Все статьи

14 Август 2020

Амалиёти «Ҳавои тоза» дар ш. Хуҷанд

Подробности статьи: Автор; Категория Навидҳо

Ба истиқболи ҷашни Истиқлолияти давлатии Ҷумҳурии Тоҷикистон, иҷрои нақшаи кории шуъбаи ҳифзи муҳити зисти шаҳр бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, бо мақсади беҳтар намудани вазъи ҳавои атмосфера, пурзӯр намудани назорат оиди кам намудани ихроҷи моддаҳои зараровар ба ҳавои атмосфера аз воситаҳои нақлиёт дар шаҳри Хуҷанд амалиёти «Ҳавои тоза» гузаронида шуд.Дар рафти амалиёт 86 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда шуда, нисбати ронандагони 5 адад воситаҳои нақлиёти автомобилие,ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуд.

Семинари омузишӣ дар Раёсати ҳифзи муҳити зисти вилояти Суғд

Подробности статьи: Автор; Категория Навидҳо

Бо мақсади баланд бардоштани савияи дониши кормандон санаи 14 августи соли равон дар толори маҷлисгоҳи Раёсат семинари бозомӯзӣ бо иштироки кормандони шуъбаҳо ва бахшҳои ҳифзи муҳити зисти шаҳру ноҳияҳо доир гардид. Дар семинар оид ба истифодаи дурусти фарҳанги имлои забони тоҷикӣ дар асоси талаботи Қонуни Ҷумҳурии Тоҷикистон «Дар бораи забони давлатии Ҷумҳурии Тоҷикистон», тарзи дуруст тартиб додани протоколи ҳуқуқвайронкунии маъмурӣ бо риояи талаботи Кодекси мурофиавии ҳуқуқвайронкунии маъмурии Ҷумҳурии Тоҷикистон, муҳокимаи Кодекси Оби Ҷумҳурии Тоҷикистон (таҳияи нав – 2020 сол), дуруст ба роҳ мондани ба қайдгирии маводҳои содиротӣ ва воридотӣ, ташкил намудани парвандаҳои муроҷиат оид ба шахсони воқеӣ ва ҳуқуқӣ, тибқи конунҳои амалкунанда баррасӣ намудани аризаҳо ва дархостҳо, тартиб додани санади санҷишӣ оид ба ҳифзи ҳавои атмосфера, тарзи дуруст тартиб додани ҳисоботи омории 2 ТП ҳаво, дигар масъалаҳои ба пешрафти фаъолият мусоидаткунанда шунида шуд, ки дар фаъолияти кормандони мақомоти ҳифзи муҳити зист масъалаҳои муҳимтарин ба ҳисоб мераванд.

Амалиёти «Ҳавои тоза» дар шаҳри Истиқлол

Подробности статьи: Автор; Категория Навидҳо

Дар асоси нақшаи кории бахши ҳифзи муҳити зисти шаҳри Истиқлол, ҳамҷоя бо шуъбаи назорати таҳлил бо мақсади пурзӯр намудани назорат оиди кам намудани ихроҷи моддаҳои зараровар ба ҳавои атмосфера аз воситаҳои нақлиёт ва беҳтар намудани вазъи ҳавои атмосфера дар шаҳри Истиқлол амалиёти «Ҳавои тоза» гузаронида шуд. Дар рафти амалиёт 15 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда нашуд.

Амалиёти «Ҳавои тоза» дар ш.Конибодом

Подробности статьи: Автор; Категория Навидҳо

Ба истиқболи ҷашни Истиқлолияти давлатии Ҷумҳурии Тоҷикистон, бо мақсади беҳтар намудани вазъи ҳавои атмосфера, пурзӯр намудани назорат оиди кам намудани ихроҷи моддаҳои зараровар ба ҳавои атмосфера аз воситаҳои нақлиёт дар шаҳри Конибодом амалиёти «Ҳавои тоза» гузаронида шуд. Дар рафти амалиёт 41 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда шуда, нисбати ронандагони 6 адад воситаҳои нақлиёти автомобилие,ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуд.

11 Август 2020

Корҳои ободонӣ дар маҳаллаҳои шаҳри Хуҷанд

Подробности статьи: Автор; Категория Навидҳо

Бо мақсади сазовор истиқбол гирифтани ҷашни 29 солагии Истиқлолияти давлатии Ҷумҳурии Тоҷикистон, ободу зебогардонии муҳити атроф дар маҳаллаҳои мухталифи шаҳри Хуҷанд мунтазам шанбегиҳо гузаронида шуда истодаанд .Бо ин мақсад дирӯз дар кучаҳои маҳаллаҳои Ҷ.Расулов, Сари баланд, Навбахор бо иштироки беш аз 430 нафар сокинони махалла, соҳибкорон ва кормандони муассисаҳое, ки дар қадди роҳ ҷой гирифтаанд, аксияи «Тозагии маҳал» гузаронида шуд. Дар ҷараёни аксия ҷуйбор ба масофаи– 2310 м, худуди маҳалла ба масоҳати – 1420 м2, қадди роҳҳо – 2600 м, майдонхо аз алафхои худруй ва партовҳо ба масоҳати – 320 м2 тоза карда шуда, ба партовгоҳи шаҳрӣ 3м3 партов бароварда шуд. Баргузории чунин шанбегиву корхои ободонӣ дар дигар минтақаҳои шаҳри Хуҷанд низ идома дорад.

Корҳои ободонӣ дар Маҷмааи таърихӣ фарҳангии «Қалъаи Муғ»-и шаҳри Истаравшан

Подробности статьи: Автор; Категория Навидҳо

Маҷмааи таърихӣ фарҳангии «Қалъаи Муғ» яке аз ҷойҳои тамошобоби шаҳри Истаравшан буда, таҷдиду барқарорсозии Қалъаи Муғ дар солҳои рушди деҳот, сайёҳӣ ва ҳунарҳои мардумӣ имкон фароҳам меоварад, ки сайёҳону меҳмонони дохиливу хориҷӣ ба тамошои ин намунаи барҷастаи меъморӣ ва ёдгории таърихӣ бештар ҷалб гарданд. Дар доираи нақшаи чорабиниҳо оид ба омодагӣ ва таҷлили ҷашни Истиқлолияти давлатии Ҷумҳурии Тоҷикистон, бо мақсади вусъат бахшидан ба корҳои ободониву созандагӣ дар маҷмааи таърихию фарҳангии «Қалъаи Муғ» бо иштироки сокинони ҷамоату деҳот шанбегӣ умумишаҳрӣ доир гардид. Дар рафти шанбегӣ бо баробари таъмири роҳраву нуктаҳо, ҳудуди маҷмаа пурра аз партовҳо тоза карда шуд.

Аксияи «Тозагии маҳал» дар шаҳри Конибодом

Подробности статьи: Автор; Категория Навидҳо

Бино ба иттилои бахши ҳифзи муҳити зисти ш.Конибодом бахшида ба таҷлили сазовори ҷашни Истиқлолияти давлатии Ҷумҳурии Тоҷикистон, бо мақсади ҷалб намудани оммаи васеи аҳолӣ ба корҳои ободонӣ дар назди Маркази саломатӣ ва беморхонаи марказии ба номи академик К.Тоҷиев аксияи «Тозагии маҳал» доир гардид. Дар аксия кормандони соҳаи тиб ва сокинони маҳаллаҳо иштирок намуда, 2200м ҷуйборҳо ва 3860 м2 ҳудуд тоза карда шуда, 280 м роҳгаштҳо сафед ва 6,3 м3 партовҳо бароварда шуд.

Аксияи «Тозагии маҳал» дар ноҳияи Масчоҳ

Подробности статьи: Автор; Категория Навидҳо

Дар доираи нақшаи чорабиниҳо оид ба омодагӣ ва таҷлили ҷашни Истиқлолияти давлатии Ҷумҳурии Тоҷикистон, бо мақсади ҷалб намудани оммаи васеи аҳолӣ ба корҳои ободонӣ дар ноҳияи Масчоҳ аксияи «Тозагии маҳал» доир гардид. Дар он сокинони маҳаллаҳо, саҳмдорони хоҷагиҳои деҳқонӣ, Ассотсиатсияи истифодабарандагони об, намояндагони сохторҳои мақомоти иҷроияи ҳокимияти маҳаллӣ ҳамагӣ 300 нафар иштирок доштанд. Дар рафти аксия ба масоҳати 400 м2 ҳудуд ва 1400 м қади роҳҳо ва 140 м2 майдонҳо аз алафҳои бегона тоза карда шуда, ба партовгоҳи ноҳия ба миқдори 4 м3 партовҳо бароварда шуд.

Назорати манбаҳои обӣ

Подробности статьи: Автор; Категория Навидҳо

Аз ҷониби мутахассисони шуъбаи назорати давлатии ҳифзи захираҳои оби Раёсати ҳифзи муҳити зисти вилоят дар асоси муроҷиати шаҳрвандон, ки дар шабакаи иҷтимоии фейсбук оид ба партофтани партовобҳо ба соҳили обанбори Баҳри тоҷик ҷой дода шуда буд, дар ҷояш мавриди баррасӣ қарор гирифт.

Дар ҳақикат ошкор карда шуд, ки аз тарафи корхонаи ҶДММ «Фируз Плаза»-и ш.Гулистон партовоб ба соҳили баҳри Тоҷик партофта шуда истодааст. Дар натиҷа нисбати директори корхонаи мазкур бо моддаи 177 Кодекси ҳуқуқвайронкунии маъмурии Ҷумҳурии Тоҷикистон протоколи маъмурӣ тартиб дода, барои дар оянда роҳ надодан ба чунин камбудӣ пешниҳоди иҷроишаш хатмӣ дода шуд.

06 Август 2020

Мавзеъи сайёҳии Чилдухтарон, воқеъ дар деҳаи Метк, ҷамоати деҳоти Ваҳдати ноҳияи Деваштич

Подробности статьи: Автор; Категория Навидҳо

Мавзеъи Чилдухтарон аз ноҳия 56 км роҳро ташкил намуда, дар деҳаи Метки ҷамоати деҳоти Ваҳдат ҷойгир мебошад. Деҳаи Метк таърихи чандҳазорсола дорад. Ба ин гуфтаҳо ашёҳо бо мурури замон аз атрофи деҳа ёфташуда ва мавзеъҳои таърихии он шаҳодат медиҳад. Бар замми ин Деҳаи Метк хеле зебоманзар буда, дар домани қаторкўҳҳои Туркистон ҷой гирифтааст. Рўдҳои кўҳии шўхоб чашмасорон, арчазорон ва кӯҳҳои сар ба афлокаш манзараи деҳаро зебою нотакрор гардонидааст.