Тибқи нақша чорабиниҳои мақомоти ҳифзи муҳити зист, бо мақсади сазовор пешвоз гирифтани 32-солагии Истиқлоли давлатии Ҷумҳурии Тоҷикистон, беҳтар намудани вазъи экологӣ , ҷиҳати вусъат бахшидан ба корҳои созандагию ободкорӣ, ба таври доимӣ тозаю озода нигоҳ доштани маҳали зист дар миқёси вилоят дар давоми моҳи август аксияҳои “Тозагии маҳал, шоҳроҳ” ва “Тозагии соҳил” ташкил ва гузаронида шуд. Аксия бо иқдоми зерсохторҳои Сарраёсат дар шаҳру ноҳияҳо бо иштироки беш аз 46 ҳазор нафар сокинони маҳаллаҳо, кормандони корхонаву ташкилот ва муассисаҳо новобаста аз тобеъият ва шакли моликият доир гардид. Ҷараёни аксия қадди роҳҳо ва шоҳроҳҳо,  ҳудуди  маҳалҳои аҳолинишин, соҳили дарё ва манбаҳои обӣ аз алафҳои бегона  ва партовҳои гуногун тоза карда шуда, 421,6  метри мукааб партовҳо ба партовгоҳҳои расмӣ тавассути нақлиётҳои махсуси коммуналӣ интиқолу  ҷойгиронида шуданд. Рафти аксияҳо тариқи телевизионҳои маҳаллӣ ба навор гирифта шуд.

  Ҷиҳати омодагӣ ба таҷлили Истиқлолияти давлатӣ дар доираи нақшаи чорабиниҳо дар ноҳияи Спитамен  аксияи «Тозагии маҳал ва роҳ» гузаронида шуд. Зиёда аз 80 нафар намояндагони муассисаю ташкилот ва аҳолии ҷамоати шаҳраку деҳоти ноҳия дар аксия  иштирок намуда, дар натиҷа кўчаҳои маркази ноҳия ва 2 км ҷўйборҳои қадди роҳ аз партовҳои гуногун тоза гардид ва 4 м3 партовҳо ба партовгоҳ бароварда шуд.

  Бо иқдоми шуьбаи ҳифзи муҳити зист дар шаҳри Хуҷанд аксияи "Тозагии маҳал" дар назди варзишгоҳи ба номи "20 солагии Истиқлолият" бо иштироки кормандони Сарраёсати ободонии шаҳри Хуҷанд, КД "Истифодабарии манзил"-и  соҳили рости ш.Хуҷанд ва соҳибкорон зиёда 100 нафар гузаронида шуд. Ба истиқболи ҷашни 32-умин солгарди Истиқлоли давлатӣ баргузории аксия дар дигар минтақаҳои шаҳр низ доир гардида истодааст.

  Таъмин намудани иҷрои дастуру супоришҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон оид ба ҳифз ва афзун намудани захираҳои моҳӣ зери назорати доимии коршиносону мутахассисони Сарраёсати ҳифзи муҳити зист дар  вилояти Суғд қарор дорад. Сардори Сарраёсати ҳифзи муҳити зист дар вилояти Суғд  Ғуфронзода А.Ғ. аз рафти  марҳилаи наслгирии сунъии моҳиҳо дар сехи инкубатсионии ҶДММ "Корпоратсияи моҳии тоҷик" дидан намуд. Айни ҳол тухми моҳиҳо, кирминаи нав аз тухм баромадаи зағорамоҳӣ, мури сафед ва пешонапахми сафед дар марҳилаи афзоиш қарор доранд. Марҳилаи босифати наслгирии моҳиҳо ба барориши бештари кирминамоҳичаҳо мусоидат менамояд. Омилҳои абиотикӣ, ба монанди ҳарорати обу ҳаво ба рафти корҳои наслгирӣ таъсири худро расонида истода бошад ҳам, моҳипарварон тасмим гирифтаанд, ки нақшаи истеҳсоли наслгирии моҳиҳоро бо натиҷаҳои назаррас анҷом диҳанд. Рафти шиносоӣ ба моҳипарварони хоҷагӣ аз тарафи сардори Сарраёсат Ғуфронзода А.Ғ. баҳри баланд бардоштани рафти наслгирии моҳиҳо дар сехи инкубатсионӣ ва  босифат гузаронидани технологияи парвариши моҳиҳо маслиҳатҳои муфид дода шуд.