Все статьи
23 Июнь 2021
Баргузории амалиёти санҷиши аналитикии воситаҳои нақлиёт
- Подробности статьи
- Автор
- Категория Навидҳо
Тибқи нақшаи корӣ ва дар доираи нақшаи чорабиниҳо ба истиқболи 30-солагии Истиқлолияти давлатии Ҷумҳурии Тоҷикистон аз ҷониби нозирони мақомоти ҳифзи муҳити зисти вилояти Суғд амалиётҳои назоратию фаврии гуногун гузаронида мешавад. Бо мақсади кам намудани ихроҷи моддаҳои зараровар ба ҳавои атмосфера ва беҳбудии муҳити зист кормандони шуъбаи назорати давлатии истифода ва ҳифзи ҳавои атмосфераи раёсат дар ҳамкорӣ бо шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд, дар кўчаи Сирдарё баромади шаҳри Хуҷанд ва гардиши “Ором”-и ноҳияи Бобоҷон Ғафуров амалиёти «Ҳавои тоза»-ро гузарониданд. Дар рафти амалиёт 50 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 8 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намуданд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба Бозрасии давлатии автомобилии шаҳру ноҳия ирсол гардид.
18 Июнь 2021
Аксияи «Тозагии соҳил» дар шаҳри Панҷакент
- Подробности статьи
- Автор
- Категория Навидҳо
Баҳри амалӣ намудани нақшаи чорабиниҳо бахшида ба ҷашнҳои миллии дар пешистода ва тибқи нақшаи пешбинигардидаи мақомоти ҳифзи муҳити зист дар сойи Зевон селроҳаи маркази шаҳри Панҷакент аксияи «Тозагии соҳил» гузаронида шуд. Дар аксия донишҷӯёни Донишкадаи озоди Тоҷикистон, омӯзишгоҳи тиббӣ ва аҳолии ҷамоати шаҳраку деҳот зиёда аз 2700 нафар иштирок доштанд. Дар натиҷаи баргузории аксия 2,8 км роҳрав ва 1,8 км сой аз партовҳои гуногун тоза карда шуда, ба партовгоҳи шаҳр 28 тонна партов интиқол дода шуд. Аксияҳои экологӣ дар минтақаҳои гуногуни шаҳри Панҷакент идома дорад.
Ҷамъбасти давраи манъи сайди моҳӣ
- Подробности статьи
- Автор
- Категория Навидҳо
Бо мақсади муҳофизат ва нигоҳдории захираҳои моҳӣ, фароҳам овардани шароити мусоид ба рафти афзоиши табиӣ ва пешгирии қонунвайронкуниҳо дар давраи тухмигузории моҳӣ, аз санаи 1 апрел то 15 июни соли 2021 дар ҳавзаи дарёи Сир, обанборҳо, дарёҳо, сойҳо ва кӯлҳои ҳудуди вилояти Суғд ҳамагуна моҳидорӣ манъ гардида буд. Дар ин мӯҳлат ситод бо роҳбарии сардори раёсат таъсис ёфта, мувофиқи нақшаи чорабиниҳо аз тарафи гурӯҳҳои фаврӣ амалиётҳои назоратӣ роҳандозӣ гардида, бо мақсади пурзўр намудани назорати давлатии ҳифзи захираҳои моҳӣ ва ҷиҳати гузаронидани амалиётҳои шабонарӯзӣ мунтазам ҳамкориро бо дигар сохтору мақомот амалӣ намуд ва бо ин мақсад намояндагони Ҷамъияти шикорчиён ва моҳидорони вилоят, кормандони шуъбаи милитсияи экологӣ ва сайёҳии ВКД Ҷумҳурии Тоҷикистон дар вилояти Суғд ва дигар сохторҳо ба кори гурӯҳҳои фаврӣ ҷалб гардиданд. Дар муҳлати аз 1 апрел то 15 июни соли равон аз ҷониби аъзоёни гурӯҳҳои фаврӣ 350 маротиба амалиётҳои фаврию назоратии шабонарӯзӣ гузаронида шуда, дар натиҷа 322 адад санади азназаргузаронӣ тартиб ва 16 адад хулосаи ихтиологӣ дода шуд.
15 Июнь 2021
Аксияи «Тозагии маҳал ва соҳил» дар ноҳияи Шаҳристон
- Подробности статьи
- Автор
- Категория Навидҳо
Дар доираи нақшаи чорабиниҳо оид ба омодагӣ ва таҷлили ҷашнҳои дар пешистода, бо мақсади ҷалб намудани оммаи васеи аҳолӣ ба корҳои ободониву тозагии муҳити атроф дар мавзеи Хуррамдараи ноҳияи Шаҳристон аксияи «Тозагии маҳал ва соҳил» доир гардид. Дар он кормандони бахши ҳифзи муҳити зист, МД хоҷагии ҷангали ноҳия, бахши кор бо ҷавонон, аҳолии ҷамоатҳо қариб 100 нафар иштирок доштанд. Рафти аксия минтақаи истироҳатӣ, соҳили кӯл ва ҷӯйборҳо аз партовҳои ҳархела тоза карда шуд. Дар мавзеи истироҳатӣ 25 адад қуттиҳо барои партофтани партов гузошта шуда, 4 тонна партов бароварда шуд.
Бартараф намудани партовҳои бесоҳиб дар қадди роҳҳо
- Подробности статьи
- Автор
- Категория Навидҳо
Бо мақсади таъмини рафти иҷрои қарори Ҳукумати Ҷумҳурии Тоҷикистон аз 02.11.2012, №626 ва қарори Раиси вилояти Суғд аз 08.02.2013с. №31 «Дар бораи тартиби ошкор кардан ва баҳисоб гирифтани партовҳои бесоҳиб ва пешгирии ифлосшавии муҳити зист ва кам кардани ҳаҷми ҳосилшавии партовҳо» мақомоти ҳифзи муҳити зист мунтазам чораҳои заруриро андешида истодааст. Бо ин мақсад дар ҷамоати деҳоти Зарҳалол ва Пошкент (шаҳри Истаравшан) қадди шоҳроҳи Душанбе - Хуҷанд бо воситаи техника 2,5 м3 партовҳои бесоҳиб рӯйпӯш карда шуд. Чорабиниҳои пешгирии ифлосшавии муҳити зист, беҳбудӣ бахшидан ба ҳолати экологӣ дар доираи нақшаи чорабиниҳо бахшида ба 30-солагии Истиқлолияти давлатии Ҷумҳурии Тоҷикистон дар дигар минтақаҳои шаҳри Истаравшан идома дорад.
11 Июнь 2021
Амалиёти “Ҳавои тоза” дар шаҳри Панҷакент
- Подробности статьи
- Автор
- Категория Навидҳо
Мувофиқи нақшаи корӣ, бо мақсади кам намудани ихроҷи моддаҳои зараровар ба ҳавои атмосфера аз тарафи кормандони бахши ҳифзи муҳити зисти шаҳри Панҷакент бо ҳамкории кормандони БДА-и шаҳр дар кӯчаи Рӯдакӣ амалиёти «Ҳавои тоза» гузаронида шуд. Дар рафти амалиёт 25 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 2 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.
Амалиёти назоратӣ дар шаҳри Хуҷанд
- Подробности статьи
- Автор
- Категория Навидҳо
Ҳангоми гузаронидани амалиёти назоратӣ ,муайян гардид, ки ронандаи нақлиёти боркашонӣ, рақами давлатиаш 95-93 ВR – 02 АбдураҳмоновНасим, сокини ноҳияи Бобоҷон Ғафуров, ҷамоати Ёва, аз ҳудуди шаҳри Хуҷанд, маҳаллаи 8-ум бе ҳуҷҷатҳои дахлдор ва иҷозати мақомоти ҳифзи муҳити зист ба миқдори 1,5 м3 санги табиӣ барои истифода гирифтааст. Дар натиҷа ба табиат зарар расонида шуда, нисбати қонуншикан дар асоси моддаҳои 2,8 Қонуни Ҷумҳурии Тоҷикистон «Дар бораи сарватҳои зеризаминӣ» ва моддаи 238 Кодекси ҳуқуқвайронкунии маъмурии Ҷумҳурии Тоҷикистон маводҳои маъмурӣ тартиб дода шуд.
Таҷрибаи истеҳсолӣ дар шуъбаи назорати таҳлилии Раёсати ҳифзи муҳити зисти вилояти Суғд
- Подробности статьи
- Автор
- Категория Навидҳо
Дар шуъбаи назорати таҳлили Раёсати ҳифзи муҳити зисти вилоят омӯзгорон ва донишҷӯёни факултети биология ва химияи МДТ «Донишгоҳи давлатии Хуҷанд ба номи академик Б.Ғафуров» бо мақсади гузаронидани таҷрибаи истеҳсолӣ аз фаъолияти ташхисгоҳ шиносоӣ пайдо намуданд. Кормандони шуъба ба донишҷӯён дар самтҳои ченкунии ихроҷи моддаҳои зараровар ба ҳавои атмосфера аз манбаҳои доимӣ, ченкунии гамма - афканишот ва радионуклидҳои табиӣ, ташхиси физико - кимиёвии партовобҳо, обҳои рӯизаминӣ ва зеризаминӣ, ташхиси намунаҳои хоки хоҷагиҳои кишоварзӣ, гузаронидани мониторинги дарёи Сир ва ноҳияҳои наздисарҳадӣ маълумоти муфассал доданд. Ҳамчунин ба донишҷӯён бо мақсади мустаҳкам намудани маълумоту донишҳои гирифта, қоидаҳо ва роҳҳои гирифтани намуна, нигоҳдории онҳо, ташхиси намунахои об ва хок нишон дода шуд.
09 Июнь 2021
Ҷамъбасти озмуни «Сабз бодо кишварам» дар шаҳру ноҳияҳои вилояти Суғд
- Подробности статьи
- Автор
- Категория Навидҳо
Бахшида ба Рӯзи умумиҷаҳонии муҳити зист ва ба истиқболи 30- солагии Истиқлолияти давлатии Ҷумҳурии Тоҷикистон дар шаҳру ноҳияҳои вилояти Суғд озмуни «Сабз бодо кишварам» бо иштироки кормандони бахшҳои ҳифзи муҳити зист ва шуъбаи маориф ҷамъбаст гардид. Озмуни «Сабз бодо кишварам» дар асоси фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон гузаронида шуда, ба 30 солагии Истиқлолияти давлатии Ҷумҳурии Тоҷикистон ва ташвиқи моҳияти Даҳсолаи байналмилалии амал «Об барои рушди устувор» роҳандозӣ гардидааст. Дар озмун хонандагони муассисаҳои таълимии миёнаи умумии шаҳру ноҳияҳо аз рӯи 6 номинатсия: «Расми беҳтарин», «Шеъри беҳтарин», «Сурати беҳтарин», «Ҳикояи беҳтарин», «Видеоролики беҳтарин», «Кори меъмории беҳтарин» маводҳои худро пешниҳод намуданд. Барои гирифтани ҷойҳои намоён 120 нафар хонандагони муассисаҳои таълимии миёнаи умумии шаҳру ноҳияҳои Хуҷанд, Бӯстон, Истиқлол, Деваштич, Конибодом, Ҷ.Расулов, Спитамен, Масчоҳ ва Зафаробод бо ифтихорнома ва тӯҳфаҳо қадрдонӣ карда шуданд.
07 Июнь 2021
Таҷлили Рӯзи байналмиллалии муҳити зист дар вилояти Суғд
- Подробности статьи
- Автор
- Категория Навидҳо
Бахшида ба Рӯзи байналмилалии муҳити зист санаи 4 июн дар назди театри мазҳакаи мусиқавии ба номи Камоли Хуҷандӣ бо иштироки ҳунармандони шинохтаи эстрадаи тоҷик консерти идона баргузор гардид. Дар қисми расмӣ бо суханони табрикӣ Раиси вилояти Суғд Раҷаббой Аҳмадзода баромад намуда, як қатор кормандони соҳа барои хизмати содиқона ва нишондиҳандаҳои хуби меҳнатӣ дар татбиқи сиёсати экологӣ бо ифтихорномаҳову сипосномаҳо, барои ҳамкорӣ ва гузоштани саҳми арзанда дар беҳдошти муҳити зист намояндагони корхонаҳои калони саноатии вилоят қадрдонӣ карда шуданд. Барои дӯстдорони табиат хаймаҳои олами наботот, ҳайвонот ва гулҳои ороишӣ, хаймаи рассомони ҷавон, ки дар эҷодиёташон табиати кишварамон инъикос гардида буд, ба намоиш гузошта шуд. Барои гирифтани ҷойҳои намоён иштирокчиёни озмун бо диплом ва тӯҳфаҳои Раиси вилоят қадрдонӣ карда шуданд.