Все статьи
21 May 2025
Чорабинии иттилоотӣ бахшида ба 22 май - Рӯзи байналмилалии гуногунии биологӣ
- Подробности статьи
- Автор
- Категория News
Б
ахшида ба 22 май – Рӯзи байналмилалии гуногунии биологӣ дар муассисаи таҳсилоти умумии ғайридавлатии (хусусии) «Гимназияи ба номи Ё.В.Гёте»-и шаҳри Хуҷанд дарси кушод аз фанни экология бо иштироки намояндаи Сарраёсати ҳифзи муҳити зист дар вилояти Суғд, инчунин директор ва маъмурияти гимназия, хонандагону омӯзгорони фанни экология ва биология баргузор гардид. Чорабинии иттилоотӣ дар доираи талаботи бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ва бо мақсади баланд бардоштани маърифати экологии ҷавонон ташкил гардида, дар рафти вохӯрӣ аз ҷониби сармутахассиси сарраёсат ба иштирокдорон маълумот дар бораи таърихи ин санаи муҳими экологӣ,муҳимияти ҳифзи олами наботот ва ҳайвоноти нодири Тоҷикистон, тадбирҳои аз тарафи Ҳукумати мамлакат андешида шуда, қонунҳои амалкунандаи соҳаи ҳифзи муҳити зист, таъсири манфии гармшавии иқлим ба обшавии пиряхҳо ва захираҳои об, амнияти экологӣ ва муаммоҳои экологии замони муосир пешниҳод карда шуд.
20 May 2025
22 май - Рӯзи байналмилалии гуногунии биологӣ
- Подробности статьи
- Автор
- Категория News
Д
ар даҳсолаҳои ахир масъалаҳои нигаҳдории гуногунии биологӣ яке аз муаммоҳои глобалии замони муосир маҳсуб меёбад, ки на танҳо олимон, балки тамоми ҷомеаи ҷаҳониро ба ташвиш овардааст. Вазъи нигаҳдории гуногунии биологиро ба эътибор гирифта 22 майи соли 1992 дар конференсияи СММ доир ба ҳифзи зист ва рушд, ки дар Рио-де–Жанейро баргузор гардид, Конвенсия доир ба гуногунии биологӣ қабул карда шуд. Ҷумҳурии Тоҷикистон ҳамчун аъзои соҳибҳуқуқи ҷомеаи ҷаҳонӣ онро соли 1997 тасдиқ намуда, ӯҳдадории худро дар доираи Конвенсия қабул кард. Муаммоҳои нигаҳдории гуногунии биологӣ ва устуворона истифодабарии он яке аз равандҳои баҳсу талош ва оштинопазирӣ дар конференсияҳои байналмилалӣ, симпозиумҳо ва ҷаласаҳо маҳсуб меёбад. Аз ин лиҳоз, бо ташаббуси Академияи илмҳои Ҷумҳурии Тоҷикистон ва Кумитаи ҳифзи муҳити зисти назди Ҳукумати Ҷумҳурии Тоҷикистон дар даврони соҳибистиқлолии кишвар ба ин масъала аҳамияти ҷиддӣ дода, мунтазам чорабиниҳои гуногуни сатҳӣ байналмилалӣ ва ҷумҳуриявӣ гузаронида мешаванд.
16 May 2025
Амалиёти “Ҳавои тоза” дар шаҳри Гулистон
- Подробности статьи
- Автор
- Категория News
Б
о мақсади кам намудани ихроҷи моддаҳои зараровар ба ҳавои атмосфера кормандони шуъбаи мониторинги экологӣ, таҳлилӣ ва ахбороту иттилооти сарраёсат ва бахши ҳифзи муҳити зист дар шаҳри Гулистон бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд амалиёти «Ҳавои тоза»-ро гузарониданд. Дар амалиёт 25 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ муайян гардид. Нисбати ронандагони 5 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА шаҳр ирсол гардид.
Шаҳристон - гӯшаи биҳиштосои табиати Тоҷикистонро аз партовҳо эмин нигоҳ дорем!
- Подробности статьи
- Автор
- Категория News
М
интақаи Шаҳристон бо табиати нотакрору дилфиреб, чашмасорони мусаффо ва кӯҳсорони сабзу пур аз гиёҳҳои шифобахш ҳамеша диққати дӯстдорони табиат ва истироҳаткунандагонро ҷалб менамояд. Хусусан, мавзеъи зебоманзари Хуррамдара дар фасли баҳору тобистон ба як макони серодами истироҳат табдил меёбад. Аммо, мутаассифона, дар баробари зиёд шудани теъдоди истироҳаткунандагон, баъзан мушоҳида мешавад, ки сатҳи ифлосшавии муҳити зист низ рӯ ба афзоиш дорад. Ба ҳамин хотир, кормандони шуъбаи назорати давлатии истифода ва ҳифзи замин, канданиҳои фоиданоки маъмули умум ва муомилот бо партовҳои Сарраёсати ҳифзи муҳити зисти вилоят дар ҳамкорӣ бо телевизиони «7 Ситора» масъалаи ифлосшавии минтақаи истироҳатии Хуррамдарраи ноҳияи Шаҳристонро мавриди баррасии ҷиддӣ қарор доданд. Ин иқдом дар пайи нашри маводи танқидии сокинон дар шабакаҳои иҷтимоӣ роҳандозӣ гардид. Дар натиҷаи санҷиши гузаронидашуда, ҳолатҳои сершумори ифлосшавии соҳилҳои манбаъҳои обӣ бо партовҳои гуногун ба қайд гирифта шуд. Гузашта аз ин, муайян гардид, ки дар баъзе мавридҳо партовҳо ғайрирасмӣ ба чуқуриҳо партофта шудаанд.
15 May 2025
Баргузории вохӯрӣ бахшида ба 15 май - Рӯзи байналмилалии иқлим дар шаҳри Истиқлол
- Подробности статьи
- Автор
- Категория News
Ҳ
ангоми гузаронидани омӯзишу таҳлили фаъолияти Комиссияи байниидоравии давлатӣ оид ба маърифати экологии аҳолӣ дар шаҳри Истиқлол, бахшида ба 15 май - Рӯзи байналмилалии иқлим дар толори МДТ «Литсейи касбии техникии шаҳри Истиқлол» вохӯрии намояндаи Сарраёсати ҳифзи муҳити зист дар вилояти Суғд бо донишҷӯёну омӯзгорони муассисаи таълимии мазкур баргузор гардид. Чорабинии иттилоотӣ бо мақсади баланд бардоштани маърифати экологии ҷавонон ва пешниҳоди маълумот дар бораи ин санаи муҳими экологӣ дар доираи талаботи бандҳои нақшаи чорабиниҳои «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021 - 2025» ташкил карда шуд. Дар баробари ин, рафти вохӯрӣ ба иштирокдорон аз ҷониби сармутахассиси сарраёсат маълумот доир ба тағйирёбӣ ва гармшавии глобалии иқлим, рушди «иқтисоди сабз» ва «энергияи сабз», муаммоҳои ҷаҳонӣ дар таъмини аҳолӣ бо оби нушокӣ, ифлос шудани таркиби ҳавои атмосфера, партовҳои паластикӣ, олами набототу ҳайвоноти нодири Тоҷикистон ва дигар масъалаҳои вобаста ба муҳимияти болоравии сатҳи маърифати экологии ҷавонон пешниҳод гардид.
13 May 2025
Амалиёти “Ҳавои тоза” дар шаҳри Хуҷанд
- Подробности статьи
- Автор
- Категория News
Д
ар асоси нақшаи кории шуъбаи мониторинги экологӣ, таҳлилӣ ва ахбороту иттилооти сарраёсат ва шуъбаи ҳифзи муҳити зист дар шаҳри Хуҷанд бо ҳамкории шуъбаи милитсияи экологӣ ва сайёҳии ВКД ҶТ дар вилояти Суғд, дар шаҳри Хуҷанд амалиёти «Ҳавои тоза» гузаронида шуд. Рафти амалиёт 21 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 6 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА шаҳр ирсол гардид.
12 May 2025
15 май - Рӯзи байналмилалии иқлим
- Подробности статьи
- Автор
- Категория News
Б
ори аввал масъалаи тағйирёбии иқлим дар сатҳи ҷаҳонӣ соли 1992 дар Саммити Замин дар Рио де-Жанейро баррасӣ гардида, зиёда аз 180 кишвари ҷаҳон Конвенсияи чаҳорчӯбаи СММ оид ба тағйирёбии иқлимро имзо кардаанд. Айни замон дар сайёра, аз ҷумла дар кишвари мо тағйир ёфтани иқлимро ҳама эҳсос мекунад ва бадшавии вазъи экологӣ дар тамоми олам воқеаи баҳснопазир мебошад. Сол то сол тағйирёбии иқлим ба муҳити зист низ таъсири манфии худро расонида, масъалаҳои вобаста ба он таваҷҷӯҳи ҷомеаи ҷаҳониро фаро гирифтааст. Дар шароити имрӯза гармшавии ҳарорати ҳаво, обшавии пиряхҳо, хушкшудани чашмаҳову дарёчаҳои минтақаҳои аҳолинишин ва дигар гуна пайомади офатҳои табиӣ ба яке аз мушкилоти глобалии замони муосир мубаддал гашта, ба ҳаёти иқтисодию иҷтимоии сокинони осоиштаи дунё рӯз ба рӯз таъсири манфӣ мерасонанд. Имрӯз омилҳо ва мушкилоте, ки ба захираҳои табиӣ ва арзиши об таъсиргузоранд, бамаротиб меафзоянд. Пиряхҳои хурду бузург дар нуқтаҳои баландтарини кӯҳҳои Тоҷикистон – қуллаи Исмоили Сомонӣ ва қуллаи Абўалӣ ибни Сино ҷойгир буда, айни замон зери таъсири ҷиддии гармшавии иқлим қарор доранд. Тибқи пешгӯиҳои олимон, то соли 2050 дар Тоҷикистон якчанд ҳазор пиряхи майда пурра аз байн меравад, зеро пиряхҳо дар ҳавзаи дарёҳо нобаробар тақсим шудаанд.
10 May 2025
Амалиётҳои назоратӣ дар давраи манъи сайди моҳӣ
- Подробности статьи
- Автор
- Категория News
Ҳ
ангоми гузаронидани амалиётҳои назорати давлатӣ дар самти ҳифзи захираҳои моҳӣ дар давраи тухмигузории моҳӣ аз тарафи кормандони бахши ҳифзи муҳити зист дар шаҳри Конибодом ва шуъбаи шаҳрии Раёсати Кумитаи давлатии амнияти миллии Ҷумҳурии Тоҷи-кистон дар вилояти Суғд дар ҷамоати деҳоти Фирузоба ҳудуди обанбори Баҳри Тоҷик сокини шаҳри Конибодом Холиқов М. ҳангоми сайди ғайриқонунии 41 сар моҳиҳои гуногун боздошт гардид. Нисбати қонуншикан маводҳои дахлдор тартиб дода, барои андешидани чораҳои маъмурӣ ба мақомотҳои ҳифзи ҳуқуқ пешниҳод карда шуд. Олотҳоимоҳидорӣ -тӯр ва қайиқи резинӣ мусодира карда шуд. Арзиши зарари ба муҳити зист расонидашуда, тибқи замимаи №8 - и Қарори Ҳукумати Ҷумҳурии Тоҷикистон таҳти № 790 аз 31.12.2014 сол 3075 сомониро ташкил дод.
03 May 2025
Бо мақсади татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» ниҳолҳо бо обёрӣ таъмин мешаванд
- Подробности статьи
- Автор
- Категория News
Д
ар минтақаҳои ноҳияи Б.Ғафуров бо мақсади татбиқи амалии Барномаи кабудизоркунӣ ва фароҳам овардани шароит барои сабзиши ниҳолҳои ороишӣ ва ҳамешасабзи соли равон шинонидашуда корҳои обёрӣ амалӣ гардида истодаанд. Боиси қайд аст, ки бо гарм шудани обуҳаво дар минтақаҳои камоби ноҳияи Б.Ғафуров, аз он ҷумла ҷамоати деҳоти Зарзамин, Ёва ва Ғозиён,қадди шоҳроҳои Душанбе - Хуҷанд – Чаноқ ва Ғафуров – Хуҷанд – Ашт ниҳолҳои дарахтони ҳамешасабзи санавбари дар маъракаи кабудизоркунии мавсими баҳори соли ҷорӣшинонидашуда, барои таъминот бо обёрӣ ниёз доранд. Бо ташаббус ва назорати шуъбаи ҳифзи муҳити зист дар ноҳия аз ҷониби масъулин ва сокинон чунин амалҳо рӯи кор омада истодааст. Маврид ба зикр аст, ки дастуру супоришҳои Кумитаи ҳифзи муҳити зисти назди Ҳукумати Ҷумҳурии Тоҷикистон низ дар афзун намудани сабзиши ниҳолҳо мувофиқи мақсад буда, амалҳои мазкур дар дигар минтақаҳои ноҳияи идома меёбад.
23 April 2025
Обёрии хоҷагии ёрирасон — замина барои татбиқи барномаи кабудизоркунӣ
- Подробности статьи
- Автор
- Категория News
Б
о мақсади татбиқи амалии Барномаи кабудизоркунӣ ва фароҳам овардани шароити мусоид барои парвариш ва мутобиқсозии ниҳолҳои ороишӣ ва ҳамешасабз ба шароити иқлимии маҳаллӣ, дар хоҷагии ёрирасони бахши ҳифзи муҳити зисти ноҳияи Мастчоҳ корҳои бунёди чоҳи амудӣ оғоз ёфтанд. Чоҳи амудӣ бо дастгирии Кумитаи ҳифзи муҳити зисти назди Ҳукумати Ҷумҳурии Тоҷикистон кофта шуда, обёрии наздик ба 50 гектар заминҳои атрофро таъмин хоҳад кард. Ҳадаф аз сохтмони ин иншооти муҳими инфрасохторӣ — таъмини оби доимӣ барои парвариши ниҳолҳо ва тақвияти иқтидори истеҳсолии хоҷагии ёрирасон мебошад. Дар маросими оғози кофтани чоҳи амудӣ раиси ноҳияи Мастчоҳ Аъзам Ализода ширкат варзида, таъкид намуд, ки ин иқдом дар самти зебосозии муҳити зист, татбиқи амалии барномаҳои соҳавии Ҳукумати Ҷумҳурии Тоҷикистон ва таъсиси ҷойҳои нави корӣ нақши назаррас хоҳад дошт. Маврид ба зикр аст, ки соли равон дар доираи татбиқи Барномаи кабудизоркунӣ аз ҳисоби заминҳои фонди захиравии ноҳия 5 гектар замин ба бахши ҳифзи муҳити зисти ноҳия ҷудо гардида, дар он тадриҷан ниҳолҳои мутобиқ ба иқлими маҳаллӣ шинонида мешаванд. Айни замон дар хоҷагӣ 4 нафар ба кори доимӣ ҷалб гардидаанд ва дар марҳалаи пурра ба бо ниҳол парвариш ёфтани масоҳати мазкур, имкони бо ҷойи кор ва маоши муносиб таъмин намудани то 17 нафар муҳайё хоҳад шуд.