ҳудуди корхона барои ташкили минтақаи муътадил ба шинонидани дарахтони сояафкан ва кабудизор намудани он диққати бештар дода шавад. Ҳамчунин барои паст кардани чанг аз сехҳои майдакунӣ ва ҳаракати нақлиётҳо дар роҳҳо мунтазам обпошӣ карда шуда, сатҳи болоии полоишгоҳ дар ҳолати намӣ нигоҳ дошта шавад.
08 Сентябрь 2020
Табрикоти сардори Раёсати ҳифзи муҳити зисти вилояти Суғд Ҳакимзода Абдуаҳад Қурбон ба муносибати ҷашни Истиқлолияти давлатӣ
- Подробности статьи
- Автор
- Категория Навидҳо
Фарорасии ҷашни сарнавиштсози миллӣ 29–умин солгарди Истиқлолияти давлатии Ҷумҳурии Тоҷикистонро ба ҳамаи кормандони мақомоти ҳифзи муҳити зист, дӯстдорони табиати нотакрори кишвари азизамон самимона табрику муборакбод мегӯям. Дастоварди бузургтарини Тоҷикистони соҳибистиқлол таҳти роҳбарии Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар тӯли 29 соли соҳибистиқлолӣ ин барқарор намудани суботи комил ва ваҳдати миллӣ, таъмини рушди устувори иқтисодиву иҷтимоӣ, таҳкими худшиносиву худогоҳӣ, болоравии ҳисси ватандӯстиву ватандорӣ дар миёни тамоми табақаҳои ҷомеаи Тоҷикистон мебошад.
05 Сентябрь 2020
Маҷлиси назоратии Раёсат
- Подробности статьи
- Автор
- Категория Навидҳо
Ҷиҳати бо нишондиҳандаҳои назаррас ҷамъбаст намудани фаъолияти 9 моҳаи мақомоти ҳифзи муҳити зисти вилоят санаи 4 сентябри соли равон бо иштироки муовини сардори Раёсат Абдумаликзода Б.А. бо сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо маҷлиси назоратӣ баргузор гардид. Рафти маҷлис оид ба корбарӣ “Дар бораи низоми иҷозатдиҳӣ”, пешгирии ифлосшавии манбаҳои обӣ, пешгирӣ намудан аз ҷамъоварии худсаронаи гиёҳҳои шифобахш, хӯрданибоб ва фурӯши ғайриқонунии он, ба ҳисоб гирифтани шумораи аслии табиатистифодабарандагон, тартиб додани феҳристи умумии субъектҳои хоҷагидор, назорати давлатӣ дар самти истифода ва ҳифзи замин, сарватҳои маъмули умум ва муомилот бо партовҳо, мунтазам гузаронидани аксияҳои “Тозагии маҳал”, “Тозагии соҳил” ва “Ҳавои тоза”, таъмини қарзи 20% ба суратҳисоби маблағҳои махсуси ҷумҳуриявию вилоятӣ ва дигар масъалаҳо вобаста ба фаъолият баррасӣ гардид.
01 Сентябрь 2020
Тозаву обод намудани соҳили Сирдарё
- Подробности статьи
- Автор
- Категория Навидҳо
Ба истиқболи ҷашни муқаддаси Истиқлолияти давлатии Ҷумҳурии Тоҷикистон дар маркази вилояти Суғд шаҳри Хуҷанд корҳои ободонию созандагӣ мунтазам идома дорад. Тибқи маълумоти шуъбаи ҳифзи муҳити зисти шаҳри Хуҷанд бо мақсади тозаву обод намудани соҳили дарё дар асоси нақшаи чорабиниҳои Раёсат соҳили дарёи Сир бо иштироки кормандони Сарраёсати ободонӣ аз алафхои бегонаи гуногун ва партовҳо тоза карда шуда, дар натиҷа ба партовгоҳ 8,2м3 партов бароварда шуд.