Бо мақсади амалӣ гардонидани нақшаи чорабиниҳо оид ба корҳои ободониву бунёдкорӣ ба муносибати 30 солагии  Истиқлолияти давлатии Ҷумҳурии Тоҷикистон  ва  дар  сатҳи  баланд  пешвоз гирифтани Рӯзи Ваҳдати миллӣ дар ноҳияи Куҳистони Масчоҳ корҳои ободониву тозагии муҳити зист бомаром идома дорад. Дар маркази ноҳия бо ҷалби васеи аҳолӣ аксияи «Тозагии маҳал» гузаронида шуда, майдону ҷуйборҳо  аз алафҳои бегона тоза карда шуда, гулҳои ороишӣ  шинонида шуд. Ҳамчунин дар деҳаи Ғузни ноҳия бо иштироки сокинони деҳа  ҳашар гузаронида шуда, барои таъмини аҳолӣ бо оби хушсифати нӯшокӣ ва полезӣ таъмири ҷории ҷуйбор ба дарозии 350 м  гузаронида шуд.

Биёбоншавӣ – яке аз муаммоҳои замони муосир мебошад, ки дар зиёда аз 100 кишвари олам ба мушоҳида мерасад, яъне панҷяк ҳиссаи аҳолии рӯи замин бо ин муаммо рӯ ба рӯ аст. Бо назардошти ин мушкилот Маҷмаи умумии СММ соли 1994 дар бораи эълони Рӯзи умумиҷаҳонии мубориза бо биёбоншавӣ ва хушксолӣ дар санаи 17 июн қарор қабул намуд. Дар худи ҳамин сол Конвенсияи СММ оид ба биёбоншавӣ қабул гардид. Аз кишварҳои аъзо даъват ба амал оварда шуд, ки дар ин рӯз (17 июн) оид ба баланд бардоштани иттилооти аҳолӣ дар мавриди зарурати ҳамкории байналмилалӣ дар мубориза бо биёбоншавӣ ва оқибатҳои хушксолӣ ва татбиқи Конвенсияи СММ доир ба мубориза бо биёбоншавӣ тадбирҳои зарурӣ андешанд. Ғайр аз он, худи биёбонро ҳамчун экосистемаҳои муҳим ва ҳамчун макони тамаддуни қадимӣ муҳофизат кардан зарур аст.

     Дар боғи фарҳангии навбунёди ноҳияи Мастчоҳ дар доираи баргузории чорабиниҳои омодагӣ ба ҷашни Рўзи Ваҳдати миллӣ корҳои ободонию кабудизоркунӣ амалӣ гардид. Бо иштироки кормандони мақомоти иҷроияи ҳокимияти давлатии ноҳия, хонаи фарҳанг, ташкилоту муассиса ва истиқоматкунандагони шаҳраки Бўстони ноҳияи Мастчоҳ, дар маҷмўъ беш аз 200 нафар, 100 бех ниҳоли дарахти ҳамешасабзи кипарис ва 100 без гулбуттаи ороишӣ (юка), ки аз ҷониби бахши ҳифзи муҳити зисти ноҳия дастрас гардидааст шинонида шуд. Сабз ва зебогардонии боғи мзкур мархила ба мархила то рўзи ҷашн идома ёфта, дар оянда симои маркази ноҳияро дигаргун хоҳад намуд.

 Баҳри тақвият бахшидани амалҳои созандагию бунёдкорӣ ҷиҳати омодасозии ҳудуди шаҳру деҳот барои дар сатҳи шоиста истиқболу таҷлил намудани ҷашнҳои миллии давлатӣ дармиқёси шаҳри Исфара аксияҳои «Тозагии маҳал» ва «Тозагии соҳил» баргузор гардид. Дар корҳои ободонӣ ва тоза намудани минтақаҳои маҳалли зист, ҳамагӣ 4,5 ҳазор нафар аҳли кормандони мақомоти иҷроияи ҳокимияти давлатии шаҳр, КИ ҲХДТ дар шаҳри Исфара, Раёсати маориф ва тандуристӣ, хоҷагии манзилию коммуналӣ, ташкилоту идораҳо, муассисаҳо ва аҳолии ҷамоти шаҳраку деҳот иштирок карда, зиёда аз 13,1 км ҷўйбор ва 2,4 км соҳили дарёву сой аз партовҳо тоза гардид. Ҳамчунин, атрофи корхонаҳо ва қадди роҳо, аз ҷумла роҳравҳои пиёдагард аз алафҳои бегона ва хушк тоза карда шуд.