Аз ҷониби бахши ҳифзи муҳити зисти ноҳияи Зафаробод дар ҳудуди ҷамоати шаҳраки Зафаробод шоҳроҳи Зафаробод - Хуҷанд деҳаи Зафаровезаи экологӣ бо навиштаҷоти «Ҳифзи табиат вазифаи ҳар як шаҳрванд аст» насб гардид. Ин иқдом бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид.
Санаи 8 июли соли равон дар Маркази бозомӯзии Раёсат дар шаҳри Гулистон ҷаласаи мақомоти ҳифзи муҳити зист оид ба ҷамъбасти фаъолият дар нимсолаи якуми соли 2021 ва вазифаҳои минбаъда баргузор гардид. Рафти ҷаласа ҳисоботи муовини сардори Раёсат оид ба ҷамъбасти фаъолият дар нимсолаи якуми соли 2021 шунида шуд. Сардори Раёсати ҳифзи муҳити зисти вилояти Суғд Ҳакимзода А.Қ. аз роҳбарони зерсохторҳо дар шаҳру ноҳияҳо ва сардорони шуъбаҳои назоратии Раёсат пурсиш ба амал оварда, барои ислоҳи камбудиҳои ҷойдошта ва пешрафти фаъолияти минбаъда дастуру супоришҳо дод. Ҳамчунин зимни баромади худ оид ба тозаву обод нигоҳ доштани муҳити зист, вусъат бахшидан ба корҳои ободониву созандагӣ бахшида ба 30 солагии Истиқлолияти давлатии Ҷумҳурии Тоҷикистон таъкид карда шуд.
Аз ҷониби шуъбаи ҳифзи муҳити зисти шаҳри Хуҷанд дар кӯчаи Сирдарё овезаи экологӣ бо суханони Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон насб гардид. Ин иқдом бо мақсади сазовор ҷашн гирифтани 30-солагии Истиқлолияти давлатии Ҷумҳурии Тоҷикистон ва иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон роҳандозӣ гардид. Ҳадаф аз насб намудани овезаҳои тарғиботӣ баланд бардоштани маърифатнокии аҳолӣ доир ба муҳити зист, нигоҳдорӣ ва самаранок истифодабарии захираҳои табиӣ маҳсуб меёбад.
Дар Маркази таълимии Бонки Миллии Тоҷикистон дар шаҳри Гулистон Форуми IV Ҳавзавии занон дар чорчӯбаи Муколамаи ҳавзаи Сирдарё баргузор гардид. Форум аз ҷониби Ташкилоти Ҷамъиятии «Ассотсиасияи зан ва ҷомеа» ташкил карда шуда, дар он занон аз ташкилотҳои ҷамъиятӣ ва дигар сохторҳои давлативу назоратӣ иштирок доштанд. Тибқи барнома дар Форум мавзуъҳои «Лоиҳаҳои бо об вобастаи Донишгоҳи кӯҳӣ - металлургии Тоҷикистон», тамошои видеоролик дар бораи нақши занон дар қисми тоҷикии дарёи Сир, муаррифӣ - натиҷаҳои фаъолияти қитъаҳои намоишӣ, мубодилаи таҷрибаҳои муваффақи деҳқонзанон пешниҳоди иштирокчиён гардид. Аз ҷониби менедҷери лоиҳаи миллии Идоракунии захираҳои об ба аъзоёни доимии Форуми ҳавзавии занон шаҳодатнома супорида шуд. Вазифаи Форуми Ҳавзавии занон дар чорчӯбаи Муколамаи Хавзаи Сирдарё ин ҷалби занон ва фаъол гардонидани иштироки онҳо дар қабул ва таҳияи масъалаҳои мубрами соҳа, идоракунии захираҳои обӣ равона шудааст.
