Январь 2020
27 Январь 2020
Корҳои биотехникӣ дар ш.Истаравшан
- Подробности статьи
- Автор
- Категория Навидҳо
Баҳри иҷрои нақшаи корӣ, бо мақсади беталаф баромадани олами ҳайвонот ва паррандагон дар фасли зимистон дар ҷамоатҳои деҳоти Нофароҷ ва Қалъачаи калони ш.Истаравшан аз тарафи кормандони бахши ш.Истаравшан корҳои биотехникӣ гузаронида шуд. Дар мавзеъҳои мазкур ба миқдори умумии 55 кг - гандумреза ва ҷуворимакка пошида шуд. Маҳсулоти мазкур асосан дар талу теппаҳо, ки асосан макони зисту боши парандагон мебошад истифода бурда шуд.
24 Январь 2020
Семинари бозомӯзӣ
- Подробности статьи
- Автор
- Категория Навидҳо
Баҳри иҷрои нақшаи корӣ, бо мақсади баланд бардоштани савияи дониши кормандони мақомоти ҳифзи муҳити зист, санаи 24 январи соли равон дар толори маҷлисгоҳи Раёсат бо иштироки сардорони шуъбаҳо ва мудирони бахшҳои ҳифзи муҳити зисти шаҳру ноҳияҳо семинари бозомӯзӣ гузаронида шуд. Мувофиқи барнома дар семинари мазкур масъалаҳои муҳим – фаҳмонида додани нуктаҳои асосии Паёми Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ, стратегияи муқовимат бо коррупсияи Ҷумҳурии Тоҷикистон барои солҳои 2013-2020», фаҳмонида додани тартиби дурусти ҳисоби пардохтҳои ҳатмии экологӣ, моҳияти «Кодекси одоби хизматчии давлатӣ», тарзи ҳисоби пардохти ҳифзи ҳавои атмосфера ва ҳисоби зарар, Қонуни Ҷумҳурии Тоҷикистон «Дар бораи таъмини амнияти экологии нақлиёти автомобилӣ», гузаронидани санҷишҳои нақшавӣ, тарзи дуруст тартиб додани ҳисоботҳо, пардохти ҳатмии экологӣ, минтақаҳои ҳифзи санитарии манбаъҳои обӣ, коргузорӣ оид ба баррасии муроҷиатҳои хаттӣ, электронӣ ва шифоҳии шахсони воқеӣ ва ҳуқуқӣ дар асоси талаботи Қонун ва дигар масъалаҳои ба пешрафти фаъолият мусоидаткунанда баррасӣ гардид.
Корҳои биотехникӣ дар ноҳияи Деваштич
- Подробности статьи
- Автор
- Категория Навидҳо
Бахши ҳифзи муҳити зисти ноҳияи Деваштич маълумот дод, ки дар хоҷагии ҷангали ба номи Ғаниҷон Мӯсоеви ноҳия дар якҷоягӣ бо мутахассисони бахш бинобар сард ва сербориш омадани обу ҳаво дар доираи чорабиниҳои биотехникӣ барои ҳайвонот ва паррандаҳои ёбоӣ ему хошок ва резадонаи ғалладонагиҳо ба доманакӯҳҳои сербарф гузошта шуд.
Тибқи баҳисобгирии мутахассисони соҳаи ҷангал-парварӣ дар хоҷагии мазкур тақрибан 500 кабутар, 30 сар хуки ёбоӣ, 15 гург, 130 сар харгуш, 93 сар рубоҳ , 3 сар хирс, 20 сар бузи куҳӣ, 200 кабк ва дигар ҷонварон ба қайд гирифта шудаанд.
Корҳои ободониву созандагӣ дар ш.Исфара
- Подробности статьи
- Автор
- Категория Навидҳо
Бо мақсади сазовор истиқбол гирифтани 30 солагии Истиқлолияти давлатии Ҷумҳурии Тоҷикистон бо иқдоми бахши ҳифзи муҳити зисти шахри Исфара дар шаҳр ва ҷамоатҳои шаҳраку деҳот корҳои ободониву созандагӣ, шинонидани дарахтони ороишиву ҳамешасабз ва гулу гулбуттаҳои ороишӣ гузаронида шуда истодааст. Дар ин росто дирӯз дар маҳаллаи Офтобруйи ҷамоати деҳоти Навгилем ва МТМУ № 13-и ҳамин ҷамоат бо дастгирӣ ва иштироки васеи аҳли сокинони маҳалла зиёда аз 1809 бех дарахтони ороишию ҳамешасабз шинонида шуд.
Корхои биотехникӣ дар ноҳияи Ашт
- Подробности статьи
- Автор
- Категория Навидҳо
Дар минтақаҳои кӯҳии вилояти Суғд корҳои биотехникӣ идома дорад. Барои пешгирӣ намудани фавти ҳайвонот ва паррандагони ваҳшӣ аз сардиҳои зимистони соли равон ва ҳифз намудани онҳо дар талу теппаҳо, доманакӯҳҳои мавзеъҳои зисти онҳо тибқи нақшаи корӣ аз ҷониби бахши ҳифзи муҳити зисти ноҳия ва хоҷагии ҷангали ба номи Н.Хувайдуллоев дар мавзеи Ушунсой, Надок – 1, Надок -2 200 кг гандум, 300 кг хошок, 40 кг намак ва аз тарафи хоҷагии ҷангали С.Сармусоқов дар мавзеъи Оқтош, Оби Ашт, Болои Ғудос 407 кг донагӣ ва 2 тн хошок пошида шуд.
Корҳои ободонию созандагӣ бахшида ба 5500 - солагии шаҳри Саразм
- Подробности статьи
- Автор
- Категория Навидҳо
Баҳри дар сатҳи баланд таҷлил намудани 5500 - солагии шаҳри Саразми бостонӣва ҷашни бузурги миллат 30 - солагии Истиқлолияти давлатии Ҷумҳурии Тоҷикистон дар шаҳри Панҷакент корҳои созандагиву бунёдкорӣ босуръат ҷараён доранд. Бино ба иттилои масъулини мақомоти иҷроияи ҳокимияти давлатии шаҳр мувофиқи нақшаи чорабиниҳо дар миқёси шаҳр як қатор корҳои ободониву созандагӣ бомаром идома дорад.
Вохӯрии намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд бо кормандони мақомоти ҳифзи муҳити зисти вилоят
- Подробности статьи
- Автор
- Категория Навидҳо
Санаи 24 январи соли равон дар толори маҷлисгоҳи Раёсат вохӯрӣ бо иштироки намояндаи Раёсати Агентии назорати давлатии молиявӣ ва мубориза бо коррупсияи Ҷумҳурии Тоҷикистон дар вилояти Суғд Қодирҷонзода А.Қ. баргузор гардид. Дар ҷаласа масъалаи «Стратегияи муқовимат бо коррупсияи Ҷумҳурии Тоҷикистон барои солҳои 2013 – 2020» мавриди баррасӣ қарор дода шуд.
Бо «Стратегияи муқовимат бо коррупсияи Ҷумҳурии Тоҷикистон барои солҳои 2013 - 2020» намояндаи Раёсати Агентии назорати давлатии молиявӣ ва мубориза бо коррупсияи Чумҳурии Тоҷикистон дар вилоят Қодирҷонзода А.Қ. баромад намуда, оиди моҳияти стратегияи мазкур, масъалаҳои сӯиистифода аз мансаб, пешгирии амалҳои характери коррупсионидошта сухан намуда, қайд кард, ки фаъолияти хизматчиёни давлатӣ бояд дар чорчӯбаи қонунгузорӣ пеш бурда шуда, норозигии аҳолиро ба миён наорад.
Тасдиқи рамзи «30-солагии Истиқлолияти давлатии Ҷумҳурии Тоҷикистон»
- Подробности статьи
- Автор
- Категория Навидҳо
Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон аз байни рамзҳои пешниҳоднамудаи рассомон, дизайнерон ва устодони Донишкадаи давлатии санъати тасвирӣ ва дизайни Тоҷикистон рамзи «30-солагии Истиқлолияти давлатии Ҷумҳурии Тоҷикистон»-ро тасдиқ намуданд.
Рамзи мазкур дар шакли мудаввар таркиббандӣ шуда, давродаври он ба забонҳои тоҷикӣ ва англисӣ “Истиқлолияти давлатии Ҷумҳурии Тоҷикистон” ва рақамҳои “1991-2021” бо рангҳои зарҳалӣ навишта шудааст.
Дар қисми марказӣ рақами 30 бо ҳошияи зарҳалӣ бо истифода аз рангҳои парчами миллӣ ва дар қисми болои рақам яке аз рамзҳои давлатдории тоҷикон – тоҷ дар заминаи кӯҳҳои пурбарф ҷой дода шудааст.
Тасдиқи рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021
- Подробности статьи
- Автор
- Категория Навидҳо
Президенти Ҷумҳурии Тоҷикистон, Асосгузори сулҳу ваҳдати миллӣ - Пешвои миллат муҳтарам Эмомалӣ Раҳмон рамзи «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021-ро бо мақсади муаррифии ҳамаҷонибаи иқдоми мазкур тасдиқ намуданд.
Рамзи мазкур аз ҷониби Иттифоқи рассомон ва устодони Донишкадаи давлатии санъати тасвирӣ ва дизайни Тоҷикистон таҳия ва пешниҳод гардидааст.
Гирдогирди рамзро се хати доирашакли сурх, сафед ва сабз фаро гирифтааст, ки таҷассумгари Парчами давлатӣ маҳсуб меёбанд. Инчунин, ду хати иловагии доирашакли кабудранг ва ҳафт ситора низ рамзҳои миллиро ифода мекунанд. Дар гирди рамз бо забонҳои тоҷикиву англисӣ «Солҳои рушди деҳот, сайёҳӣ ва ҳунарҳои мардумӣ 2019-2021» навишта шудааст.