Май 2022

31 Май 2022

Амалиёти назоратӣ дар минтақаи пойгоҳи обкашии “Маҳрам 1”-и шаҳри Конибодом

  Аз ҷониби нозирони Сарраёсати ҳифзи муҳити зист якҷоя бо корманди Раёсати Кумитаи давлатии амнияти миллии Ҷумҳурии Тоҷикистон дар вилояти Суғд, ҳангоми гузаронидани амалиёти назоратии шабонарӯзӣ дар обанбори Баҳри Тоҷик, дар наздикии минтақаи пойгоҳи обкашии “Маҳрам 1”, ҷамоати деҳоти Куҳандиёри шаҳриКонибодом ҳолати сайди ғайриқонунии моҳӣ дар давраи тухмгузорӣ ошкор гардидаст. Ду нафар шаҳрвандон - Мавлонов Сарват ва Акрамов Дилшод, ҳангоми баромадан аз обанбор боздошт гардиданд, ки дар қаиқи резинии онҳо 67 сар моҳии навсайдшуда, аз он ҷумла суфмоҳӣ – 20, нуқрамоҳӣ – 34 ва зағорамоҳӣ - 13 сар муайян карда шуд. Барои сайд намудани моҳӣ санад тартиб дода шуда, мавод бо хулосаи ихтиологӣ барои андешидани чораҳо ба мақомоти прокуратураи вилоят супорида мешавад.

Читать далее

27 Май 2022

Амалиёти “Ҳавои тоза” яке аз роҳҳои пешгирии ифлосшавии ҳаво

  Ҳар моҳ, мунтазам дар шаҳру ноҳияҳои вилояти Суғд бо мақсади кам намудани ихроҷи моддаҳои зараровар ба ҳавои атмосфера амалиёти «Ҳавои тоза» гузаронида мешавад. Тибқи нақшаи пешбинигардида аз тарафи мутахассисони бахши ҳифзи муҳити зисти шаҳри Истаравшан дар ҳамкорӣ бо кормандони шуъбаи милитсияи экологӣ ва сайёҳии ВКД-и Ҷумҳурии Тоҷикистон дар минтақаи вилоят чунин амалиёт ҷиҳати муайян намудани миқдори партови моддаҳои ифлоскунанда ба ҳавои атмосфера аз нақлиёт дар натиҷаи сӯхтани сӯзишворӣ - дизелӣ, бензин ва гази моеъ дар кўчаи марказии шаҳри Истаравшан баргузор гардид. Дар рафти амалиёти мазкур, ҳамагӣ 25 адад нақлиёти автомобилии тамғааш гуногун аз санҷиши аналитикӣ гузаронида, нисбати ронандагони 2 адад воситаҳои нақлиёт, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба ҳавои атмосфера барзиёд ихроҷ намудаанд, протоколҳои ҳуқуқвайронкунии маъмурӣ тартиб дода шуд ва барои чораандешӣ ба шуъбаи БДА-и шаҳр ирсол гардид.

Читать далее

Мизи мудаввар дар доираи амалисозии Барномаи давлатии соҳавӣ ва Конвесияи Орхус дар вилояти Суғд

  Дар утоқи «Озмоишгоҳи инноватсионӣ»-и Маркази таҳсилоти иловагӣ дар вилояти Суғд баҳри татбиқи «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» ва Конвесияи Орхус дар вилоят мизи мудаввар баргузор гардид. Чорабинии мазкур барои минбаъд муайян намудани нақшаи ҳамкорӣ ва такон бахшидани раванди иҷрои Барнома дар соҳаи маориф бахшида шуда, дар рафти кори он роҳбарони маҳфилҳо, мудирони шуъбаи табиатшиносони ҷавон, экология ва ҳифзи муҳити зисти Марказҳои таҳсилоти иловагӣ дар вилоят ва шаҳру ноҳияҳои Хуҷанд, Истаравшан, Б.Ғафуров ва Ашт иштирок намуданд. Мувофиқи барномаи мизи мудаввар аз ҷониби сармутахассиси Сарраёсати ҳифзи муҳити зист дар вилоят, роҳбар ва ёвари Маркази Орхус дар шаҳри Хуҷанд дар бораи «Барномаи давлатии маҷмўии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025», фаъолияти Маркази Орхус ва Конвесияи Орхус, ҳамчунин лоиҳаи раҳнамо барои омӯзгорони муассисаҳои таҳсилоти миёнаи умумӣ «Дастур оид ба таълими иловагии экологӣ», фаъолияти Маркази таҳсилоти иловагӣ дар вилоят, шиори 5 июн – Рўзи умумиҷаҳонии муҳити зист дар соли 2022 ва дигар маълумот дар бораи муаммоҳои экологии замони муосир баромаду презентатсияҳо пешкаши иштирокдорон гардид.

Читать далее

24 Май 2022

Амалиёти “Ҳавои тоза” дар ноҳияи Бобоҷон Ғафуров

  Бо мақсади назорат ва кам намудани ихроҷи моддаҳои зараровар ба ҳавои атмосфера аз ҷониби мутахассисони шуъбаи назорати давлатии истифода ва ҳифзи ҳавои атмосфераи Сарраёсат дар ҳамкорӣ бо кормандони шуъбаи милитсияи экологӣ ва сайёҳии ВКД-и Ҷумҳурии Тоҷикистон дар ноҳияи Бобоҷон Ғафуров шоҳроҳи Хуҷанд – Ғафуров амалиёти «Ҳавои тоза» гузаронида шуд. Дар натиҷаи санҷиши 26 адад нақлиёти тамғаашон гуногун барои вайрон кардани меъёри стандартҳои давлатӣ ва барзиёд ихроҷ намудани моддаҳои ифлоскунанда ба ҳавои атмосфера нисбати 3 нафар ронандаҳо протоколҳои ҳуқуқвайронкунии маъмурӣ тартиб дода шуда, барои чораандешӣ ба шуъбаҳои БДА-и шаҳру ноҳияҳо ирсол карда шуд.

Читать далее

Амалиёти “Ҳавои тоза” дар шаҳри Исфара

  Баҳри иҷроиши нақшаи кории шуъбаи мониторинги экологӣ, таҳлил ва иттилооту ахбороти Сарраёсат ва нақшаи кории бахши ҳифзи муҳити зист дар шаҳри Исфара дар кӯчаи марказӣ амалиёти «Ҳавои тоза» гузаронида шуд. Дар амалиёт 30 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Дар рафти амалиёт нисбати ронандагони 5 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.

Читать далее

Амалиёти “Ҳавои тоза” дар шаҳри Конибодом

  Тибқи нақшаи кории мақомоти ҳифзи муҳити зисти вилоят, бо мақсади кам намудани ихроҷи моддаҳои зараровар ба ҳавои атмосфера аз тарафи кормандони шуьбаи мониторинги экологӣ, таҳлилӣ ва ахбороту иттилооти Сарраёсат дар шоҳроҳи Хуҷанд - Конибодом амалиёти «Ҳавои тоза» гузаронида шуд. Дар амалиёт 25 адад нақлиётҳои автомобилии тамғаашон гуногун аз санҷиши аналитикӣ гузаронида шуда, миқдори партови моддаҳои ифлоскунанда ба ҳавои атмосфера дар натиҷаи сӯхтани сӯзишворӣ (дизелӣ, бензин ва гази моеъ) муайян гардид. Нисбати ронандагони 3 адад воситаҳои нақлиёти автомобилие, ки меъёри стандартҳои давлатиро вайрон карда, партови моддаҳои ифлоскунандаро (гази СО) ба фазои атмосфера барзиёд ихроҷ кардаанд, протоколҳои ҳуқуқвайронкунии маъмурӣ тартиб дода шуда, барои чораандешӣ ба БДА-и шаҳр ирсол гардид.

Читать далее

Амалиёти “Ҳавои тоза” дар ноҳияи Ашт

  Бо мақсади кам намудани ихроҷи моддаҳои зараровар ба ҳавои атмосфера аз ҷониби мутахассисони шуъбаҳои сарраёсат ва зерсохторҳо, дар ҳамкорӣ бо кормандони шуъбаи милитсияи экологӣ ва сайёҳии ВКД-и Ҷумҳурии Тоҷикистон дар вилоят амалиёти «Ҳавои тоза» гузаронида шуда истодааст. Чунин амалиёт дар ҷамоати деҳоти Меҳрободи ноҳияи Ашт, шоҳроҳи Хуҷанд - Меҳробод  гузаронида шуд, ки дар натиҷаи санҷиши аналитикӣ миқдори партови моддаҳои ифлоскунанда ба ҳавои атмосфера дар 38 адад нақлиёти тамғаашон гуногун муайян гардид. Барои вайрон кардани меъёри стандартҳои давлатӣ ва барзиёд ихроҷ намудани моддаҳои ифлоскунанда ба ҳавои атмосфера нисбати 4 нафар ронандагон протоколҳои ҳуқуқвайронкунии маъмурӣ тартиб дода, барои чораандешӣ ба шуъбаи БДА-и ноҳия ирсол гардид.

Читать далее

23 Май 2022

Озмун – викторинаи экологӣ дар шаҳри Истиқлол ва ноҳияи Б.Ғафуров

  Баҳри татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» аз ҷониби кормандони Сарраёсати ҳифзи муҳити зист дар вилоят ва Ташкилоти ҷамъиятии «Гурӯҳи ҷавонон оид ба ҳифзи муҳити атроф»/Маркази Орхус дар шаҳри Хуҷанд, дар ҳамкорӣ бо муассисаҳои таълимӣ давоми соли ҷорӣ баргузории як қатор чорабиниҳои экологӣ пешбинӣ гардидааст. Дар доираи амалисозии Лоиҳаи «Ҷалби ҷонибҳои манфиатдор дар ҳалли мушкилот оид ба партовҳои уран дар Осиёи Марказӣ, марҳилаи II», ки аз тарафи Дафтари Барномаҳои САҲА дар шаҳри Душанбе дастгирӣ карда мешавад, дар шаҳри Истиқлол ва ноҳияи Б.Ғафуров КВН - викторинаи экологӣ гузаронида шуд. Дар Қасри фарҳанги шаҳри Истиқлол бо иштироки муҳассилини 6 адад мактабҳои шаҳр озмун - викторинаи мазкур баҳри амалигардонии нашаи чорабиниҳои Даҳсолаи байналмиллалии амал «Об барои рушди устувор», солҳои 2018-2028 ва ҳифзи Замин роҳандозӣ гардида, 6 дастаҳои мактабӣ  аз рӯи шартҳои «Саломнома», «Вазифаи хонагӣ», «Гурӯҳи дастгирӣ» ва «Викторина» қувваозмоӣ намуданд. Дар натиҷа дастаи  «Оби соф» аз МТМУ №4 сазовори ҷойи 1-ум, дастаи «Экологони ҷавон» аз МТМУ №6 ҷойи 2-юм ва дастаи  «Зелёный патруль» аз МТМУ №1 ҷойи 3-юм гардида, соҳиби ҷоми озмун шуданд. Ба боқимонда дастаҳои мактабӣ барои иштироки фаъол сипосномаю тўҳфаҳои хотиравӣ супорида шуд. Чунин озмун – викторина дар толори МТМУ №11 ҷамоати деҳоти Ғозиёни ноҳияи Б.Ғафуров баргузор гардид. Дар озмун чор даста аз мактабҳои ҷамоат қувваозмоӣ намуда, ҷамъбаст муайян кард, ки дастаи «Экопатруль» аз МТМУ №20 сазовори ҷойи 1-ум, дастаи «Муҳофизони табиат» аз МТМУ №11 ҷойи 2-юм ва дастаи «Замин» аз МТМУ №69 ҷойи 3-юм ва соҳиби ҷоми озмун гардиданд. Ғайр аз ин, ба дастаҳои ғолибони озмунҳои мазкур аз ҷониби намояндаи Сарраёсати ҳифзи муҳити зист дар вилояти Суғд, ҳамчун раиси ҳакамон Китоби Сурхи Ҷумҳурии Тоҷикистон тақдим карда шуд.

Читать далее

22 Май 2022

22 май- Рӯзи байналмиллалии гуногунии биологӣ

  Дар даҳсолаи охир масъалаҳои нигаҳдории гуногунии биологӣ яке аз муаммоҳои глобали замони муосир маҳсуб меёбад, ки на танҳо олимон, балки тамоми ҷомеаи ҷаҳониро ба ташвиш овардааст. Вазъи имрӯзаи нигаҳдории гуногунии биологиро ба этибор гирифта 22 майи соли 1992 дар конфронси СММ доир ба ҳифзи зист ва рушд, ки дар Рио-де –Жанейро баргузор шуда буд, Конвенсия доир ба гуногунии биологӣ қабул карда шуд. Ҷумҳурии Тоҷикистон ҳамчун аъзои соҳибҳуқуқи ҷомеаи ҷаҳонӣ онро соли 1997 тасдиқ намуда  ӯҳдадории худро дар доираи Конвенсия  қабул кард. Дар байни гуногунии биологии Ҷумҳурии Тоҷикистон, олами наботот ва ҳайвоноти вилояти Суғд бо рангорангӣ ва хусусиятҳои хоси худ фарқ мекунад, зеро дар ин ҷо дар масоҳати начандон калон тақрибан 2500 намуди растаниҳои рагдор, ки намояндагони 99 оила ва 698 ҷинси растаниҳо маҳсубанд, дида мешавад. Дар байни онҳо намудҳои нодир ва эндемӣ хеле зиёданд. Наздик 320 намуди растаниҳои гулдор (13% миқдори умумии наботот) танҳо дар вилояти Суғд ба назар мерасанд ва мавзеи паҳншавии онҳо аз ҳудуди вилоят намебароянд. Зиёда аз ин, дар вилояти Суғд олами гуногуни ҳайвонот макон гирифтааст, ки дар байни онҳо намудҳои нодир ва камёб ба монанди моҳии белбинии Сирдарё аз қабили моҳиҳо, геккончаи зиреҳпӯш ва калтакалоси алои фарғонагӣ аз синфи хазандаҳо, лаклаки сафед ва тазарви Сирдарёӣ аз синфи паррандаҳо, шомгардаки зардранг ва суғури Мензбир аз синфи ширхӯрон ва ғайраҳо сукунат доранд, ки аз гуногунрангии боигарии вилоятамон шаҳодат медиҳад.

Читать далее

17 Май 2022

Мизи мудаввар дар доираи амалисозии Барномаи давлатии соҳавӣ дар шаҳри Истиқлол

  Дар толори муассисаи таълимии миёнаи умумии №1 шаҳри Истиқлол баҳри татбиқи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025» ва дар доираи амалисозии Лоиҳаи «Ҷалби ҷонибҳои манфиатдор дар ҳалли мушкилот оид ба партовҳои уран дар Осиёи Марказӣ, Марҳилаи II» мизи мудаввар баргузор гардид. Чорабинии мазкур барои минбаъд таъсиси гурӯҳи корӣ ҷиҳати таъмини ҳамкориҳо ва ҳамоҳангсозии корҳои барқарорсозӣ дар шаҳри Истиқлол бахшида шуда, дар рафти кори он тибқи даъват намояндагони асосан соҳаи маориф, аз он ҷумла шуъба ва дирек-торони мактаб, омўзгорони фанни экология, биология, забони давлатӣ ва хоҷагии манзилию коммуналии вобаста ба таъминоти шаҳрвандон бо оби нӯшокӣ иштирок намуданд.  Мувофиқи барномаи мизи мудаввар ба иштирокдорон аз ҷониби намояндаи Сарраёсати ҳифзи муҳити зист дар вилоят, Ташкилоти ҷамъиятии «Гурӯҳи ҷавонон оид ба ҳифзи муҳити атроф»/Маркази Орхус дар шаҳри Хуҷанд ва сармуҳаррири рўзномаи вилоятии «Согдийская правда» дар бораи «Барномаи давлатии маҷмӯии рушди тарбия ва маърифати экологии аҳолии Ҷумҳурии Тоҷикистон барои солҳои 2021-2025», фаъолияти Маркази Орхус ва барномаи «Патрули сабз», ҳамчунин дар мавзӯи «Истиқлол: дирўз, имрўз ва фардо – муаммоҳо ва роҳҳои ҳалли онҳо аз ҷиҳати экологӣ» баромаду призентатсияҳо пешкаш гардид.

Читать далее

Скачано с веб-сайта JooMix.org.