October 2016
26 October 2016
Мониторинги экологӣ
- Подробности статьи
- Автор
- Категория News
Мутахассисони шӯъбаи назорати таҳлилии Раёсат ҳар моҳ мониторинги экологии минтақаҳои наздисарҳадиро гузаронида, ҳолати ҳавои атмосфера дар нуқтаҳои мухталифи ҳудуди санитарӣ-муҳофизатии корхонаҳои саноатӣ то хати сарҳади Чумҳурии Тоҷикистону Ӯзбекистон амалӣ менамоянд. Ҳамзамон ҳолати ҳавои атмосфера ва дараҷаи радиатсия дар ҳудуди ноҳияҳо санҷида шуда, оид ба тағирёбии тамоюли таъсири партовҳо ба ҳавои атмосфера ва манбаҳои обии минтақаҳо муайян карда мешавад.
Мониторинги ҳавзаи дарёи Сир аз рӯи 24 ҷузъиёт бо гирифтани 12 намунаҳои об аз ҳудуди шаҳру ноҳияҳои Ашт, Хуҷанд, Спитамен ва Гулистон гузаронида шуда, нишондоди фулузоти вазнин дар оби дарё муқаррар карда мешавад.
21 October 2016
Озмуни вилоятии «Тирамоҳи заррин»
- Подробности статьи
- Автор
- Категория News
Санаи 19 октябри соли равон дар муассисаи давлатии Маркази солимгардонии кӯдакон, наврасон ва ҷавонон ба номи «20 солагии Истиқлолияти Чумҳурии Тоҷикистон» дар н.Ч.Расулов дар асоси «Барномаи давлатии экологии Чумҳурии Тоҷикистон барои солҳои 2009-2019» озмуни вилоятии «Тирамоҳи заррин» баргузор гардид.
Дар озмун маҳфилҳо, табиатдӯстони ҷавон ва хонандагоне, ки дар мактабу муассисаҳои таҳсилоти иловагӣ сабақ омӯхта, ғолиби даври ноҳиявии озмуни «Тирамоҳи заррин» дониста шудаанд, иштирок намуданд.
Онҳо дар 3 шарти озмун, ки аз ташкили намоишгоҳ аз маводҳои табиӣ, намунаҳо аз гербарияҳо, лавҳаҳо бахшида ба фаъолияти нозирони сабз, саволу ҷавоб (викторина) аз фанҳои экология ва биология ва ҳимояи рисолаву рефератҳо, намоиши намудҳои гулҳои ороишӣ, тубакӣ, зимистона ва ороиш додани сабад дар мавзӯи муҳити зист иштирок намуданд.
Буриши ғайриқонунии дарахт дар ш.Панҷакент
- Подробности статьи
- Автор
- Категория News
Чиноре, ки дар ҳудуди ҷамоати деҳоти Ёрии шаҳри Панҷакент беш аз як аср инҷониб сояафканӣ намуда, муҳити зистро покиза нигоҳ медошт, аз тарафи сокинони деҳа ғайриқонунӣ бурида шудааст. Сокини ҷамоати деҳаи Ёрӣ Пӯлот Пулотов бо супориши раиси маҳаллаи Таги Равоти деҳа бе иҷозати бахши ҳифзи муҳити зисти шаҳр чиноре, ки зиёда аз 16 метр баландӣ ва дар ҳолати нашъунамо қарор дошт, ғайриқонунӣ бурида, талаботи қонунгузории амалкунандаи соҳаи ҳифзи муҳити зистро вайрон намуд. Зарари расонидашуда 1360 сомониро ташкил дода, нисбати қонуншикан маводҳои ҳуқуқвайронкунии маъмурӣ тартиб дода шуд.
17 October 2016
Маҷлиси машваратии назди Сардори Раёсат
- Подробности статьи
- Автор
- Категория News
Санаи 14 октябри соли равон дар Маркази бозомӯзии Раёсат дар ш.Гулистон ҷаласаи машваратии назди сардори Раёсати ҳифзи муҳити зисти вилояти Суғд бо иштироки сардори шӯъбаи пешгирии ҳуқуқвайронкуниҳои характери коррупсионӣ доштаи Раёсати Агентии назорати давлатии молиявӣ ва мубориза бо коррупсияи Чумҳурии Тоҷикистон дар вилояти Суғд Наим Саломзода, намояндагони Кумитаи ҳифзи муҳити зисти назди Ҳукумати Ҷумҳурии Тоҷикистон Хайруллоев Раҳматулло ва Амрихудоев Амрихудо, кормандони мақомоти ҳифзи муҳити зисти вилоят баргузор гардид. Дар ҷаласаи машваратӣ масъалаҳои «Стратегияи муқовимат бо коррупсияи Ҷумҳурии Тоҷикистон барои солҳои 2013 - 2020» ва пешниҳоди Прокуратураи вилояти Суғд аз 30.09.2016, №8/247-16(3) дар бораи бартараф кардани қонунвайронкуниҳо ҳангоми иҷрои қонунгузории ҷорӣ дар самти ҳифзи муҳити зист мавриди баррасӣ қарор дода шуд.
11 October 2016
Иҷроиши ислоҳоти бахши оби Тоҷикистон дар ҳавзаи Сирдарё
- Подробности статьи
- Автор
- Категория News
Санаи 7 октябри соли равон дар толори маҷлисгоҳи маркази таълимии Бонки Миллии Ҷумҳурии Тоҷикистон дар шаҳри Гулистон Гуруҳи кории Иҷроиши ислоҳоти бахши оби Тоҷикистон дар ҳавзаи Сирдарё чорабинӣ доир намуд.
Дар он масъалаҳои ислоҳоти бахши об дар Тоҷикистон, ҳамоҳангсозии фаъолияти Гурӯҳи корӣ оид ба татбиқи амалии Барномаи ислоҳот, банақшагирии ҳавзавӣ дар қисми тоҷикистонии Сирдарё, ҳамзамон давраву таҳлили ҳавза, лоиҳаҳои шарикии Бонки Умумиҷаҳонӣ дар Тоҷикистон, танзими ҳавзаи дарёи Зарафшон аз тарафи Иттиҳоди Аврупо мавриди баррасӣ қарор дода шуд.
Ташаббуси хонандагони мактаби Гёте
- Подробности статьи
- Автор
- Категория News
Хонандагони синфи 10 «Б»-и гимназияи ба номи Гётеи шаҳри Хуҷанд тасмим гирифтанд, ки дар ҳифзи муҳити зист саҳм гиранд. Дар ибтидо онҳо партовҳоро ба гуруҳҳо ҷудо намуданро омӯхта, дигаронро низ ба ин кор талқин намуданд. Агар партовҳоро насӯзанд, обу ҳаво ва хок ифлос намешавад. Дар мактаб ба ҳар як синф зарфҳои ранга гузоштанд: зардаш - барои маводҳои пластикӣ, кабудаш –барои коғазпора ва хокистарранг - барои компост. Байни хонандагон корҳои фаҳмондадиҳӣ гузаронида шуда, дар муддати кӯтоҳ ба онҳо муяссар шуд, ки 30 кг коғазпораро ҷамъоварӣ намуда барои коркард супоранд ва ҳоло аз паи ҷамъоварии фулузот ва пластика мебошанд.
Маъракаи хатнасур дар ш.Панҷакент
- Подробности статьи
- Автор
- Категория News
Дастгирии ниёзмандон ва оилаҳои камбизоат таҳти ҳидоятҳои Асосгузори сулҳу ваҳдат, Пешвои миллат, Президенти мамлакат мӯҳтарам Эмомалӣ Раҳмон дар маҳалҳои кишвар ба ҳукми анъана даромадааст.
Баҳри иҷрои дастуру супоришҳои сарвари давлат баъд аз ифтитоҳи бинои нави бахш ва ҷаласаи ҷамъбастии Раёсат бо ибтикори Раиси Кумитаи ҳифзи муҳити зисти назди Ҳукумати Ҷумҳурии Тоҷикистон 4 нафар фарзандони оилаҳои эҳтиёҷманд дар тарабхонаи “Сино”-и шаҳри Панҷакент хатнасур карда шуданд.
07 October 2016
Иштироки Раиси Кумита дар ифтитоҳи бинои нав дар шаҳри Панҷакент
- Подробности статьи
- Автор
- Категория News
Баъд аз қисми расмии ифтитоҳи бинои нави маъмурии бахши ҳифзи муҳити зисти шаҳри Панҷакент Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Хайрулло Ибодзода, раиси шаҳри Панҷакент Ислом Зиёзода, сардори Раёсати ҳифзи муҳити зисти вилоят Темурҷон Нӯмонзода дар назди бино бо мақсади сарсабзии ҳамешагии ин мавзеъ ниҳолҳои дарахтони ҳамешасабз шинониданд.
Қадрдонӣ бо мукофотҳои соҳавӣ
- Подробности статьи
- Автор
- Категория News
Дар қисми ифтитоҳи бинои нави бахши ш.Панҷакент аз ҷониби Раиси Кумитаи ҳифзи муҳити зисти назди Ҳукумати Ҷумҳурии Тоҷикистон ба собиқ мудири бахш Иноятов У., ки ба нафақа баромад нишони сарисинагии “Корманди фахрии ҳифзи муҳити зист” супорида шуд.
Бахшида ба ҷашни 25-солагии Истиқлолияти Ҷумҳурии Тоҷикистон мукофотҳои соҳавӣ - нишони сарисинагии «Корманди фахрии ҳифзи муҳити зист» ба мудирони бахшҳои ноҳияҳои Мастчоҳ Шохоҷаев Ҳасанхоҷа ва Айнӣ Халилов Шараф, мутахассиси пешбари бахши н.Ч.Расулов Ҳасанов Улуғбек супорида шуд. Ғайр аз он, сардори Раёсат Темурҷон Нӯмонзода, сардорони шӯъбаҳои Раёсат Раупов Даврон ва Самадов Алишер бо ифтихорномаи Раиси Кумита сарфароз гардонида шуданд.
Ҷаласаи Раёсат оид ба ҷамъбасти фаъолияти 9 моҳа
- Подробности статьи
- Автор
- Категория News
Дар маҷлисгоҳи бахши ш.Панҷакент бо иштироки Раиси Кумита Хайрулло Ибодзода ҷаласаи Раёсат оид ба ҷамъбасти натиҷаҳои фаъолият дар нӯҳ моҳи соли равон ва вазифаҳои минбаъда баргузор гардид. Дар давоми ҷаласа баъд аз ҳисоботи сардори Раёсат ва баромадҳои сардорони шӯъбаҳою мудирони бахшҳои шаҳру ноҳияҳо аз тарафи Раиси Кумита пурсиш ба амал оварда шуда, барои боз ҳам беҳтар намудани фаъолият дастуру супоришҳо дода шуд. Дар ҷаласа фаъолияти хуби бахшҳои шаҳру ноҳияҳои Ашт, Панҷакент, Айнӣ, Конибодом ва Спитамен қайд гардид.