Апрель 2024

27 Апрель 2024

Омӯзиш ва таҳлили татбиқи Барномаи давлатӣ дар ноҳияи Зафаробод

Подробности статьи: Автор; Категория Новости

Тибқи нақшаи кории Сарраёсати ҳифзи муҳити зист дар вилояти Суғд барои нимсолаи якуми соли 2024 ва нақшаи кории Комиссияи байниидоравии давлатӣ оид ба маърифати экологии аҳолӣ дар вилоят барои соли 2024 рафти иҷрои қарори Раиси вилоят аз 22.11.2021, № 442 «Дар бораи Комиссияи байниидоравии давлатӣ оид ба маърифати экологии аҳолӣ», аз он ҷумла фаъолияти Комиссияи минтақавии мақомоти иҷроияи ҳокимияти давлатии ноҳияи Зафаробод мавриди санҷиш қарор дода шуд. Ҳамзамон, доир ба рафти иҷрои қарори Раиси вилоят аз 26.05.2021, № 274 «Дар бораи татбиқи Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» омӯзиш ва таҳлили маводи сохторҳои мақомоти иҷроияи ҳокимияти давлатии ноҳия, ки ба иҷрои бандҳои нақшаи чорабиниҳо вобаста мебошанд амалӣ гашта, инчунин бо ҳар як роҳбару шахси масъул сӯҳбат ва барои вусъат бахшидани беҳбудӣ ба корбарии минбаъда дар самти мазкур тавсияҳо пешниҳод гардид.

26 Апрель 2024

Вохӯрӣ доир ба баланд бардоштани маърифати экологии ҷавонон

Подробности статьи: Автор; Категория Новости

Тибқи нақшаи пешбинигардида ва дар доираи талаботи бандҳои нақшаи чорабиниҳои татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025», дар синфи экологияи МДТ «Коллеҷи политехникии ноҳияи Зафаробод» бо хонандагон ва омӯзгорони фанни экология ва биология вохӯрӣ доир гардид. Дар рафти мулоқот намояндаи сарраёсат баромад намуда, оид ба нуқтаҳои Паёми навбатии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ вобаста ба соҳаи ҳифзи муҳити зист,дар бораи мақсади Барномаи давлатӣ, мавқеи тарбия ва маърифати экологии аҳолӣ, масъалаҳои зарурияти тарбия ва баланд бардоштани маърифати экологии ҷавонон, муаммоҳои экологии ҷаҳонии замони муосир, чораҷӯиҳо барои вайрон кардани талаботи қонунҳои амалкунандаи Ҷумҳурии Тоҷикистон дар соҳаи ҳифзи муҳити зист, нашри дуюми Китоби Сурхи Ҷумҳурии Тоҷикистон ва дигар масъалаҳои вобаста ба мавзӯъ изҳориақида намуд.

Мизи мудаввар бахшида ба ташаббуси панҷуми Ҷумҳурии Тоҷикистон

Подробности статьи: Автор; Категория Новости

Дар толори факултети тиҷорат, фаъолияти гумрукӣ ва ҳуқуқи «Донишкадаи иқтисод ва савдои Донишгоҳи давлатии тиҷорати Тоҷикистон» дар шаҳри Хуҷанд бахшида ба ташаббуси панҷуми Тоҷикистон ҷиҳати эълон гардидани соли 2025 - «Соли байналмилалии ҳифзи пиряхҳо» ва санаи 21-уми март - «Рӯзи ҷаҳонии пиряхҳо» мизи мудаввар баргузор гардид. Дар кори мизи мудаввар намояндагони Сарраёсати ҳифзи муҳити зист дар вилояти Суғд, Кумитаи иҷроияи Ҳизби халқии демократии Тоҷикистон дар вилоят ва шаҳри Хуҷанд, Маркази обуҳавосанҷии вилоят, мақомоти иҷроияи ҳокимияти давлатии шаҳри Хуҷанд, шуъбаи маориф, олимон ва устодони факултети геоэкологияи МДТ «Донишгоҳи давлатии Хуҷанд ба номи академик Б. Ғафуров» ва факултети «Донишкадаи иқтисод ва савдои Донишгохи давлатии тиҷорати Тоҷикистон» дар шаҳри Хуҷанд, васоити ахбори омма иштирок ва баромад намуданд.

Баргузории аксияи «Тозагии маҳал» бо иштироки хонандагон

Подробности статьи: Автор; Категория Новости

Бо мақсади баланд бардоштани маърифати экологии хонандагон, ташаккули мавќеи фаъол ва ҷалби онҳо ба ҳалли муаммоҳои экологӣ, татбиқи нақшаи чорабиниҳои Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025 ва бахшида ба Рӯзи умумиҷаҳонии замин бо иқдоми Сарраёсати ҳифзи муҳити зист дар вилоят ва ҳамкории шуъбаи маорифи ш.Хуҷанд аксияи «Тозагии маҳал» дар маҳаллаи Темурмалики шаҳри Хуҷанд ташкил ва гузаронида шуд. Дар чорабиниҳои экологӣ хонандагони муассисаҳои таълимии миёнаи умумии №№ 9, 23 ва Муассисаи таълимии давлатии мактаб барои хонандагони болаёқат ҳамагӣ 200 нафар иштирок доштанд. Сарраёсат иштирокчиёни аксияро бо футболка ва сарпуш, халта барои ҷамъоварии партовҳо ва дастпӯшак таъмин намуд. Иштирокчиёни аксия роҳҳои протоколӣ ва заминҳои ҳамшафати онҳоро аз партовҳои маишиву пластикӣ тоза ва ҳамагӣ 90 халта партов ҷамъоварӣ намуданд.

19 Апрель 2024

Руйпӯш намудани партовгоҳ дар ноҳияи Деваштич

Подробности статьи: Автор; Категория Новости

Баҳри амалӣ гардонидани нақша чорабиниҳо бахшида ба 35-солагии Истиқлоли давлатии Ҷумҳурии Тоҷикистон, бо мақсади беҳбудӣ бахшидан ба ҳолати экологӣ ва санитарӣ аз ҷониби бахши ҳифзи муҳити зист дар ноҳияи Деваштич партовгоҳ руйпӯш карда шуд. Партовгоҳ дар ҷамоати деҳоти Ғазантараки деҳаи Қалъачаи азим ҷойгир буда, масоҳати умумиаш 1,5 гектарро ташкил медиҳад.

Насби лавҳаҳои экологӣ дар шаҳри Исфара

Подробности статьи: Автор; Категория Новости

Баҳри иҷрои барқияи Кумитаи ҳифзи муҳити зисти назди Ҳукумати Ҷумҳурии Тоҷикистон дар кӯчаи марказии шаҳри Исфара ва шоҳроҳ баннерҳои экологӣ насб карда шуд, ки мавзӯи асосӣ – ин тозаву озода нигоҳ доштани муҳити атроф аз партов мебошад. Солҳои охир насби чунин овезаҳои экологиву иттилоотӣ ба ҳукми анъана даромада, боиси баланд бардоштани маърифати экологии аҳолӣ мегардад.

Насби баннерҳои экологӣ дар шаҳри Панҷакент

Подробности статьи: Автор; Категория Новости

Бо мақсади ташвиқу тарғиби муҳити тозаву обод, баланд бардоштани маърифати экологии аҳолӣ аз ҷониби шуъбаи ҳифзи муҳити зист дар шаҳри Панҷакент дар кӯчаҳои марказии шаҳр 3 адад баннерҳои экологӣ насб карда шуд. Ин иқдом аз татбиқи амалии дастуру супоришҳои Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон баҳри тозаву обод нигоҳ доштани муҳити атроф аз партов, сарсабзу хуррамгардонӣ сарчашма мегирад.

Ҳашари дастаҷамъонаи ниҳолшинонӣ дар шаҳри Истаравшан

Подробности статьи: Автор; Категория Новости

Ҷиҳати сабзухуррамгардониимуҳитизист, иҷрои нақшаи чорабиниҳо бахшида ба 35 солагии Истиқлоли давлатии Ҷумҳурии Тоҷикистон, дар доираи маъракаи ободонию кабудизоркунӣ дар Қалъаи Муғи шаҳри Истаравшан 850 адад ниҳолҳои ҳамешасабз ва ороишӣ шинонида шуд. Чорабинӣ бо иштироки фаъолонаи аҳолии ҷамоату деҳотҳои шаҳр доир гардид. Тибқи маълумоти бахши муҳити зист дар шаҳри Истаравшан аз аввали мавсими ниҳолшинонӣ ва кабудизоркунӣ шумораи умумии ниҳолҳои шинонидашуда 73630 бехро ташкил дод.

Вохӯрии мутахассисони соҳаҳо бо донишҷӯёни мактаби олӣ

Подробности статьи: Автор; Категория Новости

Бо мақсади мустаҳкам намудани дониши назариявӣ, соҳиб шудан ба маҳорати касбӣ - амалӣ ва шиносоӣ бо фаъолияти сохторҳо дар толори китобхонаи факултети муҳандисӣ – технологии Донишкадаи политехникии Донишгоҳи техникии Тоҷикистон ба номи академик М.С.Осимӣ вохӯрии намояндагони Сарраёсати ҳифзи муҳити зист ва Раёсати Кумитаи бехатарии озуқаворӣ дар вилояти Суғд бо донишҷӯёни курсҳои 1, 2 ва 3-и ихтисосҳои «экологияи саноатӣ ва истифодаи оқилонаи захираҳои табиӣ» ва «истеҳсол, нигаҳдорӣ ва коркарди маҳсулоти растанипарварӣ» доир гардид. Дар навбати худ аз тарафи сармутахасиси шуъбаи мониторинги экологӣ, таҳлилӣ ва ахбору иттилооти сарраёсат дар бораи фаъолияти мақомоти ҳифзи муҳити зист, муаммоҳои экологӣ дар самти ҳифзи ҳавои атмосфера ва захираҳои об, гармшавии иқлим, олами набототу ҳайвонот, қонуну кодексҳои амалкунандаи соҳа, Китоби Сурхи Ҷумҳурии Тоҷикистон ва дигар маълумот доир ба рушди тарбия ва баланд бардоштани маърифати экологӣ пешкаши донишҷӯёну устодони иштироккарда гардид.

17 Апрель 2024

Амалиётҳои назоратӣ дар минтақаҳои обанбори Баҳри Тоҷик

Подробности статьи: Автор; Категория Новости

Аз тарафи кормандони бахши ҳифзи муҳити зист дар шаҳри Конибодом ҳангоми гузаронидани амалиётҳои фаврӣ дар ҷамоати деҳоти Фирузоба ва Пулотон минтақаи болооби обанбори Баҳри Тоҷик сайди ғайриқонунии моҳӣ дар давраи манъи сайди моҳӣ ошкор карда шуд. Қонуншиканӣ аз тарафи сокинони шаҳрҳои Конибодом ва Исфара содир карда шуда, дар маҷмӯъ 41 сар намуди гуногуни моҳӣ мусодира карда шуд. Арзиши умумии зарари ба муҳити зист расонидашуда, тибқи замимаи № 8-и Қарори Ҳукумати Ҷумҳурии Тоҷикистон таҳти № 790 аз 31.12.2014 сол 3 ҳазор сомониро ташкил дод. Маводҳо барои чораандешӣ ба прокуратураи шаҳри Конибодом фиристода шуд.