Все статьи

18 Март 2022

Ниҳолшинонӣ дар минтақаи истироҳатии шаҳри Гулистон

Подробности статьи: Автор; Категория Навидҳо

Новобаста аз давом ёфтани боришот, номусоид омадани обу ҳаво ҷиҳати гузаронидани аксияҳои экологӣ ва оммавӣ баргузор намудани маъракаи ободонию кабудизоркунӣ, рӯзҳои истироҳат дар шаҳри Гулистон 300 бех ниҳоли дарахти ҳамешасабзи ардач дар қадди роҳи минтақаи истироҳатии «Ташкентский» бо иштироки беш аз 60 нафар намояндагони сохторҳои мақомоти иҷроияи ҳокимияти давлатии шаҳр, мақомоти ҳифзи муҳити зист, хоҷагии манзилию коммуналӣ ва шаҳрвандон шинонида шуд. Дар натиҷа қариб 1,5 км ду тарафи қадди роҳ обод гардид. Мақомоти ҳифзи муҳити зист дар вилояти Суғд дар дигар шаҳру ноҳияҳо низ тибқи нақшаҳои пешбинигардида корҳои ободонӣ ва ниҳолшинониро амалӣ менамояд.

17 Март 2022

Семинар – вохӯрӣ бахшида ба Рӯзи байналмилалии об дар ноҳияи Айнӣ

Подробности статьи: Автор; Категория Навидҳо

Яке аз ҳадафҳои асосии мақомоти ҳифзи муҳити зист ва ҳам ин ид - баланд бардоштани маърифати аҳолӣ дар бораи муҳимияти манбаъҳои обӣ, зарурати истифодаи сарфакоронаи он, инчунин раҳнамун сохтани ҷомеа ва ҳар фарди дурандеш ҷиҳати андешидани чораҳои фаъолона барои ҳифз ва барқарор намудани захираҳои об мебошад. Бо ин мақсад ҳар сол Сарраёсати ҳифзи муҳити зист дар вилояти Суғд ва зерсохторҳои он дар шаҳру ноҳияҳо бахшида ба ин санаи муҳими экологӣ чорабиниҳои гуногун, аз ҷумла семинар, вохӯрӣ, аксияҳои экологӣ бо ҷалби хусусан ҷавонон ва хонандагони муассисаҳои таълимӣ баргузор менамоянд. Ташаббуси бахши ҳифзи муҳити зист дар ноҳияи Айнӣ буд, ки дар муассисаи таҳсилоти миёнаи умумии №1 маркази ноҳия бахшида ба 22 март - Рӯзи байналмилалии об семинар – вохўрӣ бо иштироки хонандагон ва омўзгорон баргузор гардид.

14 Март 2022

Маъракаи ниҳолшинонӣ дар ноҳияи Ҷаббор Расулов

Подробности статьи: Автор; Категория Навидҳо

Бо мақсади дар сатҳи баланд гузаронидани маъракаи ниҳол-шинонӣ, кабудизоркунӣ ва солим гардонидани муҳити зист, дар асоси нақшаи кории мақомоти ҳифзи муҳити зист, иҷрои нақша чорабиниҳои тасдиқ намудаи мақомоти иҷроияи ҳокимияти давлатии ноҳия дар қадди роҳи марказии ҷамоати деҳоти Меҳрободи ноҳияи Ҷаббор Расулов маъракаи кабудизоркунӣ доир гардид. Он бо иштироки кормандони бахш ва аҳолии ҷамоати деҳот гузаронида шуда, дар роҳи марказӣ 200 бех ниҳоли дарахтони сановбар шинонида шуд. Корҳои ободониву созандагӣ, шинонидани дарахтони ҳамешасабз, сояафкан ва ороишӣ дар дигар ҷамоатҳои ноҳия низ идома дорад.

Қадрдонӣ намудани бонувони КДФ ХМК -и шаҳри Панҷакент

Подробности статьи: Автор; Категория Навидҳо

Бахшида ба Рӯзи модар бо иқдоми кормандони бахши ҳифзи муҳити зисти шаҳри Панҷакент 80 нафар занони Корхонаи давлатии фаръии хоҷагии манзилии коммуналии шаҳр, ки шабонарӯз барои боз ҳам тозаву обод ва зебову дилрабо гаштани шаҳр заҳмат мекашанд, бо туҳфаҳо қадрдонӣ карда шуданд. Мудири бахш оид ба нақши бузурги бонувону занон дар ҷомеаи демократӣ ва заҳматҳои шабонарӯзӣ, саҳми арзандаи онҳоро дар беҳдошти муҳити зист қайд намуд.

07 Март 2022

Корҳои ободонӣ ва кабудизоркунӣ дар шаҳри Истиқлол

Подробности статьи: Автор; Категория Навидҳо

Дар рафти маъракаи кабудизоркунӣ ва ободонӣ гузаронидани аксияи «Тозагии маҳал» дар шаҳри Истиқлол бо ташабуси бахши ҳифзи муҳити зист анъанавӣ буда, чунин аксияи навбатӣ бо иштироки 340 нафар омўзгорону хонандагони муассисаҳои таълимӣ ва дигар сохтору сокинони шаҳр дар кўчаҳои асосӣ гузаронида шудааст. Бо мақсади тозаву обод намудани муҳити зист маҳалаҳои аҳолинишин, зиёда аз 2,5 км ҷўйбор, 3 км қадди роҳ ва ҳудуди муассисаҳои таълимӣ аз ҳама гуна партовҳо тоза гардида, 60 бех ниҳоли дарахти санавбар шинонида шуд. Ғайр аз он, яке аз иқдомҳои беҳтрин дар обод намудани диёри худ ин таъмири роҳ ба ҳисоб рафта, дар беш аз 2 км роҳ чунин корҳо анчом дода шудааст. Бояд қайд намоем, ки дар давоми сол дар муассисаҳои таълимӣ бахшида ба ҷашнҳои давлатии миллӣ чунин аксияҳои экологӣ мунтазам гузаронида мешаванд ва баҳри татбиқи нақшаи чорабиниҳо дар беҳбудии муҳити зист саҳми хонандагону ҷавонон назаррас мебошад. Дар ин раванд бурдани корҳои ташвиқотиву тарғиботӣ яке аз самтҳои асосии фаъолияти мақомоти ҳифзи маҳсуб меёбад.

Аксияи «Тозагии маҳал» дар ноҳияи Деваштич

Подробности статьи: Автор; Категория Навидҳо

Бахшида ба иди аҷдодии миллии дар пешистода, дар шаҳру ноҳияҳои вилояти Суғд баргузории аксияҳои экологӣ ва шанбегиҳои оммавӣ идома доранд. Тибқи нақшаи пешбинигардида дар ҳудуди ҷамоатҳои деҳоти Яхтани ноҳияи Деваштич бо иштироки беш аз 210 нафар сокинони ҷамоат аксияи «Тозагии маҳал» гузаронида шудааст. Дар рафти аксия корҳои ободонӣ, аз қабили тоза намудани 2,1 км ҷўйбор, сафед кардани 2840 бех пояи дарахтон, шинонидани 180 бех ниҳоли дарахти санавбар ва 420 бех ноҳолҳои дарахтони сояафкан амалӣ гардидааст. Ҳамчунин, қадди роҳҳо аз партовҳои гуногун тоза гардида, ба партовгоҳи ноҳия 1,2 тн партов интиқол дода шудааст.

Тозаву обод нигоҳ доштани муҳити зист дар шаҳри Истаравшан

Подробности статьи: Автор; Категория Навидҳо

Баҳри иҷрои дастуру супоришҳои мақомоти болоӣ ва тозаву обод нигоҳ доштани муҳити зист дар шаҳри Истаравшан, бо ташаббуси бахши ҳифзи муҳити зист аксияи «Тозагии маҳал» ташкил ва баргузор гардид. Дар чорабинии умумишаҳрӣ зиёда аз 400 нафар намояндагони корхона ва ташкилот, аз ҷумла кумитаи маҳаллаҳо, соҳибкорон ва аҳолии ҷамоати шаҳраку деҳот иштирок намуда, як қатор корҳои ободониро ба сомон расониданд. Ҷўйбори обгузари ду канори хиёбонҳои шаҳр ба масоҳати 12 км, ҳамзамон атрофи назди биноҳои маъмурӣ ва корхонаю ташкилот аз алафи хушки бегона тоза карда шудааст. Аксарият ҷамоати шаҳраку деҳот амалӣ гардидани чунин чорабиниро дастгирӣ намуда, мавзеъҳои қадди роҳи Душанбе – Хуҷанд – Чаноқ низ аз партовҳо ва алафи бегонаи хушк ва 5 км Катасой аз партовҳои ҳархелаи истеъмолӣ тоза гардид. Ҳамзамон, корҳои сафед намудани зиёда аз 200 пояҳои дарахтон ва шинонидани 250 бех ниҳоли дарахти санавбар ба иҷро расидааст. Дар доираи аксияи мазкур 18 тн партов ба партовгоҳи КДФ «Ҳоҷагии манзилӣ коммуналӣ»-и шаҳри Истаравшан бароварда шудааст.

Аксияи экологӣ дар ноҳияи Ашт

Подробности статьи: Автор; Категория Навидҳо

Ҷиҳати сазовор истиқбол гирифтани ид ва ҷашнҳои миллии дар пешистода, иҷрои нақшаи чорабиниҳо ва такон бахшидан ба корҳои ободониву хуррамгардонӣ дар ноҳияи Ашт аз ҷониби кормандони бахши ҳифзи муҳити зист якҷоя бо кормандони дигар муассисаю ташкилот ва аҳолӣ аксияи «Тозагии маҳал» баргузор гардид. Дар рафти аксияи мазкур 6,4 ҳазор нафар иштирок дошта, 29,2 км роҳи асосии протоколии ноҳия аз партовҳо тоза карда шуд. Ҳамзамон, зиёда аз 650 без пояҳои дарахтон сафед гардида, дар канори роҳи асосии Ашт - Хуҷанд 725 бех дарахтони ороишию сояафкан, аз ҷумла ҳамешасабз шинонида шудааст.

Табрикоти бонувони Сарраёсати ҳифзи муҳити зист дар вилояти Суғд бахшида ба 8 март – Рўзи Модар

Подробности статьи: Автор; Категория Навидҳо

Санаи 4 марти соли 2022 дар толори сарраёсат маҷлиси тантанавӣ бахшида ба 8 март – Рўзи Модар баргузор гардида, аз ҷониби роҳбарият бонувони мақомоти ҳифзи муҳити зист табрик карда шудаанд. Дар рафти маҷлис ва табрикот аз ҷониби сардори сарраёсат Ҳакимзода А.Қ. махсусан қайд гардид, ки ин санаи муқаддас бо ибтикори Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, пеш аз ҳама ба хотири эҳёи яке аз қадимтарин ҷашнвораҳои миллати мо ва гиромидошти занону модарон иртибот дорад, ба расмият даромада, рисолати ҷомеаро дар муносибат ба эҳтироми модарону хоҳарони арҷманд баланд бардошта, гувоҳи эътибору манзалати волои бонувон дар ҷомеаи соҳибистиқлоли Тоҷикистон гаштааст. Ҳамчунин, дар интиҳои маҷлиси тантанавӣ дар навбати худ садорони шуъба ва сармутахассиси сарраёсат ҳамкасбони бонувонро бо ин яке аз арзишмандтарин идҳои умумихалқӣ табрик намуданд.

01 Март 2022

Ярмаркаи фурўши ниҳол, кўчату тухмии гулу зироатҳо дар маркази виляти Суғд

Подробности статьи: Автор; Категория Навидҳо

Тибқи амри Раиси вилоят аз 21.02.2022, №32амр «Дар бораи гузаронидани ярмарка – фурўши ниҳол, кўчату тухмии гулу зироатҳо», санаҳои 26 ва 27 феврали соли ҷорӣ ярмарка - фурўши ниҳол ва кўчату тухмии гулу зироатҳо дар саҳни Театри мазҳакаи мусиқии ба номи Камоли Хуҷандии шаҳри Хуҷанд баргузор гардид. Аз ҷониби шахсони масъули Сарраёсати ҳифзи мҳити зист дар вилояти Суғд дар асоси нақшаи чорабиниҳо оид ба гузаронидани намоиш ва ярмаркаи мазкур корбарӣ амалӣ гардида, дар он аз тарафи сохторҳои шаҳру ноҳияҳои вилоят, ташкилоту идораҳои соҳаи кишоварзӣ ва аҳолӣ, ҳамагӣ 1,02 миллион бех ниҳолҳои гуногун ва гулу гулбуттаҳо ба боғпарварону сокинони вилоят пешниҳод карда шудааст. Дар чорабинӣ сарраёсат ва зерсохторҳои он аз шаҳру ноҳияҳо фаъолона иштирок намуда, ба аҳолӣ ниҳолҳои дарахтони ороишию ҳамешасабз ва сояафкан пешниҳод намуданд.