Все статьи

19 Сентябрь 2022

16 сентябр – Рӯзи байналмилалии ҳифзи қабати озон

Подробности статьи: Автор; Категория Навидҳо

16 сентябр бо қарори Ассамблеяи Генералии Созмони Милали Муттаҳид ба ифтихори ба имзо расидани Протоколи Монреал (1987) Рӯзи байналмилалии ҳифзи қабати озон эълон гашт. Ин санаро ҷомеаи ҷаҳонӣ аз соли 1995 инҷониб таҷлил мекунанд. Нақши қабати озон дар ҳаёт хеле муҳим буда, барои мавҷудияти ҳаёт дар рӯи замин нақши муҳимро мебозад. Он ҳамчун сипар инсон ва дигар мавҷудоти зиндаро аз таъсири хатаровари нуриҳои зарарноки ультрабунафши офтоб муҳофизат менамояд. Камшавии миқдори озон дар қабати он ба пастшавии қобилияти муҳофизавии он оварда мерасонад ва дар натиҷа таъсири радиатсияи ультрабунафш ба муҳити зист ва саломатии инсон зарар мерасонад, бахусус ба суст шудани масъунияти бадани одам аз сабаби вайроншави ДНК, пайдошавии бемориҳои саратони пӯст, катарактаи чашм, диққи нафас, харобшавии асаб, шуш ва дигар бемориҳо оварда мерасонад. Ҳамчунин дар натиҷаи афканишоти нурҳои ултрабунафш таъсири манфӣ ба зироатҳои хоҷагии қишлоқ мерасад, бахусус онҳо боиси тағйиротҳои ҷиддии таркиби химиявии растаниҳо мегарданд. Баландшавии радиатсия ба сифати маҳсулотҳо ба монанди помидор, картошка, лаблабуи қанд, карам, лӯбиё таъсир расонида, сифати онҳоро паст менамояд. Ба олами набототу ҳайвонот, аз қабили обсабзҳои гуногун, моҳичаҳои навзод, харчангҳои хурд, ки ғизои ҷонварони калони баҳрию дарё ба шумор мераванд, таъсири манфӣ мерасонад.

Ифтитоҳи бинои нави маъмурии бахши ҳифзи муҳити зист дар ноҳияи Шаҳристон

Подробности статьи: Автор; Категория Навидҳо

Дар доираи нақшаи чорабиниҳо бахшида ба 31-солагии Истиқлолияти давлатии Ҷумҳурии Тоҷикистон ва таҷлили сазовори ҷашни 30-солагии Иҷлосияи 16 – уми Шӯрои Олии Ҷумҳурии Тоҷикистон бо иштироки Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А, сардори Хадамоти зиддиинҳисории назди Ҳукумати Ҷумҳурии Тоҷикистон Мӯминзода А.М ва раиси ноҳияи Шаҳристон Акрамзода Баходур бинои нави маъмурии бахши ҳифзи муҳити зист ифтитоҳ гардид. Сохтмони бино дар муддати як сол ба анҷом расонида шуда, майдони умумии ҷудо гардида 688 метри мураббаъро ташкил медихад. Дар ошёнаи якум – маҷлисгоҳ, китобхона ва утоқҳои корӣ ҷойгир карда шуданд. Маҷлисгоҳ 20 ҷойи нишаст дошта, дар китобхона 1000 адад китобҳои адабиёти гуногун мавҷуд аст. Дар ошёнаи дуюм - қабулгоҳ ва 3 адад утоқҳои корӣ барои кормандон ҷойгир буда, ҳамаи онҳо бо лавозимотҳои зарурӣ барои фаъолияти мутахассисон таҷҳизонида шудааст. Ҳамчунин, пеш аз даромади бинои бахш саҳни ҳавлӣ кабудизору гулзор карда шудааст. Корҳои сохтмонӣ аз тарафи ҶДММ “Нисо» ба иҷро расонида шудааст.

Амалиёти “Ҳавои тоза” дар шаҳри Истиқлол

Подробности статьи: Автор; Категория Навидҳо

Дар асоси нақшаи корӣ бо мақсади кам намудани ихроҷи моддаҳои зараровар ба ҳавои атмосфера, аз тарафи кормандони шуъбаи мониторинги экологӣ, таҳлил ва ахбороту иттилоот ва бахши ҳифзи муҳити зист дар ш.Истиқлол дар кӯчаи марказӣ амалиёти «Ҳавои тоза» гузаронида шуд. Рафти амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлос-кунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода, барои чораандешӣ ба БДА-и шаҳр ирсол гардид.

08 Сентябрь 2022

Табрикоти сардори Сарраёсати ҳифзи муҳити зист дар вилояти Суғд Ҳакимзода Абдуаҳад Қурбон ба муносибати 31-умин солгарди Истиқлолияти давлатӣ

Подробности статьи: Автор; Категория Навидҳо

Фарорасии ҷашни бузурги миллат 31-умин солгарди соҳибистиқлолии Ватани азизамон, ки баёнгари эҳсоси ватандорист ба Шумо ҳамватанон ва дўстдорони табиат самимона табрику таҳният мегӯям. Боиси хушнудист, ки имсол халқи тоҷик ин ҷашни фархундаро дар арафаи 30-солагии Иҷлосияи ХУ1 Шўрои Олии Ҷумҳурии Тоҷикистон истиқбол мегирад. Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пайваста таъкид менамоянд, ки «Дар дунёи пуртазоди муосир танҳо миллате соҳиби ному иззат шуда метавонад, ки истиқлоли воқеӣ ва давлати озоду мустақили хешро дошта бошад». Барҳақ истиқлолият омолу орзуи деринаи халқ, неъмати пурқиматтарин, рамзи соҳибдавлатӣ ва ватандории кишвари мост, ки номаи тақдирашро бо дастони худ эҷод карда, дар арсаи байналмилалӣ мақому манзалати хосаи худро пайдо намудааст. Ба шарофати Истиқлолияти давлатӣ дар муддати ин солҳо корҳои зиёди ободониву созандагӣ дар кишвар ба анҷом расиданд.

03 Сентябрь 2022

Рўзи Дониш дар Филиали Муассисаи давлатии “Донишгоҳи байналмилалии сайёҳӣ ва соҳибкории Тоҷикистон”

Подробности статьи: Автор; Категория Навидҳо

Тибқи ҷадвали тасдиқгардидаи мақомоти иҷроияи ҳокимияти давлатии вилоят бахшида ба Рўзи Дониш сардори Сарраёсат Ҳакимзода А.Қ. дар Филиали Муассисаи давлатии “Донишгоҳи байналмилалии сайёҳӣ ва соҳибкории Тоҷикистон” иштирок дошт. Пас аз суханони ифтитоҳӣ сараввал Паёми табрикии Раиси вилоят ба кулли омўзгорону донишҷуён қироат карда шуда, қайд гардид, ки имсол Рўзи дониш дар арафаи 30 солагии Иҷлосияи XVI Шўрои Олии Ҷумҳурии Тоҷикистон таҷлил гардида, нақши муассири Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар таълиму тарбияи насли оянда ва рушди маориф бениҳоят арзанда аст. Бо ибтикори Пешвои муаззами миллат эълон гаштани “Бистсолаи омўзиш ва рушди фанҳои табиатшиносӣ, дақиқ ва риёзӣ дар соҳаи илму маориф”, озмунҳои ҷумҳуриявии “Фурўғи субҳи доноӣ китоб аст”, “Тоҷикистон – Ватани азизи ман”, “Илм фурўғи маърифат” ва “Тоҷикон - оинаи таърихи миллат” баҳри вусъати фаъолияти наврасон мусоидат менамояд.

Амалиёти “Ҳавои тоза” дар шаҳри Хуҷанд

Подробности статьи: Автор; Категория Навидҳо

Бо мақсади сазовор истиқбол гирифтани ҷашнҳои давлатии дар пешистода, бо мақсади кам намудани ихроҷи моддаҳои зараровар ба ҳавои атмосфера аз тарафи кормандони шуъбаи ҳифзи муҳити зист дар шаҳри Хуҷанд бо ҳамкории кормандони БДА-и шаҳр дар кӯчаи Сирдарё амалиёти «Ҳавои тоза» гузаронида шуд. Рафти амалиёт 40 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 4 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид. Гузориш оид ба рафти амалиёт тариқи телевизионҳои маҳаллӣ намоиш дода шуд.

Амалиёти “Ҳавои тоза” дар шаҳри Панҷакент

Подробности статьи: Автор; Категория Навидҳо

Мувофиқи нақшаи корӣ, бо мақсади кам намудани ихроҷи моддаҳои зараровар ба ҳавои атмосфера аз тарафи кормандони бахши ҳифзи муҳити зисти шаҳри Панҷакент бо ҳамкории кормандони БДА-и шаҳр дар хиёбони Рӯдакӣ амалиёти «Ҳавои тоза» гузаронида шуд. Дар рафти амалиёт 25 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян карда нашуд.

Саҳми ташкилотҳои ҷамъиятӣ дар беҳбудии муҳити зист

Подробности статьи: Автор; Категория Навидҳо

Дар баланд бардоштани сатҳи маърифати экологӣ ва тозаву озода нигоҳ доштани муҳити зист саҳми ташкилотҳои ҷамъиятӣ бениҳоят назаррас аст. Бо ин мақсад бахшида ба 31-солагии Истиқлоли давлатии Ҷумҳурии Тоҷикистон ва 30 солагии Иҷлосияи 16-уми Шўрои Олии Ҷумҳурии Тоҷикистон дар Боғи марказии ба номи М.Воҳидови ноҳияи Ашт 15 адад қуттӣ барои партофтани партов гузошта шуд. Бино ба маълумоти бахши ҳифзи муҳити зисти н.Ашт ин иқдом аз ҷониби Ташкилоти ҷамъиятии Маркази имконият ва рушд роҳандозӣ гардида, барои беҳбудии ҳолати экологӣ мусоидат менамояд.

Татбиқи лоиҳаи «Ҳифзи ҷангалзори тўқай ва намудҳои ҳайвоноти зери маҳвшавӣ қарордошта дар минтақаи обию ботлоқзори болооби обанбори Баҳри Тоҷик»

Подробности статьи: Автор; Категория Навидҳо

Дар толори тарабхонаи «Олимиён»-и шаҳри Конибодом вохўрии гурўҳи корӣ оид ба ҳамкорӣ ҷиҳати муайян намудани мақоми ҷангалзори тўқай бо иштироки муовини якуми раиси шаҳр, намояндагони Сарраёсати ҳифзи муҳити зист дар вилоят, мудир ва сармутахассиси бахши ҳифзи муҳити зист дар шаҳр, раис ва кормандони Ташкилоти ҷамъиятии «Гурўҳи ҷавонон оид ба ҳифзи муҳити атроф», коршинос – эколог ва намояндаи васоити ахбори омма баргузор гардид. Вохўрии мазкур барои пешниҳод намудани таклифҳо, ки ҳангоми таҳияи «Нақшаи рушди ҷангалзори тўқай дар минтақаи обию ботлоқзори болооби обанбори Баҳри Тоҷик» ба инобат гирифта мешаванд, бахшида шуд. Тибқи барнома дар рафти вохўрӣ ба иштирокдорон аз ҷониби сармутахассиси Сарраёсати ҳифзи муҳити зист дар вилоят дар бораи мақсади таъсиси гурўҳи корӣ, раиси Ҷамъияти шикорчиён ва моҳидорони шаҳри Конибодом шиносоӣ бо ҳолати имрўзаи ҷангалзори тўқай ва фаъолияти худи ҷамъият, дар бораи лоиҳаи татбиқ гардидаистода раиси ТҶ «Гурўҳи ҷавонон оид ба ҳифзи муҳити атроф», аз ҷониби коршинос ва мутахассис – эколог оид ба ҳолати минтақа, нақши он дар вазъи иҷтимоӣ - иқтисодии аҳолии минтақа, муҳимияти нигоҳ доштани гуногунии биологӣ ва муаммоҳои ҷойдошта баромаду презентатсия пешниҳод гардид.

26 Август 2022

Амалиёти “Ҳавои тоза” дар шаҳри Конибодом

Подробности статьи: Автор; Категория Навидҳо

Бо мақсади дар сатхи баланд пешвоз гирифтани љашни 31-солагии Истиќлолияти давлатии Љумњурии Тољикистон, кам намудани ихроҷи моддаҳои зараровар ба ҳавои атмосфера бањри беҳбудии муҳити зист, дар асоси нақшаи корӣ кормандони шуъбаи мониторинги экологӣ, таҳлил ва ахбороту иттилооти Сарраёсат дар њамљоягї бо нозирони Бозрасии давлатии автомобилии шаҳри Конибодом дар кучаи марказии Исмоили Сомони амалиёти «Ҳавои тоза»-ро гузарониданд. Рафти амалиёт 34 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.