Все статьи

12 Май 2018

Вохўрӣ бахшида ба Рўзи умумиҷаҳонии муҳити зист

Подробности статьи: Автор; Категория Навидҳо

Дар доираи нақшаичорабиниҳо бахшида ба 5 июн - Рўзи умумиҷаҳониимуҳитизистдарДонишгоҳи давлатии ҳуқуқ, бизнес ва сиёсати Тоҷикистон вохўрии намояндаи Раёсат бо омўзгорон ва донишҷўёни факултаи «Бизнес ва идоракунӣ» дар мавзӯҳои «Захираҳоиоби Тоҷикистонвасамаранокистифодаион», Китоби Сурхи Ҷумҳурии Тоҷикистон ва баланд бардоштани маърифати экологии аҳолӣ баргузор гардид. Бо сухани ифтитоҳӣ муовини декан оид ба илм, н.и.к. ХўҷаназароваМ. вадотсентикафедраи маркетинг -агробизнес, н.и.к. Азимов А. баромад намуда, бобати зарурияти тарбия ва маърифати экологии ҷавонон изҳориақиданамуданд. АзтарафинамояндаиРаёсатоидба татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», нашри дуюми Китоби Сурхи Ҷумҳурии Тоҷикистон, қонунҳои амалкунандаи соҳаи ҳифзи муҳити зист ва дигар масъалаҳои вобаста ба муаммоҳои экологии вилоят, махсусан дар самти ҳифзизахираҳоиоб баромадҳо пешкаши иштирокчиён гардид. Ҳамчунин донишҷӯён ва омӯзгорон оид ба ҳолати оби дарёи Сир, иншоотҳоипартовобтозакунӣ ва таъсири он ба саломатии инсон, муаммоҳои экологии ҷойдоштаи минтақаҳо изҳори ақида намуданд.

08 Май 2018

Таҷлили бошукӯҳи 73-юмин солгарди Рӯзи Ғалаба дар шаҳри Хуҷанд

Подробности статьи: Автор; Категория Навидҳо

Имрӯз дар назди Муҷассамаи ёдгории шаҳидони Ҷанги бузурги Ватании солҳои 1941-1945 дар минтақаи бозори марказии «Панҷшанбе»-и шаҳри Хуҷанд бо иштироки беш аз 60 нафар иштирокчиёни ҶБВ ва намояндагони хамаи сохторхои давлати 73-юмин солгарди ҷашни Рӯзи Ғалаба бо тантана таҷлил карда шуд. Мардуми Тоҷикистон ҳар сол Рӯзи ғалабаро бар фашизм ҳамчун як саҳифаи фоҷиа бори таърихи асри гузаштаи худ ва ба хотири посдоштани диловари вушуҷоат ва ҷонбозиҳои фарзандони бонангу номуси Ватан ҷашн мегиранд.

Имрӯз 9 май – Иди Ғалаба, ки рамзи пирӯзии сулҳ бар ҷанг, рушноӣ бар торикӣ ва хайр бар шараст, фарорасид. Дар ин рӯз мо аз корнамоиҳои аҷдодони қаҳрамони хеш, ки бо матонату диловарӣ сарзамини худро аз душман ҳифз намуда, барои наслҳои оянда зиндагии озодонаро муҳайё намуданд, бо некиву сипосгузорӣ ёдовардем.

04 Май 2018

Эълон

Подробности статьи: Автор; Категория Навидҳо

Раёсати ҳифзи муҳити зисти вилояти Суғд барои ишғоли вазифаи коргузор ба кор даъват менамояд:

Талаботҳо барои вазифаи коргузор;

– таҳсилоти олӣ,

– 2 сол собиқаи умумии меҳнатӣ дар самти ҳуҷҷатгузорӣ;

– малакаи хуби муошират бо аҳли ҷомеа.

Довталабон ҳуҷҷатҳои зеринро пешниҳод менамоянд:

- ариза ба унвони роҳбари мақоми давлатӣ;

- варақаи шахсии баҳисобгиири кадрӣ (бо 2 дона акси андозааш 4 х 6)

Вохўрӣ дар Гимназияи “Кавсар”

Подробности статьи: Автор; Категория Навидҳо

Баланд бардоштани маърифат ва донишҳоиэкологӣ, бурдани корҳои фаҳмондадиҳӣ яке аз самтҳои асосии фаъолияти мақомоти ҳифзи муҳити зист маҳсуб ёфта, амалишавии иҷрои нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» дар муассисаҳои таълимӣ мунтазам идома дорад. Бо ин мақсад санаи 1 майи соли равон дар муассисаи таълимии ғайридавлатии гимназияи «Кавсар»–и ш.Хуҷанд вохўрии намояндаи Раёсат бо хонандагони синфҳои болоӣ доир гардид. Пас аз сухани ифтитоҳии директори гимназия намояндаи Раёсат оид ба мақсад ва вазифаҳои қабул гардидани Барномаи мазкур, махсусандарҳамбастагӣ бо муассисаҳои таълимӣ, тозаву обод нигоҳ доштани муҳити зист, оқилона ва самаранок истифода бурдани захираҳои обӣ дар амалӣ гардидани Даҳсолаи байналмилалии амал «Об барои рушди устувор», солҳои 2018-2028 ва дигар масъалаҳои вобаста ба тарбияи экологӣ маълумоти мухтасар дод.

26 Апрель 2018

Чорабиниҳои ҳифзкунандаи моҳӣ идома дорад.

Подробности статьи: Автор; Категория Навидҳо

Бо мақсади амалӣ намудани фармоиши сардори Раёсати ҳифзи муҳити зисти вилоят «Оид ба гузаронидани ҳифзи захираҳои моҳӣ», нозирони шӯъбаи назорати давлатии истифода ва ҳифзи олами набототу ҳайвонот ва захираҳои моҳӣ ҳангоми гузаронидани амалиёти навбатӣ ба болооби обанбори Баҳри Тоҷик, ки маҳалли асосии тухмигузории моҳиҳои арзишнок мебошад, рейди навбатӣ гузарониданд. Муайян гардид, ки новобаста аз давраи манъи сайди моҳӣ, баъзе шаҳрвандон ба қуруқшиканӣ роҳ дода, дар ин маҳал аз аслиҳаҳои манъшуда ба монанди тӯрҳои моҳигирӣ мегузоранд. Бо ин рафтори худ, қуруқшиканҳо ба захираи моҳиҳо зарари беҳамто мерасонанд. Моҳиҳои аз қуруқшиканҳо мусодирашударо барои ташхиси ихтиологӣ қарор дода, мутахассисон муайян намуданд, ки айни ҳол намуди моҳиҳо арзишноки обанбори Баҳри Тоҷик як қисми тухми худро гузоштаанд.

Вохӯрӣ бо донишҷӯён дар ДДҲБС Тоҷикистон

Подробности статьи: Автор; Категория Навидҳо

Бахшида ба «Соли 2018 – Соли рушди сайёҳӣ ва ҳунарҳои мардумӣ» ваДаҳсолаи байналмилалии амал “Об барои рушди устувор” солҳои 2018-2028, дар Донишгоҳи давлатии ҳуқуқ, бизнес ва сиёсати Тоҷикистон санаҳои 23-28 апрели соли равон ҳафтаи кафедраи маркетинг ва агробизнес баргузор гардид. Дар доираи ҳафтаи мазкур санаи 25 апрел мизи мудаввар бо иштироки намояндаи Раёсати ҳифзи муҳити зисти вилояти Суғд дар мавзӯи тарбияи экологии ҷавонон бо донишҷӯён ва устодон гузаронида шуд. Дар вохӯрӣ бобати зарурияти тарбия ва маърифати экологии ҷавонон, татбиқи «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020», нашри дуюми Китоби Сурхи Ҷумҳурии Тоҷикистон, қонунҳои амалкунандаи соҳаи ҳифзи муҳити зист ва дигар масъалаҳои вобаста ба муаммоҳои экологии вилоят баромадҳо пешкаши дониш-ҷӯён гардиданд.

Амалиёти “Ҳавои тоза”

Подробности статьи: Автор; Категория Навидҳо

Мувофиқи нақшаи кории Раёсати ҳифзи муҳити зисти вилоят ва БД РВКД-и Ҷумҳурии Тоҷикистон дар вилояти Суғд, бо мақсади кам намудани ихроҷи моддаҳои зараровар ба ҳавои атмосфера амалиёти «Ҳавои тоза» дар шаҳри Истиқлол гузаронида шуд. Дар рафти амалиёт 15 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 2 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳри Истиқлол ирсол гардид.

Семинари вилоятӣ бахшида ба Рӯзи умумиҷаҳонии об – 22 март ва "Даҳсолаи байналмилалии амал "Об барои рушди устувор" давоми солҳои 2018-2028"

Подробности статьи: Автор; Категория Навидҳо

Тибқи нақшаи корӣ санаи 16 марти соли равон дар толори маҷлисгоҳи Кохи матбуоти ш.Хуҷанд бахшида ба 22 март - Рӯзи умумиҷаҳонии об ва оғози Даҳсолаи байналмилалии амал "Об барои рушди устувор", солҳои 2018-2028 семинари вилоятӣ баргузор гардид. Дар кори семинар устодони Донишгоҳҳои олӣ - ДДҲБСТ, ДДХ ба номи академик Б.Ғафуров ва донишҷӯён, намояндаи Раёсати беҳдошти замин ва обёрӣ дар вилоят, кормандони мақомоти ҳифзи муҳити зист, намояндагони васоити ахбори омма иштирок доштанд. Пас аз суханони ифтитоҳии роҳбарияти Раёсат баромадкунандагон дар мавзӯъҳои - таърихи мухтасари ташаббуси Асосгузори сулҳу ваҳдати миллӣ, Пешвои миллат, Президенти мамлакат муҳтарам Эмомалӣ Раҳмон "17 қадам дар роҳи мақсад", "Манбаъҳои асосӣ ва таъминоти оби полезӣ дар вилояти Суғд", "Роғун ҳамчун корхонаи азими саноатӣ", "Даҳсолаи байналмилалии амал "Об барои рушди устувор" давоми солҳои 2018-2028", "Об сарчашмаи зиндагӣ", "Сырдарья жемчужина Центральной Азии" баромадҳо намуданд.

Семинар бахшида ба Рӯзи Замин

Подробности статьи: Автор; Категория Навидҳо

Санаи 20 апрели соли равон дар толори бинои асосии ДДХ ба номи академик Б.Ғафуров конфронси илмӣ – назариявӣ бахшида ба 22 апрел – Рӯзи умумиҷаҳонии Замин ва Рӯзи илми тоҷик баргузор гардид. Дар кори конфронси мазкур олимон аз ДДХ ба номи академик Б.Ғафуров,Донишгоҳи давлатии ҳуқуқ, бизнес ва сиёсати Тоҷикистон, Донишкадаи тиҷоратӣ, котиби илмии стансияи таҷрибавии хокшиносию мелиоративии вилоят, КВД «Ҳимояи набототи кишоварзӣ», устодон, донишҷӯён, мутахассисони мақомоти ҳифзи муҳити зист ва намояндагони ВАО иштирок намуданд. Пас аз суханҳои ифтитоҳии намояндагони Раёсати ҳифзи муҳити зисти вилоят ва ДДХ ба номи академик Б.Ғафуров, баромад ва презентатсияҳо дар мавзӯҳои «Роҳҳои беҳдошти заминҳои корами обии таназзулёфтаи вилояти Суғд», «Оқибати номусоиди кимёвӣ дар истеҳсолоти кишоварзӣ», «Муаммоҳои экологӣ дар самти муомилот бо партовҳо дар вилояти Суғд», «Вазъи кунуни ҳимояи набототи кишоварзӣ дар вилояти Суғд» ва «Безараргардонии партовҳои радиатсионӣ» шунида шуд.

Вохӯрӣ дар шаҳри Истиқлол

Подробности статьи: Автор; Категория Навидҳо

Раёсати ҳифзи муҳити зисти вилояти Суғд бо мақсади амалӣ намудани нақшаи чорабиниҳои «Барномаи давлатии комплексии рушди тарбия ва маърифати экологии аҳолии Ҷумҳурии Тоҷикистон дар давраи то соли 2020» ва баланд бардоштани тарбия ва маърифати экологӣ як қатор тадбирҳоророҳандозӣ намуда истодааст. Бо ин мақсад санаи 18 апрели соли равон дар мақомоти иҷроияи ҳокимияти давлатии шаҳри Истиқлол вохӯрии намояндаиРаёсат бо мудирони шуъбаю бахшҳои мақомоти иҷроия ва сохторҳои он, аз ҷумла соҳаи маориф, омӯзгорон, хонандагон ва донишҷӯёни муассисаҳои таълимӣ, раисони кумитаҳои маҳаллаҳо ва роҳбарони дигар сохторҳо доир гардид.