Все статьи
05 May 2021
Аксияи «Тозагии маҳал» дар ноҳияи Зафаробод
- Подробности статьи
- Автор
- Категория News
Бо мақсади сазовор истиқбол гирифтани 30-солагии Истиқлолияти давлатии Ҷумҳурии Тоҷикистон, тозаву обод ва беҳбудӣ бахшидан ба ҳолати экологӣ бо иқдоми бахши ҳифзи муҳити зисти ноҳия назди партовгоҳи марказии КДВ ХМК, воқеъ дар ҳудуди ҷамоати шаҳраки Зафаробод аксияи «Тозагии маҳал» гузаронида шуд. Дар аксия донишҷӯёни коллеҷи политехникӣ, литсеи касбии саноатӣ- кишоварзӣ ва омӯзгорони муассисаҳои таълимӣ иштирок намуда, ҳудуди назди партовгоҳ аз партовҳои гуногуни полиэтиленӣ ва қоғазпораҳо пурра тоза карда шуд.
Амалиётҳои назоратӣ дар самти ҳифзи захираҳои моҳӣ дар ноҳияи Б.Ғафуров
- Подробности статьи
- Автор
- Категория News
Шуьбаи ҳифзи муҳити зисти ноҳияи Бобоҷон Ғафуров тибқи фармоиши сардори Раёсати ҳифзи муҳити зисти вилоят ва иҷрои нақшаи чорабинӣ дар давраи манъи сайди моҳӣ мунтазам амалиётҳоиназоратӣ гузаронида истодааст. Ҳангоми гузаронидани чунин амалиёти навбатӣ аз тарафи нозирони шуъба дар ҳудуди ҷамоати деҳоти Исфисор минтақаи Шӯркул зиёда аз 200 метр тӯрҳои бесоҳиб дарёфт ва мусодира гардида, тариқи сӯзонидан несту нобуд карда шуд.
Ифтитоҳи мағозаи «Олами паранда ва ҳайвонот» дар шаҳри Хуҷанд
- Подробности статьи
- Автор
- Категория News
Дар маҳаллаи Мевағули шаҳри Хуҷанд бо иштироки роҳбарият ва кормандони мақомоти ҳифзи муҳити зисти вилоят, Кумитаи бехатарии озуқавории вилоят, табиатдӯстон ва сокинони маҳалла мағозаи «Олами паранда ва ҳайвонот» мавриди баҳрабардорӣ қарор дода шуд. Мағозаи мазкур бо мақсади тарғиби зебоипарастӣ ва табиатдўстӣ, баланд бардоштани маърифати экологии аҳолӣ ташкил гардида, беш аз 25 намуди паранда, зиёда аз 50 намуди моҳичаҳо, 10 намуди гурба, якчанд намуди хазандаю ҳашароти баҳрӣ бо шароити лозимии нигоҳдорӣ барои тамошо ва фурўш гузошта шудааст.
03 May 2021
Амалиётҳои назоратӣ дар шаҳри Гулистон
- Подробности статьи
- Автор
- Категория News
Бо мақсади амалӣ гардонидани нақшаи чорабиниҳо дар давраи тухмигузории моҳӣ нозирони бахши ҳифзи муҳити зисти шаҳри Гулистон дар роҳи Гулистон - Қатаған амалиётҳои назоратӣ гузаронида, барои ғайриқонунӣ сайд намудани моҳӣ нисбати сокини шаҳри Гулистон Самадов Исроил протоколи ҳуқуқвайронкунии маъмурӣ тартиб доданд. Аз тарафи нозирони бахши ҳифзи муҳити зисти шаҳри Гулистон дар давоми моҳ 8 амалиётҳои назоратӣ гузаронида шуд. Рафти амалиётҳо 8 адад санад ва 1 адад протокол тартиб дода, ба ошхонаву нуқтаҳои савдои шаҳр 5 адад амрнома дода шуд. Ҳамчунин 700 метр турҳои моҳидорӣ мусодира ва дар ҷояш сӯзонида шуд.
29 April 2021
Амалиётҳои фаврӣ дар давраи тухмигузории моҳиҳо дар ноҳияи Ҷаббор Расулов
- Подробности статьи
- Автор
- Категория News
Тибқи фармоишҳои Раиси Кумитаи ҳифзи муҳити зисти назди Ҳукумати Ҷумҳурии Тоҷикистон аз 31.03.2021, № 29 ва сардори Раёсати ҳифзи муҳити зисти вилояти Суғд аз 1.04.2021 №15 «Дар бораи амалӣ гардонидани чорабиниҳои ҳифзи захираҳои моҳӣ дар давраи тухмигузории соли 2021» нозирони бахшҳои ҳифзи муҳити зисти шаҳру ноҳияҳо мунтазам амалиётҳои фаврӣ гузаронида шуда истодааст. Нозирони бахши ҳифзи муҳити зисти ноҳияи Ҷ.Расулов ҳангоми гузаронидани амалиёти назоратӣ дар соҳили Сирдарё, ҷамоати Деҳмой, деҳаи Гулистон ва Заркор зиёда аз 200 метр тӯри моҳидорӣ, олоти моҳидории чангак ва як қайиқи резинии бесоҳибро мусодира намуда, моҳиҳои зинда ба об сард дода шуд.
28 April 2021
Аксияи «Тозагии соҳил» дар шаҳри Хуҷанд
- Подробности статьи
- Автор
- Категория News
Бо иқдоми шуъбаи ҳифзи муҳити зисти шаҳри Хуҷанд бо ҷалби ҳашарчиён ҷиҳати дар сатҳи баланд истиқбол намудани ҷашни 30 солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ" эълон гардидани солҳои 2019-2021 дар хиёбони Раҳмон Набиев соҳили дарёи Сир аксияи «Тозагии соҳил» гузаронида шуд. Дар аксия зиёда аз 300 нафар - устодону донишҷӯёни муассисаҳои миёнаи касбӣ ва олии шаҳр иштирок намуда, соҳили дарёи Сир аз партовҳои маишӣ ва алафҳои бегона пурра тоза гардида, ба партовгоҳи шаҳр 4,5 м3 партов бароварда шуд. Боиси зикр аст, ки гузаронидани чунин аксияҳо дар доираи нақшаи чорабиниҳои мақомоти ҳифзи муҳити зист оид ба Даҳсолаи байналмилалии амал «Об барои рушди устувор, 20018-2028» мунтазам роҳандозӣ гардида истодааст. Чорабинии мазкур дар телевизионҳои маҳаллӣ инъикос карда шуд.
Аксияи «Тозагии маҳал» дар ноҳияи Айнӣ
- Подробности статьи
- Автор
- Категория News
Бо мақсади тозаву обод намудани маҳалли зист, бахшида ба 30-солагии Истиқлолияти давлатии Ҷумҳурии Тоҷикистон ва «Солҳои рушди деҳот, сайёҳӣ ва ҳунарҳои мардумӣ» эълон гардидани солҳои 2019-2021 дар ноҳияи Айнӣ аксияи «Тозагии маҳал» гузаронида шуд. Аксия бо ҷалби 430 нафар - аҳолии ҷамоатҳо, кормандони ташкилотҳо доир гардида, дар рафти он ҷӯйборҳо ба масофаи 3,1 км, соҳилҳои обӣ ва каналу заҳбурҳо 4,8 км, роҳравҳо ба масофаи 3,5 км тоза карда шуда, ба партовгоҳи ноҳия 1,9 м3 партов бароварда шуд. Баргузории чунин шанбегиҳои оммавӣ дар миқёси ноҳия идома дорад.
Аксияи «Тозагии маҳал» дар ноҳияи Бобоҷон Ғафуров
- Подробности статьи
- Автор
- Категория News
Дар доираи нақшаи чорабиниҳо оид ба омодагӣ ва таҷлили ҷашнҳои дар пешистода, бо мақсади ҷалб намудани оммаи васеи аҳолӣ ба корҳои ободониву созандагӣ дар сойи Хоҷабоқирғони ҷамоати деҳоти Ёва-и ноҳияи Бобоҷон Ғафуров аксияи «Тозагии маҳал» бо иштироки 1514 нафар аҳолии ҷамоат, кормандони ташкилотҳо, сокинон, омӯзгорон ва хонандагони муассисаи таълимии № 10 доир гардид. Дар рафти аксия ҷӯйборҳо 9,1 км, ҳудуд 44,6 ҳазор мураббаъ, қади роҳҳо 21,4 км тоза, 823 бех дарахтон сафед карда шуда, ба партовгоҳи ноҳия ба миқдори 40,13 м3 партовҳо бароварда шуд.
Аксияи «Тозагии соҳил» дар шаҳри Бӯстон
- Подробности статьи
- Автор
- Категория News
Бо мақсади тозаву озода нигоҳ доштани соҳилҳои дарё ва дигар манбаъҳои обӣ, амалӣ намудани нақшаи чорабиниҳо бахшида ба 30-солагии Истиқлолияти давлатии Ҷумҳурии Тоҷикистон дар кӯли шаҳрии Бӯстон ва шафати роҳи протоколӣ аксияи «Тозагии соҳил ва маҳал» гузаронида шуд. Дар аксия 250 нафар - намояндагони муассисаҳои тандурустиву маориф ва омӯзгорону хонандагони гимназияи № 2-и шаҳр фаъолона иштирок намуда, 1 км ҷӯйбор ва 2 км қадди роҳҳо тоза карда шуда, 8 м3 партов ба партовгоҳи шаҳр бароварда шуд.
23 April 2021
Таҷлили Рӯзи умумиҷаҳонии замин дар Раёсати ҳифзи муҳити зисти вилояти Суғд
- Подробности статьи
- Автор
- Категория News
Санаи 22.04.2021 дар толори раёсат бахшида ба 22 апрел - Рӯзи умумиҷаҳонии замин семинари амалӣ таҳти унвони «Замин – кафили амнияти озуқаворӣ» баргузор гардид. Дар кори семинари мазкур кормандони шуъбаҳои раёсат ва мутахассисони ҷавони шуъбаю бахшҳои ҳифзи муҳити зисти шаҳру ноҳияҳо, ба назорати самти ҳифзи замин вобаста мебошанд иштирок намуданд. Дар оғози семинар сухани ифтитоҳии муовини сардори раёсат шунида шуд. Минбаъд, мувофиқи барномаи чорабинӣ аз ҷониби сардори шуъба ва сармутахассисони таҷрибадори раёсат баромадҳо дар мавзӯи «Роҳҳои беҳтар намудани ҳолати мелиоративии заминҳои корами вилояти Суғд», «Истифодаи захираҳои замин ва оқибати экологии он» ва «Ҳолати мелиоративии заминҳои корами шаҳри Исфара» пешкаши иштирокдорон гардид.