Дар асоси фармоишҳои Кумитаи ҳифзи муҳити зисти назди Ҳукумати Ҷумҳурии Тоҷикистон ва Раёсати ҳифзи муҳити зисти вилояти Суғд, бо мақсади тоза намудани манбаъҳои обӣ аз партовҳо, инчунин амалигардонии нақшаи чорабиниҳо бахшида ба Даҳсолаи байналмилалии амал «Об барои рушди устувор, солҳои 2018-2028»санаи 30 январи соли равон дар соҳили дарёи Исфара аксияи «Тозагии соҳил» гузаронида шуд. Дар аксия ҷавонон ва волонтерони бахши кор бо ҷавонон ва варзиши шаҳр фаъолона иштирок намуда, ду тарафи соҳили дарё аз партовҳои маишӣ ва алафҳои бегона тоза карда шуд. Мавриди зикр аст, ки бахши ҳифзи муҳити зисти шаҳр якҷоя бо шуъбаи кор ба ҷавонон чунин аксияҳои экологиро мунтазам доир менамояд, ки ин барои баланд бардоштани маърифати экологии чавонон мусоидат менамояд.

  Бо мақсади дар сатҳи баланд гузаронидани корҳои ниҳолшинонӣ, кабудизоркунӣ ва солимгардонии муҳити зист, амалигардонии нақшаи чорабиниҳо бахшида ба 30-солагии Истиқлолияти давлатии Ҷумҳурии Тоҷикистон ва «Соли рушди деҳот, сайёҳӣ ва ҳунарҳои мардумӣ» дар ноҳияи Айнӣ маъракаи ниҳолшинонӣ гузаронида шуд. Бо ин мақсад дирӯз дар роҳи асосии Душанбе – Айни бо иштироки муташакилонаи аҳолии ноҳия зиёда аз 500 бех ниҳоли арча шинонида шуд. Маъракаи ниҳолшинонӣ дар дигар маҳалҳои ноҳия идома меёбад.

Санаи 31 январи соли ҷорӣ дар доираи таҳлили ҷашни «Иди миллии Сада» дар Муассисаи давлатии «Боғи фарҳангию фароғатии ба номи А.Фирдавсӣ»-и шаҳри Душанбе намоиши ниҳолҳою тухмии зироатҳои кишоварзӣ баргузор гардид. Тибқи ҷадвали тақсимоти пешниҳоди маҳсулоти кишоварзӣ ва ҳунарҳои мардумии шаҳру ноҳияҳои вилояти Суғд дар чорабинии ҷумҳуриявӣ дар баробари дигар сохтору ташкилот кормандони Раёсати ҳифзи муҳити зисти вилояти Суғд, аз он ҷумла мудири бахши ҳифзи муҳити зисти ноҳияи Спитамен  фаъолона иштирок намуданд. Дар баробари маҳсулоти хоҷагиҳои кишоварзӣ, хушкмева, тухмии зироатҳои кишоварзӣ, захрдоруҳо ва дастгоҳҳои махсус, ниҳолҳои мевадиҳандаю ороишӣ ва сояафкан пешниҳод гардид. Тибқи ҷадвали тақсимот барои раёсат ҷойи алоҳида пешбинӣ гардида, дар маҷмуъ 300 бех ниҳолҳои дарахтони ороишию сояафкан, 700 бех ниҳолҳои дарахтони мевадиҳанда ва инчунин гулу гулбуттаҳо дар чорабинӣ пешниҳод карда шуд.

  Бо мақсади сазовор пешвоз гирифтани Иди миллии Сада, гузаронидани корҳои ободонӣ ва хуррамгардонӣ ба истиқболи 30-солагии Истиқлолияти давлатии Ҷумҳурии Тоҷикистон, дар шаҳри Гулистон оғоз аз ҶСК «Қолинҳои Қайроққум» то НОБ «Қайроққум» аксияи «Тозагии маҳал» баргузор гардид. Бино ба маълумоти бахши ҳифзи муҳити зисти ш.Гулистон дар аксия кормандони ташкилоту муассисаҳо 700 нафар иштирок дошта, 2 км ҷуйборҳо, худудҳои маҳалҳои аҳолинишин 840 м2, роҳҳои протоколӣ 3 км аз партовҳои гуногун тоза карда шуда, 4 м3 партов бароварда шуд. Ҳашарҳои ободонӣ баҳри тозаву озода намудани муҳити атроф дар дигар минтақаҳои шаҳри Гулистон идома меёбад.