April 2024

17 April 2024

Чорабиниҳо дар давраи манъи сайди моҳӣ

Подробности статьи: Автор; Категория News

Бо мақсади иҷрои фармоишҳои раиси Кумитаи ҳифзи муҳити зисти назди Ҳукумати Ҷумҳурии Тоҷикистон таҳти № 36 аз 29.03.2024 сол ва сардори Сарраёсати ҳифзи муҳити зист дар вилояти Суғд«Дар бораи ҳифзи захираҳои моҳӣ дар давраи тухмигузории соли 2024» аз тарафи кормандони бахшҳои ҳифзи муҳити зист дар шаҳру ноҳияҳо гузаронидани амалиётҳо идома дорад. Чунин амалиётҳо дар бозорҳо, нуқтаҳои фурӯши моҳӣ,бозорҳои марказӣ ва ошхонаю тарабхонаҳои шаҳру ноҳияҳои Истаравшан, Исфара, Хуҷанд, Конибодом, Ҷаббор Расулов, Айнӣ ва дигар шаҳру ноҳияҳо гузаронида шуда, ба маъмурият барои дар давраи тухмгузорӣ ба хариду фурӯш ва пухтупази моҳӣ роҳ надодан амрномаҳо дода шуд. Дар байни фурӯшандаҳои нуқтаҳои моҳифурӯшӣ корҳои фаҳмондадиҳӣ гузаронида шуда, дар дохили бозорҳо лавҳаҳои иттилоотӣ насб карда шуд.

Амалиёти “Ҳавои тоза” дар шоҳроҳи Хуҷанд – Б.Ғафуров

Подробности статьи: Автор; Категория News

Бо мақсади кам намудани ихроҷи моддаҳои зараровар ба ҳавои атмосфера, дар асоси нақшаи кории шуъбаи мониторинги экологӣ, таҳлилӣ ва ахбороту иттилооти сарраёсат ва шуъбаи назорати давлатии истифода ва ҳифзи ҳавои атмосфера бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, дар шоҳроҳи Хуҷанд – Б.Ғафуров амалиёти «Ҳавои тоза» гузаронида шуд. Рафти амалиёт 50 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 5 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳру ноҳияҳои вилоят ирсол гардид.

08 April 2024

Боздиди Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А. аз ниҳолхонаи бахши ҳифзи муҳити зист дар ноҳияи Шаҳристон

Подробности статьи: Автор; Категория News

Баҳри таъмини иҷрои нақшаи чорабиниҳо бахшида ба 35-солагии Истиқлоли давлатӣ, татбиқи амалии дастуру супоришҳои Асосгузори сулҳу ваҳдати миллӣ - Пешвои миллат Президенти Ҷумҳурии Тоҷикистон муҳтарам Эмомалӣ Раҳмон баҳри сабзу хуррамгардонии муҳити зист дар ҷараёни сафари корӣ Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Шерализода Б.А., муовини якуми раиси ноҳия Мавлонқулзода Р. ва сардори Сарраёсати ҳифзи муҳити зист дар вилояти Суғд Холзода С.Х. аз ниҳолхонаи бахши ҳифзи муҳити зист дар ноҳияи Шаҳристон дидан намуданд. Зимни боздид Раиси Кумита Шерализода Б.А. ба масъулон ҷиҳати тез афзоиш ёфтани ниҳолҳо барои ба ҷои дигар шинонидани онҳо, ташкил намудани ниҳолхонаи дарахтони ороишию сояафкан ва мевадиҳандаи маҳаллӣ мутобиқ ба шароитҳои иқлим, риояи ҳатмии қоидаҳои агротехникӣ ҳангоми шинонидан ва парвариши ниҳолҳо дастуру супоришҳо дод.

Натиҷагирӣ аз фаъолияти семоҳаи якуми Сарраёсати ҳифзи муҳити зист дар вилояти Суғд

Подробности статьи: Автор; Категория News

Дар толори маҷлисгоҳи бахши ҳифзи муҳити зист дар шаҳри Бӯстон ҷаласаи мақомоти ҳифзи муҳити зист оид ба ҷамъбасти фаъолияти семоҳаи якуми соли 2024 ва вазифаҳои минбаъда бо иштироки сардори Сарраёсати ҳифзи муҳити зист дар вилояти Суғд Холзода С.Х., сардорони шуъбаҳои назоратӣ ва сармутахассисон, роҳбарони зерсохторҳо дар шаҳру ноҳияҳо доир гардид. Сардори Сарраёсати ҳифзи муҳити зист дар вилояти Суғд Холзода С.Х. пас аз шунидани маърӯзаи ҳисоботӣ аз сардорони шуъбаҳои назоратӣ ва роҳбарони зерсохторҳо дар шаҳру ноҳияҳо пурсиш ба амал оварда, барои ислоҳи камбудиҳои ҷойдошта баҳри пешрафти фаъолияти минбаъда дастуру супоришҳо дод. Ҳамчунин оид ба беҳтар намудани фаъолияти нозирӣ, иҷроиши босифат ва саривақтии нақшаи чорабиниҳо, барномаҳои соҳавию давлатӣ ва дигар аснодҳои назоратӣ супоришҳо дод. Дар интиҳои ҷаласа роҳбарияти Сарраёсат мудири бахши ҳифзи муҳити зист дар шаҳри Истаравшан Махсумов Муҳаммадиро барои расидан ба синни нафақа бо тантана муборакбод намуданд.

05 April 2024

Дар ноҳияи Масчоҳ беш аз 4000 бех ниҳолҳои ороишиву ҳамешасабз ва мевадиҳанда шинонида мешавад

Подробности статьи: Автор; Категория News

Бо мақсади татбиқи амалии дастуру супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати сабзу хуррамгардонии муҳити зист бо иштироки раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода дар бӯстонсарои ҳукумати ноҳия маъракаи ниҳолшинонӣ баргузор гардид. Маврид ба зикр аст, ки бо дастгирии Кумитаи ҳифзи муҳити зисти ҷумҳурӣ ба ноҳия беш аз 4000 бех ниҳолҳои ороишиву сояафкан ва мевадиҳанда харидорӣ гардида, қисмате аз онҳо дар бӯстонсарои ҳукумати ноҳия ва қисмати дигар дар гулгашту хиёбонҳои маркази ноҳия – шаҳраки Бӯстон шинонида мешаванд. Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода зимни маъракаи ниҳолшинонӣ иброз дошт, ки ин иқдом аз дастуру супоришҳои Асосгузори сулҳу ваҳдати миллӣ-Пешвои миллат Президенти Ҷумҳурии Тоҷикистон муҳтарам Эмомалӣ Раҳмон оид ба татбиқи сиёсати экологӣ, таъмини рушди иқтисоди сабз, мутобиқшавӣ ба тағйирёбии иқлим, коҳиш додани газҳои гулхонаӣ ва таъмини сартосарии амнияти экологии аҳолӣ сарчашма мегирад. Ҳамчунин барои дуруст ба роҳ мондани парвариши ниҳолҳо ва истеҳсоли мевагиҳо, инчунин тозаву озоди нигоҳ доштани муҳити зист аз партовҳо маслиҳатҳои муфид дода шуд.

01 April 2024

Сайди моҳӣ манъ аст

Подробности статьи: Автор; Категория News

Тибқи фармоиши Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 29.03.2024 с. таҳти № 36 ва фармоиши сардори Сарраёсат «Дар бораи ҳифзи захираҳои моҳӣ дар давраи тухмгузории соли 2024», дар асоси моддаҳои 6 ва 9-и Қонуни Ҷумҳурии Тоҷикистон «Дар бораи ҳифзи муҳити зист», моддаҳои 8 ва 32-и Қонуни Ҷумҳурии Тоҷикистон «Дар бораи олами ҳайвонот», моддаҳои 6, 10 ва 24-и Қонуни Ҷумҳурии Тоҷикистон «Дар бораи моҳипарварӣ, моҳигирӣ ва ҳифзи захираҳои моҳӣ», моддаҳои 4 ва 17-и «Қоидаҳои моҳидорӣ дар обанборҳои аҳамияти моҳидорӣ доштаи Ҷумҳурии Тоҷикистон» бо мақсади муҳофизат ва нигоҳдории захираҳои моҳиҳои обанборҳои вилоят, фароҳам овардани шароит ба рафти афзоиши табиӣ ва роҳ надодан ба қонуншиканиҳо дар давраи тухмигузории моҳӣ аз санаи 1 апрел то 15 июни соли 2024 сайди моҳӣ дар обанборҳои вилоят аз тарафи шахсони ҳуқуқӣ ва воқеӣ манъ карда шудааст.Телефони боварӣ: (83422) 6–59–81, 6–03-95